四季飯店

《四季飯店 - 灣仔》最近成日都出沒食中菜，連同班姊妹聚會都揀左一間位於灣仔既私房中菜食飯，記住要預先訂定位咼，當晚入座已經坐滿左人🤨唔預先留位可能真係冇得食㗎🙂雖然話係間私房菜館，但係啲菜式價格都好貼地，好適合一家聚會過嚟食飯💁🏻‍♀️玫瑰凍鴿 $188用咗玫瑰露浸到入晒味嘅乳鴿，作為前菜冷盤好開胃🥰乳鴿嘅肉經過醃製同埋雪凍，啲肉質爽口又夠味道，帶有少少酒香，呢個時候最適合飲返杯啤酒啦💁🏻‍♀️明太子冬瓜件 $68食完比較濃味嘅乳鴿，之後呢一道冷盤菜式相對比較清淡，煮軟咗嘅冬瓜件配上特製嘅明太子醬汁，食落有層次而且有青清味蕾嘅作用，又室外熱辣辣嘅環境入到室內再食一道冰涼嘅菜式，十分解暑💁🏻‍♀️椒鹽汁虎蝦王配煎腸粉 $392佢係一隻隻蝦咁叫的，我地四個叫四隻蝦，其實都真係大大隻肉騰騰的，食一隻都巨飽的，下面仲配左用豉油王煎香過既腸粉，腸粉嗦曬蝦既精華之後十分香脆好味😋💁🏻‍♀️雞油煎馬友 $418用雞油煎香左條馬友魚，個皮脆脆的，雖然入面有骨，但係都係一條大骨過，食落啖啖肉又香口，可以配埋蔥絲一齊食💁🏻‍♀️甲皇燉蛋 $208鮮味十足，簡簡單單用左花甲蒸蛋再用豉油提香，上面仲有不少炸洋蔥乾，上枱已經香氣撲鼻，花甲既份量都算多，食落啖啖肉💁🏻‍♀️玫瑰煙燻雞半隻 $320用左煙燻既方式，個雞皮烘到乾身，好似食緊薯片緊，雞肉食到有木既香氣，同埋個雞用左玫瑰露醃製過，夠曬入味，我地四人一致認同係當晚幾驚艷嘅菜式💁🏻‍♀️蕃茄魚湯浸時蔬 $148雖然係蕃茄魚湯，但係魚肉嘅味道重過蕃茄嘅味道，個湯有陣豆乳嘅香氣，可能係因為佢有好多腐皮，清清哋嘅一道菜式，啱晒食咗濃味嘢之後清下個味蕾💁🏻‍♀️四季炒飯 $198喺呢度嘅招牌菜式之一，呢度用嘅米似係珍珠米，食落乾身又帶有軟糯嘅口感，炒得粒粒分明同埋每啖都食到蛋香，面頭再放滿炸雞蛋絲提升口感，怪唔得知好多枱都有叫呢一個炒飯啦…さらに見る

灣仔有大量中菜館，地段高級，其中一間四季飯店開業冇耐，裡面環境簡約典雅✨充滿古典色彩，菜式亦經過用心設計。 ✿ 明太子冬瓜件中日fusion菜非常有新意😆本身明太子鹹香十足🧡冬瓜有解暑作用，而且好軟稔，兩者融合不俗。✿ 潮式醃熟大羅氏蝦潮式醃熟蝦，潮式醬汁確實開胃。大羅氏蝦蝦肉爽口彈牙🦐蝦膏冇腥味都好新鮮。✿ 豉椒汁炒蟶子皇刀削麵用豉椒烹調喺中菜黎講十分常見，呢度豉椒汁份量拿捏得相當好，惹味又帶點刺激味蕾🔥吾會做到出面戈啲餐廳咁太鹹/太濃味。每隻蟶子都好大隻，口感偏向軟稔，大眾都會中意，用咗刀削麵亦顯出心思。✿ 魚湯金米東星斑（一斤）店員會比客人影相打卡先📸然後倒魚湯落東星班度🐟個人覺得呢樣野好有誠意，出面嘅中菜館蒸魚都系用蒸魚豉油，魚湯好新鮮又滋補。金米即系脆米，脆卜卜夠可口，東星斑魚肉肉質鮮美。旁邊仲有蜆肉，同樣美味😋✿ 鮮沙薑煎焗雞（半隻）平時都中意食沙薑雞🐔呢度巧妙地用先煎後焗方式去烹調，食到雞件有淡淡沙薑味，都算滋味，雞肉嫩滑程度正常。…さらに見る

