Tuti Chicken Restaurant (Closed)

去峇里旅行之前咁啱嚟上環唱錢，就睇吓附近有咩食。openRice search到呢間印尼嘢 就試吓旅行之前先食印尼嘢🤣 條街好黑得佢一間餐廳咁光入面都幾闊落 座位整齊寬敞 掛喺牆上面嘅雞圖案幾得意 感覺好年輕辣tuti雞配厚切豆腐首先兩個雞髀肉煮得好腍 啲肉輕易就可以拆開 配埋落個辣咖喱醬 撈飯一流😋個咖喱同平時食開嘅印度或者馬來西亞咖哩有分別 真係印尼咖哩👍🏻個厚切豆腐應該有煎過 點埋啲汁食👍🏻野生松茸鮮雞湯食飯點可以冇湯飲～ 呢個雞湯好正 唔多油 但雞味好濃 屬於好足料嘅湯 必試！馬拉盞炒通菜食落無太重味精 唔會太濃味 亦唔會好多油 有用心處理過🤛🏻特色煎蛋印尼撈麵配蝦片因為實在太鍾意食麵，所以都忍唔住嗌咗個印尼撈麵嚟試🤣 佢呢度起碼有兩個印尼撈麵 啲面煮得啱啱好 保持爽口對於一個鍾意食麵嘅人嚟講 可嗌🤣😍各位上環番工嘅朋友 又有新飯堂啦☺️…Read More

餐廳位於上環蘇杭街，門面非常光鮮，仲有隻很可愛的嘟啲雞，完全想不到是一家印尼菜餐廳。餐廳的座位不多，僅有20個左右。內在裝修很整潔，營造出舒適的用餐環境。餐牌上有很多選擇，其中最推薦的是Tuti辣雞配栗米飯，辣味十足的雞肉與香甜的栗米飯完美結合。小食的牛肉薯仔餅融入牛肉及薯仔，口感香脆酥軟，如果配上蕃茄醬，味道會更加豐富！蒜香炒四季豆另人喜出望外，簡單的四季豆經過炒製之後仍然保持著豆香和嫩度，而且份量也不少。松茸鮮雞湯，湯汁鮮美，加上香氣四溢的松茸，讓人一喝就停不下來。最後是印尼雞湯米粉，湯汁帶有獨特的香草氣味，配料仲有雞肉，芽菜，豆卜，蛋，加上香脆的蝦片，是一道非常特別的菜式。…Read More

之前食完飯經過嘅時候就比他們門口的那隻雞吸引左目光，但因為剛食完飯，所以就諗住遲啲先試；結果拖到而家先捉到同事陪我一齊食一眼望到依隻雞，就知道他們是食印度菜的，不過整體嘅裝修風格就比較偏向港式茶餐廳二人套餐 $155可以選擇兩個主食，四個小食和兩杯野飲真係超級無敵抵食(`✪︎ω✪︎´)辣TUTI雞配厚切豆腐 推薦指數🗯️：🌟🌟🌟🌟因為平時少見粟米飯，所以就加$5試吓，不過食完覺得味道和質感上同普通白飯沒有太大分別雖然是辣雞，但係因為個汁加咗好多椰汁，所以食落唔會好辣，反而帶有好香嘅椰汁味，而雞肉方面因為經過長時間嘅烹煮，所以雞肉基本一撕就開，食落不單止入味還好嫩滑而厚切豆腐和蛋配上辣汁一齊食，味道好配之餘仲好「下飯」；另外，我小食食配了牛肉薯仔餅和惹味唐芹拌豆筋，薯仔餅雖然細細嚿，但裡面都好足料，你真係會食到牛肉，唔會淨係得薯仔咁，豆筋就普普通通，唔太特別木瓜椰奶雞髀肉 推薦指數🗯️：🌟🌟🌟🌟依個食落就更加重椰奶味，而且它加了木瓜，所以食落會更加甜，但容易會覺得膩，配些辣味嘅小食可以中和一下；咁同事小食和我一樣都揀咗牛肉薯仔餅，他另一個就揀咗涼拌手拍青瓜，食落青瓜都算入味，唔會淨係表面有醬汁味，之後就全部都係青瓜味，都算唔錯飲品方面就中規中矩，唔會特別好飲但又唔係難飲…Read More

