Ka Mei (Closed)

平時我比較少去元州街附近，先前同朋友傾開食過其他小店嘅1蚊件煎釀三寶🍆🫑🌶，佢同我講原來長沙灣都有間，我都已經好想去食，但遲遲都未經開。早排上網睇到話呢間小食店做到11月尾就唔做啦，點都要去試下。😔又一間呢d有香港特色嘅小食店光榮引退，感覺好可惜。細細間好似車仔檔咁就一間舖，而且開係住宅嘅正中間，冇堂食，好乎合香港地少人多嘅特質⋯⋯🥺平時去搵呢類小食店，唔係因為食物有幾好食、有幾咁特別，而係果種懷舊同感覺⋯⋯😣良心小店執一間冇一間啦，如果想去食嘅，11月30日前就要去啦。…Read More

煎釀三寶🍢$1/件碗仔翅🍲$12老闆就快退休🥸做到下個月中就結業🥲我都真係去咗十幾年😅見證佢三寶真係無加過價🥳但係近幾年質素下降，所以冇乜點去🤓去到都有唔少人排隊😄好多款炸物都係一出就冇曬🙃所以都要預咗等一陣😁即炸係好食啲，但味道始終冇以前水準😆估計都係材料嘅原因😗不過無計啦，價錢影響質素🧐另外碗仔翅係第一次食，普普通通啦😉嘉美食記 (深水埗)深水埗元洲街213號美居中心商場36B地舖…Read More

街坊系列 – 嘉美食記💚陪伴住香港人長大既街頭小食🇭🇰除左近乎被壟斷既燒賣魚蛋外😢最深入民心既一定係煎釀三寶🔥------------------------------環境: 舊式小店攤檔型式💈只做外賣🥡真正港式掃街多年日日油炸🔥點都有點油跡不過唔算好勁😬唔完美可改善------------------------------食物: 煎釀三寶 ($1/1件)😜茄子,豆腐,燒賣,腸仔,春卷…..款式非常多😱今次無法辦法試哂特別推薦茄子同豆腐👍🏼🍆$1茄子無可奈一定比較薄但店主依然會加足魚肉係面🐟食落口亦無臭油味😋⬜豆腐一樣🐟魚肉非常足而且$1黎講🧐真係都算大件CP值一流🈵食多2舊滿足哂其他野就正正常常🈴都係急凍現成貨再炸------------------------------服務: 老闆娘做野快靚正💁🏼‍♀️一路揀一路夾一路計數🧐態度都幾好,比旺角果批好好多😆------------------------------環境: 5 /10食物: 5 /10服務: 5 /10地址: 深水埗元洲街213號美居中心商場36B地舖人均消費: $10 - $ 20…Read More

煎釀三寶一蚊一件，響宜家呢個年代，其實真係好難搵到，仲要款式唔少。除咗食開嘅茄子、魚蛋、青椒、紅腸等。佢哋仲有炸餃子，炸燒賣，炸豆腐，炸雲吞，不能盡錄。咁多款式，都仲係賣緊一蚊一件，仲要鄰近深水埗個頭。而且小店我都幫襯左好多年，感謝伯伯亦依舊為我地慳住個荷包嘅努力。嘉美食記 (深水埗)深水埗元洲街213號美居中心商場36B地舖…Read More

嘉美可以話係我既中學回憶次次放學都係: 撈麵加4件麥樂雞呀!!唔該😋下午茶$9搞掂👍🏻👍🏻依家煎釀三寶仲係抗通脹價 $1/件‼️‼️超級推介炸韮菜餃同炸雲吞🥟🥟🥟🥟比出面既多餡好多架仲有麥樂雞同薯餅揀添☺️最正係夠多街坊幫襯 所以出爐夠晒快炸物仲係脆卜卜 熱辣辣架~~~…Read More