Singapore Island

二訪灣仔「坡椰坡囉咪」，依間餐廳果然係區內人氣小店吖，去到晚上8點，依然座無虛席，需要排一陣間隊，不過店員好快已經安排到入座，另外，店員好有禮貌，服務好好，因為已經過了餐廳關門時間，但我仍然未食完所有食品，所以店員細心地免費提供了一些外賣包裝俾我，仲親自幫我入好食品、飲品，非常窩心。馬來肉骨茶套餐配椰漿飯及油條（單點$78），黑湯肉骨茶飲落藥材味道濃郁，但不苦，因為加入了桂圓、杞子去熬煮，所以飲落帶點甘甜；一字排肉質軟腍，食落好入味，配以辣椒黑醬油食用，味道正宗；冬菇食落好Juicy，配菜包括有生菜、油條；椰漿飯，口感軟硬適中，椰漿味道淡香。福建蝦湯麵摻摻（單點$75），海蝦好大隻，肉質彈牙，味道鮮甜；豬油渣食落油脂味濃，摻摻採用米粉、油麵製作，口感好豐富；略嫌湯頭味道較淡，但勝在飲落有鮮味，配料包括有烚蛋、生菜。馬拉盞炒菜（單點$62），表面鋪滿炸蒜、蒜蓉、辣椒，通菜口感爽嫩，食落好惹味。蒜香雞翼（單點$60），即叫即炸，雞翼肉味濃香，雖然在整碟雞翼裏看不到太多蒜蓉，但因為在醃雞翼時加入了大量蒜蓉醃製，所以蒜香味重，食落好香口。凍爆泡拉茶（跟餐$15），手拉拉茶，泡沫口感細密，淡奶比例多，飲落口感幼滑，茶味濃香。凍椰奶咖啡（跟餐$9），採用椰奶、椰子糖漿製作，味道清甜。…Read More

在灣仔，推開「坡椰坡囉咪」的門，一陣南洋香料氣息撲面而來。這次的目標，直指——「檳城椰漿飯配豬頸肉」。香氣四溢的椰漿飯一道成功的椰漿飯，飯是絕對的靈魂。這裡的米飯烹煮得恰到好處，粒粒分明、飽滿透亮。最令人傾心的是那自然而溫潤的椰奶香氣，它均勻地包裹著每一顆飯粒，入口香滑，卻毫不甜膩或濕爛。這份純粹的基底風味，已顯出廚房的功力。焦香嫩滑的豬頸肉主角之一的豬頸肉，表現同樣出色。肉質處理得極其嫩滑，帶有恰到好處的彈牙感。表面烤出誘人的焦香，味道鮮美入味，鹹香中透出淡淡的甜味。這股濃郁的香氣與溫潤的椰漿飯形成完美對比，可謂天作之合。當油脂滲入飯中，那種豐腴的滿足感，確實令人無法抗拒。椰漿飯的溫和清甜，恰好中和了豬頸肉的濃郁，而豬頸肉的鹹香又提升了整個飯品的層次。搭配江魚仔、花生和青瓜，地道風味瞬間拉滿。「坡椰坡囉咪」的這碗椰漿飯，做到了風味地道、用料實在。它用直接而真誠嘅態度，無需複雜的辭藻，就是最有力的推薦。地點：坡椰坡囉咪 (灣仔)…Read More

今晚踏進灣仔「玻椰玻囉咪」，瞬間被濃郁的南洋香氣包圍！首推厚切雞扒星加坡咖喱飯——雞扒外皮煎得焦香，肉質厚實juicy，蘸上濃稠辛香的星洲咖喱，椰奶與香料平衡得恰到好處，辣中帶甜，扒飯一流！馬來肉骨茶套餐更是驚艷：湯頭藥材味醇厚而不苦澀，肋排軟爛一咬脫骨，配上油條吸飽湯汁，暖胃又滋補。搭配的香飯粒粒分明，滷蛋入味，完美重現吉隆坡街頭風味！飲品同樣出色：美祿恐龍鋪滿可可粉，冰甜濃郁瞬間解辣；熱馬來拉茶茶香奶滑，香料餘韻悠長，彷彿置身檳城茶室。店家堅持傳統配方，咖喱現炒、肉骨茶每日慢燉，誠意滿分。價格親民且份量十足，南洋粉絲必衝！這間隱藏灣仔的寶藏小店，絕對值得為它專程過海！…Read More

▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼跟住朋友去灣仔覓食，佢極力推薦呢間位於天樂里嘅「坡椰坡囉咪」💥套餐價錢實惠，而且免收加一，難怪成為區內人氣小店之一✅鍾意星馬菜嘅朋友一定要嚟試吓佢哋嘅招牌菜——焗農夫咖喱包同馬來肉骨茶😋🔸海南雞飯套餐（$75）▪️奉送例湯海南雞皮滑肉嫩，配上開胃嘅三款醬料 (薑蓉、黑醬油、辣椒醬)伴食，盡顯星馬風味🇸🇬🇲🇾油飯粒粒分明，食落甘香而不膩，令人回味無窮💫🔸芝士焗咖喱飯套餐（$80）▪️香茅雞扒、黃咖哩▪️奉送例湯份量十足👍🏻金黃拉絲芝士鋪滿雞扒同飯粒，伴以香濃咖喱，一次過滿足飽肚感及味道層次💁🏻‍♀️🔸追加甜品（$18/2件）▪️斑蘭千層糕、芒果西米千層糕兩款甜品色彩鮮艷💚前者清香軟糯，後者香甜吸引，淋上椰汁，再配搭紅豆，更添滋味🆙🔸沙嗲串燒（$88/半打）▪️豬肉、雞肉串燒選用新鮮豬肉同雞肉，表面燒得焦香可口，內裏則保持嫩滑口感💋再以經典沙嗲醬調味，惹味非常👏🏻🔹熱檸檬柚子蜜（$6）飲品混合咗檸檬嘅酸香同柚子嘅甘甜，味道清新，解渴一流☕️🔹熱美祿恐龍（$12）美祿恐龍賣相吸睛，表層有厚厚嘅美祿粉，朱古力味非常濃郁，甜蜜感滿溢😽▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲…Read More

網上平台見到呢間餐廳個名好抵死，賣相唔錯，就同同事叫lunch黎試下～娘惹喇沙+厚切豬扒+凍檸茶 $72。豬扒係切埋，可惜呢塊太肥...。娘惹喇沙湯底係另上，好足料，包裝得好好，有豆卜、芽菜、魚片同半隻蛋～。麵底亂選了摻摻，原來係油麵加米粉，份量好多，食唔晒～娘惹喇沙+豬頸肉+凍齋啡檸茶 $72 。豬頸肉好好味，非常香。凍飲嘅size就比想像中細咗啲，如果可以大返杯少少就好啦，畢竟喇沙湯底太濃味。以後有機會會再試其他嘢食。…Read More

路過已經比佢既名吸引左 坡椰坡囉咪 好似施法術咁 好有創意呀😆終於有機會黎試試餐廳係灣仔地段 晚市套餐都只係75蚊起餐廳環境寬敞光猛又企理仲有d小佈置 感覺多添一份小清新海南雞飯套餐 $75加8蚊就可以轉雞脾 正呀🤤 雞肉嫩滑肥美 雞皮爽滑 雞肉摻雜肉汁又嫩滑 配埋 薑蓉 辣醬 甜醬油 正宗色香味爆燈💡肉骨茶套餐 $75湯底好濃郁，濃香既藥材味，有肉骨 杞子 桂圓 冬菇肉骨質地口感相當爽滑 完全唔似煲湯肉咁乾爭爭同我曾經係星馬食過正宗既肉骨茶不相伯仲 感覺到個湯底係心機之作 一啖湯 一啖肉 一啖飯 仲有油炸鬼 食到唔同既口感 真係好好味🥣爆泡拉茶 $15真係爆泡嘔泡mode 好搞笑 好搶眼 好打卡able🥰 而且好濃茶味同奶香味 椰汁沙冰 $20 果味沙冰飲得多 椰子味道比較特別好椰好香又消暑滋潤既沙冰🍧斑蘭千層糕 + 芒果西米千層糕 $18斑蘭好香甜係我至愛 芒果西米口感更豐富一點但唔係普遍千層糕咁一層層好分明呢個係比較黏稠帶點煙韌口感 我覺得有homemade既感覺甜品口感人人喜好唔同 加埋椰醬同紅豆我就覺得真係好唔錯 搞笑既小插曲 有個哥哥仔入到黎問老板乜野好食老板未回應之際 哥哥仔話 唔好同我講乜都好食 🤣之後裝到佢地點左蝦麵 同 咖哩包 下次一定要試埋佢😍老板店員都好好人架 即管問下佢地有乜推介啦💯…Read More

