Joy Friend Lane (Closed)

早前經過教育路被呢間店舗名字吸引，覺得好有趣！今日再路過，決心入內食下嘢。雖然是下午三點，但因店內坐位不多，仍然要等位😅大概等了十分鐘便可以入坐，由於店舖不大所以有點迫夾😅店內裝潢充滿懷舊情懷，好似回到七十年代的光境！餐名有別於一般茶餐廳，有d攪笑🤣叫咗兩個常餐：🔸忌亷🐔湯火腿鮑片通粉 $40🔸豬軟骨鮮茄湯螺絲粉 $42～湯底充滿濃濃蕃茄味道，豬軟骨連婆婆都食到👍🏻這裹的炒蛋有新意思～～炒蛋加入蔥花、除咗有蔥油香味，蛋好滑😋瑞士🐔翼，味道剛好，唔會咸而且鮮嫩唔嚡😋…查看更多

今日在元朗行過見到這間食店被佢店名吸引「喜友此里」！行埋去睇睇餐牌，就決定入去一試。其實早餐同午餐食嘅嘢都差不多，只是價錢上有些唔同。今日嚟到剛剛係午餐時間，所以就叫了一份午寶、兩份午餐！來佬午寶：（蔥花蛋+薯餅+奶油豬+豬扒+芝士撈通粉）十足十係一份 all day breakfast😆不知蔥花蛋是否這店嘅「廚師推介」呢？就先講蔥花蛋，加左蔥一起炒，蛋有蔥香，好滑，好少餐茶廳會加蔥炒蛋，芝士撈通粉，濃濃嘅芝士汁掛在通粉上，奶油豬，豬仔飽脆，熱，多奶多油👍🏻👍🏻👍🏻喜友百搭套餐：蔥花滑蛋雙層芝士豬扒（鮮茄肉醬）先講汁，唔係茄膏汁，真係用左好多番茄煮嘅汁，芝士豬扒入面嘅芝士仍然半容狀態👍🏻👍🏻👍🏻蔥花滑蛋雞扒（洋蔥汁）除左雞扒好大塊之外，沒有其他好講😅唔代表唔好食餐廳嘅牆壁畫上好多懷舊廣告畫，幾得意！食物不錯，連佈置也不錯👍🏻👍🏻👍🏻 …查看更多

話說老公介紹呢間叉燒好好味。所以去了這間小店。其實元朗教育路經常路過。但就無留意有呢間小店。喜友黯然燒雲飯x2⭐️⭐️⭐️⭐️製作需時。大約十分鐘左右。叉燒好大舊。又勁入味對我來講有些咸。好彩老公醒目。走豉油！個蛋煎得好靚。一口飯加一口叉燒！我成碗食晒！再點了瑞士雞翼⭐️⭐️⭐️我覺得麻麻地。鮮魚湯浸娃娃菜⭐️⭐️⭐️⭐️⭐️好味！清清地勁魚味！每人一杯凍檸茶。⭐️⭐️⭐️⭐️⭐️好飲，因為茶味好重但又好清晰我係勁鐘意食凍檸茶走甜。所以茶味好重要。不過衛生情況麻麻我隔離有個垃圾桶勁多塵😒😒後生仔開檔。我會再去食嘅。👏🏻👏🏻👏🏻👏🏻…查看更多

呢日嚟到元朗教育路搵地方食早餐。經過見到呢間喜友此里都有幾多客喺門口等位，門口裝修又幾懷舊幾有特色，所以就決定一試。餐廳裝修又真係幾懷舊下，充滿住七八十年代香港情懷。雖然座位有啲迫夾，不過租金昂貴香港嘅食肆十間有八間都難免係咁。叫咗一份滑牛番茄通粉，配蔥花滑蛋、瑞士雞翼及多士，飲熱奶茶 ($34)，及一份香煎豬扒公仔麵，配太陽蛋、瑞士雞翼、多士、熱咖啡 ($35)。蔥花滑蛋非常好食，又滑又香口。瑞士雞翼味道似滷水雞翼多過瑞士雞翼。滑牛番茄通粉湯底味道唔錯，但係啲滑牛肉就已經“乸”到完全冇味 ，食落爽口但一啲味道都冇感覺好怪。絕對唔推介！相反豬扒公仔麵就幾好食，豬扒夠入味肉質爽口，公仔麵仔嘅湯底是金寶鷄湯嘅味道，呢個味道唔錯。熱奶茶，茶色靚，但係唔夠奶味。叫侍應幫手加返少少奶之後，飲落原來茶味都唔夠，屬於一般嘅貨色。熱咖啡飲落有少少酸味，比一般貨色更一般。整體感覺，裝修同服務都幾好，但係食物嘅味道就有待加強。…查看更多

