What The Pho (V Walk)

囍越是一間提供傳統及創新的越南菜料理餐廳。店家使用QR code自助點餐服務，方便又快捷。餐廳環境舒適，還播放著越南音樂，很有氣氛呢！燒豬頸肉 $48豬頸肉偏厚身，厚切的處理方式，更加提升了它的爽脆度，口感一流！而且肥瘦適中，燒得很香口，配上它的酸辣汁，十分開胃。生牛肉湯粉 $78這碗湯粉濃郁！應該沒有味精。生牛肉的分量也算多，生牛肉的生熟程度剛好，很嫩滑。配上河粉，河粉口感嫩滑！推介！順化鮮茄牛腩湯粉 $78這碗湯粉有濃郁的蕃茄味，牛腩很入味，帶有一點香料的味道！配上金邊粉，麵條完全掛上湯汁，而且麵條非常彈牙！非常好吃！…Read More

本身我是不太喜歡食越南菜的人，所以我是從來都沒有幫襯過主打越南菜的餐廳今天是為了慶祝家人生日，所以家人選擇了想食越南菜我哋時間大部份客人都可能是上班族，所以大部份都是光顧套餐我們相反就是單點小菜但是樣樣水準都做得非常之好炸豆腐，可以做到外脆鬆軟豆腐林滑還有我最鍾意佢哋橙色嗰款配料嗰個醬汁口味完全係唔會太酸甜甜地好好味好開胃仲有炸春卷都好好食，煙靭米卷嗰個皮都好爽所以今次食越南主打菜，令我非常之有驚喜，如果之後我自己都會考慮再光顧呢一間嘅分店…Read More

<南昌 vwalk-好食越南菜>囍越 What the ph💛冬陰功海鮮湯粉一上枱已經同朋友嘩一聲！兩碗麵份量都好大，有幾款粉可以選擇：河粉/金邊粉/檬粉，冬陰功湯唔會好辣，大約10小辣嘅程度，辣同酸味平衡得好好，成碗麵都好惹味！蜆肉要讚一讚，冇沙好鮮甜肥美～💛套餐加咗炸蝦餅，好足料！蝦餅彈牙，食落唔會覺得油膩💛火車頭湯粉湯底濃郁，肉類比例多，好足料～好好味💛甜品，今次試咗椰青糕，大約係少甜嘅Level，好清新嘅椰青味，唔似有額外加糖，好好食💛仲有好多飲品可以選擇，大家可以試吓📍囍越 (V Walk) (深水埗)深水埗深旺道28號V Walk 2樓L2-107號舖🔺人均消費：$150-200…Read More

很久沒有約閨密出來飯聚，今晚終於有時間，我們去了V-Walk一間越式菜館試試!這間越菜舘位於V-Walk商場中心位置，隸屬於集團式經營，所有裝修和電子落單設備已經完善妥當!兩姊妹咁耐無見，當然要order番杯野飲傾下喫先啦，呢度嘅龍眼花蜜茶好多龍眼肉，不算太甜，好滋潤!之後，我地就order咗一個細size的越式自選拼盤，芒果軟殼蟹紙米卷，及香茅雞翼越式湯檬粉!*越式自選拼盤： 可以自由配搭4款不同小食， 我哋點咗炸蝦餅、春卷、串燒豬柳、同埋香茅雞肉，樣樣都好好味，特別是炸蝦餅同串燒豬柳，好香脆又jucy!*芒果軟殼蟹紙米卷：食材尚算新鲜，但味道略為淡口，健康之選!*香茅雞翼越式湯檬粉：小妹必食推介， 香茅雞翼香脆美味，又不肥膩；湯底檬粉又恰到好處，正!至於餐廳員工服務很有禮貌，因為我們的餐枱不夠地方放食物，員工主動安排另一張大枱給我們，非常細心!大家下次有機會去V-Walk行街，不妨試試這間新派越式餐廳！…Read More

中午想出區，忽然想到這商埸。找了一下，覺得這餐館好像不錯。 下午兩點到，但下午茶要2:30才開始。 我們沒有等，叫了食物。 我叫了一個豬頸肉金邊粉。 再力加一個粉卷。 朋友叫了蕃茄牛腩河粉加炸春卷。 豬頸肉有粉紅色，問了店員，他們說這粉紅色是調味品的顏色，不是未煮熟。雖然肉質食落都好似是煮熟。但因為顏色方面，所以總覺得自己好像是在吃生豬肉，過不了心理關口。另外金邊粉應該比較爽口，但又真的食不出爽的感覺。 朋友叫了鹹檸七喜。 杯嘢飲表面好像有層油。店員解釋說這是因為用了打碎了鹹檸檬的關係。朋友的蕃加牛腩河粉真的一般般。兩人共花了$240。 以食物質素及味道來說，真的有失所望。…Read More