今日黎到上環，經過呢間叫嘟啲雞既餐廳，淨係睇個同咁得意仲以為係食韓國炸雞，睇完menu原來係主打印尼菜！反正好少接觸印尼菜，感覺幾新鮮，就決定試下。餐廳既裝修偏簡約，比人感覺乾淨企理。見到餐牌有一人/二人套餐，我同男朋友決定叫個二人餐share，入面包括2個主食，4個小食，同埋2款飲品。〈辣Tuti雞配厚切豆腐〉雞髀夠晒大隻，肉質幾嫩滑，咬落亦好夠肉汁好juicy，一啲都唔乾。另外佢既醬汁都幾惹味，辣得嚟帶微微甜酸，好有印尼特色，撈飯一流！〈辣Tuti醬炆牛腩〉呢個醬汁同辣Tuti雞既醬汁係一樣既，牛腩炆得好淋好入味，男朋友讚呢個牛腩有驚喜，有水準。〈牛肉粒粒薯仔餅〉薯餅入面撈左粒粒牛肉碎，薯餅既口感綿密，外表微微煎過，食落香口。〈惹味唐芹伴豆筋〉唐芹豆筋口感爽脆，少少辣，幾開胃。〈百香果蜂蜜茶〉入面有粒粒既百香果肉，果香味好重，加埋蜂蜜飲落感覺幾滋潤，甜度亦啱啱好。〈野生松茸鮮雞湯〉飲品加$18就可以升級轉湯，睇左介紹呢個湯係用鮮雞肉同埋松茸熬製而成，果然飲落去雞既鮮味好出，好滋補，值得一試。…Read More

上環呢間嘟啲雞平民化價錢，環境乾淨坐得舒服，菜式以Fusion印尼菜為主，聽到個名都知要試吓佢啲雞叫咗個二人餐都幾抵食，有2個主菜、4款小菜、2個飲品，2個人食份量好足夠單叫 野生松茸鮮雞湯 ($48)，飲落清新唔係味精湯，都幾有雞湯味道，湯料都幾足。套餐包嘅前菜份量唔算好多，但對得住個價錢，而且味道都OK！個人特別鐘意手拍青瓜、豆筋、酸蘿蔔，都係啲惹味開胃小菜。木瓜椰奶雞脾肉配粟米飯即刻聞到好香嘅椰奶味，  香甜椰汁配埋嫩滑雞肉好啱送飯食，加咗$5轉粟米飯，幾特別又幾好食。辣tuti雞撈麵餐牌上有一隻辣椒，但個人覺得應該係2隻辣椒，配埋青瓜絲及麵可以幫助中和下辣度，仲有蝦片同煎蛋即刻增添咗印尼風味。…Read More

收工去上環搵朋友食野，經過呢間炸雞店，被可愛的門面吸引左，見二人餐都幾豐富甘，有兩個主餐，4個小食，兩杯飲品，所以入去食。主菜揀左Tuti雞肉撈麵同木瓜椰奶雞脾，兩個牛肉粒粒薯餅，手拍青瓜同麻油芽菜。Tuti雞肉撈麵的辣都幾麻，總體感覺不錯。木瓜椰奶雞脾也是一個特色料理。口感清新，而且淡淡的木瓜香氣與鮮嫩的雞脾融合在一起，都幾夾。整體來說，這道菜在味道和口感上都表現得不錯。手拍青瓜同麻油芽菜呢兩個前菜也幾清新。總體而言，餐廳環境乾淨整潔、服務也十分親切。…Read More

上環新開左間嘟啲雞，呢個名好特別，「嘟啲」是我小時候工人姐姐的名，令我意想不到竟然這間舖頭也是一間食印尼菜式舖頭。一於懷緬一番昔日的情懷。木瓜揶奶雞髀配粟米飯，粟米飯很特別，是把粒粒粟米磨碎混合白米當中，雖有味道並不是很突出，但營養很高，很值得加錢升級。未食飯前當然要食開胃配菜，涼涼手拍青瓜酸酸甜甜，非常開胃，牛肉薯仔餅，很傳統的印尼小食，薯仔比例較多很重身，味道濃郁。至於揶奶雞髀，雞髀啖啖肉，很嫰滑，揶奶底是我最愛，撈飯一流。櫻花蝦蟹子炒飯，印尼的炒飯底比起一般的炒飯較濕，蟹子同櫻花蝦都有很多，混合一起食味道濃味豐富，旁邊還配上脆卜卜的蝦片，整體都唔錯。馬拉盞炒通菜，通菜新鮮幼嫰、很重蒜香味，帶點辣辣地，很惹味。凍菠蘿青檸蜜，菠蘿味酸酸味味，在接近30度的夏天飲很有解暑的感覺。…Read More

