四季椰林海南椰子雞 (MOKO新世紀廣場)

朋友係四季椰林超級Fans, 知道旺角新世紀廣場都開左分店即刻拉我黎試吓。一出地鐵站就係，位置當然超級方便。另外裝修都行精緻路線，坐得舒服之餘又冇傳統火鍋店咁大煙，好加分！今次試「招牌必點2人餐」，有埋火鍋，食埋煲仔飯都只不過係$458，抵過專登返深圳食！最重要係食物新鮮又高質，完全冇浪費，係會再嚟過嘅餐廳之一。椰子湯底好足料，冇加糖，直接加熱就可以當湯飲，鐘意椰子嘅我地飲左好多！套餐包左新鮮嫩滑嘅「海南文昌雞」半隻，仲有我食過最好味嘅「貴州紅托竹笙」，兩樣加埋煮夠幾分鐘就好出味，成煲椰子雞湯係超級超級香！食完仲有打邊爐必備嘅「響鈴」，「娃娃菜」同丸，潮汕雙拼牛肉同魚蛋都有好多粒，食完已經好夠飽。火鍋之後仲有個大大個嘅「金牌臘味煲仔飯」，超有鍋氣，仲好足料，有埋臘腸，芋頭等等…. 朋友好鍾意個煲仔飯，史無前例食晒一整碗就知佢幾咁鐘意😀🥢四季椰林海南椰子雞 (旺角)🌍旺角太子道西193號MOKO新世紀廣場4樓402-403號舖…Read More

最近終於去咗我期待好耐嘅【四季椰林海南椰子雞】，呢間餐廳喺深圳超級火熱，餐廳賣點係用真椰子水煲湯，不加一滴水！最近終於登陸旺角，真係火鍋迷不能錯過🔥！一入門已經感受到熱帶風情濃厚，裝潢簡約又不失格調。加埋溫暖燈光，打造出一個舒適又時尚嘅用餐空間！必點的主角：🐔海南文昌雞等砂漏流完五分鐘，就可以打開鍋蓋，啖啖熱辣辣的椰子雞湯香氣四溢，雞隻選用山林放養文昌雞，肉質特別嫩滑，雞味濃郁，吸飽椰子水嘅精華後，完全唔需要點醬已經好夠味，食完唔會口乾，真正做到滋補而不燥！椰子雞湯湯底清甜潤喉，有天然椰香，入口唔油膩，第一口已經令人愛上💕🥩 火山肥牛絕對係肉控福音！落鍋輕涮幾秒就入口，肉質柔嫩中帶牛脂香，涮完仲會吸到少少椰香，非常特別～💗 心形午餐肉打卡一流！鹹香適中，口感扎實，涮完都唔會鬆散。🧆 潮汕非遺丸類雙拼牛丸和魚蛋完全無得輸，咬落彈牙之餘仲有湯汁爆出，好有驚喜感，啖啖真材實料。🥬 新鮮生菜+響鈴響鈴落湯一煮就吸哂湯底精華，煙韌入味，生菜爽脆解膩，整體搭配好均衡！金牌非遺臘味煲仔飯🍚 重頭戲竟然唔係火鍋，而係金牌非遺臘味煲仔飯🍚 ！飯粒粒分明，臘腸香氣濃郁，底部煲焦脆口，店員仲會貼心幫你搗飯焦，一啖食到底超滿足！🍵 雲南高山綠茶，入口清香回甘，食火鍋飲返杯清茶，真係解膩一流，舒服晒。整體體驗超出預期，不論食材、湯底、配搭都好用心，加上環境優美、服務貼心，適合同朋友閨蜜聚餐，或者同家人來一次的養生火鍋🔥！…Read More

今日同朋友去食椰子雞火鍋，真係好正！呢間店最大賣點係用「4個椰子1鍋湯」，完全唔加一滴水，仲要用上海南文昌雞，聽落已經覺得好吸引。我哋叫咗個招牌二人餐，$458都幾抵食。個套餐包咗半隻海南文昌雞、貴州紅托竹笙、娃娃菜、潮州魚丸雙拼、3秒響鈴同臘味煲仔飯。等個湯滾起，店員幫我哋落咗半隻雞。個湯底清甜到不得了，真係飲到濃濃嘅椰子香味！雞肉好滑嫩，一啲都唔韌，果然係海南文昌雞。竹笙吸晒啲椰子湯，咬落去爆汁咁滯。魚丸彈牙，3秒響鈴浸一浸湯就食，脆得嚟又索滿湯汁。最驚喜係個臘味煲仔飯，飯焦香脆，臘腸同潤腸嘅油香滲透落飯度，食到停唔到口。成餐飯食得好滿足，個椰子湯底真係冇得頂，下次一定會再嚟試其他配料！…Read More

認識我的人都知道我無雞不歡，今日去了旺角新世紀見到四季椰林海南椰子雞。二話不說就拉住同行入去試，結果從湯底到主食，幾乎每樣都撞到我嘅味蕾喜好上😚！四個新鮮椰子🥥熬湯底，零加水，入口滿是椰香清甜；打邊爐前已經飲咗三碗，太好飲清甜😋。海南文昌雞煮 3 分鐘最靚🤩，雞肉嫩滑，肉汁鎖住椰鮮。貴州紅托竹笙吸飽湯汁超彈嫩。手打仙丸鮮爽；招牌臘味煲仔飯粒粒分明，鍋巴酥脆，臘香十足。想食清淡鮮味打邊爐，呢間值得試👍🏻！…Read More

大陸食椰子雞火鍋真係好出名食過一次之後念念不忘好彩而家香港都有得食《四季椰林海南椰子雞》，喺國內已經超60間分店喇佢地嘅slogan講得出做得到“4個椰子1鍋湯, 不加1滴水”，湯底真係極清甜🤤🥒涼菜雙拼雞腎加青瓜前菜有雞腎同青瓜，少少麻辣好開胃惹味必叫🥥海南酸湯鴛鴦鍋椰子雞🐥湯底標榜一滴水都唔落淨係用椰子水，非常之鮮甜，雞係用上海南文昌雞，水滾後下鍋。5分鐘後食得。我就先品嚐湯底再食雞，雞肉嫩滑又彈牙，再蘸埋少少柑桔辣椒豉油，多一分惹味🥩火山肥牛上菜時賣相好宏偉，打卡一流下鍋20秒就食得，牛肉嫩滑唔鞋口🥟潮汕老字號手工魚皮餃魚皮餃皮薄餡靚，非常之彈牙，吸埋椰子湯底好鮮甜又有口感🥬娃娃菜鮮甜爽口🧡蚌打邊爐點都要食少少海鮮，呢碟蚌係冰鎮，烚熟後口感豐富…Read More