Lai2 Gai3 (Closed)

本身去見到佢即叫即焗試下 叫果陣職員態度已經好差 ok都算 野食好食就得啦諗住一開始見到幾靚都諗住好食 開始食果陣已經聞到有好臭好臭既燶味 但見到周邊都無咩燶 以為係佢本身有陣味 係唔好食 諗住費事浪費就繼續食埋佢 但發現根本就食唔到 個底全燶原來 成塊可以反轉都燶曬 唔係小部分係成個底都係咁樣 食得50%都無已經食唔到(講緊已經係食左好多燶既意粉 如果唔食就真係咩都無得食🙃) 差不多每一條意粉都係痴住個底 係燶左我以後都唔會再食呢間 大家自己諗…Read More

見到咁多食評就試下，點知又中伏。唔知係咪到咗夜晚豬扒唔夠貨，所以將一塊豬扒分兩盒賣。撥開我唔食嘅椰菜，就係咁嘅樣，冇食過架，得半塊豬扒，仲細過塊漢堡扒。。。食物質素普通，已經感到很不爽，點知食食下發現咗條長毛。點解成日都有毛，真係好嘔心，仲要外賣冇仇報。45蚊焗飯有d茶記都有，但人哋真係炒飯底，而唔係幾粒蛋碎撈飯。有時都想幫襯小店，但就算一哥都好過佢。呢間CP值超低，重點係感覺好污糟，永久blacklist 😤…Read More

放 lunch諗住買外，行左去觀塘東廣場睇下有冇新野食。行下行下聽到前面班人話有焗飯食，甘我又睇下啦。第一眼最吸引到我就係靚女店員，勁好態度同服務，之後就係個飯既價錢，45蚊超抵食，焗飯既料仲係自由配搭添。食物：焗肉醬豬扒漢堡扒長通粉（自己唔太識配，下次都係揀廚師精選）- 豬扒得一小塊（連骨），不過就好入味- 肉醬唔夠多- 味道都正常優點：- 性價比高，45蚊焗飯- 配搭自由度高- 出餐快- 冇一般焗飯咁油 缺點：總結：外賣想食得平又唔錯的焗飯既，可以考慮食呢間。…Read More

呢度焗飯焗意，餸多，又好味，即叫即焗，返到屋企仲熱辣辣，香噴噴。我叫左兩個，一個係廚師精選，一個就自選飯。廚師精選，係廚師發板既，係豬頸肉，雞扒，肥牛意粉，三款餸，真係重手，抵食。而個汁幾好味，但我試唔出係咩醬汁，食落似蒜蓉汁。另一個自選見有羊扒就試下，再加雞翼，肉醬汁飯，甘多餸，一路點就已經覺得滿足。個羊扒我好推介，有羊肉香，但唔會好酥，加錢都抵食。見到呢度仲有下午茶叫，有牛角酥，下次下午茶過黎食下先。…Read More

常到東廣場這邊覓食，這邊很多間都吃過了。最近經過見到這家新開的，一於找次過來試試吧。餐牌選項雖然簡單一頁，專門吃焗飯、意粉類，肉類如雞牛豬羊魚都有，所有材料都是自選配搭，只要自行剔選意粉或飯底、肉類、配菜及醬汁就行了，還可額外加添配菜。雞扒魚柳鴨胸黑椒汁焗炒飯繁忙時間，見廚師們都忙著烹煮，新鮮即焗即製。選擇了炒飯底，兩款餸菜，醬汁有8款，選擇真多。鋁盒盛載著焗飯，拿回去吃仍然保持熱騰騰的。滿滿的醬汁鋪面，汁香且濃厚。芝士雖然也是覆蓋整個飯上，但不算厚層，也不是太膩的那種芝士。配菜方面，雞扒較乾身，但每口都是肉。魚柳鴨胸不過不失。炒飯底不會因醬汁而變得十分濕潤，整體調味剛剛好，性價比蠻高的焗飯。…Read More

呢間小店專食焗飯，最特別有得自己mix and match。.🍴雞扒鴨胸黑椒汁焗意粉 $48一打開就聞到好香嘅煙燻鴨胸味！雞扒好嫩滑，夾埋黑椒汁又幾好食。意粉焗完仲有口感，比起想像中質素高。.🍴羊扒蛋粟米汁焗飯 $52我對羊肉嘅愛係無窮無盡，所以毫不猶豫加咗$4叫羊扒😝。見到配料有得揀「蛋」，以為係煎蛋，點知係溫泉蛋。冇諗過焗飯都食到流心溫泉蛋。羊扒有少少羶味，焗完好香！.嚟計觀塘成業街7號東廣場地下G19號舖…Read More

