啖啖燕窩 (永顯工業大廈)

Open Now

Now Closed

🟡招牌招牌米線70招牌蕃茄濃湯炸魚腐竹卷|自家製牛肋條| 爆汁牛丸🟡牛肋條瑞士雞翼米線60金蒜豬骨濃湯（微辣）啖啖燕窩內部剛好在裝修，要外賣到公司吃。餐牌上米線款式多，湯底選擇也幾有特色，由濃郁番茄湯到金蒜豬骨湯都有。落單後出餐速度算快，適合附近返工或住開的朋友。試咗招牌米線，用的是蕃茄濃湯底，酸甜平衡，入口順滑唔膩。配料幾用心，炸魚腐竹卷香脆不油，咬開有魚肉香；自家製牛肋條燜得入味又冇渣；爆汁牛丸彈牙，咬落真係有湯汁流出。份量足，食完唔會覺得飽到頂。另一碗係牛肋條配瑞士雞翼米線，金蒜豬骨湯底微辣，湯味濃厚，有蒜香又帶少少辣勁，啱鍾意重口味嘅人。雞翼甜中帶鹹，肉質滑，牛肋條無諗過有2 3條咁多！好正！

啖啖米線甜品專門店點了小辣的海鮮辣湯，因為夏日炎炎，沒有胃口，所以想吃點刺激性食物，結果比想像中好，因為湯底很濃味，夠味但又不過咸，有辣香但不過辛，是容易入口的辣味之餘沒有味精或奇怪的東西，表面的油也沒有過多，感覺幾健康。然後米線又滑又有咬口，軟硬度適中，恰到好處，老人家也食到咬得開，不用擔心，絕對老幼咸宜。牛丸大顆又爆汁，好抵食。整個晚餐份量足，好吃又超值。湯和麵是分開存放的，十分細心，便不怕米線會浸得過軟。

天氣熱辣辣🥵勁想食糖水，附近做完運動後買糖水返屋企🤗冰糖紅棗杞子燉桃膠雪燕係典型的中式滋補甜品，冰糖的清甜與杞子及紅棗的溫潤，恰好豐富了桃膠雪燕本身的淡味更讓整道甜品多了幾分養生感。大大塊嘅桃膠好Q彈，雪燕就好滑嫩，質地濃稠卻不膩口。紅棗杞子新鮮有口感，最怕啲紅棗杞子煲到霉晒咁牛奶木瓜燉桃膠雪燕，牛奶醇厚，粒粒木瓜香甜又有咬口，木瓜的軟糯融入其中，讓口感更顯豐富。整體味道清甜不厚重，帶著自然果香與奶香，適合喜歡清淡甜口嘅愛好者，喺呢啲又熱又焗嘅天氣雪凍後食更加清爽宜人。麻辣牛丸個麻辣汁超級惹味辣得過癮卻不燒心牛丸緊實彈牙，牛丸內部的肉汁被麻辣味激發，越吃越想再食

喺附近返工、去Party Room、租開studio嘅朋友，一定唔可以唔知道新蒲崗呢一間啖啖燕窩，除咗甜品之外，仲有非常好味嘅金蒜豬骨湯米線！未試過嘅快啲同我即刻去試吓，保證大家覺得有驚喜！佢哋有多款米線，食咗咁多次我嘅結論係金蒜豬骨湯米線🧄係最惹味嘅！米線可以自己揀想跟啲咩餸，我今次就揀咗一定要嗌嘅魚腐竹卷 🐟、濃汁炆牛肋條🐮、風琴豆腐串，佢哋嘅魚腐竹卷，外層脆卜卜，入面嘅魚腐都好足料，唔會食到成口粉漿，另外，風琴豆腐就啱啱好可以吸晒金蒜湯底嘅精髓，所以一樣好推薦大家嗌！小食方面，我就推介非常入味嘅瑞士雞翼🐔，醃得非常入味好食又唔貴，鍾意食雞翼嘅朋友絕對可以放心試吓～甜品方面，我就最鍾意佢哋嘅3.6牛乳鮮奶凍 ，份量細細食完正餐都食得落，減緊肥都唔會覺得有罪惡感～

同朋友喺附近食完飯買咗啲甜品返屋企食ღ啖啖芒果Shake Shake 飲 $48～～～～～～～～～～～～～～超多香甜芒果果肉，質地好滑，甜度剛剛好，加上西米同雪燕，飲落清新爽口😋ღ芒果椰椰西米露 $32～～～～～～～～～～～芒果香氣濃郁，椰汁味滑順，西米入口Q彈，每啖都食到芒果肉，口感層次豐富ღ3.6牛乳鮮奶凍 $18～～～～～～～～～～奶香味濃厚，質感軟滑細膩，入口即化，帶淡淡甜味，清爽不膩ღ(♫ ♪ ♫ ¢яєαмfυи ♫ ♪ ♫ (¯`◕‿◕´¯)ღ

