坤記竹昇麵 (Closed)

今日又約左幾個朋友再去試吓米芝蓮推介既食肆 坤記竹昇麵 ! 出名推介既係 "竹昇麵" 。其實我之前都已經食過啦..但都無試過寫食評..今次試吓寫先。今次我地 RDER 左個 水餃豬潤撈麵 、雲吞撈麵、鹵肉煲仔飯、炸醬撈麵、口水雞飯餐、海南雞飯餐、 老乾媽蘿蔔牛肋條、最後係蘿蔔蝴蝶腩。真係唔錯 ! 坤記既竹昇麵真係好爽口! 又彈牙 ! 出奇地居然無梘水味喎! 正! 湯底亦好鮮甜呢 :) 。佢既豬潤都有4-5片加3大粒水餃 仲有鋪上好多蝦子呢... 至於雲吞都好大粒呀...有5大粒添!又足料,蝦又鮮, 好爽口呀..!鹵肉煲仔飯D鹵肉唔好睇佢好似好淺色...其實好夠味喎..厚度又夠..唔薄又唔太厚, 咁先有咬口! 但記得食之前淋上豉油再合上蓋焗一陣, 仲有佢亦做到有飯焦..少少既飯焦香好吸引。撈麵果D炸醬唔似出面麵鋪果D只整到杰達達只得獻汁無乜肉...坤記既炸醬都OK , 都有好多肉絲呀 ,估佢唔到 但係個口水雞就唔辣囉., 可能我食得辣啦..哈哈 居然比雞脾啊 !! 但如果斬細件少少可能會好D :) 但肉質係滑既 ,配個白飯係香軟既。海南雞一樣啦..肉質係嫰滑既..但意外地佢居然係配黃薑飯啊 ! 有淡淡既黃薑同香茅味 但又唔會太油喎..哩個幾特別 而哩個飯配有三味醬汁.有傳統既薑蓉、酸汁同埋甜味既醬油。我無試過薑蓉,因為應該同出面無乜分別..所以我試左個酸汁.幾好味,最特別個甜味醬油..唔知係咪同D雞好夾呢...我覺得沾左哩隻醬油好味過沾其他醬汁大家知唔知咩叫老乾媽? 其實係一種辣椒醬料 , 蘿蔔好甜,無渣 , 牛肋條炆得好林呀 ! 哩個餸辣度適中啦。最後果個蝴蝶腩係店中新出品 , 聽果度老闆介紹原來蝴蝶腩係豬既一部份 , 一隻豬只得一小舊蝴蝶腩喎...但真係好好味...食落仲好香好林..初時以為食緊牛腩添...哈哈可能哩幾味都好岩我同我D朋友口味啦...我覺得真係幾好食喎。今次總括而言食得好滿足…Read More

偶然經過見有米芝蓮介紹，心想應該沒介紹錯，但見下午一時許，店內人小，不用等位，心都打個突，點知一試！唉！首先侍應差不懂招乎，落單又慢，最差是送上重復飲品，叫個鳯爪排骨飯，更差，水汪汪，肉飯都難入口，叫咗個咖啡走糖，點知來的是有糖，再換是一杯無奶無糖純咖啡，服咗佢，最頂㽼是叫咗個招牌＂肉絲蝦子炒竹昇麵，等咗20分鐘後未到，一問之下才知侍應忘記入單，火都嚟埋！…Read More

叫左個蒜香拼雞翼，低低能能送錯左個老水雞翼，唉!又凍又唔入味!前菜是青瓜，雖然係涼菜，但係真係冰條咁，😖😖😖😖，仲乜味都冇!雲呑撈面老肉，老肉好硬，真的太老了，雲吞，不提也吧，千其吾好點!唯有麵可以有80分，其他冇一樣合格！個個都鬼咁有個性!!!!…Read More

身為米之連的這間鋪，但奇怪每一次去都係唔滿架，所以唔需要等位。這間是出名食雲吞麵的，但最近連煲仔飯都撈埋，當然要試下d飯達唔達到米之連水準啦。。。。一睇menu , 好多選擇喎，基本上講得出都有，例如咖喱牛腩煲仔飯，田雞併滑雞煲仔飯等等。第一次食都係簡d穩陣d好，最後我簡左臘腸滑雞飯 + 生菜 + 凍寧茶。等左15-20分鐘，飯到了，奇怪點解個侍應唔幫我拎開個煲蓋，又無布俾我拎開個蓋，唔通我似超人唔怕熱。。。。。唯有硬住頭皮用指頭試下蓋既溫度啦，一試就知中伏，個蓋係凍架。。。。。倒埋d豉油落去，撈下佢。。。。咦，d飯濕既，算啦，唯有照食，成個飯就好似臘腸滑雞蒸飯，完全無煲仔飯既感覺。菜=普通烚菜，但$8得4塊，貴左d。凍寧茶反而令我喜出望外，好有茶味，而且茶味好香，又唔澀，值得一讚。…Read More

上星期六和朋友去藍地豫豐花園探完朋友,正在傷腦筋吃甚麼的時候, 想起入豫豐花園的時候, 曾經見到有Banner寫有米芝蓮推介的"坤記竹昇麵" 心想有米芝蓮推介應該不會差到那裡, 坐後, 環顧掛在四周推介後, 便叫了蝦子蠔油撈麵和食客熱捧之”南乳猪手”。等了約8至10分鐘後, 食物上枱了, 撈麵份量適中, 蝦子亦很多，舖滿了整個撈麵, 麵質爽口亦很彈牙, 口感和一般麵店的麵有所不同, 而最重要是沒有梘水味, 這點很重要的, 坤記竹昇麵做到了, 值得一讚, 另外食客熱捧之”南乳猪手”, 淋得來又爽口, 難怪得到食客的熱捧了. 總的來說, 今次所點的食物都很不錯, 下次有機會一定要試試其他食物了.而店員的招呼不錯亦都很友善。:)…Read More