Le Gastronome (Closed)

炎炎夏日，同同事近近地去左後面街朗晴坊食lunch,3/4個人出去食飯，叫餸食飯就最適合不過，所以我地去左6樓既嚐味舫一齊開餐。嚐味舫既小菜真係好抵食，60蚊有找已經包左一大碟餸，飯，飲品仲有個芒果布甸。聽到包飲品唔好以為係平時奶茶咖啡或者係汽水，佢呢到提供既係佢地自家制既菊花茶或者酸梅湯，飲晒唔夠喉仲可以搵佢地添飲添。3個人嗌左4個餸share,蝦仁炒蛋，瑤柱肉鬆蒸水蛋，蜜椒雞翼，xo醬蓮藕炒爽肉份量確係大份，味道都好棒的4個餸入面我最愛既係蜜椒雞翼，新鮮整好上枱時熱辣辣，食落甜甜地咁，好好味…Read More

星期一既下晝，係旺角返工既既我嚟到私房菜食lunch, 星期一blue monday mood 唔想做野又攰，要食番餐好補返。6個人總共食咗6個餸✌🏻菜心蒸鮮魷：用蒸扇貝既葱蒜嚟蒸魷魚，味道一樣好味，魷魚爽口，舖底既粉絲索晒味👍🏻梅菜扣肉：扣肉非常肥，第一次食扣肉有種入口即溶既感覺，個汁好正，撈飯食一流👍🏻蜜糖雞翼：雞翼好大隻炸得好脆，雞肉好嫩滑，成隻雞翼痴滿蜜糖味！好正！👍🏻樓上舖非常抵食，六個人每人$55蚊唔使！旺角返工食lunch一流！…Read More

黎過呢到好多好多次了！同屋企人又有，朋友又有！呢到地點就腳！坐車番屋企又方便！次次黎都食最平既餐！因為其餘兩個較貴嘅餐都係有蟹！咁自己就麻麻地蟹！:(整體黎講食物都ok！$250有前菜，聖子，蝦，魚，一字骨，雞翼，菜，泡飯，甜品！前菜經常都會轉！自己本身唔中意食酸野！所以每次都會轉左一字骨做雞翼！變相每人兩隻雞翼！整體上一如既往的好！服務依舊！唔多人！所以傾計都好舒服！每次食完芒果布甸都好滿足咁走！開心就係咁簡單！…Read More

又到家庭每月一次聚會，今次選址朗豪坊隔段的朗晴坊食私房菜。 地點不難找到，不過食飯時間大排長龍，要上樓都需要多點耐性。有如一般私房菜，坐得有些迫挾， 而且地下有點滑，大家出入都要小心。是晚晚宴七餸一湯，少不了各款海鮮如東星斑，蟶子皇，龍蝦伊麵。呢度的海鮮確實不錯，特別欣賞條東星斑，蒸得剛剛好，肉很滑。不過我們兩圍檯一檯是一條東星，另外一檯是兩條另外一款海魚，感覺吾夠劃一。 龍蝦爽口啖啖肉，正！ 其他菜式包括炸豆腐，咕嚕肉，蜜椒雞翼，上湯什菜。味道正常，吾會有太多驚喜，份量都幾足。胡椒豬肚湯味道不錯， 令人飲完一碗再想飲多一碗！ 每位盛惠$260 又確實幾抵既，用料都幾新鮮，大家想約三五知己吹水食海鮮呢度係一個不錯的選擇！ …Read More

「嚐味舫」是一間樓上私房菜，位於旺角朗晴坊六樓，交通方便。餐廳裝潢簡單，沒有任何花巧佈置，食客可聚焦餐桌上的美食。 要數「嚐味舫」最拿手的菜餚，必定是各式游水海鮮。細看開飯網簡介，所有海鮮均捕獲自馬來西亞及東西沙一帶，令人期待！ 第一道送上的菜式是「炸豆腐」，切至方磚狀的豆腐一口一粒，食用方便。豆腐外層薄脆，內裡軟滑，豆香普通喇！ 「胡椒豬肚湯」是經典潮菜，味道不俗，但胡椒的辛辣發揮未夠給力，未能為寒冷的天氣添上一份溫熱。 「開邊龍蝦伊麵底」龍蝦肉實味佳，但伊麵過於腍爛要減分。另外，龍蝦選材大小不一，部份龍蝦過於細小需注意一下。 「粉絲蒸蟶子皇」肉厚大隻，彈牙可口。粉絲海味醬亦見美味。 「清蒸海魚」以紅色星斑入饌，賣相吸引。以這個體型的星斑而言，魚肉仍見滑嫩。小編很喜歡吃蒸魚的香蔥豉油，但這份豉油偏鹹欠甜是菜式美中不足之處。 「咕嚕肉」質感肉彈，甜酸汁稀稠味道理想。 「蜜椒雞翼」外皮甜蜜焦脆，雖然乾身了少許，但仍合小編心意。 「上湯雜菜」份量大，菜款多，簡單得來又受大家歡迎。 「芒果布甸」出品見誠意，店方更大方多送兩份甜品予細周生及魚仔品嚐。 整體而言，「嚐味舫」出品不俗，份量亦足。雖然同一碟菜餚的選材大小不勻感覺不大好，但以人均消費 $260 來説仍屬實惠，可以試試。 …Read More

