Joy Friend Lane (Closed)

今期推薦～芝士撈通粉今天在元朗附近尋找午餐，見到有間新開的冰室，便走入去試一試午餐。這間餐廳的裝修10分有特色，另外最值得欣賞是這間餐廳的食物分量10分足料。一個$46的午餐，包括了芝士撈通粉，薯餅拼吉列魚柳再配上一整個奶油豬，香蔥滑蛋和飲品，一個男仔都會食得飽的常餐，其他餐廳的常餐通常都是吃不飽。最值得推薦的是芝士撈通粉，芝士的味道濃郁，配上通粉，10分美味。比較遺憾的是當天餐廳的冷氣壞了，所以吃得10分狼狽，滿頭大汗。和職員反映後他們也接受意見，會盡快安排師傅整冷氣。…Read More

星期六朝早11點幾去到門口企左一陣，問有冇一個位，兩個女侍應都木口木面，無答到，我好肯定佢哋聽到我講嘢，我特登等其中一個收完錢問多次都係無反應，我諗我喺咪透明左，無人見到我？迎面而來嘅侍應又係咁，然後借啲意睇下枱上啲紙，我知道好忙，早餐時段很多人，不過就算好忙都會答下個客人掛，叫人等等，或者話可能要等多一陣呀，我企左成5分鐘，都無人問我/答我，直頭當我透明，未見過服務差到咁嘅餐廳，以後都唔會幫襯！:(…Read More

話說小妹星期六日得閒都鐘意落街食個靚早餐 前提係要搵11:00am之後仲有得食既地方😩今次呢間係屋企人話五錯所以先去試下😛呢份早餐真心大件夾抵食😋叫左番茄豬軟骨公仔麵 蔥花滑蛋拼腸仔 （$35）加$4仲可以由多士轉原個奶油豬🤔推介大家一定要轉黎食 奶油豬好正 好少見有餐廳會轉到大版嗰隻👍🏾👍🏾👍🏾❤️蔥花滑蛋雖然蛋味五夠重 不過都夠滑 腸仔其實可以轉食煎雞翼🤗豬軟骨都幾入味下 住元朗嘅朋友仔都可以試吓…Read More

早上來試試這間朋友推薦的小茶餐廳，早餐價錢經濟，平凡的常餐出奇地好味、多元化、大份，有心思！奶油豬、雞扒、蔥花炒蛋好出色👍👍👍裝飾有心思，以香港六十年代為題。…Read More

7月1號叫左2個常餐，其中一碗 有2隻蟻 + 發泡膠粒.... 2碗叉燒完全無味。。乾如拆，真係好難食。。其實不如唔好做啦呢間嘢職員態度 （2個女仕）態度奇差，又西面，好唔想返工咁。。永遠唔會再幫襯。…Read More

難得放假 陪母親落去元朗順便食下好耐無食過既喜友此里！好耐之前曾經食過佢既蔥花滑蛋 真係好好味 所以決定今次要帶埋母親來試一試見其他人大推埋佢既瑞士雞翼 早餐亦有呢個選擇 所以就揀左蔥花滑蛋，瑞士雞翼再加多個雪菜肉絲米！prefect滑蛋唔夠滑 不過仍然好香蛋味😍 加埋蔥花真係好夾 瑞士雞翼亦都非常入味 唔會太咸 讚 多士有烘過 加埋牛油👍🏻👍🏻👍🏻雪菜肉絲米用既肉不是平時好乾曾曾的肉 味道亦都濃郁 不會太咸最後要講既係 呢個價錢 有瑞士雞翼揀😍 真係幾抵 而且佢個炒蛋真係好好味…Read More

