Date Day Tao

吃了數次，連侍應姐姐也認得我們幾個，可能每趟我們坐得耐，皆因餐廳六時半落閘下班，而我們公餘課是七時半開始，差不多每次是最後結帳，坐位寬闊故坐耐了。之前經常吃炸雞脾配新鮮蔬菜沙律，的確抵吃，但這次轉了口味。涼拌酸辣烏冬拼炸雞髀 $38炸雞脾是這店水準之作，外皮香脆，肉腍有汁有味， 酸辣汁在底部，撈混烏冬吃，酸酸少辣，夾青瓜及香菜，芽菜，味道也可以。XO醬乾炒三鮮烏冬 $34雖是冷藏海鮮，勝在用料多，配料也多，XO 醬微辣野味，端上枱陣陣香味，烏冬夠味，惟油略多。印尼香茅豬扒米粉 $27豬扒腍，花生沙爹醬汁美味，米粉正常，湯底少鹹少味精。奶醬多士(跟餐)加$6厚身多士，奶與花生醬充裕，六元感覺便宜。熱奶茶，咖啡，檸水正常。…Read More

早餐叫親地地道都好迅速送到上黎公司，所以公司個個都差唔多會叫佢，快靚正，我多數就叫早餐A煎蛋飽魚火腿通，我個人就會要求轉腸蛋通，餐包轉牛油方包通粉唔會太淋夠哂爽口，火腿同飽魚絲份量都算多架！有時早餐午餐都會外賣呢間食！…Read More

今個禮拜兩餐午餐都在地地道， 因為這間茶餐廳比較多選擇，牛柳絲炒公仔麵$34， 廈門炒米$34，椰香咖哩鴛鴦扒飯$34，金菇瑤柱肉絲炆米$34，都只需要三十幾蚊還有一杯飲品，真是超值！ 這裏的啡走也很好飲。 其實之前都有寫地地道的食評， 今次因為食了牛柳絲炒公仔麵覺得太好味， 所以一定要同大家分享一下！ 炒公仔麵的質地炒得好乾身，牛柳絲和青椒又配合得很惹味。 但今日下午吃的金菇瑤柱肉絲炆米竟然失手， 味道偏淡。 但這一間平民的茶餐廳， 真是觀塘區比較抵吃的地方。…Read More

成日出入觀塘，地地道都係我其中一間飯堂， 這裏的午餐和下午茶都好抵食， 以茶餐廳嚟講座位都坐得幾舒服， 起碼唔會逼逼夾夾！ 今次點了一個香草鮮茄焗魚扒飯$37， 咖哩牛腩飯$34，啡走和茶走。 三十幾蚊就有一個下午茶真係一個親民價錢， 食物嘅味道都唔差㗎， 每一次嚟到叫唔同嘅嘢食都唔錯。 當然這個價錢就千祈唔好要求太高， 仲有這裏的店員每一位都幾有禮貌。香草鮮茄焗魚扒飯～ 魚扒有兩大塊， 香草蕃茄醬味道剛剛好不算太酸。咖哩牛腩飯 ～ 牛腩好淋， 咖哩汁用嚟送飯一流！:)…Read More

慢。係。死。罪返工前，見有時間，因為地地道在公司樓下，咪入去叫份歺旦治囉，係~無錯只係歺旦治，最簡單的歺旦治，唔係D 乜嘢特別野，等左10分鐘都未出到，已等到返工遲到，無食只係飲左果杯飲品，LaLa声比左$就走左啦，仲要5係一次半次，而係兩次，邊度夠膽去第3次吖，以後死都5幫襯呢間野。…Read More

與家人到這餐廳用餐。點了兩個餐,蒸排骨及焗飯,餐附有飲品,如12:30前離坐,還可以每個餐平$4,抵。梅子蒸排骨飯:味道比預期好,排骨新鮮有驚喜。不過份量一般,較大食量的朋友,應該不夠飽呢!蛋黃汁芝士焗飯: 好味道,但芝士味不多,而且汁多一點會更好。同樣份量都不算大份。飲品ok,有茶味,不過我好茶味濃,所以我覺得茶味可以再濃一點。要求少冰,但冰都依然不少呢！驚喜的是...這裡有免費充電啊！讚! 整體而言,好味抵食,會再去! 不過我同家人較大食,所以食完+飲品,只是剛剛好。如果份量大一點會更滿足呢！充電還有3款線提供呢！…Read More

觀塘午飯，呢間都算數一數二叫抵。呢碗其貌不揚的，其實係清湯牛腩湯飯。牛腩都有五六舊，夠腍夠入味；蘿蔔都唔算少，而且大大塊。湯底都有味，唔會太咸但肯定有味精。整體都滿意，唯獨個飯底好 hea 。成舊冷飯放入去咁 😩，同埋賣相好頹囉⋯⋯午餐包熱飲，杯咖啡都唔錯。環境其實算係咁，夠闊落，有卡位有電視夠冷氣。算衛生啦，枱面、地下同餐具唔會癡笠笠，食左咁多次都冇肚痛。有時候唔太肚餓，或者想頹食快餐，甚至銀包窄窄地，都好適合來呢到。午餐平均$40 咋 ～12:30 前埋單 -4 蚊 ； 1:00 前就- $2 ，即係$36 有餐飽飯食，糧尾福音，相信拯救咗唔少打工仔；唔 like 對唔住自己。…Read More

