Wada Bento (Closed)

一直知道有和田便當這一台便當販售機。有很多時候，沒有帶午餐盒的日子，它提供的素食含蛋。我便不能光顧。從前每天都有一款素食。現在不一定這樣。像上星期有一天是沒有素食選擇。可以預先到其網頁查看。雖然是販售機，亦有店員在店子內協助。因為飲品需要在開放式的冷櫃內取走。購買過程很簡單。於販售機的屏幕點選食物。然後以八達通付款便可。7月19日有Omni Seafood吞拿魚甜酸蟹餅。原價是$66。當天購買有優惠，是$59。不知道優惠提供到何時。飲品方面，我選了道地烏龍茶。冷櫃內的選擇不少。除了烏龍茶，也有罐裝咖啡。這餐盒有玉子燒。我將它給了同事W。她說味道甜，口感十分軟滑。另有少量洋葱，很容易挑出來。洋葱也給了她。原來素蟹餅下有紅洋葱。我已進食了。所以，只好將紅洋葱丟棄。玉子燒旁是車厘茄和六角菜。是味道酸甜的前菜。素蟹餅有三塊。是Green Common的新產品。我買了冷藏的，還沒有吃。因為不知道要做甚麼菜式。餐盒附有酸甜汁，素蟹餅蘸上酸甜汁味道好。這樣吃便不會感到太乾。米飯上有椰菜和玉米。不缺蔬菜。還有西蘭花。米飯內夾雜素吞拿魚。而且每一口都有素吞拿魚和玉米。不是隨便加少量作裝飾。米飯的油份不算多。加上素食，感覺便較健康。整體來說，餐盒的內容豐富。份量足夠。上班地點可以多一個午餐選擇是不錯。…Read More

和田便當 最近放飯多咗去海富，發覺呢到有好多抵嘅嘢食賣。行過呢間和田便當，自助式幾方便又得意，我見價錢幾平就試咗。不過有乜問題都可以問店員。柚子照燒雞拼安格斯牛丼 ($52)札幌炒豚肉 ($52)包裝幾精美，仲有筷子。入面仲有張紙隔開啲水氣，睇得出幾細心。兩盒都有車厘茄同西蘭花，飯夠煙靭。第一個又有雞又有牛幾豐富，肉質唔太鞋，啲菜都好多好新鮮。我中意柚子汁，清新同開胃。第二個豚肉份量一樣足夠，肥瘦適中，仲有玉子燒添。呢個價錢食到個午餐，仲要有質素保証真係唔簡單。Nice food and convenient! …Read More

和田便當雖然近排疫情逐漸緩和返，但相信買外賣返公司或拍屋企食已經成為一個新常態。所以係疫情期間都開始揾一啲好食既外賣店去試下。而相信有唔少人都會見到商場多咗啲特別既自動售賣機係賣日式便當既，咁今日係金鐘放lunch,就去海富中心試下佢。疫情下呢種銷售模式幾好，唔洗接觸太多人就買到飯，感覺安全啲。怕唔識操作部機，唔洗驚，現場都有一位工作人員幫大家手，佢地仲好有禮貌添！去到都唔洗五分鐘，就已經拎到飯盒走，好方便！可能大家會concern個飯會唔會放得太耐，啲野overlook晒又或者保温做得唔好，個飯會凍咗。今日測試過，完全冇以上問題，便當拎到出黎仲幾熱下。今次叫咗燒味噌雞扒便當。便當入面都幾豐富，除咗有塊大雞扒之外，仲有玉子燒，蔬菜同埋漬物。首先，佢地用咗日本米，會比較煙韌同埋粒粒分明。而雞扒除咗大塊，煮得亦恰到好處，而且入面仲保留到肉汁，有驚喜。雞扒味噌味唔算好出，但黑椒既調味適中，微辣中又帶少少甜，幾好食。玉子燒質感好似蛋糕咁，幾綿滑，可以當飯後甜品食。而漬物有醃蘿蔔，牛蒡同埋黃瓜，味道唔錯。下次會去試下佢其他便當！…Read More

