嘉彩漁村京滬菜館

Open Now

Now Closed

星期六食飯諗住多人早幾日過黎訂枱，商場有兩間選擇其中一間要限時間，所以揀咗呢間食飯。到左三聖去左關財記買海鮮，不過比以前感覺少咗人買…..😌，所以再去行前少少上記揀其他海鮮，個姨姨幾友善同價錢合理。買海鮮大約$2170（龍蝦，東星，奄仔蟹，九節蝦，聖子，扇貝）加工及半隻燒鵝，小炒王，芋頭南瓜煲 6罐飲品$1560龍蝦上湯意麵⭐️⭐️⭐️⭐️⭐️大人小朋友都好中意食鹽焗奄仔蟹⭐️⭐️⭐️⭐️ 正常清蒸東星班⭐️⭐️⭐️⭐️蒸得岩岩好，夠滑小炒王⭐️⭐️⭐️正常芋頭南瓜煲⭐️⭐️⭐️⭐️ 芋頭夠淋入味，老人家喜歡芝麻餅+煉奶⭐️⭐️⭐️⭐️⭐️酒家送既，夠哂香脆，值得再食白灼九節蝦⭐️每次黎三聖都會買，但今次太細隻無肉食，所以唔關酒家事豉椒聖子⭐️⭐️略為偏咸粉絲蒸扇貝⭐️⭐️⭐️⭐️整得幾好味😋燒鵝⭐️⭐️⭐️⭐️唔記得影，肥瘦適中又唔咸，幾好食😋結論：雖然中間有啲阻滯，但及時處理，侍應都好nice有講有笑👍🏻👍🏻👍🏻 服務幾好，有人情味，黎三聖食飯多個選擇。

在黃金海岸 staycation ，酒店不包晚餐，所以當晚大夥兒去三聖村食海鮮 。已經很久沒有去過三聖村，之前詢問住屯門的朋友那間食店好，他們都推介這間酒樓 。因為我們要揀海鮮，所以 5:30 pm 左右便到了三聖邨，先去朋友推薦的上記海鮮檔買海鮮。 店主都好老實，根據你晚飯的人數，再和你預算海鮮分量，海鮮價錢合理。6 pm 左右便上酒樓，由於前晚八號風球 ，今天剛落波，酒樓當晚很多客人，他們要求我們 8 pm 要交枱， 其實你煮得快，我哋咪食得快囉。 😁一入門口右邊被屏風間咗給其他食客，我們十個人坐在一入門口左邊，環境比較擠迫。東風螺之前都係烚熟或者辣酒煮，因為驚有啲朋友唔食辣，所以鹽焗，第一次呢個做法，味道都唔錯😙瀨尿蝦都好大隻 每人半隻。基本上呢間酒樓嘅師傅，煮啲嘢大部分味道都唔錯， 冇浪費到D海鮮。😋呢隻鮑魚比平時食嗰啲大隻。呢隻係澳洲扇貝， 味道不錯。臨尾侍應話上甜品比我哋，原以為係一般嘅紅豆沙，原來係芝麻餅，雖然當時食到好飽，但係都覺得呢個芝麻餅好好食，外脆內軟，又夠熱，真係一大驚喜 。加上外面都好少見到，呢啲咁大嘅芝麻餅。🤗

村內有誠意酒樓，意想不到的好味。對比起旁邊那間裝橫氣派，有新裝修的酒樓，這間的門面裝修顯得有點歲月，店名睇落似係小菜館，居然有茶飲，有點心食。點了飯、粥和一些點心。等待中，見到對面的星州炒米，材料充足，蝦大大隻，價錢公道，其他地方同等價錢一定食唔到咁大隻蝦。食物到：鴛鴦炒飯-大大隻蝦搶鏡，炒飯粒粒分明，紅汁酸酸甜甜又開胃春卷-鈎起童年回憶，細個飲茶必食蝦春卷，內裏啖啖蝦肉，yummy碎牛肉粥-食落意想不到的綿滑，連粥舖都自愧不如，可惜冇薄脆或油炸鬼牛肉腸粉-又一味勝過粥舖，腸粉皮煙韌，唔會軟淋淋，一夾就斷，又唔會死實實，夾唔開或者好似好厚的紙咁，質地勝過大部分的酒樓京蔥牛肉球-鐘意牛肉球有肉汁的話，千祈唔好點，睇想就知咩野事總結，食品質素好，下次仍會再光顧。

好簡單既裝修，有點殘，以為中伏點知有驚喜環境：1/5店內裝修殘舊，枱布櫈之類都殘殘地，門口冷氣有滴水，但係真係傳統既酒樓，同童年差唔多食物：4/5點心好多野揀，蟹粉小籠包，蟹粉蝦餃，普通蝦餃都好好食！又好大粒！另外必叫黃金大餅，呢個最好叫佢炸得乾身d,或者搵野幫你吸油，呢個加煉奶無敵。全部點心都係即叫即蒸，所以要d時間服務：3/5呢d傳統酒樓，服務正常，都係差不多，所以無咩好講性價比：4.5/5叫左8籠點心，大概200左右，另外叫套餐188-包蝦餃，蟹粉小籠包，蒜炒時菜，蛋白海皇炒飯，算好抵食！飯量2-4人份

必試皮脆肉嫩紅燒乳鴿喺黃金海岸沙灘玩咗一個下午，晚上去三聖搵嘢食醫肚。紅燒乳鴿$38隻抵到呢，叫咗四隻慢慢品嘗，估唔到咁好味，皮脆肉嫩又Juicy😍仲打包多隻返屋企啤媽咪試下，媽咪都話正😋其他菜式普普通通，無咩特別，椒鹽鮮魷個炸漿未煮熟，仲有粉團係入面，而且沒椒鹽味。芝麻餅是值得一讚，見到隔離枱食，勁香噴噴就叫嚟試吓，好香脆，入面勁鬆軟，大人小朋友都鍾意食。🥰嘉彩漁村京滬菜館 (屯門)屯門三聖街6號三聖商場3樓2A號舖