Hei Ma Restaurant (Closed)

早陣子才發現呢間平時食開既茶仔無聲無息的結業了… 真係好婉惜…這裡可說是陪伴了我三年多的午餐時光。。。個老闆同啲待應都好友善慇勤。。。食物款式又多又大份抵食。。常餐入面啲食物仲可以隨意改動冇咋形。。個雞髀米線尤其出色。。。仲可以搭埋份煎蛋多士一齊食。。對於一間屋苑茶仔黎講 已經貼心有餘🤍🤍眼見都有好多熟客幫襯佢。。。是一間值得被懷念的餐廳。。。慚愧冇早啲上黎寫個好評比佢。。。希望佢地日後都有好發展…Read More

話說小弟係做裝修嘅，最近喺天馬苑接咗個裝修盤，咁當然就近就係樓下食啦，然後成個商場得一間餐廳，就試吓食吓佢啦，頭一次食佢嘅常餐，咸到不得了，都第二日再去做嘢，再試埋佢嘅炒飯，又濕又難食，仲要冇味，直到今日再去試，嗌咗碟黑椒煙肉牛扒意粉，係我人生中食最難食嘅一碟意粉，食咗兩啖直接唔食，黑椒汁完全係水加胡椒粉，塊牛扒老到阿媽都唔認得，意粉真係好難煮到勁難食，呢間餐廳佢成功咗，建議真係行多兩步去黃大仙北館嗰邊食，呢一間不可一不可再…Read More

搬咗來天馬苑一年半，今晚大約只係第四五次食，原因不用多說，一如街坊群組所說，每試完一次都覺得寧願行遠少少，或者叫外賣。雖然咁講，但每隔兩三個月都會俾次機會佢，始終樓下佢係獨市嘅茶餐廳。對上一次都係食楊洲炒飯，仲有豬扒炒公仔麵，有覺得俾之前好咗少少，今次再試，覺得合格啦，出色講唔上，晚市52蚊連杯飲品，凍飲加三蚊，呀姐仲請食幾件生果，晚市唔多人都算舒服。下次會再叫其他食物試試，試下佢嘅小菜，仲見到有羊腩煲，小火鍋。…Read More

係兩日試在喜馬餐廳，食物水準好好味👍💪食得一連裏面擺放食物都好整齊盞外賣包裝，做得整潔整齊冇外漏非常好👍會繼續嘗試其他食物！ 💪✌️值得一讚👍連盒內食物都放得整齊，三文治，炒蛋會分隔👍💪❤️加油，繼續努力。…Read More

again點的是外賣，送到九龍塘飛速，好快就到了。點的菜品是麻辣米線，加了牛肉丸肥牛芥菜，總體感覺一般般吧，和學校飯堂出品的米線味道一樣，辣味也是差不多味道….不是很好吃也沒有很難吃…Read More

今日就來到天馬苑商場食早餐 卡位坐得都舒服 餐牌大至都係個啲 一個粉麵配兩個餸跟個多士 叫咗沙嗲牛肉意粉 雙煎🍳蛋多士 🍞🍞熱奶茶 個餐都來得快同埋夠熱🔥🔥多士香口熱辣辣 其他野食都係正常味道不過不失 餐廳老闆十分好人 知道我帶住小朋友特別安排遠離風口位置 櫃面姐姐都好好 上野食個時都好小心 同避免小朋友玩食完嘅碗碟都收拾得好快 十分幫忙 溫馨提示所有野食外賣自取都有九折 👍🏻👍🏻大家有機會可以試試👍🏻👍🏻…Read More

今日朝早喺deliveroo嗌咗個外賣早餐，但係裝住多士同炒蛋個外賣盒穿咗幾個窿，好似比老鼠咬爛咗咁，非常恐怖，成個外賣即刻揼咗。連外賣盒都可以穿窿，呢間餐廳嘅衛生狀況令人懷疑，絕對唔會再嗌呢間。…Read More

Staff attitude varies depending whether you are a regular customer or not 😅. Used to have free Cantonese soup to go with dinner menu but now no longer available! Double boiled soup are charge quite expensively.Overall food is better than my home cooking 😜 and standard menu are good value. They also offered delivery which saved me a mask and changing clothes to go down & eat 😋🥢🍴…Read More

首先我喺用foodxxxxx apps落單，點知佢話無法使用現金下單，我就再試左幾次，點知隔左一陣系統話我接左單，幾多分鐘後送嚟，仲要係三單打孖嚟🤦🏻‍♀️，但系統內我的訂單裡就無呢幾張單喺度🙈。然後我打電話去喜馬餐室問，接線員好有耐性咁話無收過訂單，仲好好話幫我打去foodpxxxx服務台查詢,最後係查唔到有，餐廳接線員就話佢地自己送過嚟，我望一望路程都唔近，大約1.7公里😓佢地都肯幫我送👍仲要平過apps叫20蚊最後仲要唔駛20分鐘外賣就送到，嘢食方面係真心好食過樂富商場大部分茶餐廳👍真正要讚一讚呢間餐廳咁遠都肯自己送過嚟…Read More