這是一間充滿香港情懷的小店。店員與客人的相處隨性舒適，親切得就像是鄰里街坊，讓人感到滿滿的人情味兒。餐牌也是滿有港色茶餐廳風味的模樣。說到香港茶餐廳，少不了當然是絲襪奶茶了。試問現在還有多少餐廳真的是絲襪奶茶呢？而這裡還真有。我蠻欣賞這裡的裝潢，像放電視的位置做到像是以前香港戲院的展示模樣，看得出來店家在裝修設計上的心思，富有特色。而最用心的裝潢相信是這面印有各種不同七八十年代報紙的牆身了。這可都是真的在圖書館找的舊時報紙，讓現在的年輕人也可窺視當時的環境，看到些舊時廣告。在這面牆上，我最有印象就是⋯⋯那時候的樓價跟現在真的差天共地。我點的是 喜友黯然銷魂飯。識食當然是食黯然銷魂飯呀。星爺的「食神」我是有看的，哈。「根本就沒有食神，或者人人都是食神，男孩女孩、老爸老媽、大哥大姐只要有心，人人都是食神。」取自「食神」中的對白。所以別少看一碗叉燒煎蛋飯喔。這碗黯然銷魂飯同樣是別出心裁的。其厚切叉燒名符其實，大大件而且很好嚼口，也很入味。米飯粒粒分明，澆上了簡單的甜醬油，只是其醬油也被廚房巧加心思，跟平常吃的不大一樣，不會很咸而且甜味挺突出，混著飯吃很是相宜。還有那半熟煎蛋，蛋汁破開混在一起開吃，味道就是不錯。然後配上一杯凍絲襪奶茶，感覺奶味跟茶澀有著巧妙的平衡，不會被其中一種搶去味蕾，而且入口很順滑，不會偏甜，蠻好喝的。總結而言，想要吃港味茶餐廳的話，它是一個不錯的選擇，但要留意飯量還算大的，吃不完的話不妨叫少飯的喔。…查看更多

又係我地兩小口啦。今次我地去左她比較熟悉既元朗，搵到間感覺幾有創意既傳統冰室，入到去坐低坐位空間都尚算ok，裝潢用左好有香港特色既風格。佢地個餐牌改名上別有用心，有幾款食物睇到個名都已經想試，例如個暗然銷魂飯。之後我地叫左兩個午寶，因為餐牌簡介好似冇咁飽肚。點知一上枱，一碟有2個奶油包、1塊大雞排、1推菜、1塊薯餅同1隻蛋，之後仲要跟一碗通粉，兩個人share都夠哂飽。佢叫左芝士通粉，而我叫左肉醬螺絲粉。兩個通粉都整得好好味，個薯餅比較實，若然可以鬆脆少少就完美。雞扒都煎得岩岩皮脆肉嫩，奶油包都焗得岩岩好。係1間值得一去再去既冰室。…查看更多

今晚25/12，同女友都咁多年唔置在食咩聖誕大餐，原本諗住落教育路搵日本餐食，點知經過喜友此里嘅時候女樓面溫馨咁同我地講句Merry Christmas但又唔係sell我地入去，起初我地都冇入去，但最後都決定入去試一試。同女友叫咗「美國穀飼西冷薯蓉」「朝鮮香辣海鮮奄列飯」「士雞翼花雕醉雞翼各3隻」先講奄列飯，海鮮同一般茶記海鮮料差不多，都係青口、蜆、蟹柳之類，但連埋啲蛋一齊炒，加埋調味，味道相當唔錯！同埋啲蛋係滑嘅唔會好似一般茶記啲芙蓉蛋咁硬一硬。至於西冷薯蓉，牛扒唔係茶記「乸」到淋到咩咁嘅牛扒，係真係有肉味，同埋薯蓉亦都係有調味，所以又係好唔錯，同埋都係$78，個人認為性價比幾高。最後嘅雞翼，瑞士雞翼都好味，但醉雞翼就相對失色，有酒味，但唔夠濃。同埋我地坐得近後門，可以睇到廚房做嘢，見師父出餐前都有用心砌好先出，同埋起初嘅女樓面亦都有過嚟問我地嘢食得唔得，感覺到佢地都好有心做，老實講喺元朗一街都係茶記，但求求其其四十幾蚊俾個餐你嘅大有人在，用心嘅小店真係值得大家支持💪…查看更多

