Wai Wai Wai (Tsuen Wan Plaza) (Closed)

泰國菜係荃灣黎講質素幾好，第一次係圍威喂食lunch,人均為70-100左右，午餐客流吾多，不過等餐時間長。豬手飯有餐飲配送(凍飲另加)，飯量多，豬手有2塊都算大件，可惜冇乜配菜睇落單調。豬手口感彈牙吾係煮到好冧既肉，如果中意冧身既豬手，可以考慮其他餐廳。…Read More

好耐冇過荃灣廣場食飯, 之前同同事好鍾意食嘅到,名同菜式名同 MAMADAY個啲好似😂都係東南亞菜~ .不過大半年前發現好似轉過廚師,冇一開始食咁好食就好耐冇過嚟~今次好掛住粿條所以就返嚟食😛.經典檳城炒粿條 $72每次嚟都叫粿條，其實有啲似乾炒牛河咁，但甜嘅汁，面嘅口感好煙韌，重有臘腸同蝦等。個蝦咬落彈牙好新鮮，但完全冇味😂好妙同都係冇一開始嚟咁好食🥲午餐重包一杯熱餐飲，可加十幾蚊飲珍珠奶茶或美碌恐龍之類~ 午市冇加一商場呢個價位都正常吧~平日12:30到不需等位~…Read More

突然好想食泰國野，男朋友搵左呢間黎試，整體都可以，一開始係比個泰tea雪糕吸引黎左🤪1. 冬蔭功單骨雞翼（10件） $68好少可有呢隻味嘅雞翼，忍唔住想試，黎到熱辣辣，好脆，就算點唔點個酸辣醬，個雞翼都好好食，好有冬陰功味！！好鍾意❤️～～～2. 圍喂威！炒金邊粉 $98食落唔係好特別，唔知點解我食到有小小燶味，但男朋友就話冇，味道普通，會想試其他野多d3.招牌泰王蟹肉炒飯 $98就算唔撈面頭嘅蟹肉同蟹籽，個飯都充滿蟹肉味，仲好有鑊氣，男朋友超級鍾意，佢食完講左句好彩叫左呢個飯🤭 4. 熱帶百香果梳打 $24呢個真中伏🥲🥲，冇咩味仲酸酸地🥲🥲🥲5.芒果椰奶沙冰 $38有啲似楊枝甘露，都可以，一開始飲覺得椰奶味略嫌唔夠，點知中途發現上面個cream有椰奶味😂，大家唔好好似我咁以為佢係忌廉😆😂，記得一開始撈埋佢6. 泰奶茶雪糕配油酥餅 $58終於到我哋嚟嘅目的～～～泰tea雪糕好出色，好神奇地夾到個酥餅，個酥餅甜甜地幾得意，如果就咁食晒啲雪糕會覺得好甜，但酥餅一齊食就唔會，不枉此行😚兩個人最後食左$422，我地好似好大食😂…Read More

唔會再去🙄等左45分鐘都未有野食…催左好多次都無回應.侍應又好似唔想理客人咁…·🥘紅咖喱慢煮牛肋骨（$188）呢個佢寫明要時間煮，我地都理解既！味道還可以.不過牛肋肉份量好少，好多都係茄子黎🫠唔建議·🦐大蝦冬蔭公湯（$98）呢個嬲左🫠大蝦？！得2隻又唔新鮮😶湯底水汪汪，無咩其他配料，想搵粒菇食下都無🫠·🥬馬拉盞時蔬通菜（$78）正常不過不失·🍃香辣豬肉生菜包（$88）生菜勁碎勁細塊仲要有啲有黃有洞洞咁…完全唔知點包肉碎🙄肉碎偏辣惹味既，但略咸·🥢炒金邊粉（$98）唔知係咪趕收工….煎蛋都無埋🫠明明見相係有架.金邊粉偏碎，唔乾身·🧄蒜蓉包（$38）偏硬.賣相一般.都係唔建議.去食pizza hut 蒜蓉包好過·📍圍威喂荃灣大壩街4-30號荃灣廣場L4樓432號鋪…Read More

