喜喜燒臘茶餐廳

Open Now

Now Closed

叫個外賣叉燒飯，盛惠$36，比超級肥叉燒，勁硬又乾又燶……食左幾啖已經唔想食…職員態度又差，話客人阻住佢個位收錢…永冇幫襯！食2 餸飯冇咁嬲，大家想食屎可以試下呢間野

叫左個四寶飯，啲叉燒得啲骨，本身以為無曬叉燒先比啲垃圾我，點知隔離枱啲叉燒係有肉既，然後隻咸蛋可以夠膽死無蛋黃，啲薑蓉可以咸過啲鹽，係得啲鴨正常少少。想食屎既可以試下

灣仔最好食/抵食嘅燒臘！好難得嘅正宗香港燒味！我每星期 lunch time 一定要食兩次。飯又香，肉又入味，薑蔥好正！又有飽足感！必試：叉燒油雞飯（免費附靚湯）$37

話說今日要返早更，當灣仔D食店仲未開市，就只得呢間舖可以比我食埋早餐先返工！叫左個通粉早餐，但D通粉係梅架、湯底係無味架！仲有杯少茶既檸茶，omg😝！真係好難揾到間可以難食過呢到！以後無幫襯😤

當我食咗第一啖乳豬叉燒燒肉飯，就被佢嘅味道所吸引。乳豬肉好鮮嫩，叉燒肉同燒肉都燒到香脆口感好好。同米飯一齊食就更加飽足啦。乳豬肉質非常好，入口即化，經過燒烤之後，肉香味更加濃郁。叉燒肉同燒肉都燒得剛剛好，口感香脆，真係好好食。米飯煮得好軟綿，口感好好，同時都能夠好好吸收肉汁同醬汁，令味道更加豐富。另外，呢道菜肴嘅醬汁都好出色。醬油、糖、蜜糖、蒜頭同埋五香粉混合，味道甜中帶香，同乳豬肉、叉燒肉同燒肉都好啱嘅。總括而言，呢道乳豬叉燒燒肉飯真係好好食。簡單而美味，味道豐富，食完都會好滿足。如果你仲未試過，真係要試試啦，相信你一定會喜歡上佢嘅。

因為之前有在此吃過早餐，不過不失。所以今天路過也選擇在這裏食個下午茶，因早前經常食燒味故今次揀了雲吞配米線，下單足足等了廿多分鐘，摧了又摧，心想希望是因新鮮即製須時，但事與願違，千呼萬喚才見我的雲吞米線在眼前，四粒雲吞有兩粒甩皮甩骨因為很餓，立即試試那個買相已經很差勁的雲吞，冇厘味道，我雖然沒有吃過太多的雲吞，但相信絕對是到目前最難吃的雲吞。若不是怕浪費食物我吃了第一粒已經想放棄。順道一提，這間食肆下午茶若要配飲品是要加錢，真的很嬲＄41元吃了三粒難吃雲吞加小量米線，總括一句，🐷只會做一次。

話說今日要過海工作所以就特登過去灣仔嗰邊搵間餐廳食結果發現食晏時間(大約1:20）所有出名嘅餐廳都爆曬🙈又趕時間所以就試一試呢間餐廳一入到去侍應好快就叫我落單坦白講望完餐牌覺得冇乜特別嘢好食所以就求其叫咗個叉燒燒鴨飯加一杯熱好立克大概等咗5分鐘就有嘢食👍🏻不過食落去第一個感覺係叉燒太乾同太瘦冇乜肉汁燒鴨就叫正正常常嘅😅不過骨比較多同埋份量比較少🤦🏻‍♂️熱好立克唔太夠味總括嚟講呢個價錢可以食得更加好唯一推薦喺灣仔區趕時間又搵唔到餐廳嘅朋友可以食😂

Lunch路過，嗌佐份燒鵝飯，外賣自取。返去打開一睇，隻燒鵝營養不良咁。得個燒鵝皮，d肉少到可憐，幾乎係無肉。大佬我不如嗌個片皮鴨好過。真系伏，收銀落單個阿姐又係態度好鬼差個d。建議大家避開。

位於灣仔駱克道嘅喜喜，之前有想過幫襯，但結果都冇，今日要嚟灣仔稅務大樓辨點事，點知原來佢哋有 Lunch time，咁冇辦法一定要試吓⋯果然有驚喜，金牌4寶飯，堂食$57、外賣$37，平時嘅我一定堂食，費事走來走去，但由於疫情嚴重，唔想為咗一餐飯，結果過年要去竹篙灣渡假，所以都係決定外賣⋯好足料喎！有燒鴨、咸蛋、紅脹、豬肚同鴨腎，食物質數好平均，雖然有特別驚喜，但咁嘅價錢，仲有例湯送，我就 no complaint, 亦唔排除會再去⋯

