Cafe Swan (Fanling Centre) (Closed)

久不久都有去 ✨咖啡灣 食嘢，但下午茶☕️就未試過，今日同囡囡經過，原來有提供 tea set！囡囡點咗佢最鍾意嘅 肉醬意粉🍝，再加棉花糖朱古力，而我就揀咗 芝士肉醬邪惡熱狗 配凍熱帶水果茶！咖啡灣嘅 肉醬意粉 幾啱我口味，因為意粉嘅軟硬度適中（我比較怕太有咬口果隻），肉醬甜甜酸酸，好濃蕃茄味，囡囡一個人食咗2/3。而棉花糖朱古力 一上枱，囡囡已嘩一聲，又有朱古力又有色彩繽紛嘅棉花糖，佢好鍾意，我都試咗幾啖，朱古力係幾香濃。芝士肉醬邪惡熱狗🌭️真係幾邪惡，個包好大件，中間滿滿都係肉醬同芝士，個包哄到香脆內軟，同脆皮腸一齊食，好正！薯條都係新鮮炸起，真係好好味😋！我杯熱帶水果茶好清新，帶點熱情果香，好香，中和到炸薯條嘅肥膩！兩個下午茶諗只係$4x - $5x，但質素好好！估唔到佢哋嘅下午茶都唔錯。…查看更多

約咗屋企人喺嘉禾睇戲，見未夠鐘，所以搵個地方醫下肚。呢間咖啡灣位於粉嶺中心，地點便利。以前都黎食過，唯一嘅轉變係多咗呢部取票機，拎完飛可以喺附近行吓，夠方便。除咗lunch set，佢主Menu嘅食物選擇好多。屋企人揀咗佢嘅all day，夠大份，個人嘅欣賞佢個炒菇，幾香。all day加$15可以飲cappuccino 或者latte，呢杯cappuccino個拉花似係佢地招牌上隻天鵝，有心思。我自己就叫咗個軟殼蟹黑松露意粉，意粉夠煙銀，原隻黑松露即叫即炸，抵食。我另外叫咗杯焦糖燉蛋咖啡，欣賞佢唔會太甜，但咖啡味唔夠濃郁。飲飲下見到呢句金句，對人生都係一個提醒。…查看更多

飯堂有人會覺得係貶意，但在於我嚟講，係等同公司嘅Canteen，抵食大件又可以成日去。約咗朋友去流水響Hea行，行完流水響之後都差不多兩點，咁就食埋晏先出返九龍，朋友就話粉嶺中心有間餐廳係佢成日食，於是就帶咗我去。去到原來係咖啡灣，其實之前喺將軍澳都有間分店都食過一次，之前都覺得佢哋嘅嘢係幾好味。今次我哋點咗兩個個意粉，分別係軟殼蟹黑松露忌廉意粉、墨汁帶子意粉、黑白松露香濃蘑菇湯同埋玫桂山雞翼。開頭見到玫桂山雞翼呢個名，只係諗到玫瑰花嘅味道，完全諗唔到完來仲有桂花味，玫瑰同桂花兩款嘅味道真係好特別，但可惜第三隻味食唔出係咩味。個黑白松露香濃蘑菇湯，超香嘅黑松露味道，但又唔會蓋過咗蘑菇味，一流！而軟殼蟹黑松露忌廉意粉好蟹菇，啱哂我口味，而朋友嗰碟墨汁帶子意粉我就無試到，但見朋友清哂成碟，我估計應該都係好味。食咁多嘢埋單都只係$350，每人都係百幾蚊，抵食！…查看更多

自從咖啡灣開左係粉嶺中心，我差唔多一星期兩至三日都去食lunch 或食下午茶。餐牌款式多元化，有小食、意大利粉、飯類、沙律、湯、漢堡、窩夫、飲品，飲品超級多款選擇，有花茶、咖啡、手工搖茶、藍碟花特飲、奶蓋等等，款式非常吸引。牛油香草煮蜆-好大碗，濃濃的牛油香草味，蜆份量好多，用上新鮮蜆，蜆處理得很好，沒有沙，蜆肉粒粒飽滿，沒有臭味，好鮮甜。U.F.O(小食併餅）-有薯條、炸魚、炸墨魚、炸紫薯波、炸雞翼、沙律菜，炸物新鮮熱辣辣炸起，炸魚好大件，肉魚厚身，好嫩滑，薯條用上粗薯條，份量很足，非常豐富。紅豆綠茶雪糕窩夫-每次都會必點窩夫，窩夫可以選擇半份或全份，由於我地只有兩個人，所以只點了半份，份量剛剛好，窩夫賣相吸引，窩夫外脆內軟，很香蛋味，紅豆不會過甜，紅豆夠多，配上抹茶雪糕，不錯呢！期間限定-蜜桃荔枝水果茶-蜜桃與荔枝味道夾，好清甜…查看更多

