Coffee Maizi

入開大埔 緊係去埋依間位於大埔超級城的咖啡店。 本身以為會係中心地帶 但估唔到原來係偏遠位置😅 近番中學嗰頭既位置 比較難搵😅 外表幾有日本感覺 算係易於辨認既外觀店內有出售輕食、咖啡、蛋糕等 而今次是為了巴斯克而來的我 當然會睇睇蛋糕款式 。 網上睇過依間比較出名係奶油卷 ，當日既伯爵茶奶油卷已經賣哂，幸好巴斯克蛋糕仲有巴斯克蛋糕有原味同小山園焙茶味選擇簡左小山園焙茶巴斯克蛋糕（$58） ，望上去有點流心既質感， 味道方面有啲淡 冇乜焙茶味， 個人黎講有小小失望 但佢既流心質感都可以加分 。 有機會會再試下原味…Read More

今日帶🐕‍🦺去大埔剪毛，經過附近有呢間cafe未去過，一個人去坐下等下🤭早餐時間，叫咗個牛油果🥑炒蛋🍳bagel 🥯，🥯好煙韌，要花多d時間咀嚼😬，炒蛋太熟😅😅☕️Mocha咖啡，味道偏淡😬，希望可以改善下…Read More

【大埔慢活·性價比高咖啡店☘️☕️】/////咖啡店店面細小 但木箱以及高枱座位擺放位置增加到小店嘅空間感😬食物款式以及飲品價錢都非常親民(*^_^*)嚟咗兩次都覺得好滿足好relax🤭.👉🏻英式鬆餅Scone ($22)原味/抹茶🍵/朱古力🍫/伯爵茶☕️伯爵茶味鬆餅有牛奶以及伯爵茶香味 兩者都好香濃🤌而質感都做到外層脆身 内層濕潤 想買多幾個番屋企食🥰.👉🏻泡沫咖啡 ($38)咖啡偏向Nutty豆 會品嚐到微微堅果味～飲嗰陣會慢慢散發出醇厚咖啡香氣 泡沫融入咖啡中👅———📍咖啡米子 (大埔)大埔大埔安邦路8號大埔超級城 E區2樓356B號舖…Read More

今次嚟到大埔一間由二人經營嘅溫馨咖啡小店，店內座位不多，但一入到去有一種隔絕咗外界嘅感覺，同店外好繁忙急速嘅節奏截然不同。店內裝修行日系風，餐枱與餐枱之間有足夠嘅空間，顧客可以享有自己嘅私人空間。我揀咗蕃茄雞肉意粉同oat milk flat white，意粉份量足夠，即叫即煮，好夠熱！！當日好肚餓，所以好快已經清碟！😆而咖啡就不過不失，咖啡味略為淡，但小店嚟講已做得好唔錯！兩位店員亦好有禮貌，另外，見到佢哋都有自製唔同甜品，下次經過都會再入去幫襯！🥸…Read More

咖啡米子係一對年青開的Cafe👫廳內約10個坐位🙌舒適環境，朋友相聚👭用心製作，意想不到的😍見有新menu出，就來試試吧！沙律🥗、甜品🥧、咖啡☕✴️［慢煮黑椒雞胸牛油果］$79“5片慢煮嫩滑烤雞”及“半隻牛油果”切成一片片整整齊齊的蓋著；脆熱穀麥酸種包配雜菜沙律羽衣甘藍配芝麻醬（感覺清新多健康，不滞不膩）沙律餐係可配茶包或+$轉特別“咖啡”（以下我都覺得好特別）🌿（素）燕麥咖啡Latte🍊百利甜酒咖啡Latte🥒青瓜Latte🍵焙茶咖啡鴛鴦🦠髒髒Latte但我都係轉😅😅［焦糖Latte］+$25👍［巴斯克芝士蛋糕］$48不太甜夠creamy，芝士味濃🧀😋…Read More

原來大埔宝湖藏了這間有水準的cafe,雖然一進門口眼見空間不算大，但裝修很文青舒適，而食物更是店主用心烹調的，所以值得試完可以再試!1)慢煮雞胸牛油果多士拚沙律，底下的多士是五穀包即烘出來的，入口非常香脆，而上面一塊加有切得很靚的牛油果，而另一塊多士上面則是放了五塊雞胸，一口咬下去真是很有口感，而雜菜沙律更是無得輸，好新鲜，所以這個菜式值得推介!2)Cheese cake:真是又香又滑，我食過算是其中最好味的cheese cake,比美洒店的，想不到在這兒都吃到令人滿足的cheese cake!3)Baileys latte有少許失望，因為coffee太苦，不合我口味…Read More