高質私房菜推介🤗六月頭先開張嘅飯店Keep住長期都爆滿好難book位呢度裝修古典優雅，另設有包廂每款菜式都做得精緻講究，好考師傅功架👍啱哂一大班人一齊聚餐🥢桔皮鵝肝鵝肝口感細滑入口即溶 🥢芥末凍花螺上枱時已剝左殻，啖啖肉咁食唔怕整污糟隻手👍好細心，花螺鮮味爽口🥢玫瑰凍鴿好入味，鴿肉仲好嫩滑🥢潮式醃熟羅氏蝦蝦肉鮮甜彈牙，蝦頭有蝦膏，鮮味得來又有酒香味🥢四季燉湯（五指毛桃鮑魚燉豬展）超足料，有好多隻鮑魚，勁鍾意飲有五指毛桃既湯，鮮甜得黎又可以健脾補肺🤤🥢豉汁聖子刀削麵蟶子大隻得黎，又鮮甜彈牙，洗得好乾淨冇沙刀削麵好有咬口，仲掛滿豉椒汁，帶少少辣🥢魚湯金米海東星斑東星斑已起骨，啖啖肉，肉質細滑，上枱後倒上奶白色嘅魚湯，鮮甜嘅魚湯加魚肉加脆脆米一齊食，口感層次好豐富，呢度餸係我今晚既大愛🤤🤤🤤🥢椒麻手撕新鮮雞（半隻）用上龍崗新鮮雞，啖啖嫩滑雞肉，配上椒麻油香，麻辣口感令人食得好過癮🥢玫瑰煙燻新鮮雞 （半隻）淡淡的煙燻玫瑰香，雞肉好嫩滑，雞皮好香脆，連雞胸都好好食，唔會好鞋🥢招牌豉油皇炒麵看似簡單嘅炒麵，鑊氣十足，看上去好似好油，但其實好乾身爽口，食到好飽，但都食左一碗🤭四季飯店📍灣仔天樂里2-4號金豐商業大廈地舖…さらに見る

唔知咩事突然冒起的一間中菜，似乎開業無耐已經變成預約困難店，等咗兩個月後終於可以一探究竟。餐廳有提供set好嘅menu，亦可以自選。我們自選了四味前菜，六道主菜。桔皮鵝肝，建議必試。口感軟糯，好似剛剛喺雪櫃攞出嚟嘅雪糕，且不覺有內臟腥味。味醂南非鮑魚，十分入味且口感軟嫩，不費力就能咬完，必試。潮式醃熟大羅氏蝦，蝦肉新鮮結實，唯不夠入味，下次未必encore。豉汁炒蟶子皇刀削麵，蟶子皇好新鮮，口感爽脆，同刀削麵意想不到地夾，必試。豆豉紫蘇焗龍蝦腸粉底，龍蝦新鮮且熟度剛剛好，我覺得紫蘇味可以再出啲，腸粉底夠索味，唯每人只有一條！可惜😭欖角柚子骨，本身我唔特別好排骨，因通常口感偏油膩。但估唔到欖角同柚子嘅鹹甜味平衡得咁好，切碎嘅欖角估計有炸過？令香脆口感再enhance，有驚喜。玫瑰煙燻雞，其實係煙燻味炸子雞，個人覺得試過就可以，唔試都冇遺憾。有其他幾味係正常發揮，不一一細敘。但各位好友食完已即場再約，weekend期已排到三月喇！係值得期待嘅一餐！…さらに見る

—🐙 海苔墨魚🪿 桔皮鵝肝🐚 豉椒汁炒蟶子皇配刀削麵❤️🦞 麻婆豆腐龍蝦球🐟 水煮東星斑🐮 三十年陳皮蒸手刴牛肉餅🐷 手工脆皮咕嚕肉🐔 玫瑰煙燻雞🥬 啫啫蝦乾通菜煲🍲 龍蝦頭爪拆肉泡飯—Mmmmm 其實可能係寫菜單時揀得吾好有少少比個菜名誤導左大家個expectation😇同埋吾應該叫辣既菜式 覺得有點浪費左隻龍蝦同埋條東星斑🥲豉椒汁炒蟶子皇配刀削麵很好吃 的確係招牌菜 全晚最Like!👍可以朋友casual食下小菜聚下同埋very ig-able😆…さらに見る