下午三點來到, 原本想來食雞脾紅豆冰的 (第一次幫襯, 甩到門口的餐牌)入到去, 俾佢的常餐吸引了, 於是轉了叫常餐.有多士配炒蛋, 多士烤得香脆,炒蛋夠滑, 佢的餐牌介紹話有日/韓/泰三款蛋混的, 老實講我就分唔出, 但個蛋炒得夠滑又有蛋香.還有兩隻瑞士雞中翼, 沒有什麼特別.主食係豬軟骨羅宋湯螺絲粉,  螺絲粉煮得剛好, 彈力有咬口, 係茶記中食到最好食的一次 (沒有之一)凍奶茶正正常常.店舖唔大, 大約可以坐二十幾人吧, 還好下午茶時段不太多人, 唔會覺得逼.招呼一流, 收錢時滿面笑容, 還主動講下次再來幫襯.不論出品及招呼都好得, 真係值得回頭.…查看更多

雖然已經數次經過這間小店，但一直與它有緣無份，今晚看準空閒，特地前來一試。店舖的裝修以懷舊為主題，充滿了老茶記的味道，不過我倒是不太感冒這種設計和白色燈光，所以未有留影。既然不是被設計所吸引，那當然是被食物所吸引，店外餐牌顯示的食飯頗合我口味，價錢亦相宜，坐下不久便與女伴點了一個黯然銷魂飯（無錯 就係叉燒蛋飯）和香草牛油煎青衣柳配鮮魚湯烏冬。率先來到的黯然銷魂飯賣相爾爾，但味道卻是令人驚喜，叉燒與平時燒味所吃的大有不同，據餐牌顯示乃餐廳自家特製，大部份都是半肥瘦肉，口感及味道遠勝一般燒味，配以煎蛋及白飯可謂一大享受，伴碟的芽菜吸收肉汁後亦甚有味道，簡單的㕚燒煎蛋飯做到這個水準也著實不易。後來的香草牛油煎青衣柳配鮮魚湯烏冬賣相倒是不錯，魚肉的味道略淡，但配上香草後卻是剛剛好，一旁的鮮魚湯烏冬更是真材實料，一吃就嚐到濃濃的魚湯味，令人非常滿足，唯一可惜的是份量略嫌有些小，兩三下就清光了，大胃人士需留意。總括而言，此店的食物味道很不錯，而且兩個套餐連飲品只需122元便可埋單，以晚餐而言可謂超值，筆者極力推薦一試。…查看更多

之前已經聽聞元朗開咗間懷舊港式茶記，本身睇地址都唔知喺邊度，有日行行下經過見到喱一間嘅舖頭裝修，就已經一眼認得出係佢啦。於是我諗都冇諗，就決定入去試一試啦。餐牌上有啲冰室常見嘅食物例如意粉，飯，多士，奶油豬。。。。。。眼花繚亂之下，結果都係揀咗一個常餐。等我試一試佢哋嘅招牌做得如何。最常見嘅沙嗲牛肉公仔麵，腸仔加煎熟蛋，原本配嘅多士加錢轉咗做奶油豬，再加杯凍檸茶。咁先至係一個good morning🤣沙嗲牛肉肉質好特別，醬汁亦都非常之濃厚。好啱我自己嘅口味。當然最推介嘅都係佢哋嘅奶油豬，係用咗最傳統嗰一隻嘅大包，滿滿都係煉奶同埋牛油，好滿足啊😋當然早餐嘅價錢嚟講係偏貴咗少少，但係我都會繼續支持呢一啲本地小店😚好過成日食一啲連鎖快餐店呀🤗…查看更多

懷舊茶餐室風格既裝修，啲食物都好有水準，對得住個價錢+3蚊可以叫特飲，菠蘿冰用雜果賓治都係用新鮮菠蘿！超多超好食叫左個福黎曼魚飯，原來福黎係豆腐黎既，店員仲好細心介紹…查看更多

近期見到等位的人少左 就趁機去試一趟 客少了 其實係咪已經反映了實況呢？午市未夠一點 枱未滿坐 門口未有人等位一入店內卻被樓面阿姐的打仗感覺嚇親午餐A, B...E係快餐式的選擇 太無誠意所以叫左咖哩牛腩葱蛋飯 正餐牌的出品一樣毫無誠意可言見到碟飯已經唔想食！咖哩牛腩旁邊有烚椰菜伴碟烚菜為碟飯帶來一灘水 變左咖哩牛腩”碟底湯飯” 就似爆💩渠 沖晒💩水出來d🍚到咁🤮🤮🤮咖哩只有咖哩味 毫無香料味葱蛋無葱味、無蛋味 食落真係🔥想即刻起身走！(嬲到唔記得影相🤬....)經營餐廳 要持續客似雲來 確實要俾些少心機及誠意一味要翻枱 無服務態度、更無食品質素何必呢？P/S: 唔係想得罪讚好的食評家從各位的相見到正常的咖哩牛腩葱蛋飯賣相的確無問題可能我太好彩 遭遇大不同😪…查看更多