每個星期總會來這裡一兩㳄吃頹飯，有時候諗唔到食咩也會來。尢其是糧尾，呢度更是首選。貪佢抵食！每日兩點後，都有三款特價飯餐連飲品都係收三十蚊，凍飲加兩蚊，食飯時間都常常爆滿架。食物質素一般，來來去去都是雞扖、豬扖、排骨⋯⋯其實佢餐牌仲有好多選擇，我試過叫墨丸可粉，冇下次😰要儲夠勇氣先再試其他喔！…Read More

經常都會嚟到地地道食午餐， 佢有各式各樣嘅炒粉麵飯， 試過好多次都覺得唔錯，今日想寫下對佢哋嘅感覺。 之前食過咁多次佢哋嘅炒粉麵飯 ， 例如乾炒牛河，星洲炒米，魚香茄子炆米， 我都覺得佢哋做得唔錯！今日叫咗兩個下午茶餐， 一個係葡汁雞扒腸仔飯， 另一個係泰式酸汁豬頸肉撈飯， 再加一杯凍咖啡同埋熱奶茶。葡汁雞扒腸仔飯夠大碟， 大大塊雞扒拼兩條雞肉腸， 雞扒肉質外脆內軟， 兩條腸仔都有煎過嘅，有heart! 葡汁味調教得啱啱好，用嚟送飯一流！泰式酸辣豬頸肉撈飯，豬頸肉唔乾身，點酸辣醬好惹味再配酸菜，完全係最佳嘅配搭！ 店鋪方面佢哋之前裝修過環境都有改善，比起以前已經坐得舒服好多， 加上佢哋嘅員工多數都親切友善， 抵讚！ …Read More

未食過觀塘區咁伏嘅茶餐廳，叫左碟客家梅菜蒸茄子，同事食左蒸魚。梅菜有沙，魚唔新鮮，豉油啖（溝左水啦），連杯水都難飲（有陣怪味），咖啡奶茶自然沖出來怪怪地。千萬不要去。…Read More

早餐一個星期都叫佢3-4次，早餐雙蛋既可以轉腸蛋或者餐蛋都得，個包又可以轉牛油方包，都算係好好，其他既都懶得同你轉，外賣好快送到，好少遲，早餐算係平靚正，通粉米粉都好好，麵就麻麻地。…Read More

今日開會開到過晒時間，好肚餓但係攰到唔知食咩好，雖然觀塘嘅下午茶有好多選擇但係我決定都係近近地就食呢間。茶餐廳黎講佢唔算係太光鮮但係都算企理，有時入黎食玩 hea 住打返兩舖機都唔錯。姊姊就正常 service 啦唔會黑面嘅。。。天氣太熱我望咗 menu 好耐，決定食個酸酸甜甜嘅煎蛋免治牛肉飯，係開胃嘅。個人好鍾意嗰啲個邊煎到好似炸炸地，而個黃又唔會太生唔會太熟嘅流心蛋。肉醬唔太酸，我覺得佢個肉醬應該係牛、豬肉碎 Mix 所以食落幾滑。結果十分鐘唔夠食晒。坐咗一陣嘆埋杯凍檸茶條氣即刻順返晒，只係略續佢多冰咗啲。💪 差完電又返公司努力過！…Read More

日日番工食晏都係幫襯呢間茶餐廳，食左都有一段長時間。呢度都幾多選擇，除左餐牌上有幾十種唔同款式之外，午餐、下午茶餐亦都分別有幾款係每日唔同。價錢方面亦算平，響同區嘅茶餐廳黎講幾抵，午餐唔貴，茶餐平之餘，份量同午餐差唔多。未夠兩點已經可以開始叫下午茶，有日嘅下午茶餐，竟然有呢款涼拌雞脾烏冬，炸雞脾不嬲係我至愛，難得雞脾炸得香口，但唔會太乾身同油，雞肉唔鞋，烏冬係用香蒜、芫茜、醋黎涼拌，食落幾好幾開胃。呢間茶餐廳真係唔錯，價錢平，選擇多，食物味道可以，希望可以一直保持到水準，會繼續幫襯。…Read More

食左大約一年地地道，覺得佢地D下午茶愈做愈好！依間開早市同午市，岩附近返工人士食下午茶有好多選擇，價錢方面廿幾至三十幾蚊，食物配塔愈來愈多款式下午茶佢地1點50分先入機放lunch就去左地地道叫左個下午茶 - 咕嚕蝦球飯蝦球幾彈牙，唔會太lone，汁又唔會太酸，幾好味飯嘅份量下午茶黎講都算多自己就中意low埋一齊食，唔錯架叫埋杯熱檸檬茶唔使加錢埋單28蚊喳~會繼續支持佢地！…Read More

It is not a easy thing to think what should I eat for breakfast. Today, I went to Date Day Tao for noodles.Set C seems good, which have duck meat in it!There is a mini Hong Kong Style pineapple bread includes in the set. It is coldand hard, I need to put into microwave to make it softer.Ordered hot chocolate, but it is too light which I can’t feel there is any chocolate taste….how can it’s called chocolate drink? Noodles (rice vermicelli) is good, especially the soup base and the texture of the rice vermicelli. Soup is not really clear, having strong taste. Besides noodles, there are sausage and pan-fried egg and preserved vegetable with duck meat. I found this is a big breakfast which can stand for few hours.…Read More