限聚令之下都習慣左外賣自取返屋企食，今次就揀左間性價比幾高嘅cafe試試。🦢🦢晚餐有抗疫套餐可以揀，而取賣自取仲有85折💲💲❗️❗️幾抵食和風芥末雞漢堡🍔🍔漢堡嘅雞排好大塊，加埋木魚碎同埋芥末醬幾岩。配菜嘅薯條就不過不失，一般般🍟🍟生薑伯爵茶🫖🫖最近天氣落雨濕濕又涼返好多，而杯熱嘅伯爵茶就好岩飲啦。薑味好夠，一飲落去就個人暖曬😎😎…查看更多

上水、粉嶺一直比較少coffee shop/cafe， 新年陪媽媽行大運時誤打誤撞到了粉嶺中心的咖啡灣。太和及荃灣也有分店-～☕️ 焦糖咖啡好喝高質，燒得面層夠焦夠脆，咖啡味夠香濃。驚喜✨ 🍝香辣海鮮炒意粉味道也很好，十分足料而且不會太油。忌廉蘑菇湯有濃郁的香味，香濃飽肚。美中不足是UFO 小食拼盤，炸魚和炸墨魚仔的炸粉稍嫌太厚和味道偏淡。薯條和雞翼普通，幸好芋泥球好吃，不過有點滯😂。-總括而言，食物有水準而且份量偏多且足料。環境稍嫌嘈吵，位於小商場2樓的正中間的open area，但have a quick lunch 也是不錯的選擇。Lunch hour 也差不多滿座和很多人排隊等外賣✨🤎-…查看更多

🔸挪威煙三文魚黑松露野菌忌廉意粉 $78煙三文魚同蟹子嘅份量都算多，食落口感都豐富嘅，有蟹子又有野菌。黑松露味唔算太濃，而且汁嘅份量都足夠，識落唔會太乾。🔹蜆忌廉湯意粉 $88一開頭冇諗過係咁大碗湯，嚟到嘅時候見到成碗意粉都好大碗。個湯底味道尚算可以，都幾creamy，唔知係咪因為咁，食到一半已經覺得覺得好漏好濟。而蜆肉比較腥，成個湯意粉整體黎講一般。🔸玫瑰山雞翼(6隻) $68有玫瑰、桂花、土匪三種味道，但係食落三款味道都差唔多。因為雞翼醃料都係土匪味，而玫瑰同桂花味嘅醬料好少，所以三種味道都係好似食緊土匪味咁。而且雞翼好乾身，唔夠Juice。🔹雪山藍波子輕氣泡 $39有一個雲呢拿雪糕球，而且顏色好吸引，味道正正常常，尚算可以。🔸熱帶水果茶 $48普普通通水果茶一杯，唔會太甜，想消滯都可以飲。整體黎講比以往差咗好多，短期內都唔會再去食。…查看更多

飲品味道都唔差，本身都想一讚廚房水吧，但某侍應黑口黑面，成日想啲客快啲食完趕人走，唔止催完又催，仲要企係你張枱隔離睥住你食野，不斷前後徘徊，未試過食野食得咁大壓力，幾好食都背脊骨落，食過一次都唔會想再食。除非大家唔介意服務態度，肯俾錢買難受😡…查看更多

喺粉嶺中心行行吓，打算同小朋友一齊坐低食個下午茶。於是就去咗一樓嘅Swan Cafe。因為喺佢門口見到餐牌上嘅嘢好啱小朋友，尤其係個雪糕加多士，小朋友門口見到已經想食。嚟到嘅時候同餐牌一樣咁靚，配上棉花糖、cream 、水果，真係好睇又好食。我哋仲叫咗紅豆冰、熱狗、炸薯條等食物。店裏面嘅經理同侍應妹妹，服務都非常之熱心同埋友善。見到我哋有小朋友，安排座位嘅時候都有刻意多加照顧，非常細心。味道同服務都唔錯，值得再去。…查看更多