見OpenRice 介紹呢間飲品幾特別，就即管試吓，一行三人約埋黎呢間食午餐，一般茶餐廳格局，叫咗一個 setlunch 配兩串雞串燒及泰式珍珠奶茶要成$124，串燒唔好食，價錢都幾貴。重有叫咗細冬陰功，柚子沙律，春卷蝦餅拼盤，圍威喂燒烤拼盤（呢碟拼盤只係得一串燒菠蘿，兩串無味既燒雞肉，一串燒牛舌，同埋兩串霉既燒蝦仔，唔好食添搵笨，加埋一收成$250😤）。另外亦都叫咗杯芭堤雅凍飲，似花奶溝糖水🤮。全部埋單成為$800。最伏今次。奉獻各位想食泰菜都係去九龍城食好過。…Read More

便當菜單上寫有小食，其實就冇...香茅豬扒便當得一殼白飯（好pure 好 true 因為一滴油或者汁都冇）一塊大過梳打餅小小嘅豬扒，嘩，咬落去冇味冇肉汁鞋過我鞋底...最後嗰兩片生菜真係經典，個樣同我喺街市買返黎然後揀去掉嗰啲一樣（好明顯係生菜包啲殘餘物資）加杯熱檸水收我差唔多$60...仲累我俾老婆hi 左4次，話好難食，真係hi auntie...你間嘢到今日都唔執粒都可以話係飲食界神話...#嬲得我吖#從來都唔寫食評#今次真係忍唔到#加隻橙以為自己喺璧屋#你間嘢過到今年我拎個花牌上嚟同你賀賀佢…Read More

今日晚餐前發現有張新鴻基優惠券將快到期，要去荃灣廣場用,便去荃灣廣場圍喂餵食晚套餐，內有半隻海南雞，來到凍冰冰，好似剛從雪櫃拿出來，傳菜員回答是冷盤上，食後感覺冇一件雞是有味道的；（菜單上沒有標明是冷盤），點醬後才有少少味在表面，但是雞入邊是冷冰硬兼且沒有味道的肉件！相比前一晚我在大家樂叫了一個無骨海南雞飯味道差幾條街，人家如果有70分這裏應該是-10分；大家樂買$57套餐有飯有嘢飲，但係呢度菜單上正價$130乜都唔包！套餐內的其他三樣食品都是一般泰國菜，味道沒有特別好食都是一般味道，只有特別貴！四個餸包兩碗飯，送兩杯蜜糖檸檬水，咁就多謝你$427 。我住葵芳好少荃灣食，唔知係咪咁係標準荃灣價！因為葵芳大把又平又靚又好食嘅嘢！ …Read More

最近都比較流行食一套飲食文化叫做生酮飲食，生酮飲食就係唔可以吸收澱粉質🍚❌，而餐廳就做咗一系列主打「生酮」嘅餐牌，將泰國嘅飲食文化與生酮飲食結合唯一🍴，餐廳除咗有「生酮」餐單之外，都有提供正常嘅泰國菜食餐單👍🏻餐廳嘅牆身都掛咗好多副80-90年代嘅香港港產電影二次創作嘅poster 如英雄本色、旺角卡門、雷洛傳等等，值得欣賞及望多一兩眼👍🏻⭐️ 生酮系列 $93⭐️ 彩椒野菜牛肉生菜捲平時食開泰式肉碎生菜包🥬，餐廳就用咗野菜牛肉代替泰式嘅辣肉碎🥩，一粒粒嘅牛肉食落去香甜味濃，配埋生菜一齊食，起健康👍🏻⭐️ 馬拉盞牛肉炒無米飯（椰菜花飯）將切碎的椰菜花粒粒用馬拉盞及牛肉粒一齊炒超級惹味，鹹香得來，仲好有鑊氣😋而且份量都唔少㗎👍🏻⭐️ 巴打檸檬茶（凍） +$3入面除咗有黃色嘅檸檬都有綠色的青檸，飲落去唔會好苦澀，味道啱啱好👍🏻⭐️ 泰式黃咖喱海鮮多士盒 $168將方形香脆的吐司🍞挖空空，然後放入黃咖喱及海鮮，就形成了這一道多士盒，一共有三款海鮮（蝦仁、魷魚、青口）配上香味濃郁帶淡淡椰香的咖喱，連埋香脆的方包一齊食。⭐️ 泰奶茶雪糕配油酥餅 $58餐廳沒有泰式奶茶雪糕，所以就用咗斑斕香味嘅雪糕，配上外脆內軟嘅油酥餅，意外地都唔錯㗎！食落去帶有淡淡的斑斕香味👍🏻…Read More

