喜點.鮮鍋粥底火鍋點心專門店 (Closed)

唔知點解夏天一到就密密食邊爐，鍾意食粥嘅我就決定同朋友食粥底火鍋，因為有海鮮嘅粥先係最最好味✨✨佢依度有兩個套餐可以揀，分別就係主食海鮮有高底之分，想吃龍蝦嘅我哋就揀左258嘅餐☺️ 粥底火鍋就一定要點醬，否則味道就會太寡，依度選擇唔係好多但應有既都存在左。粟米勁甜，芋頭都有質素，加落粥底度勁生色不少。一開始會比粥水你煮～飲品任飲，有豆腐、汽水同竹蔗茅根，我哋飲左兩揸竹蔗茅根，清熱可口☺️主食係海鮮拼盤，有蜆同多寶魚，每人各一嘅鮑魚、蟶子、龍蝦同元貝，全部都十分鮮甜美味😽✨仲有牛肉，嫩口冇渣😌每枱限揀八款配料，魚皮咸香可口，順德魚腐越吃越好吃！推薦！加返粥膽，嗰粥十分鮮香，飽到上腦都飲左幾碗🤤🤤

通常朝早經過只留意到喜點係做點心，今日黃昏路經驚覺原來它都有做粥底火鍋$198嘅價錢8種精選海鮮點可以錯過入座後呢個$258嘅餐更見吸引而家知我點解會肥。最後決定$258餐包有豆漿，竹蔗水，夏枯草任飲，雪櫃自助8款海鮮竟然有一款係頂級肥牛，厚薄均勻，牛味唔算重，但肉中帶根有咬口幾好波士頓龍蝦size中等，絶對唔係bb,蟶子皇同貴妃蚌肉質彈牙，味道鮮多寶魚係其中吸引點，因為女皇最愛，肉質嫩滑，魚味一般大量黃金蜆，新鮮鮑魚同生猛海蝦，啲蝦仲活著對不起，你們太鮮了，老實講食到呢度都8成半飽。但8款火鍋配料緊追在後黑豚肉，出奇地呢個肉味重，是我所愛(原意為追加配料質素會較一般，原來也有驚喜)釀冬菇，鯇魚腩雲呑，墨丸(雖然外表平凡，但口感同味道都好好),響鈴.....點先食得晒，我太貪心啦最後加入粥，香茜，菜脯，豬油渣，我唸減肥計劃又告失敗

朋友介紹黎打邊爐， 特登過嚟食飯。我哋叫咗$198餐，個海鮮拼盤有鮑魚，貴妃蚌，蝦，奄仔蟹 ，蜆，多寶魚，肥牛等等....隻蟹嘅膏多到呢，野飲又係任飲，可以俾你吹水吹吹足2.5個鐘都唔口乾。兩人份量好足，一定夠你食亦夠飽。佢d海鮮每款都好新鮮同生猛，d蜆會開口呼吸，個鮑魚仲郁緊，個貴妃蚌又甜（我前日係街市買要$11隻），$198一位無期望食好靚嘅野，不過今次真心抵，唔通我同朋友靚仔靚女，所以有靚野食，嘩卡卡卡。自選菜可以叫多d菜，因為個餐真係幾飽，唔好浪費食物。建議你一定要叫墨魚丸同響鈴，墨丸係手打d friend，好彈牙要試，響鈴就脆爆，建議浸落湯唔好多過1秒! 最後提提你唔好咁早落蜆，因為都頗多沙，要食埋個粥仲有小小水先好落。

作為打邊爐狂熱份子的我， 大熱天時氣溫35度都會好想打邊爐， 但係會好熱氣囉！ 呢個時候就要食粥底火鍋喇！ 用粥底嚟打邊爐真係冇咁熱氣差好遠㗎！ 屋企附近開咗一間新嘅粥底火鍋， 而且好多時經過見到都好多人幫襯緊， 應該係好食嘅！ 今晚一於時下佢(≧∇≦) 話說這裡以人頭收費， 有198餐和258餐選擇， 我哋見到258餐有龍蝦食所以就揀咗258餐喇！主食包括生猛龍蝦半隻，新鮮鮑魚，貴妃蚌，紐西蘭蟶子皇，頂級肥牛，美國桶蠔，多寶魚，生猛海蝦。 個海鮮盤一拎出嚟嘅時候感覺好興奮啊！ 看起來好豐富呀！ 勁鍾意食海鮮的我看見真是頓時心心眼(≧∇≦)粥底火鍋的魚通常係多寶魚， 可能貪佢食起嚟夠曬嫩滑又唔容易散開！ 點少少豉油真係正到飛起㗎！肉質滑到呢！ 個海鮮盤啲海鮮睇落都好 夠分量， 例如鮑魚呀聖子王呢d貴價小小嘅海鮮都食得到！ 呢度啲鮑魚好細心咁處理好去曬肚先至上碟！ 煮完仲成個金元寶咁！ 食起來非常之彈牙， 肉質新鮮爽實， 非常鮮甜可口！ 生蠔都係king size！ 煮完仲好大隻下！ 肥美的蠔汁一咬開爆出嚟！ 聖子皇都冇得頂呀！ 鮮甜到好似喺海裏面即刻撈出嚟即刻煮咁正！ 貴妃蚌都大隻到

