HEYTEA (Closed)

每次到喜茶除了芝士奶蓋茶系列外，我最喜歡點的必定是芋泥波波！今日經過又忍唔住叫左一杯🤣🤣每次飲喜茶都會點低卡糖，感覺無咁有罪惡感🤣今日就點左芋泥波波鮮奶、低卡糖🥤別於出面既人工芋頭味，芋泥波波入面係有新鮮芋泥，仲有少少未打溶曬既小芋頭，對於芋頭怪既我黎講已經係大滿足，加上佢有粒粒有咬口既芋圓，飲完一杯簡直又滿足個肚仔引滿足左好甜好芋頭既我🤩🤪同我一樣鐘意芋頭既朋友仔記得下次飲喜茶都試下依杯喇🙆🏻‍♀️…Read More

它的芝芝芒芒味道很淡，沒有芝士味，芒果也很淡，不及期望中所想，加上在下單時吩咐了是外賣，該收銀員卻以疑惑的表情和眼神回應。再取餐時，我向職員示出我的單，那位男職員更多次和其他職員談天，沒有理會到我，我看見了我下的芝芝芒芒，便打算告訴他然後拿取，但隨之有另一位男士指著我拿了他的飲品，後來該職員得知後以一臉嫌棄眼神看著我並質疑我叫我下次要請示單，把飲品給我時更加以“ 跣過嚟”既方法，服務態度很差。…Read More

同朋友食完飯，比人收碟催埋單，唯有搵下邊到可以坐低慢慢吹下水喇。一出門口見人拎住杯喜茶，同朋友互望左一眼，開著電話一搵，向city walk 出發！Yeah!雖然喜茶真係好多人熱捧，但我地一次都未飲過，今次終於可以會8一會佢喇！一去到，竟然係大排長龍？正！一睇餐牌，嘩！成50蚊杯，真係嚇死人，不過又有位坐，試下喇。嗌左杯限定嘅芝芝桃桃，同一杯多肉葡萄。兩杯都同樣有個芝士奶蓋，奶蓋咸咸地，好香濃，但唔會太滯，唔怪得啲人咁鐘意飲芝士奶蓋喇！桃桃，無咩特別，唔推薦，但葡萄就唔同喇！真係多果肉，同埋好清甜！推薦！😍…Read More

叫咗滿杯橙橙$39好多定價$26-$29... 依喥貴成$10，一定要試試的確滿杯橙橙：橙皮，冰雪橙果肉以及水半杯系冰 包凍到你入心，頭都痛埋 並且飲後舌上留苦 橙皮既苦。—問題系... 點解新鮮既橙皮會配上冰雪果肉？如果佢由橙整出黎， 咁橙汁呢？橙肉呢？同埋茶呢？唔講仲以為依間系果汁店嚟！ 仲系黑既！— 唔該唔好將大陸低質食品同要求帶黎。好多細細間既，整得好飲好多！—後記飲後1小時條俐仲系苦個頭仲系冰肉仲系痛： $39可以响7-11賣4枝枝裝茶 #系我要求高嗎？ #定系期望高？#其實我要求真系好正常…Read More

喜茶終於進駐荃灣區，設於荃新天地，店面寬敞光猛，雖則人龍依舊，但能夠毋須北上便可品嚐，確實是可喜可賀。今天12時許，見人龍不太長便碰碰運氣，看看餐單，款式種類頗多選擇，分別點了芝芝芒芒及多肉莓莓。大約等了二十分鐘便泡製好了，先啜一啖最頂層的芝士，香濃味美，鹹度適中，再啜下去便到了啖啖清甜芒果肉，鹹甜融和，天衣無縫。另一杯同樣先啜啖鹹香芝士，然後是啖啖清新甜美的草莓果粒，鹹甜雙配，簡直是一絕。兩杯飲品的顏色亦柔和順眼，真是色香味俱全，在荃灣區能喝到喜茶，真是人生一大喜事。…Read More