放左工週圍貢，咁啱見到有間餐廳個名好搞笑-坡椰坡囉咪，讀咗兩次先讀得啱😂最後話不如試下😂咁就去試吓啦！✨福建蝦湯麵首先個面一度嘅時候已經有勁多新鮮嘅蝦，隻隻都好大隻，啖啖肉勁新鮮！麵條口感順滑，每一條麵都吸附湯汁！而湯底蝦味濃郁，有海鮮嘅甜味，我個人係比較鍾意呢個湯麵，誠意滿滿！✨海南雞海南雞肉鮮嫩，搭配香滑的雞油飯，配上特製醬油✨小食拼盤有炸芝士條，咖喱角，蝦餅各3件店員有俾酸辣汁我地，但係我哋都冇乜點用三款就咁食都好好食，芝士條嘅內餡有滿滿嘅芝士，食完完都唔會覺得漏！✨美祿恐龍當時響Menu度見到呢杯杯美祿恐龍，已經話要點呢一杯，就咁睇真係好邪惡，上面加左好多美祿粉，勾起我童年嘅回憶🫣…Read More

收工唔知食咩好，係灣仔見到呢間價錢合宜星馬菜👍🏻肉骨茶、海南雞、喇沙 每款都好吸引🥰最後見到有咖哩焗飯，仲可以揀厚切豬扒加$18 仲有甜品添!😍😍芝士焗咖哩飯套餐 - 新加坡椰香咖哩 + 厚切豬扒熱辣辣上檯，芝士勁拉絲超正咖哩好香有少少辣🫶🏻豬扒真係好厚身，同埋切好一件件方便食😚椰汁沙冰甜度適中，岩晒夏天消暑🥶甜品 - 班蘭千層糕、芒果西米千層糕有跟紅豆同椰漿將椰漿淋上千層糕會更好味😉2件糕點都好食，但班蘭香味會更突出🤭食到好飽~~呢間無論係lunch或dinner都係一個好選擇!🤤…Read More

位於灣仔嘅馳名星馬菜-坡椰坡囉咪🟠⚪️主打邪惡世一鹹蛋黃醬豬扒包🥖仲有坡椰坡囉咪海鮮喇沙🍜主廚經驗豐富,鍾意研究新菜式😛焗咖喱包-牛脷咖喱可以揀新加坡椰香咖喱或者小印度蕃茄咖喱,我揀咗椰香味濃嘅新加坡咖喱🍛以多種香料熬煮,非常惹味🔥大大個麵包外脆內鬆軟🍞配料可以選擇豬扒、雞扒、牛脷、牛腩🐷🐮🐔我揀咗牛脷👅厚切啖啖肉😚海南雞飯肉質嫩滑嘅海南雞🐔套餐會配埋時令蔬菜、例湯同飲品🥬🍚三色醬有惹味辣椒醬、黑豉油、自家製薑蓉,海南雞點埋一齊食更滋味,送飯一流🍚爐燒豬頸肉非常juicy嘅豬頸肉🐷爐燒後外脆內嫩,香口惹味😛拉茶好澎湃嘅拉茶瀑布🫖泡沫滿到瀉🤩茶香奶香兼備,又香又滑🥰美祿恐龍味道濃郁香甜嘅美祿恐,面頭再鋪滿美祿粉🤩每一口都係麥芽朱古力滋味🍫…Read More

週日晚上想換換口味，來一趟新加坡的街頭美食餐廳主打正宗星馬菜，致力帶來地道的南洋風味環境明亮簡約溫馨，灰色座椅搭配白色大理石桌牆上掛著熱帶植物和手繪插畫，彷彿置身新加坡小食肆海南雞飯套餐雞肉白嫩，皮下帶啫喱質感，雞味濃郁福建蝦湯麵摻摻湯頭濃郁，米粉和油麵混搭軟滑又彈牙黃咖喱牛腩色澤金黃，燉得軟腍入味，椰香濃厚飲品美祿恐龍以棉花糖點綴，甜香濃郁，入口絲滑椰青清新自然，椰汁甘甜解渴又清爽，熱帶風情盡顯…Read More

🍜晚餐Set⬇️：✨喇沙豬扒油麵油麵有彈性，唔算好掛湯汁～喇沙主要味道係椰奶味，唔辣 冇咩香料味🌶️；而豬扒係分開上，所以食得出佢嘅外層好香脆，口感上好有肉感 好扎實的🐷.✨黑豉油撈丁 配：豬頸肉出前一丁麵條係同黑豉油幾融合，食落唔係好鹹/濃味，被芽菜搶咗啲味🤣；呢間豬頸肉嘅質地好軟身，唔算好肥👍🏻🐷.✨+$18 甜品 - 斑蘭糕➕芒果西米千層糕斑蘭糕好重斑蘭椰子香，整體甜甜地 口感柔軟🥥💚；芒果西米千層糕唔太甜，有浸芒果果香🥭.✨凍椰汁沙冰係淡淡嘅椰香，飲落就係沙沙嘅口感🥥.✨凍椰奶咖啡我冇走甜覺得味道啱啱好，中和到咖啡嘅苦味🤎…Read More