上星期我們幾個朋友一起約了吃晚飯，朋友想要在吃粥底火鍋，所以他選了在長沙灣的這間餐廳。我們難得再一起吃飯，所以就選了比較貴的那個餐。這個只需要每位258，就有七款海鮮可以提供，包括有龍蝦鮑魚貴妃蚌海蝦等等..我們看到的時候也嚇了一跳，擔心我們吃不完，幸好我們一路吃，就胃口大增了而且這裏的海鮮十分新鮮，就連鮑魚也會動的，鮑魚煙韌有彈性，非常美味另外，海蝦也十分爽口彈牙，而且蝦頭裏也有蝦膏，很甘甜呢！而且還可以揀六款配料，我們揀了炸魚皮及魚皮餃，炸魚皮熱辣辣炸得十分香口，魚皮餃也十分結實

朋友生日飯, 佢上星期先照完腸, 今日解除戒備後又黎大吃大喝XDDDDD我地揀左$258 因為唔想食蟹太煩...(但其實龍蝦咪又係煩..不過我LIKE 龍蝦多過蟹嘛.)個餐包埋豆漿/竹蔗水任飲.. 食到咁上下我地想叫汽水, 點知店員叫我地唔好哂錢, 去羅多樽涼茶飲好過飲汽水喎..又會咁既.有$ 都唔賺XDDD醬料自己加...一盤指定海鮮 包括: 1/ 龍蝦 2/ 多寶魚 3/ 鮑魚 4/ 貴妃蚌 5/海蝦 6/聖子 7/ 桶蠔再上埋個粥底同配料.. (呢度錯哂呀.有個店員係我地食左少少海鮮時, 行過黎話可以落栗米先.. 點知佢一野就成兜配料倒哂落去,..頂.佢係咪HIGH 大左..... 搞到D 野溶哂勁結, 又痴哂底咁.....唉...出哂事)指定既牛肉, 都幾好食~配料揀6款, 我地揀左. 1/ 油麥菜 2/魚皮餃 3/自製墨魚丸 4/日本黑豚肉 5/花膠 6/ 蜂巢豆腐唔好睇就咁好似好少.. 食到尾好鬼FULL個蜂巢豆腐個味唔好,... 可能變壞左... SO 叫佢地收走左..唔好再畀客點呢樣野..(不過又冇話補返樣畀我地..但我地都冇提出, 因為都好飽食唔落).D 料搞到成鍋野

幾兄弟又约埋去長沙灣嘆粥底火鍋、呢間店喺朋友口中知道好正、一直都想來试今日唔理天氣幾熱都要來一嚐! 長沙灣一帶工廠多、食店又多成行成市、依間 (喜.點粥底火鍋點心專門店) 開張大半年口碑一直高企人氣甚旺、食材新鮮兼抵食!店裹面光猛、空間夠、坐底舒服、我哋揀左個 每位 /258 元嘅套餐 ;主要有龍蝦、多寶鱼、海蝦、鲍鱼、貴妃蚌-聖子皇.美國桶蠔、頂级肥牛跟住仲可以喺其他配料度揀多六款配料 !更可以再加30元升级至配料任食、我哋諗住食完唔夠喉先再升级、食任先 !飲品方面竹蔗水、豆漿任飲、開始粥底鍋係粥水,哩碟红蘿蔔.芋頭粒打完邊爐先加入哟粥一齊煲一陣、啲火鍋海鮮一出場好有氣势!好有睇頭 ! 仲非常新鲜 ! 同朋友口中所講嘅一樣咁堅 !多寶鱼啲肉呈透明好鲜呀 !两隻龍蝦開邊每人可半隻、海鮮都好爽甜、蜆肉喺哩個月份以為唔肥、點知出奇咁肥美、有驚喜 !另一盤係蟶子皇、貴妃蚌好爽甜.桶蠔肥美!海鮮超強勁 !真係 無械可擊 !頂级牛肉好鲜甜肉味甘香 !食完主食已經覺飽、再點埋六樣配料 ~黑毛豬、花膠、手打貢丸.、牛丸-生菜、雲吞等。最後食埋煲粥、四個大男人飽到捧住個肚、根本唔使升级。

