Tong Kee Bao Dim (Closed)

唐記包點不嬲都好好食，今日同老婆去咗沙田嘅唐記包點買咗兩盅飯，兩個點心，同埋一個馬拉糕 ，返到屋企，屋企人好開心，因為唐記包點啲飯好香，唔會太林，啲餸亦都好鮮甜，好新鮮 最鍾意就係啲點心，因為點心真係即蒸，最後就是佢嘅招牌菜，馬拉糕拉糕，唔太甜， 好鬆軟，好有蛋未，下次我都會去其他唐記包點再試！…Read More

今日中午唔知食乜好，入餐廳都一定$40-$50一個飯，所以就約左同事買外賣返公司食，真係又抵好食！三個人叫左三個飯，可以互相share下。特式客飯叫左兩款：多汁豬軟骨飯 $29同埋香濃咖喱雞飯 $29賣相都好吸引，新鮮熱辣辣。膠盒設計十分好，同事要飯汁分開，呢個盒滿足到佢要求。豬軟骨飯，多汁送飯一流，豬軟骨煮得好淋好入味，味道不會過咸。咖哩雞飯十分不錯，雞件大大件，係雞脾肉位置，軟滑多汁，不會鞋口。咖哩味𦬅惹味，香味濃旭，不過會辣，辣度適中。新鮮蒸飯則選了鳳爪排骨飯 $26，去飲茶成日食呢款，可惜飲茶又貴又細碗，呢度份量就十分滿足！排骨肉汁滲入左蒸飯中，啖啖油脂香味。蒸飯軟硬度適中，不會過淋。鳳爪調味十分好，不會過咸。呢個飯絕對係100分，食極都唔嫌。同事們見新鮮蒸包好吸引，所以決定點了兩款試一試。香芋包 $7.5及招牌菜肉包 $7.5兩款包都十分出色，香芋包香甜軟滑，芋泥入口軟綿綿，做甜品一流。菜肉包經典招牌食物，菜肉份量足夠，一人一半share都唔會好細件。肉汁豐富，蔬菜新鮮。正！$7.5一個包價錢非常合理，點都平過連鎖西式早餐包，而且可以新鮮熱辣辣享用，用黎做早餐也是一個很好選擇。下次叫母親大人買埋凍包返屋一早蒸黎做早餐又得！咁就可以在屋食到高質蒸包。同事咁滿足，下次應該會考慮買埋飯卷，用最抵價食盡佢！haha🤣…Read More

假日晏畫，實在不想花心思想到哪就餐，索性就到附近的飯堂唐記包點點餐。好運中心店唐記包點位於港鐵沙田站 A3 出口附近，地點方便，快捷又抵食。食物種類多樣化好多樣化，有飯、點心、中式包點等。山竹牛肉球$18:牛味十足，入口清甜微酸，仲有馬蹄口感﹗雞扎$18 有2大件雞扎!! 非常足料呀~熱辣辣, 香噴噴入面有豬皮, 豬肚,芋頭同雞，舊芋頭好夠粉，好好食!意想不到的是，枝裝奶茶幾好飲，奶茶味香濃幼滑。奶黃包:係我最鐘意食既包，入面奶黃餡香濃幼滑﹗馬拉糕:熱辣辣的令馬拉糕十分軟身、入口即溶，不會過甜。仲順便點左個菜肉包同榨菜包分享俾屋企既懶豬阿妹食。…Read More

