Choubo Kissaten

今日去大埔行街，大埔超級城都幾大，不知不覺行到有點累，被喫茶ちょうぼ裡面的抓娃娃機吸引，就入去醫肚！餐廳的裝修好似讓人瞬間穿越到日本昭和時代。深木色卡座，環境舒服得來帶點懷舊感。店員態度友善，落單時會耐心介紹招牌菜。贅沢蟹黃膏蛋包飯 一上桌已經聞到好香蛋味！用刀輕輕劃開蛋皮，蛋液傾瀉出來的畫面真的很治癒。再淋上橙黃色蟹黃蟹膏，味道又鮮又濃，撈埋軟硬適中的珍珠飯，每一啖都係滿足。喫茶夏祭屋台小吃盛日式炸雞外脆內嫩，咬落肉汁爆出！章魚小丸子粉漿比例剛好，入面仲食到粒粒章魚。青梅漬小蕃茄，清新酸甜好開胃！八爪魚造型腸仔就係童年回憶，小朋友實鍾意！究極！蟹黃醬拌烏冬烏冬遇上濃稠蟹黃醬，撈勻後每條烏冬都掛滿金黃醬汁。烏冬口感煙韌，味道比蛋包飯版本清爽，好適合夏天食！蜜漬柿の香刨冰打卡一流！成座小山咁高嘅刨冰，淋上蜜漬柿子醬，有新鮮柿肉。刨冰打得極細綿，入口即化，甜度控制得剛剛好，透心涼！夏祭金魚梳打 & 香熟芒果梳打透明杯底游住幾條七彩金魚軟糖，倒入梳水後金魚會慢慢浮上嚟，好有童趣！軟糖帶淡淡蜜桃香，飲完仲可以食埋佢～芒果梳打則是香氣濃郁！遇上西瓜幸運祭，當日消費滿$200就可以玩「夾西瓜」遊戲！我抽中咗減壓西瓜！還有其他獎品，例如免費小食！這次真是有得食又有得玩！…Read More

大埔超級城很多店舖吃東西，令人眼花撩亂，剛巧想吃吃日本菜，看見這間好像有主題推出，那要試一試呢，店內裝飾有特色，主題原來是《夜煙火物語手帳》只需要三步：點選「夏夜煙火物語」主題產品，拍下美照，並上載至 社交平台，即可獲得花火貼紙包或金魚風鈴乙個，另送免費甜品乙客，也可以寫下你專屬的夏夜回憶，十分有趣夕暮夜煙燻牛舌蛋包飯 128元蛋包飯分量大，牛舌非常軟淋有咬口，炒蛋𠝹開後內裡是像西炒飯的樣子，再配上燒汁，開胃非常喫茶夏祭屋台小吃盛 128元包含4款小吃，有炸雞，章魚小丸子，香腸及椒鹽粟米，炸雞滿佈芝士粉，惹味非常，還有車厘茄讓你解膩旨醤油大蝦胡麻風冷麺 116元2隻大隻醬油蝦，入味彈牙，冷麵爽口，配上胡麻醬味道更昇華夏夜花火白桃刨冰 88元造型精美，打卡一流，白桃香甜，刨冰消暑解喝夏祭金魚梳打 48元梳打水內有金魚造型軟糖，吃下去甜甜的夠惹味煙火物語白桃梳打 48玩白桃味重，解膩飲料喫茶ちょうぼ安邦路8&10號大埔超級城B區2樓276號舖…Read More

喫茶夏祭屋台小吃盛 $128有青梅漬小蕃茄、祭煙火祭章魚燒 、黄玉米唐揚炸鷄、琉球族八爪魚香腸、香辛七味粟米條青梅漬嘅小蕃茄，好特別，酸酸甜甜，超好味💯唐揚炸鷄，做到外鬆脆內肉嫩👍🏻粟米條，超甜粟米，同香辛七味好夾😋夕暮夜煙燻牛舌蛋包飯 $128蛋面煎得夠滑，上菜後店員幫手切開，流出滑滑嘅蛋漿；有5塊煙燻厚切帶有微微煙燻香，好味😋旨醤油大蝦胡麻風冷麺 $116兩隻醃咗嘅大蝦好新鮮，又唔會醃得過咸，啱啱好，胡麻冷麵，配埋青瓜絲、紅蘿蔔𢇁、蛋𢇁，夏天食至啱，又健康👍🏻夏夜花火白桃刨冰 $82外面天氣咁熱，緊係要食返個刨冰啦，刨冰唔係韓國雪花style，係比較日式粗粒嘅，喺刨冰上面淋上白桃漿，再有幾片新鮮白桃，絕對係夏日透心涼呀夏祭金魚梳打 $48好特別，係波子汽水加埋好搶眼嘅金魚橡皮糖，又唔會太甜又靚煙火物語白桃梳打 $48夠清新，雖然上面有cream但都唔會好甜好膩👍🏻仲有《夜煙火物語手帳》 優惠：只需三步：點選「夏夜煙火物語」主題產品，拍下美照，並上載至社交平台，即可獲得花火貼紙包或金魚風鈴乙個，另送免費甜品乙客，寫下你專屬的夏夜回憶…Read More

