去完水立方揼骨，團長帶我地黎萬象城食晚飯。我從來都未黎過，亦估唔到深圳有這樣既地方，名店林立，不過無咩人買野，個個大陸人沖晒去香港掃平貨 ﹗從未黎過萬象城，更加未黎過品村啦，好陌生啊。步入餐廳，睇落環境都幾寬敞喎，分兩邊，一邊西餐一邊日餐咁啦。二百幾蚊人仔個任食晚餐，是但啦，試試無妨麻。什菜沙律，我堅覺得食緊什草囉，碎濕濕點食啫。泰式生蝦刺生，都叫做穩穩陣陣既，蝦雖然無味，但有個泰式酸辣汁頂住，不過不失 ﹗如果有埋蒜片、苦瓜片夾埋一齊食就更好啦。胡麻醬菠菜，普普通通無特別，爽口幾好味。胡麻蘆筍，放得好骨子喎 ﹗哈哈，得幾條邊夠咁多人分呀，好采係任食啫，再 order 多兩個先。味道清甜多汁又爽口，好好味噃。串燒牛柳，嘩 ﹗又羶又乾硬喎，好野喎。三文魚他他，三文魚凍到似食緊雪芭，三文魚蓉本身已無咩味道，一般都係刮剩係魚骨上面既魚肉黎做，味道好淡口囉。炸軟殼蟹，炸粉仲多過蟹囉，掩蓋蟹肉味道，都算炸得鬆脆，不過好咸喎。香煎鵝肝配蘋果，鵝肝偏瘦，跟蘋果配埋一齊味道硬係怪怪的。醬燒羊架，味道唔錯，又夠腍又啖啖肉。牛油忌廉沙蜆，發育不良細細粒既蜆肉，而且有砂添呀，救命。魚子軍艦，係依度全部都係叫做壽司，並無軍艦之分。飯粒又爛又黐口，半點醋香也沒有，失敗。好采有咸香既魚子加上清爽既青瓜片，都一試無妨既。醬燒牛仔骨，普通又穩陣，唔難食，只係全熟比夠韌少少。刺生併盤，全晚最受歡迎又最好食既一道菜呀 ﹗鱆紅魚、八爪魚、三文魚、海膽、甜蝦、赤貝，可以 encore 喎。刺生併盤，剛才唔夠喉，再添食 ﹗今次有三文魚、北寄貝、鱆紅魚，好滿意呀 ﹗係凍左少少啫。池魚開邊燒，第一次咁樣食，別有一番風味，幾好。酥皮仿翅忌廉湯，童年回憶，唔知味道如何呢？非常濃烈既罐頭味道，Shit ﹗鹽燒三文魚頭，從來未見過咁薄又咁瘦架，骨杉杉無肉食囉 ﹗味道一般，而且燒得好乾。鹽燒三文魚頭，咁瘦既三文魚頭都唔知點食好，好采仲有粒我最喜愛既魚眼啫，好味道呀 ﹗鹽燒三文魚鮫，燒到又燶又乾，好野喎。無咩味道，鹽味係有既。辣味元貝，放低時完全估佢唔到係咩囉，仲無啦啦用竹籤上碟。微辣帶少少海味味道，不試也罷。大陸生蠔，完全唔知邊度黎架 ﹗大家都好奇怪，點解全部都上晒生蠔汁既？唔該換過全部走汁。高潮黎喇 ﹗從來未食過咁難食既生蠔，大家一齊食、一齊吐，最後一齊掉晒 ﹗到底咩黎架？有殼碎又蠔肉瘦猛猛，口感腍劈劈仲要帶水喉水味道，唔怪得餐廳一早就用茄汁浸滿佢啦 ﹗日式燒茄子，還可以啦，勁啖口，我想要蒜蓉同豉油囉，而且只係暖暖地，跟即叫即燒熱辣辣出晒煙既燒茄子完全唔同架喎。蒜蓉粉絲蒸帶子，經典中既經典 ﹗佢地絕對估唔到我會撥開晒啲蒜蓉同粉絲係度搵帶子囉，應該我完全食唔到有大帶子係度。最後比我搵到一粒約 4mm 白色塊狀物體，到底咩黎架？好鬼似肥豬肉喎 ﹗離晒譜 ﹗個經理係度望住我，我話知佢啦。照燒牛柳，難得正常，全熟不太乾硬，用點力趙就食得到，醬汁超甜，入得口。鹽燒大蝦，個個已經食到停晒手喇 ﹗我仲有少少 quota，見到有蝦食，仲話係大蝦添，梗係要試試啦 ﹗大蝦都唔大得去邊，有我手指尾大小左右。嘩，勁咸呀 ﹗好多鹽，要用手剝殼，唔放得入口囉。雪藏蝦完全無鮮味無蝦，幸好不是霉肉，全部都幾乾硬呢。日式海鮮湯壼，居然有海鮮湯飲，試埋啦 ﹗真係搵命搏，唔試好過試囉。剛才蒜蓉蒸帶子都未算驚嚇呀 ﹗高潮疊疊起，陸續有來 ﹗見個湯暖暖地試啖先，驚死人咩 ﹗吐都吐唔切呀，即噴 ﹗什麼來的？腥到不得了，有蝦殼味道，黑色金菇，全數掉落垃圾桶。牛油燒粟米，比左二百幾蚊人仔食美日任食餐，最好味都係依碌粟米喇 ﹗唯一唔洗搵命搏既食物，安全又好味。…Read More
依家好多食物都係限量供應(即每枱只能order 1 碟)，鵝肝多士，生蠔，鵝掌，連我至喜愛 西京燒 都係限量供應，食自助餐 但樣樣限量供應，call now yeah，勁失望。
同上面一樣~又係新鮮滾熱辣送到黎食落冇咩蝦味~不過好多芝士,岩晒愛食芝士之人一樣係岩岩燒起送過黎有牛肉味~只係芝士太少加左小小鹽去燒~已經好好味環境好好,日式卡位有日本風味服務唔錯,侍應都好快手,又唔有miss單既情況衛生:好乾淨