木瓜椰奶雞髀肉配粟米飯擺盤擺得好靚，好有儀式感。將木瓜擺入餸菜黎嗰配搭真係好新奇。餐廳將木瓜切成條狀，炆到好淋，食落口感有啲似白蘿蔔，可惜冇乜木瓜嘅香味。雞脾肉嫩滑，椰奶味香濃。啲汁攞黎送飯一流。不得不提嘅係佢嘅粟米飯，店家將粟米打碎去水之後，撈埋啲飯，食落口感幾特別，冇乜粟米嘅甜味，唔會話搶左飯嘅味道。佢送上枱果刻我仲以為係蛋炒飯。SOTO印雞湯粉湯底係黃色嘅雞湯，飲落清清哋好健康。配上椰菜絲同埋西芹粒，食落清新唔油膩。想有少少鹹味嘅話仲可以一啖湯粉一口蝦片。馬拉盞炒通菜餐廳嚴選幼嫩通菜，加入爆香咗嘅薑蒜同馬拉盞炒香，非常惹味，送飯一流。…Read More

嘟啲雞係一間位於上環嘅港式食堂，呢度嘅食物好啖，仲平易近人。今次我嚟到呢到食嘢，揀咗一人套餐，包括咗牛肉粒粒薯仔餅，辣雞，白飯，加咗煎蛋，同埋馬拉盞炒通菜。另外，我都飲咗一杯野生松茸鮮雞湯。首先，講返嘢食，牛肉粒粒薯仔餅好香脆，加埋佢嘅醬汁，味道更加出色。辣雞都唔錯，肉質鮮嫩多汁，辣度啱啱好，啱啱刺激到我嘅味蕾。煎蛋煮得好夠熟，令到整餐飯更加豐富。馬拉盞炒通菜就好開胃，通菜炒得剛好，仲有啲微微嘅辣度，好開胃。嚟到湯，野生松茸鮮雞湯好滋味，湯底濃郁，仲有松茸嘅香味，唔會太膩口，令我好開心。整個用餐體驗，服務員態度都好友善，餐廳環境亦都好舒適。總括而言，嘟啲雞係一間性價比高嘅港式食堂，食物好味又平易近人，推介大家嚟打卡。…Read More

收工偷懶唔煮飯，希望今晚可以早啲開始睇鬼滅之刃。直接去屋企附近嘅呢一間餐廳食個二人餐，抵食又快捷。～#辣雞配厚切豆腐白飯：作為招牌冇令人失望，雞肉帶辣香，豆腐軟滑，整體都惹味。另一款主食#木瓜椰奶雞髀肉 就帶椰子清香，雞肉滑嫩，另加$6要埋個粟米飯感覺健康，不過最值得一讚係雞蛋煎得邊緣薄脆又帶流心，為個飯加分不少。～🥬跟餐可以選擇一款菜，我地就揀咗蒜香爆炒四季豆，四季豆炒得剛好，脆綠無渣。～🥢幾款跟餐小食，調味不錯。#麻油香拌芽菜：芽菜爽口，麻油香味濃郁，幾開胃。#涼拌芫荽脆花生：花生香脆，芫荽清新，微辣下飯。#惹味唐芹拌豆筋：豆筋彈牙，唐芹解膩，個人最愛呢款小食。#涼拌手拍青瓜：手拍青瓜清爽非常，同辣雞好搭。～～～飲品類方面，#凍菠蘿青檸蜜 清新非常，蜜甜蜜甜的，係舒服嘅甜度，不太膩。唔中意凍就可以一試#野生松茸雞湯，鹹鮮雞湯帶松茸清香。～～～嘟啲雞 上環蘇杭街100號地舖…Read More