2025年7月22日 星期二今晚約咗好耐冇見嘅大學同學係大埔食飯，由於預計咗一定會傾好耐，所以都希望搵一間舒適休閒嘅地方可以慢慢傾，最後就搵咗呢一間餐廳，雖然座位唔多，但空間佈置好有心思，牆上掛住懷舊畫作，配上輕柔既爵士樂，真係令人好放鬆餐牌整得好精緻，圖文並茂，有好多唔同種類嘅食物可以選擇，仲有我最鍾意食嘅日式蛋包飯添，價錢都唔算太貴，我哋兩個人決定share嚟食，於是點咗兩個主菜、一個小食同一份甜品，再每人點一杯飲品，應該就好足夠點完餐大約等咗15分鐘左右，食物就開始陸續送到，一嚟到嘅就係若葉香氣蛋包飯，翠綠色既蛋皮包住香噴噴炒飯，賣相一流，唔止打破一般對蛋包飯嘅印象，仲帶有陣陣青葉香氣添蛋皮煎得滑而不膩，配埋微酸甜嘅白汁，味道層次好豐富之後有日式咖哩牛肋肉烏冬，店員仲會即場刨芝士出嚟，睇落真係好邪惡～牛肋肉烏冬本身已經夠香濃，配埋濃郁日式咖哩，再刨上厚厚芝士，就好似多咗一層綿滑芝士瀑布咁，視覺同味覺都無得輸！芝士一溶喺熱辣辣咖哩裡面，變成一種黏黏又香口嘅口感，加埋牛肋肉嘅軟腍口感，一啖落去真係滿足到不得了呢個係蔥油香菜唐揚炸雞，真係夠晒創意，外皮酥脆到咔咔聲，炸得金黃香脆，而蔥油香菜嘅搭配不但冇搶味，反而令炸雞多咗一份清新嘅層次感香菜嘅微苦同蔥油嘅鹹香令整體味道更有深度，係港式與日式之間嘅完美融合飲品方面有抹茶麻薯沙冰，用左茶香濃郁嘅抹茶冰沙做底，飲落去即刻透心涼，入口回甘得嚟又唔會太澀，麻薯粒煙韌Q彈，好有口感，每啖都咬到甜甜嘅驚喜，面層仲有抹茶醬忌廉點綴，整體顏值高之餘又唔膩，打卡一流配搭冰涼口感同麻薯嘅韌性，真係一冷一暖、一柔一韌嘅完美平衡另一杯就係紅豆牛乳，濃郁牛乳加入粒粒紅豆，甜度岩岩好，唔會搶味又唔膩，帶有微微豆香同奶香，飲完心情都溫暖咗如果食完炸雞或者咖哩，想嚟杯溫柔收尾，呢杯就一定係完美選擇最後有甜品初夏清甜蜜瓜刨冰，冰晶綿密但唔會太硬，入口即化，好似初夏微風咁柔蜜瓜果肉色澤誘人，果香濃郁而自然甜潤，汁液滲入冰層，每啖都感受到果香同冰感交融，彷彿將炎熱一掃而空食落去仲有種果香由清香慢慢升級成熟果甜，層次感好足夠埋單每人$300左右，傾得好滿足又食得好開心！…Read More

《喫茶ちょうぼ - 大埔》每當有朋友入嚟大埔搵我，想去個安靜啲嘅地方傾偈的話我一定會帶佢去呢一間和食屋 @choubo_kissaten 食蛋包飯同飲杯野，今次都唔例外🤗餐廳近排推出咗新嘅蛋包飯，用咗牛油果製作，成個飯綠色好靚呀，仲有一個好啱夏天食嘅蜜瓜味刨冰，每隔一排就有新出嘅菜式，食極都唔厭呀💁🏻‍♀️夏日芒果梳打 $45天氣熱嘅時候最適合就係飲梳打呢一類有氣嘅飲品，芒果糖漿配上梳打水，味道唔算太甜而且好清爽，不過略嫌細杯咗少少姐💁🏻‍♀️朱古力曲奇黑咖啡 $52而我就叫咗一杯店員推介嘅朱古力曲奇黑咖啡，佢上面嗰一層奶泡混和曲奇碎同埋朱古力醬，如果鍾意飲Mocha的話你會喜歡呢款咖啡的💁🏻‍♀️若葉香氣蛋包飯 $136呢一個就係我講嗰個新推出嘅蛋包飯，個蛋有一陣香料嘅味道，綠色嘅外觀好吸引，下面墊左大量牛油果肉，店員會將蛋切開再淋上忌廉汁，連個飯都唔係普通嘅白飯，係加咗味素既飯，所以入口超級香，同埋食完唔會覺得好滯👍🏻💁🏻‍♀️日式咖喱牛肋肉烏冬 $132另外一個主食我地叫左咖喱牛肋肉烏冬，咖喱用左日式既製作方法，所以食落甜甜地好開胃，烏冬好掛汁，店員刨左好多芝士落去，混合埋蛋黃汁之後食落更滑同埋濃味，就算唔食辣既都可以食得到既咖喱💁🏻‍♀️蔥油香菜唐揚炸雞 $118我地仲另外叫左個小食share，醬汁用左平時食白切雞既蔥油製作，淋上脆卜卜既炸雞肉上面，食落幾惹味，份量又多又大份，最啱一班人一齊食💁🏻‍♀️初夏清甜蜜瓜刨冰 $82因為天氣真係好熱，的確會令人想食刨冰，又係用咗日式嘅方法，喺刨冰上面淋上蜜瓜味嘅糖漿，再有幾片新鮮蜜瓜肉，刨冰嘅冰粒比較粗，係好原始嘅味道👍🏻就有啲似去日本舊式甜品舖會食到嘅懷舊冰點一樣…Read More