V Walk有好多餐廳，最後都係揀呢間。服務好好，而家食物多元化。之前多數食牛腩，今次叫咗碗湯粉，一樣無失望，好味。另外，小食都好出色，雞奕，蝦餅都係好好味。雞奕炸粉唔會好重，食落仲係好juicy. 最後既甜品都唔錯，唔會係好甜好甜。最抵食就係lunch set, 有main, 有飲品。 份量好夠，咖哩薯仔牛腩唔會只係得幾舊，完全夠食有餘。 咖哩唔會太辣，但好夠香，牛腩真係牛腩位，唔會好似有d餐廳，牛腩變柴口牛肉。…Read More

生牛肉湯粉 $78★★★★☆牛肉唔錯，唔會太韌幾嫩滑，個湯底幾濃郁，配埋滑溜河粉一絕。個湯底雖然濃郁，但唔似有味精，飲左幾多湯都冇見口渴，唔錯！燒豬頸肉 $48★★★★☆價錢抵食，份量唔少，琪頸肉偏厚身，肥瘦適中，燒得幾香口，配埋佢個酸辣汁好開胃。香茅雞翼湯粉 $78★★★☆☆炸雞翼有3大隻，外皮酥脆，但炸粉太厚。雞翼冇人咩似冇點醃過。食落個湯粉好寡，湯頭好清下。🌟總括：價錢以商埸價黎講唔貴，生牛湯粉推薦，味道唔差！…Read More

以前住屯門諗唔到食乜都會係what the pho。因為水準唔錯，味道幾好食。今日突登黎V Walk 試下佢，睇下係味同以前一樣咁好食。本身想叫豬扒湯河，依個係我以前最鐘意食既餐，但原來家下既menu 係無既。所以同男友食左個鮮蝦雞絲米紙卷、WTP火車頭湯粉及自選燒烤小食(大)。🥢鮮蝦雞絲米紙卷（$38）有蝦及雞絲，仲有青瓜絲、蛋絲、粉絲、紅蘿蔔絲及生菜，口感清爽。但分量很細。性價比低。🥢WTP火車頭湯粉（$88）可選河粉、金邊粉或檬粉。揀咗河粉，份量唔少，個河粉幾滑，滑得嚟有啲咬口。湯底味道不錯，幾夠味。配料亦足，有牛腩、牛筋、牛柏葉、牛丸（推薦!）、肥牛片。幾鍾意食！🥢最後叫左個自選燒烤小食(大)（$198），叫左越式炸蝦餅、越南炸春卷、沙嗲雞肉、沙嗲豬肉、越式烤肉串及燒牛肉蝦片。樣樣都好好食，沙嗲雞肉同沙嗲豬肉有D 菠羅粒粒，好清新。仲有啲生菜同米粉，蝦片俾你食。 最鍾意係燒牛肉蝦片，最衰佢冇得叫相同既小食。唔係依個我一定會2 SET 依個。同行男友未食過依個都話依間質素唔差，下次都可以再黎拍拖食啦！…Read More

原本假期開開心心去食嘢，呢間嘢啲咖喱牛肉都算唔錯，三個人叫咗四份嘢，兩份咖喱牛肉飯，沙嗲雞，一份菜，$356 ，都唔算平，上載速度算比較慢，最離譜嘅係走嘅時候明明將枱張單拎咗俾佢埋單，個女仔就撳錯咗隔離張枱嘅單$354 ，結果屋企人就用信用卡俾咗，走嘅時候突然間大聲叫話我未俾錢，返轉頭仲冇講對唔住，最後知死，仲話想cancel張Visa單浪費我時間，最後收咗兩蚊現金就算俾人喺門口叫話未俾錢，活咗幾十年都係第一次，仲要咁冇禮貌，呢間嘢冇下次，大把咖喱牛肉飯唔使超過$100一份，呢間嘢直程就係離譜環境非常差，疫情過咗咁耐仲用膠板隔住啲枱，因為地方唔夠有夾硬要坐咁多人，俾人覺得仲好似有疫情咁樣，點解唔索性減少一兩張枱？冇下一次啦。…Read More