呢一區好少印尼菜餐廳，其實係香港印尼菜餐廳已買少見少。初初睇門面，無諗過竟然開咗間係我附近，啱晒我，因為我唔知點解好鍾意食印尼雞湯（印尼文: soto ayam），好難係香港搵到正宗的。印尼雞湯係一種黃色雞湯，係湯中加入薑黃為湯水帶來黃色，可以配飯或粉絲或麵條。 東南亞印尼、新加坡、馬來西亞常見嘅菜式。我鍾意呢度配合多椰菜絲同西芹粒，足料鷄絲多同肉質滑，蛋都係必須嘅組合，加埋大大塊脆蝦片，好味，好滿意！！另外，小食牛肉薯仔餅都係我喜愛嘅菜式；鷄翼香口；兩款幾好有3或5揀，兩個人都可以order小份量啱啱好。炒飯比較fusion配蟹子，櫻花蝦乾，同唔少得嘅煎蛋，飯炒得啱啱好，乾身唔油。總括，我會再encore個印尼雞湯，I love it！！…Read More

上環有間嘟啲雞食set餐，方便快靚正！網上外賣平台order online都得，更方便快捷。menu款式都幾多，樣樣都幾吸引。主食要左辣tuti雞配厚切豆腐再配粟米飯，辣汁好惹味，撈飯食好滋味！雞脾肉夠嫩又吸味，豆腐軟綿豆香重，粟米飯幾特別，帶點香甜感。小食選2款， 牛肉粒粒薯仔餅幾綿滑，手拍青瓜青爽清新。馬拉盞炒通菜口感爽身，味道濃郁，炒得幾香！份量都幾大碟。印尼撈麵大大碟，味道夠濃香，配雙煎蛋加蝦片，幾有風味。菠蘿青檸冰，甘甜清新，甜得自然幾好飲。…Read More

今日放假，到上環找朋友食飯，避開了午市的高峰時間，我們3:00才吃午飯。這個二人餐，$155，可選兩個主菜+四款小食和兩個飲品，抵食！主菜的辣醬炆牛腩，滿滿的香料，富東南亞特色的咖喱汁，配飯一流！而且牛腩很嫩滑！另一主菜選了木瓜椰奶雞脾肉，以青木瓜配椰汁，清甜好味，啖啖肉。小食方面，我們均選了牛肉薯仔餅，另加手拍青瓜和唐芹伴豆筋，以定食的格局上菜，很工整！額外單點了的炸雞翼。加了錢把其中一個飲品轉做野生松茸鮮雞湯，松茸味道濃，飲得出是用了心機去製作，感覺有很多雞的精華在一個碗內！…Read More

係公司附近見到新開左呢間餐廳，見到佢嘅菜式唔似地道菜，有啲特別，今日約埋同事一齊試。二人套餐套餐可以揀選四款前菜，我哋揀左牛肉粒粒薯仔餅x2、涼拌芫荽脆花生、涼拌手拍青瓜。前菜好精緻，特別涼拌芫荽花生，辣辣地，又脆又爽口，正👍🌟炒通菜🌟大大碟，冇得輸🤭🌟辣Tuti 醬炆牛腩配白飯🌟香辣嘅Tudi 醬，好似印尼餐廳啲醬汁咁，好特別，辣味誘人，辣得來有少少甜，醬汁層次感好豐富，濃濃的醬汁包裹住軟口嘅牛腩，加新鮮嘅薯仔粒，配飯非常恰當。🌟木瓜椰奶雞脾肉配栗米飯🌟切成條狀嘅木瓜炆得好淋，椰味香濃，雞髀肉嫩，配左打爛咗嘅栗米係白飯之間，特別清新。…Read More

最近去咗上環嘅tuti chicken試咗佢哋嘅蒜香雞翼同埋醬忟牛腩。雞翼好大隻，一份有五隻，夠食夠味，啖啖都係肉汁嘅滋味。加上佢哋嘅秘製蒜香醬汁，令到雞翼更加香脆，令到我啖完之後仲想再啖多幾件！醬忟牛腩都好好食，肉質好腍身，配上白飯啖非常過癮。煎蛋的話就普通啦，唔算係特別出色。杯凍豆漿的話都幾好飲，清新唔會太甜。整個餐廳環境都好舒服，啱哂同朋友傾下計，嚟個晚食飯都好開心。雖然價錢唔係最平，但係份量夠好味道又好，值得一試。下次再嚟應該會再試其他嘅菜式啦！…Read More