健康甜品之選，啱晒我應該甜品專家，但又唔想肥嘅人，仲要有雪燕桃膠食，超正！好推介北海道3.6牛奶燉桃膠雪燕，選用高品質北海道牛奶，香濃順滑，搭配桃膠與雪燕的Q彈口感，入口即化，甜而不膩，營養又滋潤，是一款高雅又健康的甜品。 牛奶木瓜燉桃膠雪燕以鮮甜的木瓜為主角，搭配濃郁的牛奶與桃膠雪燕，口感細膩豐富，木瓜的清甜與牛奶的香濃完美融合，滋陰補水，尤其適合喜歡養生的食客。 多芒小丸子採用新鮮芒果切粒，甜香多汁，搭配煙韌的小丸子和椰奶，整體香甜濃郁，口感多層次，每一口都充滿濃烈的熱帶水果風情，是芒果控必試之選！

想食甜品但又怕肥不妨考慮呢間位於新蒲崗嘅甜品店，主打多款健康又養生嘅糖水，桃膠、雪燕、燕窩、西米露、布甸等，無論買嚟自己食，或者當作散水餅都係講唔錯嘅選擇。全部新鮮唔隔夜建議收貨當日食用，價格親民，另有米線同小食可以叫，但只限於外賣。西米露有好多口味，Q彈口感，自家製特別足料，私心推介椰汁芋頭，天然椰汁，香甜可口、牛奶芒果勁多芒果，芒果新鮮又甜口感一流、牛奶木瓜黃金搭配，甜而不膩，養眼又好味。養身茶同樣無糖，10款選擇，各有千秋，帶淡淡香氣，解膩開胃，性價比高。

唔少人都認識新蒲崗呢間甜品店皆因呢度嘅甜品每日鮮製吸引唔少健康養顏嘅食客除咗主打燕窩之外．仲有其他甜品．小食想飽肚啲仲可以選擇米線揀咗三款滋補糖水✨牛奶芒果燉桃膠雪燕加入桃膠雪燕啖啖都好足料選用新鮮芒果肉令味道更香甜✨牛奶木瓜燉桃膠雪燕 桃膠口感Q彈嫩滑配上雪燕滋潤又養顏木瓜同牛奶係完美嘅配搭✨椰汁芒果西米露 充滿椰香味道啖啖芒果肉．仲有粒粒分離嘅西米係必點嘅招牌甜品食甜品都可以健康養身下次再嚟要試下麻辣米線

❤️特濃3.6鮮奶凍真係超驚喜！好creamy，入口即融，非常滑順，而且散發著濃郁的奶香，加上淡淡的甜味，很美妙下次會再encore！可以bookmark做散水餅 都好出色🧡啖啖木瓜好清新，🍹有粒粒西米同雪燕，仲有木瓜果肉喺鮮奶度，真係啖啖都有內容☺️🥰💛最近頭髮有d脆，髪尾開叉，所以試呢個養腎茶，希望幫到手。整體味道偏向天然的甘甜，黑枸杞的甜味與黃精的淡淡苦味相互平衡，係d清新的草本風味。

今日去咗新蒲崗做嘢，回程時去咗呢間位於永顯工業大廈地鋪，以燕窩作招牌菜嘅甜品店 🍧🍨🍰 買咗2碗桃膠雪燕返屋企做愛心 💗 飯後甜品….. 有d期待～ 🤤🤤🤤一食完晚飯就即刻係雪櫃拎出嚟食啦 😂😂😋 今次有以下2款：🍧 椰汁芒果雪燕桃膠西米露 🥥🥭🥭 桃膠超大，雪燕又多，加上椰汁西米露同芒果，口感好豐富… 👍👍😋🍧 仙草鮮果雪燕桃膠西米露 🍉🥭🍉 2碗口味好接近，但呢碗配仙草 & 雜果，多d嘢咬下… 👍👍😋整體真材實料，桃膠超大，雪燕又多，好抵食 ，CP好高， 少甜啱口味 👍👍⭐️⭐️⭐️ 除咗甜品之外，原來佢哋仲有做米線 🍜🍜🍜 下次再去試吓～