去過幾次都係自己買海鮮上去加工。今次只得兩個人，所以試吓佢啲套餐，原來好抵食因為曾經試過喺西貢「全x」「通x」吃個海鮮套餐，以後就怕怕我們點了每位＄218的套餐，估不到有這樣靚的花竹蝦，自己去買都要百幾二百蚊。我問老闆花竹蝦是否新鮮？如果新鮮就白灼吧！結果真的非常鮮味值得一讚另外吃了蒜蓉粉絲蒸蟶子皇，果皮蒸龍躉下巴不過鎮江一字骨就失準了密椒雞中翼，就是一貫的好！原本應是特色湯泡飯，但朋友不喜歡吃泡飯，特意要求老闆更改為少鹽少油的炒飯，結果真的炒得不錯，真的少鹽少油最後的芒果布甸也是值得推薦…Read More

聽朋友介紹說這間餐廳不錯，於是打電話預約，之後whatsapp我菜單，要即時下決定，去到才知道可以即時再點菜，不過無所謂。大家可以叫老闆傳另一張餐牌看清楚再點菜預留海鮮餐前小吃，皮蛋伴薑蝦不過不失，味道可以有點鹹，海鮮幾大件 啖啖肉 合格一字骨，醃得幾入味看似好大條魚，其實剛好夠4人吃皮皮脆不得不讚湯泡飯，米飯炸過，很脆拌湯吃一流以為甜品hea 原來也不錯，可以加淡奶吃呢間值得一試，適合多人聚會，場不大，很熱鬧…Read More

中午去旺角覓食雖然選擇多，但想找一處寧靜人少、價錢合理而食物有一定水準的食店的話，嚐味坊是不錯的選擇。午餐約$50-$60，有白飯、小菜及甜品。嚐味坊晚間是私房菜，所以午餐水準也不會太差。今次我們要了魚香茄子。茄子清爽，保留有茄子鮮味但同時有魚香味。微辣，肉碎好野味，拌飯一流。另一樣是陳皮蒸龍䠢下巴。因為是下巴，肉不算多。配料有陳皮、粉絲丶雲耳丶金菇。整體有點油膩而魚鮮味較少，要扣少少分。最後甜品是芒果布丁。入面有果肉，都幾滑嫩。有點失望的是以前有免費冬瓜茶的。現在只是普通茶水了。都是茶，但淡如水。但還是值得再來，因為不用等位，坐得算舒服，價格又不貴。而且份量足，吃量不多的可以兩個餐三人吃。我們二人叫了兩個餐只要一碗飯也飽得不得了。…Read More

與同事聊天發現，旺角朗豪坊附近有間專食海鮮既私房菜，因為有自己魚排所以海鮮特別新鮮一聽之下食指大動，趁放假約埋兩個好友即刻貢上去搵食上到去既環境好似酒樓咁，雖然坐得唔太迫，但旁邊幾枱人都飲酒作樂，有點太嘈，但顯然是熟客/老闆既朋友，所以都無人制止空調不夠，幾次叫姐姐夠大冷氣，冷氣都係無料到，食到我地一頭汗 餐牌上有幾種唔同嘅套餐，嗰日我哋叫咗個198套餐，豐儉由人煎大蝦蝦肉彈口，鮮美，醬汁唔會過搶，食得出蝦本身既甜味，Good Good Good ar👍🏻👍🏻👍🏻蒜蓉蒸聖子王聖子好大隻好夠肉，而且好鮮甜蒸龍躉一個字：滑👍🏻👍🏻👍🏻椒鹽茄子冇油溢味，炸得好鬆脆蜜汁燒雞翼鎮江骨上湯菜苗上湯泡飯好好味呀👍🏻最後仲送左個芒果布甸tim 雖然每樣得壹件，但其實都好飽下。呢個價錢食到呢個級數嘅海鮮實在好抵唯獨侍應態度有待加強。…Read More

朋友介紹嘅。好少食到咁大隻嘅賴尿蝦！花雕蒸蟹絕對一流，仲有個炸魷魚一入口就鬆脆得停唔到口。其他蒸魚，聖子，泡飯都一流水準。真係物超所值！食完又唔會一口味精，比起西貢、香港仔、鯉魚門都有過之而無不及！…Read More