一入到去個感覺好舒服，環境好好。我同小朋友兩個人，叫咗一個扎肉手撕鷄撈檬👍，一個豬頸肉😋👍青芒木瓜絲沙律👎，一個芒果糯米飯👍。食物整體好食，豬頸肉超好味，但個沙律好酸，酸到好似飲緊D酸汁咁。服務方面做得好好，好細心，好有禮貌。收枱面D嘢時會問一問先收，上甜品前已經主動拎定兩個碗過嚟，連我小朋友都話服務好。…Read More

喺南昌搵餐廳醫肚，搵到間越南野平靚正。叫咗燒豬頸肉河粉，攞盤靚，加上炸蒜裝飾點綴，豬頸肉燒得夠香，脆邊肉汁豐富鮮嫩，點埋燒汁食一流，河粉就正常。另外海南雞金邊粉都正常，雖然雞胸位，但都唔老柴，口感實在，配上靈魂醬油泰式辣汁或者薑蓉都好食。…Read More

元旦一家人👨‍👩‍👧‍👧去街，去咗南昌站V Walk搵食，行咗好耐先搵到What the pho 🍜 ，老婆仲諗住放棄食茶木算。入到What the pho 🍜,店員都好心問要卡位定table位，話BB櫈剩係可table位，咁我地㨂咗table位，佢嗰種BB櫈係綁帶扣椅背嗰種，所以侍應提我地BB冇安全帶，但如果頂實佢都難跌既。有兒童👧🏻餐具🍴，QR code落單，叫咗生牛肉湯檬升呢安格斯牛（加$34 ➡️ $112），湯頭有d稀，牛幾好食😋，有埋辣椒🌶️。叫多碗燒豬頸肉河（$78），豬頸肉好juicy夠肥啱我。叫咗個燒烤🍖拼盤（細）（$162）送生菜🥬、撈檬同蝦片，陳皮兩妹都鐘意食蝦片，可揀四小食，揀咗燒菠蘿🍍，甜，揀咗沙嗲雞肉🍗，overcook，香茅炸雞翼，皮脆肉嫩但冇香茅味，越式炸蝦餅，不過不失。甜品🍮叫咗芒果🥭糯米飯🍚（$68），芒果🥭太冰，應該係雪櫃落出嚟，但都甜，糯米飯🍚唔錯👍🏻，夠Q，陳皮二妹芒飯狂食。…Read More

📍囍越 (V Walk) (深水埗)深水埗深旺道28號V Walk 2樓L2-107號舖==============================今日lunch同事介紹去V walk試呢間越南餐廳，環境唔錯，就算午市時間都坐得幾舒服😌==============================豬耳扎肉手撕雞🐥檬粉湯底係好清ge 雞湯，札肉有豬耳🐷係入面，所以比出面果d札肉爽口，檬粉質地好清爽👍🏻…Read More

「What The Pho」位於深水埗V Walk 商場內，揸車嘅就推薦泊入V Walk停車場就搞掂， 消費滿100蚊就有1小時泊車優惠。 呢間越南餐啲嘢食幾高質， 今次午市嗌咗湯麵 👇 順化鮮茄牛腩湯粉『 牛腩夠淋夠味 湯底夠濃，推介👍』豬耳扎肉手撕雞湯粉『 豬耳扎肉有口感必食，罕有食材，推介👍』揸車出入：👍👍👍👍👍帶小朋友：👍👍👍食物質素：👍👍👍👍環境舒適：👍👍👍👍CP值...😋：👍👍👍👍彩蛋：深水埗區優質商場唔多， 揸車過嚟又方便 🫰 記得揀金邊粉，呢間啲粉面質素同其他越南餐廳有唔同架，值得一試！…Read More

今晚經過v City， 試下呢間越南餐廳 What The Pho，店家使用數碼點餐服務， 自助點餐， 方便又快捷。 而且餐廳內播放著越南音樂， 很有氣氛👍 順化鮮茄牛腩湯粉$78這碗湯粉有著濃郁的蕃茄味，牛腩炆得很入味，帶著淡淡的香料, 搭配了金邊粉，這種粉的口感非常彈牙， 麵條完全掛上香蕃茄湯汁，味道完美結合在一起。 札肉手撕雞湯粉$78這碗湯粉的雞湯清甜爽口，吃起來非常順暢。札肉是厚切的豬耳札肉，豬耳本身就很爽脆，再加上厚切的處理方式，更加提升了它的爽脆度，口感一流。而且這碗湯粉裡的手撕雞份量很多，配上比較爽口的檬粉，又是一個完美的組合。 整體而言，What The Pho的越南粉不錯， 價格適中。 他們的順化鮮茄牛腩湯粉和札肉手撕雞湯粉都很美味很出色，口感和味道都令人滿意。如果你喜歡越南菜，我推薦你去試試這家餐廳。…Read More