今日終於開了新店在荃灣荃新天地新喜茶，飲品都不少，大部份深圳有的這裡都有，價錢就貴少少約十元港幣，但沒有麵包賣，有位坐都幾舒服，由排隊至到手25分鐘都可以接受，因為每次在深圳都是飲果汁類，所以今次專登叫了奶茶系列其中一款仲可以試珍珠，奶茶波波雙併(oreo+奶茶沙冰+黑波波)$39，一飲落去都幾凍奶茶味，味道不錯吾太甜，但淡了一點，如濃郁點就更好，珍珠有驚喜，口感都彈牙，而且有黑糖味不錯，加上勁多oreo，增加口感，但比較細杯如果大杯多少少就更好。…Read More

荃灣間喜茶內在環境好寬敞舒適難得lunch time都吾太多人 等左15分鐘就飲得飲過芝芝莓果(正)、芝芝芒芒(超超正)、芝士四季春(超正)今次要試下新出既芝芝桃桃😋芝士味仍然都係無敵 勁香濃千祈吾好用飲筒飲 會冇晒口感但成杯野比預期中失望..因為吾夠桃味 底部生果仲有d酸最最最愛都係芝芝芒芒！總結*雖然比較貴 但睇在芝士份上都值得飲既手機落單有待改善... 只有微信支付真係好吾岩香港人使用希望可以盡快新增其他電子錢包啦可以慳好多等待時間！…Read More

見到喜茶好多人掛隊本身想放棄唔飲，點知見到有得手機落單，即刻scan code 慢慢睇menu去揀！落左單去左附近行街，仲有通知我前面仲有幾多張訂單同拎飲品，柯華田口味終於都可以係香港試喇！柯華田沙冰少糖配芋圓，柯華田好夠味，少糖嘅甜度岩岩好，仲有qq彈彈芋圓，成杯消暑一流！…Read More

炎炎夏日，最難熬的就係熱到出汗又口渴，搞到我不經意習慣係街買冰凍的果茶、珍珠奶茶等飲品。近日我就迷上’喜茶‘，相信大家都唔陌生，不過最慘係要排隊，等到件衫由濕變返乾，後來發現喜茶已經有APP可以網上落單購買，可以追蹤著有什麼新品，少甜少冰加配料等要求一樣可以係APP點選，到時到候出現就拎得，好方便。今次我就試下期間限定的芝芝桃桃，層次分明，色彩繽紛。飲法都寫在杯蓋上，好貼心，芝士奶蓋保持高水準，濃郁香滑，回味無窮，桃味茶底的沙冰清甜解渴，最底的鮮桃肉有熟成的甜蜜滋味，最重要係夠大杯，畢竟價格都唔平，同去餐廳食個甜品一樣，不過肯定一飲就會上癮，尤其係咁熱的天氣，相信冇人可以抗拒到。…Read More

話說風靡一時的喜茶終於係香港開了一些新舖，在荃新天地的新店環境不錯，設計清新寬敞。其實🍬🍬一直只聞其名，未有機會一嚐箇中滋味，宜家趁佢正式落戶荃灣當然要一試虛實， 於是選了平日下午不是太繁忙的時間，不用等多久，前後10多分鐘便完成點餐及取茶，算是很幸運了吧。第一次飲喜茶，還是選了其中的signature drink, 芝士四季春， 經典芝士奶蓋使用新鮮芝士製成，佔飲料的四分一，奶蓋喝起來甜甜咸咸，很特別，果然有一種魔力令人愛上，芝士的咸香配上四季春的清甜，不是一般珍珠奶茶的層次呢！好飲是毫無疑問的，如果你要我山長水遠去深圳飲杯茶我又唔會，但係輕輕鬆鬆係荃灣飲番杯又唔錯呢！…Read More