大埔文青cafe小店，主打手工咖啡同埋茶店，而且係低糖，要來支持下。除咗有茶點之外，仲有其他嘅煮食，例如意粉。今日做完gym過去享受下一個人既時光。距離大埔墟地鐵站頗遠，要轉巴士。內裡面積不大，裝修好文青feel，好多喵喵貨品，又有好多書可以慢慢坐慢慢睇。伯爵茶香堤奶油卷有青提子係上面，海綿蛋糕裹住香提cream。入口鬆軟而且伯爵茶香味濃郁，最重要係甜度啱啱好。再咬入半粒提子，提升清新感又可以解膩。Long Black咖啡香味超濃郁，而且入口唔會偏酸。但有少不了咖啡既苦澀味，飲唔慣嘅朋友可以加奶同埋糖。Scone (伯爵茶/原味)有少少失望，原味scone雞蛋味好重，而且裡面好散，一切開就碎曬。伯爵茶味都一樣，但係佢個茶味就真係好出眾。…Read More

#pb食在大埔大埔隱世抵食Cafe☕️今次想介紹呢間大埔隱世抵食小店🤪 其實佢位置唔算好隱世 係大埔超級城E區 交通都方便👍🏻 不過就唔多見人介紹🤣 店名「咖啡米子」好有台灣cafe嘅感覺 店內外以文青風作裝修 環境幾舒服😍 店內唔大 只有3-4張枱 加上價錢合理 好適合自己一個靜靜地做下野🥰 佢所有Pastries同甜品都係自家製 採用少糖配方❤️.食物選擇唔算多 不過勝在夠抵食👍🏻 吐司有4款選擇 價錢$48-$78不等😋 意粉有3款選擇 價錢$59-$79不等 包紅茶 加$25可以轉其他咖啡🥰 佢連甜品都有餐🤪 自家製捲蛋（焙茶、抹茶、伯爵茶、朱古力）本身$35 配紅茶$50 配咖啡$60🥰 絕對係良心價❤️🔹慢煮無激素雞胸蕃茄意粉🍝推介❤️ 份量望落唔多 不過食極都仲有🤪 佢落左翠玉瓜、車厘茄、雜菌等配料 幾足料👍🏻 蕃茄味香濃 慢煮雞胸唔鞋😋🔹焙茶卷蛋🍰推介❤️ 上面有幾粒提子配搭😍 卷蛋幾厚身 口感幾鬆軟 中間嘅cream都夠滑😋 味道唔太甜 不過焙茶味略嫌淡左少少🤪 散叫$35真係幾抵👍🏻🔹Latte☕️🔹Flat White☕.整體✨ Cafe位於大埔超級城 其實都算方便👍🏻 店內以文青風作裝修 只有3-4張枱 環境幾舒服😍 食物價錢好抵食 而且份量好多🥰 試左主食、甜品 質素都幾好😋 絕對會再去嘅一間❤️咖啡米子 (大埔)大埔大埔安邦路8號大埔超級城 E區2樓356B號舖…Read More

好少入大埔嘅我見到呢間小店喺大埔超級城入面以為會好近商場嘅軸心位置🙉原來E區嘅位置要行埋過河先到😂不過經行人天橋行過去感覺都還可以，重點係食完覺得有滿足到喇🥰🌼⭐️要留意返店內堂食位置唔多，遇上多人時段可能要耐心等候啦₍ᐢ⑅•ᴗ•⑅ᐢ₎♡-🍝黑松露忌廉蘑菇意粉 $59(單點配茶包茶)忌廉汁係偏流質嘅，輕盈有奶香但唔會蓋過黑松露同菇菌嘅香氣😚意粉係少少扁身，質地煙韌掛汁，熱辣辣配埋多汁蘑菇粒同甜洋一好好食，份量大碗😋🍰伯爵茶香緹奶油卷 $35(單點)蛋糕體鬆軟濕潤，伯爵茶味香濃，不體茶葉稍為有點口感，如果研磨細一啲先加入唔知效果會唔會再好啲呢☺️包含嘅香緹奶油好軟滑，唔太甜膩冇負擔，連怕奶油嘅閃光都覺得好食🤤推薦✨✨✨🧋66%焦糖朱古力 (轉配+$30)焦糖味唔突出，不過勝在甜度剛好，朱古力超濃厚🍫由頭帶到落尾，入口清爽，不會有太多奶脂嘅黏膩感，配甜品都唔會搶fo⭐️🧋焙茶咖啡鴛鴦 (轉配+$30)茶記鴛鴦飲得多，焙茶作茶底真係第一次試，店家用上日本小山園嘅焙茶粉，甘甘甜甜，細膩冇粉感，而咖啡偏nutty☕️神奇在於味道真係好夾好平衡，同時喺味蕾交錯但唔會蓋過對方，兩者係主角亦係配角✨-☕️咖啡米子 𝘾𝙤𝙛𝙛𝙚𝙚 𝙈𝙖𝙞𝙯𝙞🏡地址: 大埔大埔安邦路8號大埔超級城 E區2樓356B號舖☎️電話: 9679 8769🕚營業時間: 09:00-18:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)…Read More