前幾日經過灣仔，見到呢一間坡椰坡囉咪，主打係食星馬菜，價錢都好親民，所以就入咗去試吓，坐低叫咗幾樣嘢食，點知樣樣都好食又抵食，真係一試難忘！🥰👉招牌豬扒包配鹹蛋黃醬豬朳相當大份，下午茶時間都咁大份又好食，性價比好高！豬扒配上鹹蛋黃醬香濃可口，加上脆卜卜麵包口感豐富😌👉 黑豉油撈岀前一丁配雞扒呢個真係好好食！嗰碗麵入面嘅黑豉油濃郁，麵條吸晒醬汁，口感滑順！雞扒外脆內嫩，肉質鮮美，配合豉油嘅香氣，真係一絕！👉 檳城椰漿飯配豬頸肉椰漿飯香氣四溢，米飯粒粒分明，夠香滑。而豬頸肉肉質嫩滑，味道鮮美，與椰漿飯相輔相成，簡直係無法抗拒嘅美味！整體而言，呢度嘅餐點真係唔可以錯過！👉芒果沙冰芒果味好天然，唔會假甜，啲冰打得好細滑，飲落去好清爽，解膩一流！👉美祿恐龍面層大量美祿粉，再加棉花糖，份量十足，香甜濃郁，美祿愛好者必飲。總括嚟講，呢間餐廳性價比極高，食物有質素，尤其係個招牌豬扒包，一定會再返嚟食！服務都唔錯，上菜快，環境乾淨！🥰…Read More

又發掘到間香濃馬來肉骨茶，餐廳晚市套餐包飯同飲品都只係$75，就算單點2-3人份量大概都有3碗湯，入口有濃稠當歸味，裡面除肉排，仲有杞子、冬菇，另配一薑醋辣醬沾肉另嗌招牌之一嘅牛肋骨，大約有3舊肉、2蘿白每舊牛肋痴滿肥膏，入口充滿油香，醬汁亦唔會太鹹套餐補錢仲可以轉特飲同加配甜品，樓面好好，仲話可以每款甜品各一兩款糕點口感偏淋，唔係煙韌嗰種，後韻會滲椰奶味，班蘭糕會再突出啲，而且唔似坊間一層層，幾特別…Read More

去灣仔做嘢見到呢一間坡椰坡囉咪，主打係食星馬菜，價錢都好親民，晚市大部分套餐都係$75，我哋就揀咗海南雞同埋肉骨茶套餐。海南雞飯套餐$75海南雞都大份，加左$8要雞髀，肉質非常嫩滑，油飯夠香唔肥膩，仲粒粒分明。醬汁跟規矩附上三款，有黑醬油、薑蓉同辣椒醬，鍾意食辣既我點理辣椒醬一齊食，酸爽微辣食多兩啖飯，套餐包一碟油菜同埋例湯，好有住家飯嘅感覺。馬來西亞肉骨茶套餐$75肉骨茶湯底好濃郁，陣陣藥材味，湯裏面仲有杞子同埋龍眼肉等，排骨份量都算多，煲到骨肉分離易入口，我最鍾意就係湯撈飯，一碗飯真係唔夠喉。美祿恐龍+$15面層大量美祿粉 ，再加棉花糖，份量十足，香甜濃郁，美祿愛好者必飲。爆泡拉茶+$15呢個一上枱已經好適合打卡，奶茶拉到勁爆多泡滿瀉哂，飲落都幾滑，都幾似星馬嘅味道。春卷$50春卷皮都幾薄身香脆，入面係蔬菜餡，食落個嘅感覺冇咁滯，不錯。…Read More

放假獨樂樂走左出去港島 搭電車好舒服～環境闊落 感覺似街坊小店 店員親民餐廳主打星馬料理 有惹味喇沙 咖喱農夫包最有驚喜係杯拉茶 爆泡出嚟又好飲🤣｜海南雞飯套餐 ($69)套餐食物好豐富 好似食緊住家飯好warm🏠海南雞份量多幾嫩滑 有雞髀同雞翼部位 唔係普通白飯 有淡淡雞油味道(/ω＼)食咁多肉 有碟生菜中和下好健康😁｜拉茶 ($15)造型吸引 好似啤酒超大杯😜泡沫唔捨得飲!!!拉茶口感順滑 茶香味道香醇 想encore🔥…Read More