餐廳位於元朗教育路，近元朗廣場那邊。餐廳裝修很特別，尤其是牆上壁畫和九龍皇帝字跡。餐廳不算大，週末下午茶時段，這裡坐滿人，要搭枱。坐位比較狹窄，一不小心便會踫到坐在背面的顧客，要注意。餐廳用了些特別的名稱把食物分類，例如，滑不溜口蛋蛋飯（滑蛋飯），豬蘿包（奶油豬／菠蘿包），襟撈一丁（撈丁）。。本來想試撈丁， 見到餐牌標榜這裏的麵包是元朗手工麵包， 為了試試它們的手工麵包，所以改了個下午麵餐跟麵包的。雪菜肉絲公仔麵配蔥花滑蛋連飲品（另加$4牛油多士轉菠蘿包）。菠蘿包的確不錯，熱的，而且外層是脆脆的。麵包很香，而且軟熟。雪菜肉絲比較麻麻地，沒有雪菜的香味，而且有點辣。還有滑蛋，蛋不算非常滑但有蛋香，加入了很多蔥花，味道很香。大大黑椒雞扒飯配腸仔連飲品 ($45)雞扒非常大， 而且好厚身。黑椒汁味道很濃，微辣，配雞扒飯一流。雞扒飯是午餐，份量很大。抵食！總結，餐廳食物很好，又大份又抵食，服務也不差。只是餐廳較細，座位較狹窄，但仍是值得推介的餐廳， 有興趣不妨去試試！…Read More

今天是母親節，下午茶時間跟家人去地道茶餐廳吃下午茶😊我點了一份炸雞脾拼沙律，母親大人吃公司三文治。雞脾是生炸的，所以等了15分鐘才到。雞脾肉質鮮嫩多汁，雞皮脆而不油，可以一試👍🏻最特別的是紅荳鴛鴦，不會太甜，好喝😊…Read More

（由於無拍照 只好用文字表達）我食了洋蔥豬扒包加薯條豬扒包食落正常 但洋蔥太焦 薯條全部都是油 懷疑放耐左番炸 但炸到咬落好口多油 依個都可能是肚痾既其中一個原因 我是食完無耐就肚痛去toilet我女友食了豬扒面加蔥花滑蛋加多士食落都正常 面有cream湯 但淡d 蛋都算滑ok但佢食完夜晚都肚痛我只是覺得如果自己肚痛就無想過寫依個post 但我女友都夜晚肚痛 所以先劣評希望餐廳注意下 因我唔希望有其他人會同我地一樣:(中招最後我唔會再去依間野食 雖然下午茶價錢幾平 但怕再會肚痛！謝謝🙏…Read More

原先入元朗打算行山，遇著不穩定天氣，唯有取消。但剛巧遇到天后誕慶祝活動，可以欣賞大場面既舞龍舞獅，順便排隊食下午茶。下午茶既選擇多到不得了，令到我地出現暫時性選擇困難症最後我地3人都同時選擇左一蛋一窩心系列，因為大家係網絡好多人推介蛋既菜式。瑞士雞翼煎雙蛋奶油豬 - 雞翼入味唔會太鹹，而且雞肉亦唔會老。奶油豬夠脆，好味咸牛奄列拼牛油多士 - 稍為普通，不過不失黑松露蘑菇滑蛋拼奶油豬 - 有驚喜，松露磨菇好香，滑蛋亦炒到剛好店內設計亦好有特色…Read More

由於店舖不大所以有點迫夾😖店內裝潢充滿懷舊情懷，好似回到七十年代的光境！牆身以唔同圖案嘅塗鴉形成，睇得出店主花咗唔少心機落呢一間鋪頭，無論係裝修或者係食物名稱嘅設計總括而言，呢一間茶餐廳可以值得一試，特別係佢嘅招牌喜友叉燒！叉燒蔥蛋飯，個滑蛋非常之滑，自家製嘅喜汁叉燒十分惹味，色澤較光鮮，喜汁帶甜味，用嚟撈飯十分適合。角切鰻魚蔥花滑蛋飯，蔥花滑蛋依然掂👍🏼，蛋香滑溜，一樣咁好食🤤🤤🤤瑞士🐔翼，味道唔夠味，有點失望…Read More