復工後又開始中午要買外賣飯盒的生活，而外賣的人手接觸越少越安全，所以近期都去買「和田便當」，餐牌星期一至五每日更新，所以不會吃膩。自助形式，要八達通付款然後飯盒就會自動送到取餐機口，全程都無其他人接觸過你個飯盒，夠晒安全，而且飯盒夠熱，即時回公司吃也不用翻叮加熱。飯盒內有西蘭花、帶甜味的年藕漬物、黃瓜漬物、車厘茄、甜蛋。米飯用上日本珍珠米有口感。《鹽蔥三文魚餐 $66》這款三文魚親第一次見，應該是新品，當然率先試試！ 三文魚嫩滑無腥味，有蛋圍邊，用鹽蔥調味又不會太咸，加上蔥香惹味而不油膩，飯上有七味粉，帶少少辣幾惹味，三文魚亦夠健康，不錯。《日式漢堡扒餐 $58》漢堡扒算厚身，食落有肉味同肉汁，加了照燒汁好提味。有炒野菜平衡肉感，好飽肚。下次又再試其他菜式。…Read More

行開海富中心，見到日本式的販賣機，原來是賣便當的。每日有不同款式的便當，今日就買來試下。職員介紹今日有三款便當，分別是漢堡牛肉飯，漢式牛肉飯，還有鰻魚飯。我們選了漢堡牛肉飯和漢式牛肉飯試下。.本來沒有甚麼期望，畢竟只是外賣便當，添飽肚就好。但是拿到便當，熱辣辣的，還有一陣香味，似乎還不錯喔。🤗拿回家打開便當，滿滿一盒，我的漢式牛肉飯有很多牛肉，更有椰菜彩椒和泡菜，還有一大塊玉子蛋塊，飯是珍珠米，雖然已經不太熱，味道是達到預期的，漢式牛肉，只是微辣，椰菜彩椒是很新鮮的，珍珠米飯煮得剛好，不軟不硬，＄47一個便當，算是物超所值了。店面非常整潔，還有不同飲品供應，我想這是中環金鐘一帶打工仔的最佳選擇，價廉物美。👍…Read More

係海富中心附近返工，行過二樓見到一間外賣便當，見裝修同機器幾新淨應該係新開。呢邊既營運模式係全自動便當售賣機型式營運， 只係需要用八達通比錢再係機器到擇想食既便當，落單之後機器內部拎便當到取貨口，成程唔需要店員既幫手就可以係好短既時間之內完成自己落單買外賣便當既過程。不過都見到有一位店員係店裏面，如果遇到問題就可以搵佢幫手。講返食物方面，見到menu係星期一至五都安排左五款唔同既便當選擇，可以每日變換口味。今次星期四就買左韓風豚肉泡菜春雨便當黎試。便當微溫可以直接食，豚肉好有質感同入味，泡菜微辣唔會太過火，其他既配菜同粉絲都好味，整體黎講唔錯會再試。如果而家疫情真係吾錯，點完單就會有個便當拎去附近既公園！好chill…Read More

#和食便當之選#填左個肚先講#呢排疫情實在太嚴重，我同朋友於是就想買外賣番公司食我哋見到個日式販賣機，專門買日式便當🍱 每一日都有唔同種類可以選擇🍗🍖🥚🧆🥘我哋十二點幾去差唔多已經買晒d便當😭好彩仲有d可以揀今日有釜山微辣雞扒🍗大阪炒飯配煎餃🥟照燒Beyond Burger 野菜盛、WX 三重芝味燒牛肉當等等🍗🍖真係花多眼亂😘而家仲要有優惠我哋分別叫左：1.釜山微辣雞扒 $47個雞扒好入味同嫩口😁而且有很多同大件，有少少微辣， 而且又有甜蛋同配菜（例如唔同菇類），真係好滿足2.照燒beyond burger 野菜盛其實我未試過新豬肉🤪今次係我第一次試食😆佢真係好似漢堡扒😁😁😁勁淋身，塊排都幾大塊下😆而且仲有好多菇😆希望呢個疫情快啲完結🙏大家記得保重身體🙏下次嘅話想試吓三重芝士牛便當…Read More

