Video
10-min walk from Exit A2, Tseung Kwan O MTR Station
continue reading
Telephone
63543946
Payment Methods
Other Info
Spot payment
Above information is for reference only. Please check details with the restaurant.
【西貢區】【和大人】喺將軍澳想食吓甜品，同美女朋友搵到呢間喺將軍澳海邊嘅甜品店，就去食吓佢。佢開喺海邊比較新嘅居屋屋苑雍明苑嘅商場，對住海邊都幾正。將軍澳站行到過去都要少少時間，行到之後我都發現自己有啲肚餓，咁啱佢哋都有啲小食，咁我就一次過叫埋。侍應話佢哋嗰日新出有粥食，我又覺得唔使咁誇張，食啲小食得啦。首先食 $10 嘅「豬腸粉」，呢個價錢三條算幾好，味道都正常。跟住食 $20 碟嘅「一口芝士粒」，一共有六粒芝士粒，炸到外脆內軟，熱辣辣。估唔到呢兩款小食又唔差，絕對畀到驚喜我。甜品我就食個糖水，叫咗 $28 嘅熱「蛋白杏仁露」，呢碗就平庸啲，冇乜驚喜。美女朋友食嘅係 $28 嘅凍「芋頭椰汁西米露」，始終本身都係比較普通嘅嘢，好難變出啲乜嘢變化，佢都冇乜感覺。不過咁樣 $86 埋單，呢個價位食呢啲嘢我又挑剔唔到啲乜。。。（地址：將軍澳至善街5號雍明商場地下4號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #將軍澳 #和大人 #豬腸粉 #一口芝士粒 #蛋白杏仁露 #芋頭椰汁西米露 #1am1716 #1ambackup
continue reading
行過將南想飲杯鮮橙汁，見到呢間糖水舖有「鮮橙汁」賣，就走入去order咗一杯俾完錢，見個侍應攞個橙出嚟切4份再搣皮，個心已經知伏伏伏，再睇住佢加冰加水放幾楷橙落攪拌樽打，我想問店主，知唔知咩叫做鮮橙汁？？我從未飲過淡而無味加水打嘅鮮橙汁，直情無辱咗鮮橙汁個名，做食肆咁無誠意，不如執咗佢啦！
continue reading
明白現在飲食業經營困難所以食品質素非常重要，以挽留客人的心，可惜好多食肆食物質素真是非常一般，昨天我我經外賣平台點了三款糖水，三款糖水都非常難食，我點了芝麻杏仁糊，完全冇芝麻味仲有少少燶味有杏仁味，總之非常難食，另外點了芋頭西米露，完全冇芋頭香味得，幾粒正方細粒芋頭仔，同我外邊食的芋頭西米露完全兩樣嘢，人哋將啲芋頭蓉打埋落去西米露度，佢就將普通一個很奶味重的西米露加幾粒芋頭，另外點咗一個仙草芋圓，簡直真係難食杰撻撻，我奉勸佢一句，俾多啲心機鑽研點整糖水，講真嗰句我係唔會再嘥錢再幫襯佢一次，真是非常失望⋯⋯…．．
continue reading
食飽飯同女朋友落去散步順便想帶佢試吓傳統嘅糖水，於是就嚟咗海旁呢一間糖水舖啦！店舖裏面環境都幾乾淨，呢間糖水舖價錢都OK唔算貴，我哋坐低之後點咗一碗熱既芝麻糊加湯圓同一碗芒果雪糕棉花冰，芝麻糊上到嚟唔算好熱，食落口似係用粉沖水唔係生磨，有d好失望，湯圓口感唔錯，夠煙靭，芒果雪糕冰味道都唔錯嘅，材料都幾豐富吓,但可惜佢用嘅係罐頭芒果囉，點解唔可以用啲新鮮嘅水果？依家想搵好食嘅糖水舖真係越嚟越難…….
continue reading
價錢優惠又好食，內裡乾淨衛生，而且仲有燒賣魚旦腸粉，用心製作，值得推介既小店。已經多次來食，中西糖水款式多，而且也味道不錯，而且粉圓都是自己製作，所以值得大家一試
continue reading