懶得下廚的Happy Friday，又到了唐記包點外賣晚餐。唐記包點分店遍佈全港，除了包點，還有點心和蒸飯等中式茶樓食品，定價親民，精選蒸飯及凍飽優惠更加抵買。糯米卷 $7.5以中式包皮包裹著煙韌糯米，加入花生更加鹹香撲鼻，就是稍嫌外層厚了點。黑麻蓉包 $7.5每次來唐記我都必點黑麻蓉包，包身軟綿不黏口，蒸氣騰騰。粗顆粒的黑芝麻蓉帶有沙沙的口感，就像在吃擂沙湯圓，真材實料，麻香濃得化不開。紅豆砵仔糕 $7.5紅豆份量密密麻麻滿佈糕面，相當澎湃，入口甘甜富豆香。糕身比平時的砵仔糕略為軟身黏口，甜度適中，不會過於甜膩。鳳爪排骨飯 $26鳳爪賣相完好無缺，不會甩皮甩骨，讓鳳爪汁融入米飯中，就算不加豉油都已經夠味。排骨肉汁豐富，一咬就骨肉分離，沒有蒸過火，肉質鬆軟易嚼。豉椒鳳爪 $18因為想買的金錢肚正缺貨，所以又再追加多一客鳳爪，而且這裡的鳳爪亦有一定質素。咖喱雞飯 $29想不到現在唐記不只有中式蒸飯，還有咖喱飯供應，而且餸料與白飯分隔開，方便外賣帶走。雞件肉質嫩滑，十分入味，咖喱味道濃惹滲出辣勁，用來送白飯更加開胃。…Read More

今日好忙趕住返屋企趕工，冇時間煮飯和外面食:(噤啱經過呢度即刻買飯返屋企食另外買d凍包返屋企，早上蒸來做早餐:)呢度好處係可選即食或留返自己幾時蒸都得，而且價錢好"抵 "呢度居然除左蒸飯，還有其他品種，近期推出左咖喱牛筋腩飯添，我一定要試吓我嘅至愛呢個價錢中等唔太貴，份量都足夠，至於味道，聞已經好香，咖喱味微辣而香濃，薯仔甘甜，牛筋腩好腍得個飯食太過單調，還叫左豉椒鳳爪、煎鍋貼和香煎菜肉包。豉椒鳳爪：size唔細，有肉唔係祇得層皮，味道惹味煎鍋貼：可能唔係即煎關係，皮邊有少少硬，但好足料，味道唔錯。香煎菜肉包：外皮鬆軟，餡料係韮菜和豬肉，韮茶好香好惹味至於蒸包，我買既全部都係甜包，入囗包皮鬆軟幼滑，內裏甜度適中，唔會過甜佢哋真係方便左好多好忙趕時間嘅人。…Read More

今日好忙呀!! 醫肚旦求快靚正......唐記應該算係不二之選喇!!!!愈來愈多新品~~~~食物種類多樣化雞扎$182大件雞扎!! 非常足料呀~熱辣辣, 香噴噴"""鮮竹卷 $18腐竹入晒味, 每一啖都好多汁, 口感豐富~ 正呀!!!!鳳爪排骨飯 $26鳳爪味道夠濃郁, 送飯食一流~~~~排骨多肉軟腍!!!仲有好多菜添喎足料糯米雞 $26巨大糯米雞, 食一隻都夠飽咯~~內裏好多餡料, 有冬菇, 雞翼等等......…Read More

唔想煮飯, 又想方便快脆, 梗係食唐記!!~~價錢經濟實惠, 最o岩我呢D窮L, 哈哈~~~~~------------------------------除左蒸飯, 而家多左其他飯選擇呀!都係2幾蚊, 抵食 !!北菇雞飯好多餸又好多菜!!雞肉嫩滑, 唔錯~豉椒鳳爪鳳爪幾時都係咁好味既..........鵪鶉蛋燒賣鵪鶉蛋配燒賣味道又幾夾喎~而且每粒都算大粒豆漿夠晒凍, 夏天飲非常解渴…Read More

一向食開佢嘅香菇雞包同埋奶皇包，大大份又幾好味。今晚趕時間，快食點咗個章魚肉餅蒸飯，咁就出事啦！好大盒飯但唔係太足料，求其淋少少豉油就算。肉餅唔算好硬，但佢比咗隻好切唔開肉餅嘅匙羹比我，感覺就差咗少少囉。。。…Read More