一行四人，约在長沙灣天悦廣場地下铺的[ 喜.鲜鍋粥底火鍋專門店 ] 聚會，朋友推介這間的粥底鍋海鲜非常好質素！抵食 ！ 幸好訂了位，很旺場啊~地方潔淨光猛，座位寬敞，招呼很好，细心介绍如何享用粥鍋……粥鍋有两款套餐; A，每位 $ 198 两位起B，每位 $ 258 两位起两份的主食差别 ，A……是奄仔蟹而B……是龍蝦和多了纽西蘭聖子和桶蠔，两份的配料都一樣，在55款配料中任選六款……飲品任飲，竹蔗水，豆浆(不包括啤酒)先是粥水鍋底旁邊的是芋頭和甘筍粒，是最後連同煲過的米(粥胆)一起放落的。主食; 生猛龍蝦( 每位半隻) 多寶魚，生猛海蝦新鮮鮑魚，貴妃蚌，紐西蘭蟶子皇，美國桶蠔，頂級肥牛……嘩！很豐富！桶蠔肥美大隻 入口creamy爽甜！鲍鱼鲜嫩！龍蝦無比彈牙！極鲜甜！多寶魚滑滑的肉質非常细嫩 !所有的海鲜充满海水味，非常新鲜！！顶级肥牛輕輕一灼，甘香肉味濃郁！吃完以上主食已經很飽了！再選了六款配料 ;黑毛豬鲜甜、手工貢丸和墨鱼丸很鲜甜有口感吃得出的與别不同！雲吞香肉味！滑滑花膠沒有 腥味！最後將芋頭甘'筍粒(粥胆)一同放入，片刻極鲜甜又香滑的粥可以吃了！太鲜甜了！人閒極品呀！

難得老友記約食飯 當然要搵個好地方聚聚雖然地點唔算十分方便 不過食物質素搭夠我地㨂左$258套餐 雖然配料得6款不過學店員話齋 份量一定夠飽 唔洗擔心先黎粥水邊爐 南瓜 粟米 芋頭待用店員好快為我地用上好吸睛嘅海鮮足足兩大盤 有龍蝦 花甲 帶子 桶蠔 貴妃蚌個人覺得物超所值 出面邊度有咁多海鮮份量多之餘 重有係鮮喎 入口鮮甜彈牙 停唔到口重有好香牛味嘅靚牛食完呢轉已經開始飽 重有6款配菜岩岩送到密密食完再叫店員幫手整個粥底 加埋粟米個啲粥底夠綿同埋好鮮甜 大滿足

一般中式茶樓都會有點心，今次試一試他們的蒸魚飯 ，如果他們以新鮮海鮮為賣點，午市的蒸魚飯應該也是不錯的，就是看中這一點，於是一試他們的誠意。鯇魚味道不俗，是新鮮的，沒有霉的感覺，飯有一些驚喜，就是用蒸籠蒸出來的，飯比較乾身。如果喜歡吃乾身的飯送魚汁，感覺應該不錯。這個蒸魚飯套餐有點好笑，他們跟一個例湯給你，有點像茶餐廳，但如果要評價的話，他們的餸菜比茶餐廳做得還要好。他們的茶也是不錯的，比我在一般酒樓飲到的壽眉茶味道比較濃，用茶袋入住茶葉這點的確很讚！

成班朋友食嘢要搵個地方坐低吹水，喺香港地真係唔易，唔係坐得迫，就係限時間，今次食呢間粥底火鍋，就冇以上的問題了，可以放心慢慢，慢慢吹水。粥底火鍋，一嚟梗係要放啲海鮮落去烚下先啦，海蝦有手掌心咁長，而且蝦啲手仲郁緊的，超新鮮，所以烚熟後，肉質很彈牙很鮮甜。貴妃螃，很大隻有手掌心咁大，入口冇沙，很鮮美。鮑魚大大隻，入口煙煙銀銀，啖啖肉，很有口感。雪花肥牛，肉質鮮美，牛肉味很濃，係粥低拖一拖就甘食，不用點醬油，最能食到最佳的牛肉味道。

今晚同朋友慶祝生日，壽星妹自己揀咗呢間火鍋店 - 喜點.鮮鍋火鍋粥底點心專門店，當然係以粥底做火鍋，粥底清淡配以新鮮嘅海鮮，更顯海鮮鮮味，一人海鮮套餐每位只係＄198，抵食😋 先有幾款海鮮 - 有奄仔肉蟹、鮮蝦、海白沙、鮑魚、肥牛、貴妃蚌同蜆，再有粟米芋頭同南瓜，另外可以揀多六款食物，最後以湯底做粥，大家都食到捧住個肚😆最值得講嘅係佢哋嘅服務，啲侍應細心留意住我哋嘅需要，未講完佢就知道我哋要乜，話頭醒尾，笑容親切，服務有熱誠，真係要讚👍🏻

