GUZIGU (Shatin Centre) (Closed)

有時收工唔想諗又懶起上嚟唔想煮飯，都會走去咕滋咕雞買隻手撕雞加餸，係個幾好嘅選擇，平平地有隻惹味嘅雞食💛💛最鍾意係佢嘅口味可濃可淡可辣可唔辣、落唔落油都有得揀，不過要留意佢本身就有好濃嘅胡椒，所以冇咗外加嘅辣椒都會少少辣架🫙🫙🫙配菜有好多選擇，首選一定係雞脾菇同西蘭花哈哈個人至愛🥦🥦仲有百頁豆腐同台式甜不辣都好有風味連白飯都唔想煲加幾蚊可以配埋個冷麵🍜或者紅米飯🍚外賣嚟講呢間算幾好食，服務態度都好好👍🏻值得叫呀…Read More

下午茶時段有啲肚餓想食啲輕食，行行下見到呢一間主打鹽水雞嘅台式外帶小店，咁就諗住試下啦～佢主打係鹽水雞，有好多唔同嘅套餐同配料俾你選擇，仲有一啲是日精選嘅配料喺平時個張剔剔紙度冇嘅。✅️ 落完單諗住喺附近還位坐底食啦，但星期日嘅下午嗰度好多人，所以無位坐。等左大概15分鐘左右個外賣就ready啦，唯有拎去遠啲搵地方食😬🌟 鹽水雞套餐（2人用）：半隻雞 + 3款配料（自選）鹽水雞味道OK，夠凍，雞皮幾滑，但雞肉唔算太嫰滑但都唔係鞋口嘅，少少鹹，配芝麻食都幾fresh，唔會覺得好重味精愈食愈鹹果種👌 配料方面：🔸️魚肉春卷少少煙煙韌韌幾好味🔸️鳳爪根都唔錯，略嫌無起埋啲軟骨所以叫食食下要lur骨有啲麻煩，不過有人可以連啲骨都咬碎哂吞埋落肚🤣🤣🤣，所以真係好睇你自己嘅口味😝🔸️牛柏葉（是日精選）都可以，爽得嚟唔會太韌整體黎講，算係小清新嘅選擇，幾欣賞佢唔會話太重味，但又過到口癒，不過配料份量可以多返少少，咁樣性價比會高啲😆…Read More

味道正常份量一般，無另一間et鹽水雞咁抵食，主要係方便近屋企先幫襯，買過五六次但唔止一次叫雞翼俾咗雞胸，之前以為唔小心俾錯就算，今日再買又俾錯，如果賣曬可以同我講，偷工減料就唔好之前仲有一次又係話雞翼賣曬叫我轉雞胸，依家諗返唔知真假，但起碼叫做冇欺騙顧客其實我唔太食雞胸，依家唯有硬食:(我睇返差評原來有呃人既前科，開係沙田中心都係做街坊生意，希望可以誠實啲同改善服務態度，我都唔想係沙田社交平台群組幫你宣傳，雖然我就唔會再幫襯…Read More

字母鹽水雞食過幾次，但又唔係話會令到我回頭率好高～➪ 呢間外賣店原來已經開咗幾間分店㗎喇！而除咗鹽水雞，仲有台式小食-多款掃街必食炸物🤩但我呢排喉嚨痛就唔食住😂➪ $49 係價錢最平的鹽水雞餐A～雞胸腿各半+自選3餸😉+洋蔥🧅➪ 我揀咗雞腎、花枝丸、魚肉春卷😙‼️（幾溫馨提示：我自己食咗兩隻雞蛋打底先夠飽，所以如果大家係食lunch 記得叫便當，可配冷麵或紅米飯～）🎁🎁食後感🎁🎁➪ 鹽水雞超滑‼️😻😻➪ 搭配惹味甜帶微微麻辣的醬汁，喉嚨好舒服了好涼爽了得到滋潤了😌🌟整體評價🌟➪ 價錢中規中矩✔︎^_^➪ 值得回頭✔︎🫶▼・ᴥ・▼…Read More

食過幾次，味道同份量都OK平均一星期都幫襯一次點知上星期就遇到疑似比佢呃嘅經歷平時食開冷麵餐不過女店員就話賣哂好啦咁我揀A餐再加冷麵點知又話賣哂得B,C,D餐最後就買咗B餐雞胸腿各半但我返到屋企諗真啲其實冷麵餐同A餐有嘅雞胸腿B,C,D餐入面都有我揀嘅配料又有，冷麵又有咁點會無冷麵餐同A餐但有BCD餐呢？🤔我個人就覺得係果日落大雨生意唔好就要人食貴啲果啲餐比佢地欺騙過一次之後真心嬲😡😡決定以後唔會再幫襯…Read More