第1次見到便當販賣機，新奇有趣睇吓個餐牌有5款，可能落雨天關係有2款已經賣晒，再睇睇原來有埋湯賣tim可惜湯已經全部SOLD OUT ! @@太搶手了便當由$41-$59不等，金鐘黎講價錢唔算貴所以試一試見到有人買完望到個飯盒精緻，有日本FEEL~篤MON揀好餐再嘟8達通就可以，操作好簡單現場亦見有到個職員企喺度協助有需要我同朋友要咗照燒 OMN!PORK 素食豬扒野菜盛 & WX 辛奇牛丼一打開素食豬扒便當，發現原來有飯，我地睇名以為淨係得菜而且賣相相當不錯，同圖片還原度近9成，整體份量唔少，食得好飽豬扒佔左大概半個飯盒，係厚切，似漢堡扒雖然係素食豬但食落去幾似豬食到洋蔥增加爽口感，配埋照燒汁~惹味咬落軟熟好juicy唔會好硬亦唔會一篤就散開值得一讚係日式煎蛋，好軟身嫩滑，食落有布甸既感覺，好好食而牛肉丼圖片還原度近9成半牛肉份量足，有洋蔥同泡菜飯係日本珍珠米，軟糯有口感，日本米真係好好食神奇一點係便當長期保溫，但唔會抽乾水份乾淨淨整體黎講唔錯係落雨天同埋唔想排隊lunch之選…Read More

疫情下有便當自動售賣機真係好方便👍🏻一來唔洗同人迫，二來又安全，毋須與人接觸，而操作好簡單，用八達通埋錢，之後售賣機就會運送飯盒出來，需時不用1分鐘，MENU每星期都會唔同，每日仲有一款是素食，非常貼心❤️照燒 OMN!PORK 素食豬扒野菜盛 $66便當走和風包裝，都幾精美，仲鋪上一張牛油紙隔開食物同飯蓋，乾淨衛生攞到返去仲係暖，新豬肉厚實不過質感偏腍，配上微甜日式照燒汁🤤幾好送飯，除左主食，仲有不同顏色的配菜，例如:菇、洋西蘭花同車厘茄，相當吸引，如果多D菜就更好🤣廣島鹽蔥雞扒 $52好足料既便當，雞扒鋪滿整個飯盒🥰至少有6件，鹽葱相當多，雞扒幾嫩滑，唔會好肥，飯撈埋鹽葱一齊食，幾滋味…Read More

南蠻雞配日式他他醬$58極上黑咖哩牛肋條$66.午飯時間去到金鐘，行行吓見到有間賣日式便當，用自動販賣機嘅販賣形式經營。其實日本有好多地方都有，但係香港就比較小見，所以就黎試下佢😁.一路以為呢啲販賣機都係唔需要有人去經營，但係原來都有店員咖喎，仲見到佢同幾個熟客喺度傾偈推介，有熟客即係代表好食啦😙.我哋兩個人叫咗兩個飯，一個係炸雞另外一個就係咖喱牛，個炸雞扒好大塊而且亦都好厚，啖啖肉，最緊要就係冇雪味，配埋啲沙律醬真係好正，而且個炸雞飯仲有啲菜，好健康😊.至於個咖喱真係要讚下佢，個味較得好適中，唔會太濃唔會太淡配埋飯啱啱好，啲牛肉都好淋，而且佢用錫紙分開咗個咖喱唔會同啲飯黐埋一齊，好貼心🙂.不單止係咁佢每盒飯入邊都有張類似牛油紙隔住個蓋，啲飯唔會黐住個蓋喺個外觀上幾好，而且唔知係咪因為有呢張紙，所以佢冇乜倒汗水，成個午餐體驗亦都因為咁提高左唔少分數☺️.而且佢每日菜單都唔同，絕對唔會食悶😆.去到2月18號仲有抽獎，去食飯又有獎抽真係唔錯😁唔知第時仲有冇呢😚.CP值及夠飽個份量都幾多，兩個人食得好飽😆.翻啅無論係份量定味道都幾高質，絕對推薦俾係金鐘嘅上班族👍🏽…Read More

上星期五去金鐘出job 依家雖然中午都有堂食 但疫情依然嚴峻 唔敢出街食 所以同同事落左樓下買外賣番office食office樓下就係海富中心 經過一間野好特別 係自動售賣機咁ge形式去賣飯盒 我地就入左去買左2個便當一口牛配蒜香山賊飯朋友點左呢個一口牛配蒜香山賊飯 真係冇改錯名 牛肉細細粒 岩岩好一粒一啖 好香好好味 加埋d配菜 例如香菇，玉子 成個飯真係好豐富 同好日系新餐肉奄列配五目飯我揀左新餐肉奄列配五目飯 呢個飯更加好食 首先佢d飯係煮ge時間已加d左日本ge醬汁 所以好入味 口感非常之豐富 而大大塊ge餐肉奄例都十分好味 外觀又靚仔總括而言 自動售賣機ge形式買飯盒 我覺得好新奇有趣 每個飯盒around 50蚊 價錢合理 有機會都會再幫襯…Read More