啲野食咸到死，又難食服務態度又差仲+1，野食未食曬唔問直接攞走，仲趕人走!!!分量細之又細 價錢又唔細😂😂😂😂😂環境差 餐具污漕 成世食過最差嘅野！嬲到冇野好講🤗🤗…Read More

「圍威喂」裝修用色色彩繽紛，檸檬黃、少女粉、湛藍，營造輕鬆愉悅嘅環境，盡頭係一幅霓虹燈假花葉植物牆，係餐廳打卡位！菜式主打東南亞口味，另外有素食餐單、生銅menu、優惠2人4人6人dinner set，今個月仲有新出嘅小食同甜品Menu！今次係平日下午5:30左右嚟到，仲落到下午茶/午市套餐，當係食個早晚餐，主食、小食、特色飲品、甜品直落，兩個人都唔使$300 ，價錢真係好親民！➺➺娘惹喇沙湯麵(轉金邊粉)$59食喇沙湯麵最注重嘅就梗係個湯底，呢個喇沙湯底味道較溫和，微微辣，有陣陣椰奶香，整體味道唔會太濃烈，最正係佢餸嘅份量多過粉，豆卜、蝦、魚蛋、魚片頭、糖心蛋，鋪晒喺面！➺➺木瓜奶奶果昔$36木瓜味同奶味令成杯飲品感覺好香，真材實料，好Creamy，有飽肚感！➺➺冬蔭功單骨雞翼(5件)$32冬蔭功味集中喺厚厚嘅一陣炸粉果度，外層脆嘅程度係要牙用力咬先散，同時發出咯咯聲，確係十分香口，有埋泰式辣加持更好味！➺➺經典檳城炒粿條$68好有東南亞風味，加入左唔同嘅醬料同香料將麵條炒到上晒色，除咗食得出鹹香味，仲帶住絲絲甜味！➺➺碳燒黑糖珍珠鮮奶$18（套餐半價加配）鮮奶底飲落好滑，上面有層cream面層燒過，感覺更香，珍珠彈牙綿糯！➺➺泰奶茶雪糕配油酥餅$58雪糕配油酥餅真係第一次食！雪糕冰凍、油酥餅熱熱哋，同時送入口，冰火交融，原來感覺唔錯！加上雪糕、油酥餅同珍珠係完全唔質感咁嘅食物，食落有多重口感，又幾得意！下次可以encore!10%Service Charge…Read More

呢間主打東南亞菜式嘅餐廳，店內牆身以植物為主，環境充滿熱帶感🌾🌿打開餐牌發現除咗有傳統嘅東南亞菜式之外，仲有新派嘅素食餐同生酮餐，而且都幾多款式選擇嫁☺️☺️👍🏻呢個✨黃咖喱軟殼蝦配蝦頭油豬頸肉無米，係生酮餐之一黃咖喱配搭大蝦辣辣地夠惹味👍🏻無米飯嘅份量仲非常多，由椰菜花代替成炒飯，咬落口感爽脆唔油膩☺️✨大頭蝦冬蔭公湯約2-3人份量🥰，入邊嘅大頭蝦肉質爽口之餘仲好多膏添，味道酸酸辣辣夠香濃👍🏻另外餐廳仲有專為素食者而設嘅全素冬陰功添👍🏻✨圍威喂！炒金邊粉呢間嘅金邊粉炒得乾身夠鑊氣👍🏻👍🏻而且調味剛剛好👍🏻旁邊仲配有辣椒乾、花生碎同泰式酸辣汁，可依照自己喜好加入，食之前再喺面上唧少少青檸汁，更加清新惹味🥰…Read More