這天等埋男朋友放工，在屋企附近吃晚飯，試左呢間街坊朋友介紹既火鍋餐廳，有百幾蚊/二百幾蚊套餐，眼見多$100海鮮配料吸引多了，我們就豪爽地選了貴一點的套餐。檯面上有建議食法，跟住次序一步一步食食到最後其實好飽好滿足。火鍋調味自助ＢＡＲ，有基本既蔥花蒜粒辣椒，尚算整潔。餐廳內有豆漿和竹蔗水供食客任飲，其實汽水則要加錢，其實整餐飯既份量都不少，飲竹蔗水比較好，清熱又不會太飽。一開始既火鍋湯底係花膠雞湯做底，不過說實在味道不太濃郁，較清，但卻可以不太影響頭輪海鮮既鮮味。二人前海鮮籃出場喇，個籃仲大過個煲好多好多好多，佢地擺到個籃好靚，龍蝦開哂邊好吸睛，數量一點都唔少，每樣每人都唔係一兩件咁簡單，個桶蠔好大隻，食完其實都開始飽。　關於煮海鮮既時間，我真係唔識，好彩有教學，跟住指示做其實唔會ＦＡＩＬ，加上男朋友落力睇火計時，我差Ｄ食唔切。煮完海鮮後，可以放入提供既粟米南瓜芋頭，雖然一開始食佢地３樣野無乜味，但原來佢地可以為之後既粥添上唔少香味。其實呢個套餐雖然唔係任食，（但原來加錢係可以ＵＰＧＲＡＤＥ去任食，但我認為除非你仲大食過我地，好果唔係淨套餐已經好飽。套餐除左頭先勁大份既海鮮籃外，另加一

又有老友生日 即刻搵地方食餐勁嘅同事介紹長沙灣呢間喜點·鮮鍋 果然係正$258/位 粥底火鍋 重有有勁多海鮮食 好抵粥底火鍋少不了呢三寶 粟米 南瓜 芋頭出面醬料吧 乾淨整齊先黎粥水食海鮮先 三大盤海鮮馬上送到多寶魚一條 好新鮮 入口肉質嫩滑龍蝦 花甲 馬刀貝 鮑魚 桶蠔 大蝦 帶子全部都係餐廳根據當日嘅新鮮狀態提供的確好新鮮 龍蝦入口彈牙 貝類好鮮甜帶子勁大隻 連裙邊都好好食重有桶蠔 大大隻 好飽滿 口感一流食飽飽就可以叫店員加粥底 落埋三寶 超鮮甜

前日同事帶我黎喜點·鮮鍋食龍蝦套餐($258/位)，海鮮款式多，牛肉質素高，份量夠，汽水仲任飲，所以今日帶老公黎試下，我老公是個大吃貨，個肚好似黑洞一樣，當然加$30升級無限配料放題啦。先上粥水鍋底，芋頭粒、南瓜粒同粟米，上次一早放晒入鍋底，糊晒，搞到黐底，今次同老公黎要扮識食，只放粟米。芋頭粒同南瓜粒留返最後同粥膽一齊煮。海鮮按人頭計份量，每人有半隻龍蝦、一隻鮑魚、一隻大貴妃蚌、一隻手掌心大的桶蠔、兩隻蝦、四片多寶魚，是日聖子皇冇來貨，所以改上大扇貝每人一隻，加一大堆海沙白同黃金蜆。蝦插左竹簽仲跳跳紮，新鮮👍🏻主食仲包括頂級肥牛，嫩滑，豐富牛味，保持一貫質素，略嫌份量少左d啫，唔夠喉，好彩加在配料任食，可以試多幾款。值得推介佢哋嘅日本黑豚肉、松花皮蛋、魚片頭、手打肉丸(梅菜豬肉丸)、滑雞、雲吞、自家製墨魚丸、薑汁皮蛋貢丸、即炸響鈴、花膠片。食得太開心唔記得影相🤦🏻‍♀️。響鈴堅係即炸，唔放湯，就咁食都好好味，如果配埋佢個酸甜醬就一流👍🏻。估唔到梅菜豬肉唔一定係蒸，用黎打邊邊都好正👍🏻紥實唔會散。只係上菜比較慢，又唔係一次過上配料，逐樣上，經常冇晒嘢食要追單，不過限時2.5小時都交左3次