太熱唔想周圍去、事旦搵一間餐廳食，聽講呢間野開左好多年，老店黎所以就試下。叫左個肥义瀨粉，飲凍飲$58。價錢貴左啲，但係义燒數量多而且夠肥，凍檸茶都大大杯。除左有啲貴，都無乜野好挑剔既。

話説我之前都睇到呢間勁多負評，但當日趕時間想求其醫肚，先知道佢啲負評並非浪得虛名。入到去呢樣冇果樣冇，落單個女人仲要串+冇禮貌，我就求其叫個乳豬飯。轉頭呢個好冇禮貌嘅女人(戴眼鏡長頭髮)擺碟乳豬燒肉雙拼飯上枱講左句"燒肉係驚你唔夠食"，我睇住碟飯得果三、四舊乳豬，我問佢"你咩意思，咩叫驚我唔夠食？你即係話原本嘅乳豬飯就係得呢幾舊？？"呢個女人答唔出但仲要惡過你"係驚你唔夠食，你唔鐘意食(燒肉)我咪同你收返走佢囉！"呢個女人真係痴左線，我個乳豬飯$6x，你未問過我就換左一半$5x嘅燒肉比我，仲話你唔要就同你拎走啲燒肉佢，咁你係咪至少個飯要同我減返廿蚊呀！燒味佬見到我哋擾攘就出嚟同我哋解釋，乳豬今日賣哂得返呢幾舊，所以搭咗燒肉比你。如果燒肉唔岩食，可以換其他比你(好聲好氣的)呢個女人你一開始直接啲講，好似燒味佬咁，其實大家都會將就下，加上我又趕時間自己唔夠乳豬賣，唔同人講，換左啲平燒肉落去，仲要態度咁差、施捨俾我咁講"係驚你唔夠食！"真係著到我！最後忠告，呢度嘅食物味道只係好一般，平平無奇嘅街市飯盒咁，根本對唔上個偏高嘅價錢！其次，態度、經營手法更加非常之差，咁多負評真係唔係冇原因！呼籲各

今日去灣仔試一下從未食過嘅喜喜，燒鵝燒肉飯，連例水$85同隔一條街 再興賣$68價錢相差$17 碟頭 size差唔多味道返而再興好啲用支付宝付款要加多$1似乎不合理本身嘢食都唔平，唔會再去

這家店在灣仔開了半世紀。一直也是廿四小時營業。晚上找宵夜吃來了這家店。這店附近有很多傳統美式酒吧和舊式夜總會。以前有很多美國水兵和遊客或老外來這裏附近消費，但由於疫情期間酒吧還沒有完全重開，所以晚上生意顯得比較冷清。由於晚上不想吃太多，所以只點了火腿通粉和熱咖啡。通粉中的火腿絲非常多份量蠻足。味道也說可以，價錢約49元算是比較貴。性價比一般。這裏裝修比較一般般。服務也是傳統茶餐廳的模式。整體不過不失。

喺中環灣仔呢啲地區食午餐 閑閑哋一個外賣都50 60蚊落樓 喺公司附近搵到間平價外賣自選 好鍾意食燒味飯嘅我 單併$34 雙併$36 午市仲有湯送 打工仔平價之選佢除咗燒味飯之外 午市仲有$36 兩餸飯 菜式日日都唔同 仲有啲住家味添 食物雖然唔算太吸引 但價錢真係好吸引㗎

這家燒臘店, 可以話陪伴我成長, 光顧超過十多年水準依然可以維持一定水平今天同同事來，朋友食燒肉雞飯！看到賣相不錯而我今天選擇四寶飯：賣相就普通，叉燒，紅腸。咸蛋都色澤頗佳，表層還帶著稍稍油分，而雞雜賣相就最差！又硬韌勁十足！咬不動啊~ 再講番叉燒大部分都偏瘦。肉質比較硬比較粗 !入味的話就更談不上了⋯⋯基本味道也只有在表層蜜味停留紅腸因為過油的關係，口感還比較油潤，味道除了鹵水味就談不上突出!而且非常薄半邊鹹蛋一般，卻也過得去重點飯底有鼓油，大家覺唔覺得茶記d豉油特別好食最後撈白飯都食晒一碟