❤喜友此里❤開店幾月，之前一直只做早午市，最近先加入晚市行業🌕，加上知名度未有同街嘅食店出名，所以唔使點等就入得。😝-唔好以為冇人等就實有伏，入到去見到餐牌中西日餐都有齊，我同朋友各自叫咗💮蔥蛋安格斯咖喱牛腩飯💮清酒煮蜆意粉💮鯖魚湯烏冬，加多個小食💮花雕醉雞翼。-✨✨✨-🌠蔥蛋安格斯咖喱牛腩飯🐮-安格斯聽得多，用黎做牛腩飯真係第一次聽，牛腩炆得好焾👍，咖喱都好入味，加上蔥蛋蓋飯，成個飯有幾種滋味，真係好正。 而且飯量超大，如果兩個女仔食，其實真係可以兩份Share。(ps: 咖喱係真係有辣味㗎)-🌠清酒煮蜆意粉🍶-唔食得辣都唔緊要，仲有好多選擇，依個意粉係同枱3位朋友一致推薦的🌟第一☝喺依碟嘢上菜時，啲蜆已經係大得令人驚豔，本嚟以為50幾蚊嘅意粉，啲蜆分分鐘細過指甲，點知佢隻隻都半隻手掌咁大❗❗❗望到都知佢值回票價。仲要成碟意粉嘅酒味都好濃，可見老闆做依個餐真係不計成本💸💸-🌠鯖魚湯烏冬🐟-依個烏冬最特別就係個湯，係真係奶白色嘅魚湯嚟，燶得嚟有魚湯應有嘅鮮甜味😍真材實料，而且魚湯同個烏冬超夾，食到最尾我見我fd直頭湯都飲埋😂😂😂-🌠花雕醉雞翼🐓-老老豆豆，其實CC會入嚟食都係因為個醉雞翼，因為我本來就好鍾意食醉雞🐔，結果果然冇令我失望，花雕好香，亦都煮的好入味，肉質好滑，最重要係佢冇雪❕藏❕味❕老闆娘仲話遲下會有多啲小食，好期待😍😍-✨✨✨-食到最後同老闆娘傾偈💬唔講唔知，雖然喜友此里開業冇耐，但老闆娘做餐廳經驗好豐富🏆其中一間日本嘢係元朗仲好出名添㗎😳😳-最近先轉型做茶餐廳，成間舖用6-70年代廣告做主題，牆上壁畫老闆娘都有份畫啲，而門口有幅貼滿舊報紙嘅木牆原來係用真報紙做📃超有心思..帶女朋友嚟食就啱晒，可以打卡之餘📷多國菜餐牌仲可以滿意個啲咩都話唔食嘅港女😂😂😂…查看更多

約左住元朗既朋友食lunch，佢次次都比我話事，我就想食茶餐廳或者冰室，叫佢帶我去，我地未食過喜友此里就決定去試下！地址唔難搵係以前都幾中意食既車仔麵後面街，大家一講就知係邊！設計非常懷舊風，是昔日香港！牆身畫上即日放映都看到當年很紅的電影，李小龍，女殺手黑玫瑰，東方不敗等等！喜友百搭套餐B雞扒，洋蔥汁腸仔！隻碟大過一般的蒸魚碟！份量十足只是$43，難怪呢度咁多中學生喇～滑蛋蔥花鋪在飯面，非常滑口，雞扒兩塊皮脆肉質嫩有肉汁，配洋蔥汁超夾！仲有煎腸仔無敵了，有埋條生菜，好均衡呀！…查看更多

路經元朗教育路, 像是新開的小店, 賣的是懷舊吧, 下午3時多了, 人見少了, 便入內比次機會這間新店, 在門外見到下午茶2-4時, 不知是否4時後便打烊吧。叫了兩客下午茶, 都是配紅豆冰(不用加錢), 一份是春卷及沙嗲牛包, 一份是霸王奄列配奶油豬(+$4), 份量很多, 尤其奄列, 看上去至少有3隻蛋吧，不過奄列老了一點，份量滿滿一隻碟真，網紋春卷熱炸及牛包亦有水準, 重點, 平均每人都只是30元, 會再回來光僱。服務不錯, 似是家庭式小店吧。…查看更多