我係未飲過喜茶嘅🙋🏻‍♀️喜茶喺荃灣荃新天地開左分店🙌🏻湊下熱鬧買左黎飲😌-💁🏻‍♀️多肉粉荔 (玫瑰青茶底)芝士奶蓋好rich, 好香濃芝士味, 咸咸地🧀玫瑰清茶底, 有啖啖荔枝果肉同蘆葦粒~~同芝士奶蓋一齊飲味道好夾🥤但係荔枝果肉差唔多粒粒都有"衣", 即使果肉夠滑夠清甜, 食完果肉之後仲要比力去咬爛佢硬硬地嘅"衣"😅-💁🏻‍♀️Mini喜茶 [四季春+奶茶波波冰]👉🏻奶茶波波冰嘅波波彈牙, 奶茶底正常, 甜度剛剛好😋👉🏻四季春出奇地甜, 甜到蓋過晒個茶味🙄-老老實實成$49 一杯, 真係一啲都唔值🤷🏻‍♀️Mini喜茶$49 兩支仔味道亦十分普通...整體黎講味道係唔錯, 但未去到「嘩」一聲咁特別👌🏻個茶底/其他野飲香港大把地方抵飲又好飲過佢🙂🙂🙂當然如果你係鐘情佢個芝士奶蓋就另計啦~~以買一送一嘅價錢就可以一試嘅🤷🏻‍♀️-…Read More

荃灣分店係6月1號開左啦！今日午飯時間想去飲，因為好耐冇返大陸，好掛住啲芝士奶蓋12點去到，前面得一個人落緊單，唔洗等好耐。叫左2杯野飲，分別係：多肉粉荔　$49成杯野粉紅色，好少女好繽紛呀仲有漸層，外面睇到啲荔枝果肉好似雲石咁，好靚。芝士奶蓋黎到香港都冇失水準，依然濃郁好味，無人能敵呀荔枝果肉好多好多，有點甜，但整體都係好飲。黑糖波波　$28之前係大陸飲過好好飲，個時叫左走糖，但依然好甜好夠味。所以黎到香港，一樣order左走糖，但係味道淡好多（定係上次根本冇走糖？）好普通，好似ｘ腳ｘ既黑糖鮮奶而且珍珠又＂林＂得滯，但仲有啲口感係度。反而呢杯比起係大陸飲差好多價錢尚算合理而且其他分店都有自助落單功能，我諗遲下荃灣呢間都會有。…Read More

終於等到喇！喜茶開咗喺荃新天地😍舖面好大好靚，下午3pm嚟排隊，都有小人龍，等落order大概等咗15分鐘，到拎得嘢飲大概又等咗20分鐘。我今次飲芝芝芒芒，轉咗代糖甜菊糖，標榜係比正常減少90%糖分，罪疚感減半！一路排隊都見到佢地廚房切緊芒果，見到佢地用新鮮水果blend嘢飲，感覺好fresh！之前喺深圳飲過一次芝芝莓莓，當時覺得無咩特別，但今次喺香港飲就覺得好好味☺️舖頭有個牌寫明用料係真生果，平時鍾意飲珍珠奶茶嗰d都係驚多添加劑，知道喜茶唔會有呢d成份就安心飲多杯！😄…Read More

近年這些飲料風魔整個亞洲人生活喜茶更是內地最強大的佼佼者終於 它降臨荃灣了！店面就不張貼了 因為拍到好多人的面孔這是餐牌 價錢和其他分店一樣相比起內地 價格貴了十元八塊左右 相差不大今天新開張優惠 買一送一這是標準版茶王脆筒非常便宜 最需$12個人認為最抵食 因為相對其他兩款的價錢便宜了一半 而且其他兩款雪糕是雲喱那味 只有這個是茶味這是期間限定的多肉粉荔 是最貴的飲品之一奶蓋和內地的有些少出入 味道較為淡但這款在內地人人叫好 大多分店中午已售罄我個人認為頗清甜 好喝的但朋友不知為何嘗到苦味 我自己就一點也不覺得奇怪的是奶蓋口很容易塞了但不知道是什麼塞住 之前在內地都沒遇到 可能是果肉或者啫喱塞到…Read More