星期六去完觀塘行街就順便買啲嘢食返屋企做晚飯，等呀媽可以抖番日，唔駛煮😁。東廣場地下有勁多餐廳小店，所以我哋決定喺嗰到尋找晚餐。兜完一個圈我哋見到有間叫「嚟計」嘅外賣店最高人氣👏，有唔少人喺度揀緊食乜，又有兩位年經靚女店員落力向客人介紹。小店得一個餐牌，就係好似車仔麵🍜咁可以自選醬汁、餸料同麵底，基本價為$45，即焗即整，價錢大眾化！落單畀錢後，大約等6-8分鐘就搞掂😉。一拎上手就發現兩個焗Pasta係有啲份量啵，咁就唔駛驚唔夠食啦！店員幾細心有喺盒面寫上醬汁係乜，以方便客人識別。第一盒我哋要咗咖哩汁意粉配羊扒(+$4)加豬頸肉。🍛咖哩汁超香濃惹味，本身驚會唔夾，但出到嚟毫無違和感，每條意粉亦都掛哂汁。餸料方面，🐐羊扒一般都比較少見，而呢度竟然有得點，羊扒有些少羊羶味，可接受。另外，豬頸肉亦有好多片，並且唔太肥。第二盒我哋要咗肉醬長通粉配豬扒加鴨胸同肥牛(追加餸$3)，肉醬係醬汁嘅一種，超抵食，因為有海量咁多，非常慷慨😍。至於豬扒、鴨胸同肥牛嘅量亦都多，就算我同屋企人一齊食，每人都唔止食到一片；留意番其實佢只係一人量嚟㗎囉，直頭餸多過麵！兩盒焗粉都好食，而且仲用上大量芝士焗製🧀，正啊！肉多就睇圖都知，但小店亦不忘加入幾嚿西蘭花🥦，等有啲蔬菜中和一下。餐廳用錫紙盒裝住焗物，如果要整番熱放入焗爐就得，或者換個碟叮都好方便👍。總括嚟講，呢兩盒大大啖肉嘅自選車仔焗Pasta都幾正😋，味道當然唔稱得上勁好食，但都無乜地方可以挑剔。再加上食客能自由搭配食物，所以就算連續幾日食，都可以有唔同口味！觀塘區返工嘅朋友不妨試試啊～。…Read More

觀塘東廣場地下有間專食焗飯焗意粉嘅外賣小店 。新開一個月左右，但係入面啲質素就非常之高而且配搭仲可以任客人自己揀，選項1:有雞扒、牛扒、豬扒、魚柳、羊扒選一樣; 選項2:有漢堡扒 、腸仔、煙肉、火腿、蛋、雞翼、豬頸肉、午餐肉、肥牛、鴨胸肉揀一樣; 選項3:有長通粉、炒飯、同意粉; 選項4:就有肉醬、咖哩汁、洋蔥汁、黑椒汁、蒜蓉汁、茄汁、粟米汁、同白汁作選擇。 我今次order咗豬扒煙肉意粉配肉醬，同埋魚柳肥牛炒飯配粟米汁。 個焗飯同焗意粉嘅質素都好高，而且分量又足，因為即叫即焗嘅關係所以超好味。下次去觀塘我一定會再嚟試埋其他唔同嘅選擇同配搭。…Read More

成日都會去觀塘都知道東廣場地下有好多特色小店，而且有唔同種類嘅美食，咁今日就去咗嚟計買焗飯外賣自取。因為呢度嘅焗飯有超多款式，無論飯、意粉、通粉都可以選擇，甚至乎餸都可以揀，有豬扒、牛扒、羊扒、魚柳、漢堡扒、煙肉、火腿、午餐肉、 雞蛋等等都有，琳瑯滿目，而且醬汁亦有8款任君選擇，最緊要佢哋全部焗飯都係$48任配搭，可以揀兩個餸一個飯或意粉底，再加醬汁，仲有一罐飲品送，真係超值，個味道真係好有水準又大份，而且係即叫即焗嘅關係，熱辣辣啱曬我個人口味，提提大家呢度只能夠外賣冇堂食。…Read More

熟悉觀塘區既朋友肯定聽過/知道東廣場，觀塘其中一個美食集中區🔥🔥位於觀塘工商廈區，東廣場好多餐廳外帶仲方便過堂食。版主今次lunch time黎，離遠已經見到好多人排隊😂版主揀「漢堡扒雞扒配黑椒汁焗意粉」同埋 「魚柳加蛋配蒜蓉汁焗飯」。係呀無打錯宇，係「揀」。呢間餐廳特別之處係可以自己挑選肉類、醬汁、同埋麵/飯類。自由選擇就可以食到自己鐘意食既野，自行配搭😍 連埋野飲都係$45。食焗類食品，某程度上都想食面個浸芝士🤤 份量都好足料。炒飯底一啲都唔hea，有蛋香添🙌🏻🙌🏻 觀塘附近返工放lunch趕時間既朋友，嚟呢間係不錯選擇✨ 職員都好nice會主動介紹食品，仲好好笑容㗎😊…Read More