Office搬咗過嚟金鐘，自己都一邊摸索緊呢邊有咩食，疫情嘅關係多數都會買外賣返公司食。今日就輪到試呢一間便當。喺佢哋嘅網頁上邊已經睇咗每日嘅款式，睇啱自己食嗰日就落去買🤭操作都幾方便，喺部機度揀好咗再拍一拍八達通，揀自己想食嘅，便當就會送到面前。🍱一口牛配蒜香山賊燒醬汁一口牛大概有8-10塊，山賊燒汁帶少少辣幾惹味，配料有洋蔥同埋薯仔仲有蒜片，用嚟送飯非常之夾！便當仲包埋前菜，有玉子蕃茄仔同埋西蘭花，呢個都幾有心思🍱香草雞扒配煙肉炒薯仔🥔除咗有白飯之外，佢哋仲有炒薯仔或者炒麵呢啲便當，唔同嘅日子提供唔同嘅款式。雞扒勁厚又醃得夠味，濃濃嘅香草味，炒薯仔又夠香口。同樣都有西蘭花同埋蕃茄仔做前菜。佢哋嘅便當仲會包一個嘢飲，飲品嘅選擇都唔少，拎完飯嘅時候喺飲品櫃到揀一個就可以。…Read More

疫情嚴重，午飯時間最好買外賣回公司吃，但外賣經多重人手還是覺得有風險，所以飯盒販賣機就perfect了，而且還是日藉廚師主理的和風便當！我說的是「和田便當」！自助式之餘又有食環署發出的全港第一個熱食便當自動販賣機許可證，感覺好食又安全，除了數碼港，金鐘海富中心都有了！每日餐牌會更新，而且一定會有一款素食，每款$51-100，近來還有即場抽獎呢！原來還有「湯品」、「特價早餐 $19起」及「$44起9折的午餐便當」！又多個選擇了！今次我和同事選擇了《日式漢堡扒 $66》和《蒲燒鰻魚 $66》。用八達通就買到，十分方便。而且便當仍然暖暖的！日式漢堡扒厚實入味；鰻魚有半條，連鰻魚汁撈飯不錯。米飯用上日本珍珠米，粒粒分明口感煙韌。又可以上官網看看下星期的每日餐單，計劃一下下星期的午餐了！…Read More

原來食個飯可以如此方便, 話說今日工事非常忙碌, 四出唔同地區做野, 但我認為飯係必須要食既, 但由於冇咩時間既關係, 正想離開金鐘時比我同同事發現有間自動販賣機係海富中心, 等都唔洗等, 一比八達通可以立即拎飯走, 正！店內有一個員工幫忙, 有咩問題都可以揾佢！👍🏾佢地每日有唔同餐廳, 我地餐選左以下, 價錢仲已經包野飲👍🏾佢地包裝都幾精美，同埋都幾保温, 我地由金鐘返銅鑼灣半小時返到去仲係熱既😄1/ 新餐肉雜炒沖繩+ 檸檬茶 - $58想食肉，但又想健康的就叫個新餐肉，煎得岩岩好，而蔬菜亦都好新鮮, 份量岩岩好！2/ 大阪炒麵配肥牛 + 烏龍茶 - $58一打開香噴噴！好耐冇食過牛肉片喇，連埋酸瓜一齊食好開胃！而佢的麵都好多汁👍🏾…Read More

禁堂正又開始啦，不過就算唔係禁堂食，而家好多人都因為疫情唔敢出街食飯，咁打工仔無帶飯又點算呢，就可以黎呢間「和田便當」買外賣食啦呢到買便當係好似啲自助售賣機咁，揀好食咩自動就會出飯盒，全無人手操作，好新奇menu都寫晒係部機到，個個星期既餐單都唔同，可以預早係網上面睇下今日啲餐岩唔岩自己食先，唔洗白行一趟:)買完便當仲可以拎一盒紙包野食，全自助式，唔錯今次我就買左兩個便當試下先，包裝都乾淨，而且拎上手仲係暖既，估唔到呢啲自助售賣機都可以做到保溫功能，又幾勁香草雞扒配煙肉炒薯仔，呢到啲便當另一個好處就係啲餐唔係下下都白飯底，睇得出係比較有心機，色水又靚，食物質素亦不輸蝕，雞扒勁入味，而家仲好嫩滑，薯仔都好淋。炙燒豬頸肉配雜菌，豬頸肉勁香配埋上次啲醬汁食超好味…Read More