以前已經食過呢間位於荃灣廣場入面一間主打東南亞菜既餐廳《圍威喂》，佢地最近推出生酮系列，岩曬對飲食有特別需求既朋友呀！就拉埋朋友過黎試下～‣ 黃咖哩軟殼蝦配蝦頭油豬頸肉炒無米飯配港式奶茶 ($98) 呢份生酮餐幾好，平時食生酮都係普通配三文魚之類，而呢到係配搭東南亞菜式，而我就揀左黃咖哩，呢個配搭幾特別！椰菜花飯份量超級多，呢個價錢分兩餐食都夠飽呀🤣‣ 沙爹雞肉串 ($38) 雞肉串燒得幾好，食落好香口，配埋沙爹汁好正😍‣ 招牌泰皇蟹肉炒飯 ($98)呢份炒飯同樣份量好大，而且炒得幾香有鑊氣😙‣ 泰奶茶雪糕配奶酥餅 ($58) 泰式奶茶雪糕反而比平時泰式奶茶冇咁甜，容易入口，配埋酥餅呢個搭配都幾特別～‣ 是諗但泰式珍珠奶茶 ($28) 珍珠奶茶甜度固定，而泰式奶茶通常係比較甜既，整體黎講係正常發揮～💭 C͟o͟n͟c͟l͟u͟s͟i͟o͟n͟餐廳地理位置都算方便，食物款式多，加埋生酮餐單，價錢合理，可以滿足唔同飲食需求既朋友～💰Total: $352 ($176/pp 已包括10%服務費)📍圍威喂｜@waiwaiwai_hk 荃灣大壩街4-30號荃灣廣場4樓432號舖 （到訪分店）荔枝角青山道495號誠信中心地下1號舖🚩更多同類餐廳 #foodstep_東南亞菜🚩更多同區餐廳 #foodstep_荃灣 #foodstep_荔枝角 📣Like & Share & Follow @ourfoodstephk_ 🙏🏻多謝你既支持，成為我努力分享既動力💪🏻…Read More

肥妹朋友仔呢排奉行生酮飲食於是同佢出街都會搵下生酮餐廳而位於荃灣廣場「圍威喂」有泰菜生酮菜式餐廳名又盞鬼，於是約朋友仔去試試店內環境顏色鮮明奪目，特別門外黃色Logo設計走型格工業風格風，更設有霓虹燈打卡牆✾ 紅咖喱慢煮牛肋條配蝦頭油豬頸肉炒無米飯 $91呢款係生酮菜式，自選主菜同無米飯紅咖喱偏辣帶濃濃香料味慢煮牛肋條入口柔軟細膩，份量都多而無米飯係椰菜花切碎當飯口感爽脆香口，蝦頭油同豬頸肉令椰菜花充滿油香，香而不膩套餐仲包飲品，揀左凍香港的奶茶，香港風味✾ 泰式生煎蠔餅 $108蠔餅金黃金黃脹卜卜，相當香脆蠔仔新鮮飽滿，配搭泰式辣醬減輕油膩感✾ 馬拉盞炒雜菜 $78上枱就聞到香噴噴馬拉盞香氣雜菜有玉米荀、西蘭花同椰菜花等等，十分豐富整體香濃惹味✾ 菠蘿椰奶沙冰 $38香甜菠蘿碰上清香濃郁椰奶，開胃清爽…Read More