位於係粉嶺中心的café 好容易搵到同到達咁岩過左午市時所以唔算好多人叫左一個lunch set 「三文魚籽他他忌廉意粉」$68有餐湯和餐飲配送餐湯係野菌忌廉湯好驚喜好足料，好濃郁的忌廉湯意粉方面都好有驚喜三文魚籽好足料😂他他醬再加忌廉汁夾起黎味道好夾！以呢個價錢有餐湯，餐飲送意粉味道又唔差，性價比好高呀！推介！ 下次會再試埋佢其他意粉😆…查看更多

由於晚上六時起只限外賣，門口有寫外賣自取八五折, 但係隔離放咗一幅大嘅套餐晚餐，咁多個餐只有一個餐係有價錢, 之後打開主餐牌搵到一樣嘅餐牌，但係價錢就貴$10，(即code D25/DH25)， 問完先知原來週末係計打開果報餐牌貴嘅價錢，平日先係計平嘅價錢，但係就算平日都只有一個餐有標價? 咁其他餐D code開頭究竟係幾錢???而且冇寫清楚究竟係週中定係週末嘅分別，真係由佢講 ，睇到我一頭霧水, 好混亂呀!!!…查看更多

粉嶺不嬲出名冇乜嘢好食但呢一間Cafe真係難得食物質素好好，價錢又唔係貴，lunch $100樓下咖啡又好飲，仲有好靚嘅拉花添食咗佢嘅茄汁燒豬柳意粉，同埋墨汁墨魚仔蟹子意粉超級大碟，仲要配埋餐湯同嘢飲 飲品嘅咖啡好香，仲會特登幫你拉埋花，都只係加$8， 一定好飲過隔離嗰間連鎖咖啡店先就算價錢平都唔會話Hea你個意粉係有咬口嘅，仲要好多醬汁茄汁燒豬柳意粉啲豬柳真係食到煙熏味但就略嫌個汁太油墨魚汁意粉都好有海鮮味，同埋真係好多墨魚汁，食到成個咀都係😂…查看更多

同朋友喺粉嶺行完山，想食個下午茶輕食坐下，又嫌聯和墟太遠，所以喺地鐵站附近搵間Cafe坐低休息下。咖啡灣裝修得幾靚，坐得幾舒服之餘，下午茶價錢都幾合理。本身想同朋友叫窩夫但賣哂，所以就剩係叫咗兩個下午茶餐。香草炸雞翼薯條 $52雖然雞翼同薯條個樣唔係炸到金黃色，但食落去好脆之餘而且一啲都唔油，應該係用左類似氣炸鍋的方法處理，健康好多。朱古力黃金方塊 $45呢個西多士都一樣唔油，都係好脆，但就比較乾少少。凍美祿香蕉恐龍熱生薑伯爵茶…查看更多

I’ve been to this place a couple of times (7-8) This place has really bad customer service, the staff usually ignores you when you are at the entrance trying to be seated. There was this one time I felt really offended, I had eye contact with them multiple times and they chose to ignore and just pretend to be busy working. Apart from the service, the food is just regular and I think it’s not worth for the amount of money you spend. I’ve decided to never go there again !…查看更多

咖啡灣 💛粉嶺黃店💛-🔍 黑魔王曲奇雪糕窩夫 $82打卡一流嘅甜品📸 係好邪惡滿滿的cream 和Oreo , 窩夫仲要熱辣辣，配埋雪糕，一凍一熱好吸引😋🥰 分量十足，所以最好就兩個人分黎食，如果唔係可能會太漏了😜 -🔍 熱帶水果茶 🍹 $48影得幾吸引嘅熱帶水果茶😍 飲落幾解渴，比較甜少少，不過好彩唔算太甜，大致上吸引，係覺得飲品份量有啲少，因為個杯好似好大，但剩係得三份二杯，然後入面仲有一半係冰🤔-📍咖啡灣 (粉嶺)粉嶺新運路33號粉嶺中心2樓219-221號舖📍荃灣分店📍太和分店…查看更多