每次出街都唔知食咩好，行行下經過門口比‘喜友此里’既霓虹燈招牌吸引住再望吓餐牌，見到有招牌喜友黯然銷魂飯（即係自家製嘅叉燒飯），雞扒豬扒或者瑞士雞翼嘅撈丁，可以配芝士蝦汁/XO醬蔥油/喜汁，見到餐牌上邊嘅嘢唔錯我哋就入咗去食。一行入去餐廳入面，老闆娘就非常熱情款待我哋，餐廳入邊嘅位置都非常寬闊，人唔算太多所以我哋就好快有位置。我哋叫咗個雙拼蝦仁叉燒蔥蛋飯，個滑蛋非常之滑，自家製嘅喜汁叉燒十分惹味，色澤較光鮮，喜汁帶甜味，用嚟撈飯十分適合。另外我哋仲嗌咗個XO醬蔥油配雞扒撈丁，口感非常特別，香氣十足，但XO醬蔥油比較少，如果多番啲XO醬，成個面就會比較入味少少:):)飲品方面，我就嗌咗杯奶茶，都出乎意料之外，味道非常濃郁，茶味同奶味都非常突出，同一般嘅茶餐廳非常之唔同，值得推介餐廳環境方面，成個環境打造成為一個～80年代嘅餐廳，牆身以唔同圖案嘅塗鴉形成，睇得出店主花咗唔少心機落呢一間鋪頭，無論係裝修或者係食物名稱嘅設計總括而言，呢一間茶餐廳可以值得一試，特別係佢嘅招牌喜友叉燒！…Read More

1.角切鰻魚蔥花滑蛋飯($75)，蔥花滑蛋依然掂👍🏼，蛋香滑溜，賣相也不錯2.喜友瑞士雞翼6隻($38)，味道👌🏼3.蔥花滑蛋咖喱安格斯牛腩飯($55)，上次我讚牛筋淋，但今次很失望，牛筋不但不淋，且完全咬不開的☹️牛腩方面，質感有淋的，但也有「鞋」的🙁4. 軟骨棒餃子4隻($28)，餃子皮面很多油😩，連醬料都有浮油，吃一口時，很油膩，沒有再吃下去備註：已將咬不開的牛筋，和太多油的軟骨棒餃子意見反映給職員知食物出品前，廚師或有關人士應該品嚐，避免將不理想的食品上桌呢進食過程中，不斷有一隻小蚊滋飛來飛去，很騷擾…Read More

喜友此里的裝潢充滿昔日香港的情懷，尤其是店內一邊牆身的字句，充滿鼓勵和香港的回憶💬食物系列名也別具創意，如襟撈一丁、來佬午寶、蛋蛋有喜⋯有些食品很抵吃，如今次的蔥花滑蛋咖喱安格斯牛腩飯($55)，上桌時，有點驚訝這麼大碟😲蔥花蛋如以往香滑、蛋蓋着的是白🍚，牛筋淋、牛腩嫩、咖喱好送飯👍🏼，實在性價比高配一杯好飲的凍檸茶，飲時感覺清新，充滿茶香，飲到尾都是好飲的，相信是優質的茶和🍋結合而成溫馨提示😉，繁忙時段除了很多人，還坐得頗擠迫，沒有獨立二人枱，大部份是四人枱，故許多時需搭枱…Read More

👆餐廳環境餐廳內外都充滿了港式懷舊感覺，讓人吃起碟頭飯格外回味！1人餐單參考（飽足程度：★★★★★）：常餐D x1-番茄豬軟骨螺絲粉-蔥蛋-多士-瑞士雞翼-凍檸茶 一共HK$45👆常餐D（推薦指數：★★★☆☆）以$45的價格來說，能夠吃到那麼豐富算不錯了！豬軟骨膠質滿滿，軟得不得了！但是整體來說偏鹹，本身豬軟骨應該是燜煮很久了，已經非常入味，湯底配上輕口味的番茄湯🍅就夠了！不然就越吃越乾。。。再配瑞士雞翼就更不得了。。。但是骨肉分離很好吃！就是鹹。👆餐廳環境…Read More