荃灣泰菜選擇其實唔係好多，呢間位於荃灣廣場四樓嘅泰菜都開咗好耐，自己之前都食過，不過今次係第一次寫佢哋嘅食評🥳前菜嗌咗份泰式軟殼蟹青芒果沙律 ($98)食泰國嘢通常都鍾意食沙律，感覺冇咁油膩🥗面頭鋪左勁大隻軟殼蟹，都幾厚肉🦀招牌泰皇蟹肉炒飯 ($95)炒飯好有鑊氣，蟹肉份量都幾多，而且炒飯食落去仲有啲蟹籽增加口感，又帶蛋香🍳小食要咗份沙嗲雞肉串 ($38)雞肉肉質幾嫩，唔會乾柴，個沙嗲醬好惹味，花生味好出，加埋本身雞肉上面有少少椰汁，更加香🤤同朋友一人要咗杯百香果蘇打 ($24)❤️‍🔥熱情果嘅份量都幾多，所以飲落去幾有口感，酸酸甜甜咁幾解膩🤍 最後嘅甜品泰奶茶雪糕配油酥餅 ($58) 雪糕夠滑，泰奶味幾出🍦黑糖珍珠微暖幾軟糯，而且甜度適中🧋雪糕同油酥餅冰火交融，估唔到幾夾🤣呢到環境都幾舒服好坐，裝修光猛，荃灣街坊想轉下口味食泰菜都可以一戰😛…Read More

為了修身減肥，其實 BeautySearch 也試過不少方法，但饞嘴又懶惰的我，長達三年的疫情，的確給予我不少脂肪及肥肉！  相信饞嘴一族都明白，減肥之路特別難行！友人推薦我嘗試「生酮飲食」。在這幾年，生酮飲食成為新潮的飲食法，透過極低碳水化合物的飲食方式，提高脂肪攝取，亦能強迫脂肪代謝產生酮體，除可達到瘦身效果，更可能具有調控血糖的好處。最近發現，位於荃灣廣場的《圍威喂》，推出多款具有東南亞特色的生酮Menu，相當特別，當然要試試！生酮Menu備有多款選擇，還可自由搭配，而我選了紅咖喱慢煮牛肋條搭配蝦頭油豬頸肉炒無米飯。雖然近來吃多了一點辣，但只屬 BB班，所以，點選時特別提店員安排走辣油。牛肋條燜煮得非常入味，肉質軟稔嫩滑，搭配色澤橙紅豔誘人的紅咖喱，辣度溫和，透出香辣滋味。蝦頭油更是超級香口，令整碟蝦頭油豬頸肉炒無米飯散發出陣陣蝦香，配上粒粒彈牙的豬頸肉，份外滋味！而最特別是無米飯，以椰菜花代替白飯，低卡、高纖，有飽肚感，有助控制澱粉質量的攝取，有口感之餘更是減肥神物！圍威喂！海南雞飯用上本地三黃雞，皮黃肉白，肉質嫩滑，加上去骨處理，吃時啖啖肉，份外滋味！蘸上點點薑葱醬汁，更美味，伴油飯同吃一流！馬拉經典福建炒麵是吉隆坡華人的傳統麵食，選用黃麵、蝦、黑醬油、豬肉片、魷魚、椰菜等食材，炒出路邊大排檔風味。軟殼蟹食得多，軟殼蝦還是第一次品嚐，香茅飄香軟殼蝦，蝦身有咬口，外脆內軟，蝦肉鮮味，食蝦連殼新穎好食。當然少不了來一碟馬拉盞炒通菜，通菜又嫩又綠，配上香口惹味的馬拉盞，正合鍾意濃味的我。經典越南咖啡一般口感都似是較苦澀，其實細味後是苦中帶點甜，添加了煉奶，令咖啡透出甜甜奶香，發展出獨特的越南咖啡風味。特別推薦這杯牛油果果昔，牛油果含有對心臟有益的單元不飽和脂肪，加上果昔口感幼滑，味道又不會太甜，相當不錯。…Read More