Tai Tai Cafe (Under Renovation)

在購物平台見有優惠，食評都還可以，諗住試一試，點知試完真係覺得啲食評係假嘅。碗牛肉麵似車仔麵，其實車仔麵仲好食過佢，面底係拉麵，湯底係港式牛腩汁，加幾舊細蘿蔔就當係台灣牛肉麵。碟鹽酥雞好明顯係預先炸定，用微波爐叮翻熱，連返炸都冇做，真係丁點誠意都冇。杯手打檸檬柑桔茶，好明顯唔係手打，冇茶味，冇檸檬味，檸蜜沖。杯特濃奶蓋珍珠奶茶，算係最正常，不過都係唔好飲，奶粉沖。用原價嘅話，真係完全唔需要食。其實用優惠都唔係好值。…Read More

第一次光顧，是晚餐時段，點了套餐有牛肉麵加小食加甜品/飲品，再加一個胡麻醬雞絲冷麵，今天顧客不算很多，但服務員看似很忙的，未答完我哋嘅問題已經轉頭走開咗！套餐嘅甜品點了芒果千層蛋糕，但來了一個看似芒果芝士餅的東西，告訴經理送錯了，但他竟說：「冇錯呀！是芒果呀！」我們說是千層蛋糕，但他仍堅持是這個，不想與他糾纏照食算了，但原來係一個好硬嘅慕絲蛋糕，難食！真係唔怪得香港人北上搵食，香港是成本高，價錢上不可與深圳比較，但服務態度是可以控制的，在香港從事飲食業嘅人士要想想如何令客人滿意，唔係點樣令自己少啲麻煩！…Read More

意外發現哩間餐廳。以為係韓菜，原來係台菜。好喜歡哩到裝修，亂中有序，好多打卡位，亦可租著韓服。好特別。今日食A餐，沙律好一般，炸雞都幾脆，蕃茄免治牛飯係小時間快餐店味道，好懷舊。凍檸水無叫小甜已經自動少甜。會再黎試其他嘢食，因為環境好吸引，食物價錢合理 …Read More

🎡 係一間懷舊作主題的台灣菜餐廳，都幾有特色。位置可能要揾下，因為系商場最入邊。一入去你就會見到有不同懷舊裝飾，及懷舊玩具售賣。但整個天花的綠葉裝飾，感覺就有點over了。🥢🍽️  🍱 嘆嘆套餐 ($118), 包括以下3樣:    🍜 海南切雞養生蟲草花白湯麵 (手工幼麵)        湯底甜淡; 手工麵有咬口。   🐤 鹽酥雞        驚喜，香脆多汁。   🥞 招牌黑糖珍珠奶蓋千層蛋糕配麻糬        質地有點兒硬，黑糖醬過甜，珍珠粉粉口感，配上麻糬餡…um…有點too much的感覺，好有罪惡感。🥘 卜卜白蜆雲吞鍋 ($88)白蜆大約有5粒，蜆肉不瘦; 雲吞內餡份量足，脹卜卜; 仲有其他豆卜，蔬菜等，材料頗豐富。🍳🦪 九層塔蠔仔炒蛋 ($58)有驚喜。蠔仔好飽滿脹卜卜，蛋火候剛好，炒得鮮嫩滑口。🧆 夜市小食拼盤 ($58)有台灣腸x1, 甜不辣x3, 鹽酥雞粒x5, 脆皮台灣腸，正！ 鹽醉雞炸得幾香脆，調味都好平均，加分。🍨 啡啡雪山 Affogato ($38)其他地方見到通常都$50up, 哩個價錢所以就即刻試下！咖啡炭燒味濃。🧋 熊仔特濃奶蓋珍珠奶茶 ($32)奶同茶平衝得不錯，珍珠就系唔彈牙，系粉粉口感果款珍珠，唔係我個人喜好。❣️無加一…Read More

呢間台灣嘢超多選擇，有麵又有飯，仲有火鍋！仲有刨冰、芋圓、蛋糕。不過正如標題所講，正餐飯、麵、火鍋都可選擇，味道不錯，但甜品真的未試過可以差到咁，啲甜品簡直係劣食！！！// 秘製滷牛展拼手炒蔥油麵 $68啲牛腱好腍，切得好厚身、啖啖肉啲麵嘅質感煮得剛剛好，夠彈牙。// 嘆嘆招牌牛肉麵 $68啲牛肉又係煮得好腍，好入味、肉質鬆軟。面質煮得同上，剛剛好，夠彈牙。// 招牌鐵路便當盒鹽酥雞排 $72呢個好抵食，多餸又有湯，仲有菜。味道就中規中矩，正常發揮嘅滷肉飯同鹽酥雞。// 招牌鐵路便當滷水雙拼（雞翼&豆腐） $72滷肉飯同雞翼都係同上，中規中矩，正常發揮唔知點解呢個會轉咗碟。// 菜式鐵鍋湯大滿足套餐 $128濃香蕃茄牛肋條湯正！滿滿嘅蕃茄同一大堆蔬菜，好足料。（曲）勁爆多芽菜，牛肋條就得四條。不過另外加錢套餐嘅配送份量都多，足夠二至三人食。佢提供嘅醬料選擇好多，係台灣火鍋會見到嘅醬料。// 招牌珍珠奶茶奶蓋千層蛋糕 $48救命，狗也不吃程度！ ！ ！🤮🤮🤮未食過啲忌廉係可以咁乾、咁澀、咁實、咁假。明顯地完全係唔知道邊度食物工場買返嚟，然後擺咗好耐喺雪櫃都冇人食。。。珍珠又冇味，奶蓋又冇味。。。// 3.6牛乳仙草芋圓大盛 $68黐線，呢個都好離譜，完全係齋沙冰配上一舊冇味芋泥！紅豆麻糬、同埋一堆珍珠、仙草、芋圓。個冰完全唔夠牛乳、黑糖味！希望大家珍惜金錢同quota…Read More