環境：感覺似洒樓，坐位都不錯⋯⋯氣氛就有點中式食物：主要為海鮮⋯⋯佢既頭盤炸象蚌香口得來又唔肥又鮮正丫⋯⋯(太吸引，唔記得影相添）蟶子大大隻又不失鮮味極品丫⋯⋯仲有條魚...火喉剛剛好⋯⋯等等。....喜歡食海鮮的我真的感到十级滿足丫⋯⋯佢以人頭計架⋯⋯所以幾多個人去份量都可以控制得好。。極好優點⋯⋯價格: 約200-400一位（記得電話預約丫）…Read More

旺角勝在多野食, 朗豪坊隔離的朗晴坊更加係美食集中營, 今日同女朋友經過附近, 一於響度食午餐喇今次試的係呢間位於6樓的嚐味舫, 大門口寫住「只招待會員」其實係假的, 我地walk-in都照入得夜晚只有海鮮食, 價錢會好貴, 但午市有套餐, 就平好多叫左一味蜜椒雞翼, 蜜糖味好香好甜, 送飯一流, 可惜雞翼選材唔夠靚, 要扣少少分再叫多個土魷蒸肉餅, 一樣都係個汁好香好入味, 但主體的肉餅反而食食好普通, 唔係唔新鮮, 但食得出選材好普通, 以呢間飯店的格調來說, 食材太普通令人感覺有少少失望, 不過可能因為午市, 一分錢一分貨掛值得一提呢間飯店有心機在個冬瓜茶同個甜品, 免費送的, 呢個價錢真係好抵食, 好過出去外面茶餐廳, 整體來說都唔錯, 都值得再返轉頭…Read More

朋友介紹之下嚟左，今日成班姊妹飯局。位置都易揾，係朗豪坊戲院隔離（傷心酸辣粉果幢）賣點係材料新鮮（因為有自己魚排同漁船新鮮捕獲）、私房菜特色！但今日食左大家都覺得味道偏咸呢🤔不過，不得不說海鮮類嘅食材真係幾新鮮！由於份量係按人頭計，所以每碟大概都係一人一件食得無咁爽好快隻碟就吉左😂上菜比較慢，有好有唔好la。大家真係會有時間傾閒計影下相。加上唔知係唔係因為咁樣上菜，我地慢慢食就飽左，因為平時如果咁嘅份量再正常上菜應該唔夠食會好快秒殺左碟嘢。今日友人訂左每位$198嘅餐（豐儉由人，仲有幾個價位揀），都係按人頭計算。另外再叫左多碟炒白菜仔，都係好咸😅。埋單位位$25x，有茶水提供好似茶樓飲茶咁。食完有芒果布甸送上，味道都係正正常常咁。總括而言，食海鮮類係可以嘅，真係高質！其他就普普通通la，可能同老闆溝通下點菜會啱胃口啲。因為係私房菜，我諗有要求都可直接同老闆講，我朋友話老闆有時候會拎隻酒杯出嚟請客人飲翻杯㗎！如果有機會會帶屋企人去，因為私房菜好少食到。真心支持小店👏🏻👏🏻p.s.有兩碟菜無影到。…Read More

🔹HeyHei🔸高水準私房菜🔹🔺#私房菜叫左$198一個人既餐有清蒸海斑、咕嚕肉、豉油皇花竹蝦、臘味糯米飯、蒜蒸蟶子皇、沙膽雞、芒果布丁等等。每樣菜都好高水準，好好食，岩曬一大班人聚餐，每樣材料都食得出好新鮮，每道菜水準都好平均。🔺＃沙膽雞沙膽雞好嫩配埋小小甜既醬油好惹味，而且擺位好靚好有心機。🔺#新鮮菠蘿咕嚕肉咕嚕肉用新鮮菠蘿同豬肉，肉質爽脆唔會太淋。 讚 🔺#清蒸海斑好大條海斑，好鐘意食出面蒸既魚，又嫩又脆有口質，而且自製既蒸魚豉油將魚既鮮味帶到極致。🔺#豉油皇花竹蝦花竹蝦好大隻同入味，非常新鮮肉質好實唔會霉，連蝦殼都可以食埋 ，正🔺#蜜椒雞翼呢個係另外叫既蜜椒雞翼，用蜜糖同黑椒所製，雞翼外面有層蜜糖脆脆包住雞翼，不過黑椒味唔突出，但係都好好食。🔺#糯米飯糯米飯比較濕潤，鐘意硬身既朋友應該一般，不過臘味好香。…Read More

在朗豪坊旁有這個私房地方實是難得，老板阿布是魚民世家，所以處理海鮮絕對放心。菜牌上有$198/298/398套餐，但其實不重要，只要告訴阿布你的預算，可任意更换餸菜。我和友人共三人選了$198餐，選了清蒸開邊小龍蝦取代炸子雞。整體食物還是海鮮可取，其他菜式如京都骨，腐竹時菜都是一般。值得讚是不是太多味精，吃后不會有口渴。同意另一食家的分享，星期五晚能有個地方任你坐3小時，和三五知己吃着住家飯的餸菜，還可說什麼？!…Read More