四月初八精品素食

由於路經太子，經open rice search到此食肆，見食評正面，加上也有興趣食素便按google map指示前往惠顧。到達時大約中午12:30，食肆已坐滿9成人。食肆空間不大，眼見除了廚房內有一名廚師﹑樓面所有工作 (包括:收銀﹑外賣包裝﹑傳餐﹑去飯煲裝飯給客人﹑落單﹑回應客人所有提問...)全部均是由老闆娘獨力一人負責，至於另一望落外貌有點像家庭傭工的  "員工"就是每當有客人用完餐離座後便前往收拾桌面而矣。望到老闆娘忙到團團轉，好不容易待她望到我時便趕緊請她給我餐牌﹑但老闆娘多次對我總是視而不見﹑聽而不聞，惟有轉向問另一像家庭傭工的員工，她就是慌張的指著老闆娘不語，示意我餐牌只能由老闆娘提供.....足之為了一張原來只是放在老闆娘隨手可拎出來的餐牌，我是等了足足15分分鐘才拎到手。望完餐牌又要幾經辛苦才能向老闆娘成功落單，她總是多番無視顧客查詢。眼見在座很多食客就是跟我一樣無奈的等老闆娘回應及落單，無奈之餘又顯出很大耐性，或許大家都體諒老闆娘一腳踢吧! 又或是我估食肆出品美味，值得大家等待吧!? 期間廚師可能有一點空閒，全數煮好由老闆娘已入的單，廚師便查詢坐得最近廚房位的顧客想食甚麼，其實我已長時間留意到此枱顧客亦是先後多次召喚也不獲老闆娘理啋，惟當老闆娘聽到廚師跟此枱顧客的落單對話後，便即時大聲渴止阻止下單，宣示她會處理，不好攪亂.......最後我的羅漢齋麵食完了，味道不過不失，盛惠$78，性價比而言同區可以有更多更好選擇，也有更被基本尊重待客之道。試完一次，夠了!!…Read More

行過好幾次，都想食素，但次次行過，到最後都走咗去吃肉(茶餐廳粉麵店)。有時外面行過覺得，裡面咁簡陋嘅，又好似無乜裝修、燈光昏暗，都唔知掂唔掂。咁今次都係行過，已經過咗一兩步，睇到門口有特價牌。终於的起心肝，走入去。睇下餐牌，最後都係叫特價飯加素湯。湯還可以，足料，淡少少更好。菜係苦瓜頭菇，即炒，非常掂。好食，估唔到，因為一般素吃麻麻地。所以即炒，係零舍唔同! 碗飯都有quality, 仲好大碗，下次可以少飯。桌椅非常乾淨。其實一週吃一次半次，或一個月吃兩三次，也不過份。少殺生，健康，清腸胃! 推薦…Read More

餐牌內衆多食物中最吸引到我就是云吞麵，原因是素食店中較為罕見。結果無失望。非常好食，菜心一咬下去竟然是爽口、幼嫩無渣，大概最少四條菜，菜量比其他店不算少。湯清香夠熱，麵好傳統，又有咬口，無好重的梘水味，云吞皮又無爛晒，饀料彷佛有素肉、菜葉和蒟蒻，都ok。解到我对云吞麵的相思，屬於素食也食得安心。整體美味程度比有些粗製濫造麵店的有蝦云吞麵還好。坐下就見到牆上掛出佛经和娑婆三聖的畫象，已感到法喜充满。环境衛生不錯，光猛乾淨。店員也很有禮貌。整体滿意，会再光顧。…Read More

好香鎮江醋味，好入味，加上少少薑碎，第一次食到咁香口嘅鎮江素肉，而且唔係炸嘅。 另外有啲一舊舊嘅，一開始以為係豆腐，夾起先知係芋頭，外脆內綿密，剛剛好，外面一層脆嘅係類似拔絲嘅薄脆。…Read More

見到素食谷介紹，見好多人話係佛手柑舊地址，去到原來唔係，係要轉番去柏樹街入大南街先啱。 不過都好近！今日去到係下午茶時間，兩個人叫左一個海南雞飯餐，一個叉燒湯麵餐，一個炸雲吞小食。 叉燒湯面面質好好，爽滑彈牙， 海南雞飯，好有我以前成日去佛手柑食的味道， 後來問一下才知，師傅都係出自佛手柑的師傅手藝。炸雲吞脆而不油，好好味！餐飲生姜蜜同凍檸茶，都ok 的。$52包埋飲品，真係覺得好抵！ 而且地方超乾淨，又舒適。總結係以後會成日去食 😆 …Read More