講起食甜品你會諗起邊一間？通常屋企附近嘅糖水店水準都一般之前有諗過去九龍城飲糖水，點知要行到老遠才有似樣但自己又懶得經常去煲糖水今次將佢介紹新蒲崗嘅啖啖米線甜品專門店沒有堂食只有外賣，拎返屋企慢慢歎 今次午餐我就叫咗:♥️麻辣花膠炸魚腐竹卷米線60幾文就有五片花膠，果然真材實料，花膠仲炆得好欶腍咬落去仲好有口感，我都係第一次食到魚味好濃炸魚腐加上麻辣湯底，食完令我下次經過又想再食過! .甜品方面就叫咗♥️好養顏嘅北海度3.6牛奶燉桃膠雪燕“唔捨得食昂貴嘅燕窩，食桃膠雪燕都係一個好選擇! ” .雪燕可以講得上係「植物燕窩」，同桃膠一樣可潤腸通便、滋陰潤肺、對抗皮膚乾燥，真係淡淡都咁爽口，加上奶味濃郁的北海道牛奶，無論熱食或凍食都係噉清甜美味。點解每次食糖水都叫桃膠，因為桃膠要屋企發3日🙈仲未計去雜質! .完全做到店鋪的slogan食得是福，食碗糖水更幸福!對於我嚟講唔使自己夏天煲好繁複嘅糖水就更幸福!

鍾意食甜品一定要嚟「啖啖燕窩」🤩 呢間店嘅甜品款式多，味道出色，依家仲做埋米線，食物選擇豐富好吸引😋北海道3.6牛奶燉桃膠雪燕 必點！用咗大大粒嘅桃膠，加埋雪燕口感滑嫩，3.6牛乳味道好濃，好高質🥛牛奶木瓜燉桃膠雪燕 以牛奶同木瓜為主料，牛奶嘅香濃加上木瓜嘅清甜，味道非常夾 清甜可口😍 雪燕嘅口感好絲滑，入口好正🥰 仲有勁大粒桃膠！椰汁芋頭西米露 呢款西米露真係好正！西米嘅Q彈口感加上椰汁嘅香甜，味道一流，仲有軟糯香芋 口感好好，好滿足🤤

喺網上認識咗呢間店嘅背景，覺得幾浪漫，特登過嚟支持吓🥰雞肉米線 $40本身係想嗌花膠，但當日冇得嗌🥲米線係配金蒜豬骨濃湯，湯底味道正常，但雞肉有啲嚡🥹肥牛牛丸米線 $56肥牛質量普通，牛丸味道似振興，整體味道令人覺得有啲失望🥹蒜辣雞翼$22雞翼嘅醬汁望落去似B仔雞翼尖，整體味道正常🍴芒椰奶西$32芒果有啲熟🥭整體表現平平。建議可以考慮用更濃的椰奶，增強風味🙆🏻‍♀️北海道3.6牛奶燉雪燕 $45本身係最期待嘅甜品🍶但牛奶味道好稀，少咗濃郁感，整體口感有點失落🥹建議可以加強牛奶的比例🥛或者加入其他配料🍴增添風味和營養。總結整體而言，呢間餐廳嘅菜品有進步空間，整體味道未能令人驚喜🥹希望下次能夠改善，增強菜品的風味，值得再試！😆

新蒲崗的「啖啖燕窩」，睇個名仲以為係燕窩專門店，原來除咗燕窩外，其實仲有米線食呢！而且店內有好多打卡位，裝修色彩繽紛，仲有卡通公仔元素，啱晒一家大小。🔸世一牛丸米線:湯底我揀咗海鮮辣湯，嗰個辣味恰到好處，叫得世一牛丸，真係幾彈牙，咬落去嗰一刻，肉汁四溢，正。🔸北海道3.6牛奶雪燕:雪燕晶瑩，同埋3.6牛奶嘅醇厚，完美結合，甜度適中，冇過於甜膩。🔸3.6牛奶芒果桃膠，芒果粒大大粒，新鮮又香甜，桃膠煙韌，同埋牛奶嘅香濃，三者搭配，口感豐富，係一個小驚喜。

朋友介紹永顯工業大廈地下的「啖啖米線」，有米線但聽講甜品係好正，所以lunch後外賣俾同事試吓！招牌椰汁西米露西米份量適中、口感煙韌，椰汁唔會過甜，帶微微鹹香，配合西米嘅滑溜質地，每啖都感受到香濃與清爽嘅完美平衡，好正！3.6牛奶木瓜燉雪燕，入口濃郁滑順，木瓜熟得啱啱好，雪燕質地細滑透明，食落好似啫喱咁但更有咬口，加上3.6牛奶帶出奶香層次，整體清甜唔膩，啱晒怕甜但又想滋潤下嘅人。另外試咗自家製3.6牛奶鮮奶凍，質地好滑溜似豆腐花，奶味重，凍食一流，夏天一定必備。