和你食 (Closed)

 因為租約期滿做到30號就要講再見，作為街坊，當然要再支持下。舖頭內2個店員都好nice，希望將來如果再開店既話可以繼續幫襯啦。 🐷芝士豬柳漢堡蛋手抓餅 $37🐷芝士肉鬆火腿手抓餅 $30即叫即整既手抓餅，食落口時仲熱，手抓餅偏厚實，自選配料加上溶溶地既芝士同沙律醬，好足料，係手抓餅硬左少少。💛魚蛋燒賣雙拼 $12燒賣雖然普通，但都彈牙，魚蛋食落口有d辣，咖喱汁好味。💛腸粉 $4勁多醬汁腸粉，唔會乾噌噌。

今次黎左長沙灣地鐵站B岀口對面 幸福商場嘅小食店一直都知呢間係黃色小店成日都想黎試 呢度有車仔麵 撈麵 腸粉等 好多選擇今次試左4樣野手撕雞腸粉 $20 好大盒 真心推介 個沙薑汁配落手撕雞上真係無敵 加上腸粉好滑吾似外面賣嗰啲硬骨骨咁 其實食一盒已好飽叻哩汁燒賣 $10/9粒平時街買嘅都係點豉油但原來叻哩汁都好match個汁好入味 燒賣軟硬適中 手抓餅$14有好多吾同配菜(配菜價錢$5-$12)可跟自己口味選擇仲係即叫即整 熱辣辣 😋最後生菜魚肉$17 好足料 好多魚肉 好多野食都係好抵食 良心價 最緊要係黃店 2位店主又好有禮貌 食得舒服 食得安樂

💜支持黃色小店💜 今日又黎探下「和你食」，放左2日假，好掛住d 咖喱汁😂，再黎encore 我最愛嘅咖哩魚旦🥢🎄聖誕節就到，鋪頭貼左裝飾好靚呀！🎄💜裝飾都係好人做好事買返黎架💜😊行過或者買開野不妨欣賞一下2位妹妹既心機😊❄️Pre Merry Christmas❄️❣良心小店值得支持❣ ❣人情味小店值得支持❣ ❣感謝無私付出❣ ❣香港人一起加油💪🏼 ❣仍然冀盼雨後彩虹的一天🌈 ❣好人一生平安順境🙏🏼 🙏🏼

💜支持黃色小店💜 呢間鋪頭初初叫包餃店，由一個嬸嬸看鋪，近呢2年轉左手由2個女仔負責打理，岩岩仲改左新名「和你食」。 每朝早我都會去買早餐，佢既咖喱汁好好味，撈魚蛋、撈面、撈腸粉一流！ 我係佢既魚蛋常客，魚蛋細細粒，唔會好粉果d，佢地有好多選擇、亦有套餐、飲品、甜品（啫喱/大菜糕）！ 2位負責打理既妹妹亦十分nice，十分有人情味，就好似隔離鄰舍一樣！ 💜好人好事💜 某月某日，突然看見店舖貼上捐款收據🧾告示，動盪時勢下，看見2個妹妹對小朋友的支持，十分感恩🙏🏼，所以我每朝都堅持懲罰佢地一下，亦都習慣了每朝都見面say個hi，就好似同自己屋企既妹妹say good morning 一樣！😂 ❣良心小店值得支持❣ ❣人情味小店值得支持❣ ❣感謝無私付出❣ ❣香港人一起加油💪🏼 ❣仍然冀盼雨後彩虹的一天🌈 ❣好人一生平安順境🙏🏼