𝐶𝑜𝑓𝑓𝑒𝑒 𝑀𝑎𝑖𝑧𝑖🤍𝑀𝑢𝑠ℎ𝑟𝑜𝑜𝑚 𝑆𝑝𝑎𝑔ℎ𝑒𝑡𝑡𝑖 𝑤/ 𝐵𝑙𝑎𝑐𝑘 𝑇𝑟𝑢𝑓𝑓𝑙𝑒 𝐶𝑟𝑒𝑎𝑚 𝑆𝑎𝑢𝑐𝑒 $𝟓𝟗 🍽+$𝟑 𝐸𝑎𝑟𝑙 𝐺𝑟𝑒𝑦 𝑇𝑒𝑎 ☕️首先呢個價錢食到黑松露蘑菇意大利粉真係無可挑剔🍽店員送到個餐過嚟嗰陣真係好香好香🥹🤤份量一啲都唔細份🤩黑松露同蘑菇都完全有返咁上下既量絕對唔係淨係意粉多冇「料」到😚而且加幾蚊仲有杯伯爵茶🧊成件事真係好Fresh🤩餐廳環境好好仲有種日系嘅感覺😙都幾啱情侶過嚟打卡🤩推薦🤙🏻🤙🏻🤙🏻…Read More

大埔超級城其實分咗ABCDE Zone，而呢間Cafe正正位於人流相對其他Zone較疏落，比較隱蔽少少嘅Zone A! 印象中佢係疫情最嚴重嘅時候開業，所以過去一直未有機會試。捱到一年真係唔容易，我諗當中會有佢嘅吸引力🧲今日係我第一次幫襯（唔係鱔稿，真心因為佢好好先決定寫）舖頭好細，只設有6個座位。有舒服嘅bar枱位同以木箱搭建嘅位。環境非常舒適，係日系簡單裝修，無多餘同華而不實嘅裝飾（有啲Cafe吓吓都倒吊啲乾花、尤加利葉同擺打字機😂.......）叫咗一個Set ：🍰+🍵 = $65Cafe嚟講呢個價錢算幾抵，要知道市區出面叫杯啡都over $50，再加cake夾埋冇$90 都走唔甩！味道好有驚喜： 利申我係一個低糖主義者，攝取過量嘅糖除咗令健康做成負擔，皮膚都會變差。呢度嘅Cake睇返出面Poster先知係標榜「少甜」，原來真係冇呃人，食落比較淡口味。我諗平時飲開全糖半糖珍珠奶茶嘅人，試呢度嘅Cake同飲品可能會唔慣；但由於我慣咗少甜，如果要形容呢度嘅蛋糕同Latte，我會覺得佢係介乎3分甜嘅甜度，所以食得好安心 我好欣賞佢個 Earl Grey Roll Cake雖然唔甜，但擺盤都落咗心思— 用糖霜撒喺碟，唔夠甜可以用蛋糕沾多啲，又賞心悅目！食食吓，老闆同老闆娘問我：「你飽未呀？」本身我都話飽，但老闆手上拎住件Scone話係研發中嘅新品，打算中秋節推出....話免費請我食，睇吓覺得好唔好味。 厚面皮地要咗，成件事真係好窩心呀～可見得呢間小店好以人為本，一定會繼續幫襯…Read More

路過見到呢間咖啡店，佢喺大埔超級城嘅外圍，開係一條人來人往嘅天橋上面，主打係手工咖啡，擺設非常日式，走木系風，幾有情調，不過堂食位置唔多，大部份人都係外賣拎走。呢度嘅食物價錢相當平民，提供意粉、全日早餐等，價錢介乎$4x至$7x之間，咁就等👱🏼‍♀️試下係咪物超所值。1️⃣ 黑松露蘑菇忌廉意粉 $59一上枱就聞到濃濃嘅黑松露味，黑松露醬加埋芝士碎，幼身意粉每條都掛到個醬汁，仲有好多爽口嘅蘑菇，真係好有驚喜，而且份量都夠男仔食，性價比非常高👍🏻2️⃣ 燕麥咖啡拿鐵 跟餐$$33跟餐的話可以加錢飲手工咖啡，顏色非常之靚，好似有漸變嘅顏色，仲襯埋隻杯嘅顏色，咖啡味道香濃，仲飲到香滑嘅奶味，咖啡絕對值得encore😍#foodie_couple_hk_sm816…Read More

