品粵居 (Closed)

上星期路過見到灣仔天樂廣場有間新開酒樓品粤居，今日晚飯約左家人試下， 叫左事日例湯竹蔗粟米魚尾湯，湯底濃料足，辣子雞唔辣夠乾身。爸爸想食薑蔥生蠔煲，部長話海鲜生蠔要訂，服務好好👍他幫我們問下大厨有沒有?竟然大厨話今日有客人要，他預左兩盒，可以给我們一盒😄😄...大厨還推介蒜頭豆豉蒸大魚頭😋。佢話今日有客人訂，所以特別訂多一兩份作為週末推介菜😄，佢話每星期有特別菜，不過海鮮生蠔就要預定😄炒飯夠乾身😄。甜品益力多布甸，推讚，因為不甜，整體不錯，水準唔錯😃

試過剛新開洒樓品粤居晚飯，今次試下午茶，下午兩點至四點，埋單時阿哥仔仲話有七折😁五個人食左折實420元，超抵..有驚喜是蝦饺包金薄邊，雪茄牛油果春卷好味，羗汁腐皮卷超羗汁味重，叉燒包醬汁清甜，唔杰撻撻。蘿蔔糕就細件咗啲😄鳳爪好多隻，汁唔咸👍拉布腸粉好滑，阿嫲無牙都食到。最特別是個素餃子，真係用心去整，菜粒切到好細粒，皮又薄蒸到好透明，出來仲熱辣辣。豉椒排骨炒河用咗幼河粉炒超滑，排骨好棉好稔。甜品嗰涼瓜椰汁糕好特別👍决定阿嫲生日會在這裏開😄

我在天樂里附近返工，等過馬路時，見到天樂廣場有間新酒樓品粤居新開，就同家人試下晚飯。乳鸽多汁不過有啲咸。椰子燉雞湯真材實料棷子多，有豬骨煲到好稔😁。特別推薦辣子雞唔肥麻味適中。😋啫啫雞正常不過配料不多，羗葱頭不多🙄。班球鱼兩味煎嗰碟煎得好乾身。炒球個碟用咗菜心炒算oK。美極蝦扇貝超新鮮😙。炒飯多料加咗金華火腿炒，唔错幾特別👍。咕嚕肉唔多粉浆。魚腐湯魚味濃😉。 益力多布丁幾特別，唔多甜，細佬鐘意。下次試下午茶。我們考慮嫲嫲生日飯在這食

係ig見到個巴打食點心好正咁款就多口問下邊間因為平時都有飲開茶咁就同女朋友就去試試新野品粵居 (係近銅鑼灣-灣仔個邊)因為佢都算係新開既之前都無咩聽過唔易搵到，但都建議地鐵times站(A)再行去灣仔大概5-6分鐘都到感覺上地方唔算太大不過環境坐落去都唔錯點心款式特別，味道我覺得係屬於優質既唯獨缺點可能係價錢小小貴但最緊要係好食！！！早茶就整體感覺真係唔錯如果晚市食物質素都係咁都好推薦大家試埋等我得閒就再去試試埋佢

我哋一班灣仔OL諗住chill chill地周圍睇吓有乜好食，本來打算去鵝頸橋果邊，經過天樂里，有個姐姐喺門口話新開粵菜，依家新張期間lunch有8折，咁就試吓新嘢啦！結果喜出望外，CP值勁高！正！👍🏻👍🏻👍🏻個金邊蝦餃，好鬼靚，就算冇金邊都好好味！個蟹肉餃，好鮮甜，值得一試😋大家最愛係碟龍門炒米粉（$118）同欖角金沙骨（$68），簡直平靚正💖💖💖最後一定要推介一下個超超超美味杏人茶😍😍埋單每位約$130， 真係💖平💖靚💖正💖