咩都唔想講！炆牛腩酸的太散！蒸排骨一睇就係蒸好耐又係酸。。。好酸，而且2種色仲好柴好乾！粟米魚同肥牛粉丝煲就可以，不過而2個應該無可能整唔好！胡椒豬肚湯味道就非常可口，好味！牛腩要控制好頭水火候，不能炆浸太耐！排骨醃料落完后封油放雪櫃備用，汁不需太多且商用蒸櫃8至10分鐘就好！（看功率）…Read More

　家人生日晚飯，決定試下呢間的小菜，一上菜，份量多到個個嘩一聲，每個小菜送埋白飯同熱飲，價錢實惠，味道都唔差：　1. 鮮淮山炸青斑塊 ($82)－－　　鮮淮山好爽口，青斑啖啖肉，　　不過略嫌芡汁太多、太濕滑，　　如果乾身少少會更好。　2. 冰梅焗豬扒 ($69)－－　　沙拉骨間間有，冰梅骨就少見，　　家人最愛呢味，每次見到都即點；　　「冰梅」即係冰糖煮話梅。　　呢碟唔知點解會用蝦片伴碟XD　　總之係惹味之選，　　今日天氣熱最想食酸酸甜甜（無京都骨咁甜），　　好肉、又有超過十舊，　　宜家疫情谷到豬肉貴晒，呢碟堅抵食。　3. 蜜椒腰果薯仔牛仔骨 ($69)－－　　牛仔骨好肉，唔多覺有骨，　　蜜椒我落單果時以為係彩椒，　　點知原來係蜜糖同黑椒，夾埋炸薯仔好香口　　腰果都有廿幾粒，出手又係好闊綽。　4. 海鮮粉絲雜菜煲 ($69)－－　　海鮮有淡菜螺片魷魚，　　雜菜就西蘭花菜心同白菜，　　調味正正常常，又係勝在份量超多。　整體味道係有驚喜，我俾80/100分。好彩我地自備餐盒裝走剩菜，而且無收加一，可謂良心小店，值得支持。　另外，之前有買過外賣晚市快餐：蝦醬通菜炒牛肉 ($48)，都係好味但濕咗啲。　下次會試埋沙拉骨。　…Read More

行完獅子山路過「喜馬餐室」，原本只是想買外賣小炒，在門外看餐牌，侍應邀請入店鋪安座慢慢楝，我看見餐室見客人不多，就進入餐室坐順便休息一下。怎料坐下看餐牌，就想吃埋下午茶。咸牛肉炒蛋豬仔包、黑白西多士、香煎雞扒配薯條，餐茶凍&熱凍奶茶，平均每位消費$33，價錢都合理。香煎雞扒配薯條配餐，熱騰騰就無得輸。咸牛肉炒蛋豬仔包，炒滑蛋很可口，配咸牛肉令口感豐富。黑白西多士，朱古力醬、練奶和牛油又香又甜勁魔鬼，幸好三人分享和分擔！外賣自取（九折）咕嚕生炒骨配白飯$63，味道都可以的。…Read More

正在裝修的天馬苑商場，相信假期到獅子山郊遊的都不會陌生，如果落完山見肚仔餓，的確選擇不多，但起碼有間喜馬餐室。論早餐午餐來說，的確有改善空間，但論晚飯小菜，小炒燉湯，火鍋雞鍋，水平真心合格而且令人滿意。鄰近的家庭聚會，或者行山聚餐。是不妨一試那住家味道的餐室，魚香茄子煲，沙拉骨等是推介，而一定要叫的真心絕對是，一窩可以兩份飲的是日燉湯，足料無味精，比自家煲的方便快捷。👅美味: ⭐️⭐️⭐️⭐️/5✨環境: ⭐️⭐️⭐/5💫回頭: ⭐️⭐️⭐️⭐️/5💡性價: ⭐️⭐️⭐️/5💆‍♂️服務: ⭐️⭐️⭐️⭐️/5…Read More

20190628 老婆今朝請病假，叫我幫手叫外賣，因為屋企附近冇咩食，叫左依家喜馬餐室:)老婆揀咗個餐：牛扒，炒蛋，火腿，茄汁豆，番茄，多士連埋杯嘢飲：$44 簡單是但食個早餐，無咩要求啦…Read More

返完夜班，有老公接放工，那那聲返屋企係樓下食早餐就算了。呢間茶記係天馬苑唯一一間的食市，所以好又一餐，唔好又到餐。佢而家轉左新餐牌，本餐牌望落去比以前乾淨左好多我叫左五香肉丁麵 配厚多士同腸仔炒蛋。本身叫左個麵要半生，但當然佢地係無幫我安排度呢度招牌出名係炒蛋，個炒蛋無令我失望，有香滑既蛋汁 配有蛋香味，食落去好嫩滑，唯一淨小小係隻蛋可以再熱d個厚多士麵值得一讚，熱辣辣既麵包配上香濃既牛油，牛油浴左係麵包入面，咬入口，外脆內軟，好味🤭🤭…Read More