𓂂 𓏸 𓐍 ◌ Cinnamon Roll with Black Tea $55上次賣哂既黑糖肉桂卷今次特登早咁黎試 11點去到唔算好多人👌🏻 店員會問你要唔要將肉桂卷翻熱 客人可以按個人喜好決定😌 翻熱後既肉桂卷聞落唔算好重肉桂香🧐 入口既香氣會比較濃郁 包體夠濕潤同鬆軟 都算唔錯😚 不過個人希望肉桂味可以再濃啲同香啲 相信會更加好食😎 套餐本身包咗一杯熱茶🫖 但最近都頗熱就加咗錢轉成凍英式早餐茶🥤 一杯濃茶配肉桂卷同散文確實係幸福既一日🤎Arriving at 11 am for the cinnamon roll as it’s sold out last time🥹 The staff was nice to reheat it🤣 Cinnamon roll was moist inside and fluffy😋 while I would prefect a stronger fragrance of the cinnamon🥰 The set goes with breakfast tea was stellar to make my day🤍評分: 8/10🌟————————————————————————————咖啡米子 (大埔)大埔大埔安邦路8號大埔超級城 E區356B號舖𓍼 #foodietiffhk 𓍼 #foodietiffcafe𓍼 #foodietiff大埔#hongkong #hongkongcafe #hongkongfood #hkfoodlover #foodaholichk #hkfoodie #cafehopping #茶芝味 #芝士奶蓋 #旺角 #香港美食 #美食推介 #美食攝影 #旺角美食 #旺角cafe #旺角廢水 #旺角黃店 #打卡cafe #打卡餐廳 #香港好去處 #다방 #홍콩 #홍콩맛집 #홍콩일상생활…Read More

要多多支持小店！💪🏻雖然店舖唔大得幾個座位，但係絕對唔馬虎，好多人都會飲佢哋嘅咖啡☕️，佢哋都有講明佢哋嘅咖啡係偏苦既，芝士蛋糕都有入口即溶嘅感覺，濃郁嘅芝士味，得閒去嗰度坐下都幾舒服👀…Read More

#wetdodo_大埔呢間大埔coffee小店好似都唔算開業好耐～係大埔超級城既外圍不過其實都幾多人會黎買外賣咖啡👀堂食位置唔多 容納人數十人以內🤣不過咁啱當日即使係假日大約兩點零都有位直入🤞🏻叫套餐會送紅茶/可以+$25叫咖啡☕️如果叫凍飲要再額外+$3同埋店內有咖啡相關書籍可以隨便睇📚Btw佢地既自家製甜品都幾吸引！———————————————————————🫒輕全日早餐：煙三文魚、牛油果 $78😋：7.5/10除左兩款主菜之外仲會配左吐司同沙律菜～吐司有啲似係酸種麵包烘到外脆內軟 略帶麥香 都唔錯包上亦都搽左啲忌廉芝士醬 同麵包好夾沙律菜上有啲番茄莎莎 酸酸甜甜幾醒胃牛油果夠熟 份量都幾多煙三文魚正常發揮而兩者上面都帶有調味 可能男仔食會唔夠喉 但女仔就啱啱好🤞🏻🍅慢煮無激素雞胸番茄醬意粉 $69😋：7/10雞胸雖然係用慢煮方式但始終都係雞胸🤣唔會好嫩不過都夠林身番茄醬係真番茄既味道較多會食得出唔會係落好多茄膏果種所以整體味道溫和 有煮家無味精感意粉份量就夠男仔食的～☕️凍青瓜拿鐵 配餐+$28😋：7/10呢個比較少見就想叫黎試下🤣但驟眼睇只係落左啲青瓜醬(?)係底搞混左之後青瓜味唔太覺但係會比一般latte有一種fresh feel可能要好仔細咁妹先估到係青瓜呢到latte既咖啡味都夠 都埋偏甘味唔酸☕️Dirty 配餐+$25😋：6.5/10本身Dirty就係凍奶撞熱啡所以只會有凍～兩層味道分明雖然我對咖啡其實冇咩研究🤣有人話想奶味重要叫dirty但我覺得佢啡味重過奶而整體好夠凍———————————————————————☕️🍝☕️🍝☕️咖啡米子📍：大埔大埔安邦路8號大埔超級城 E區356B號舖💸：人均～$100🔗其他分店：✔️粉嶺華明路21號華明邨華明商場地下113號舖✨免加一✨#wetdodo_meals #美食 #hkig #hkfood #hk852 #大埔 #taipi #foodphotography #foodblogger #大埔美食 #大埔cafe #cafe #咖啡米子 #coffeemaizi…Read More