放工想買個飯返屋企食，今日揀到爐西嘢好出名嘅嚟計今日我點咗個自選爐肉醬長通粉配魚柳肥牛。自選餐都有好多選擇，點菜單非常清晰，如果唔想諗仲可以揀廚師推介。食物連飲品只係$45，觀塘嚟講真係超抵不得不提喺門口兩位店員姐姐真係好好Service，好有禮貌！我點左餐之後，即點即製，等5至6分鐘摞得，真係抵讚返屋企打開盒面已經畫到陣陣香味，好足料啲肉長多到好似就來滿寫咁。魚柳煎過先至焗，好香口，食落外脆內軟；另外肥牛都好入味，唔多肥膏，份量都算多。成個餐只係$45嚟講，真係非常豐富，超價揚揚整體指數：9/10揚揚環境指數：- （外賣)揚揚味道指數：8/10揚揚服務指數：9/10揚揚抵食指數：9/10揚揚返食機會：8/10…Read More

呢排都都係觀塘開工，收工時行到黎觀塘東廣場，四周都是熟食店，見到有好幾間新嘅小店，大多數都係做外賣為主，見到呢間新開嘅焗飯專門店，就幫襯下先☺️餸菜是自由選配搭，我選擇了：-羊肉加蛋配洋蔥汁意粉🍝打開盒已聞到芝士味跟羊騷味，蛋焗到流心效果，汁還算多可撈晒成個意粉食。配埋支烏龍茶解解下肥膩感先☺️另友人就選了廚司發版，內有豬頸肉加鴨胸配黑椒汁意粉🍝，友人說芝士味濃，黑椒汁都夠辣。即焗熱辣辣，拿到回家食熱度剛好☺️…Read More

今日買左"嚟計"返屋企做晚餐，其實佢係主打即焗飯/意粉。價錢經濟實惠，焗飯都喺$45+$2有汽水，岩哂我呢d打工仔。佢整個焗飯可以因應個人喜好而選擇配料同 醬汁或都唔想動腦筋諗嘅都可以選擇嚟計焗飯即係廚師精選。我今餐揀選左魚柳，漢堡扒，炒飯底同肉醬汁，估唔到佢店細細都可以整到多款醬汁供客人選擇。另外仲買左個廚師精選，唔知係咩嚟呢。雖然佢即焗但都唔算等得耐，5分鐘左右都可以拎到。返到家即刻品嚐先，佢個廚師精選賣相好正咁，面頭有焗嘅芝士舖面裏面有牛扒，豬頸肉，意粉同肉醬汁。佢個肉醬汁有驚喜，幾多肉粒。 如果個飯多d蔬菜就好啦。而牛扒同豬頸肉都好腍，唔鞋口。另外魚柳都好好味，而炒飯底都粒粒分明。呢度個飯份量十足，女仔食可能食唔哂，男仔食一定夠飽。下次 lunch 都會選擇幫襯！…Read More

今日放工去觀塘買咗啲日用品見到呢一個商場入面有好多小店，而呢間新開張做緊焗飯，價錢相當相宜，40多元起邊一個焗飯加一杯飲品還是即叫即整，新鮮熱辣基本上餐牌只有一張選項一至選項四每樣揀選一樣咁就叫咗兩個飯，兩杯汽水返屋企食叫左羊扒漢堡扒炒飯底加咖喱汁咖喱汁好香，羊扒係一塊塊已經切好 配上漢堡扒 再加左芝士係上面 非常惹味好吃另外一個叫咗豬扒雞翼炒飯加肉醬芝士放喺上邊勁正 豬扒勁大塊，加上肉醬勁好送飯 ！還送咗兩杯飲品，簡簡單單一個晚餐，呢間店舖性價比極高…Read More

夜晚冇堂食所以一定要外賣，行開見到東廣場呢間個名幾得意而且又岩食，所以就試下!蒜蓉雞扒漢堡長通粉蒜蓉味勁濃塊雞扒入哂味，加上大大塊漢堡扒，勁抵食。加上長通粉唔會好粉軟淋淋咁，彈牙又索汁!漢堡扒真係大塊既又煎得好香同埋味濃，唔會被蒜蓉汁蓋過。黑椒豬扒漢堡炒飯豬扒煎得好香口，黑椒汁唔會好辣好惹味。配埋炒飯食勁夾同埋份量都多，加上佢新鮮熱辣其實真係好食，一啲都唔hea。另外仲有罐裝汽水，呢個價錢真係冇得輸!…Read More