Fullcup planet cafe

出餐速度極慢 等個雪糕可以等一個鐘😅肚餓到燥😅當日客人得兩檯 老闆同侍應行來行去傾計 我相信絕對唔會有人手不足嘅問題結果餐品送到嚟係要客人自己移開先前嘅食物嘅😅如果唔係嘅話嗰位小姐會端住個盤企係度黑口黑面望住你一聲唔出等到你清開檯面先嘅。野食又貴又唔好食 選擇唔多唯一一樣好係環境幾有特色 不過位置偏僻 真係去一次就唔會再去了。…Read More

喺呢個普通話多過廣東話嘅環境入面，一入去女服務員就毫無禮貌咁樣講「你哋要出邊等我叫你哋先可以入嚟。」入到去個環境只能夠講中西合璧乜嘢都有，一打開個Menu一個普通牛肉飯都要$200up，最平嗰兩個定食都同我哋講賣晒。我哋兩個人本身嗌咗一個定食一個甜品再加一杯嘢飲，被告知唔夠，最少就要再嗌多一杯嘢飲先得。佢限時每個人嗌一杯嘢飲，只能夠坐1.5小時，但係我哋等餐都等咗1.5小時。嘢食只能夠講10分普通，完全唔值呢個價錢。附近有好多內地遊客喺度影相，10分嘈吵，只係一間裝修好少少嘅貴價茶餐廳feel。…Read More

史無前例咁差質素嘅餐廳，24年8月25日 我一行二人到隔離某咖啡店外賣咖啡後，既然黎到土瓜灣，大家又話餐廳生意難撈，我哋就身體力行支持香港餐廳，沿途入黎食飯，我哋二人都分別手持剩餘嘅¼杯咖啡飲料，兩位侍應由我地等位至點餐至等餐既20分鐘內無拒絕攜帶飲料，而我哋都冇為意到！我哋等餐途中，突然一位鬍鬚男士（相信係老闆），突然衝過嚟聲嘶力竭指罵我哋，我哋即刻話唔好意思連續兩次道歉，我哋唔介意而且樂意可以點佢哋嘅飲料，由指罵到5秒內呼喝客人（即係我哋）離開餐廳，我哋就話唔緊要咁就離開餐廳，有趣地該男士竟然一直繼續破聲大罵羞辱我地。what an interesting experience! 支持所有好嘅餐廳but not this one who will insult their polite customers like us! Crazy 黐線餐廳…Read More

第一次要留劣評俾一間餐廳今日係呢間野對面既cafe飲咖啡杯咖啡差唔多飲完見到對面呢間餐廳幾特別 裝修幾復古諗住過黎食野入黎嗰時門口冇寫外來飲品禁止入內之類既標示店員見到我地拎住嘢飲亦都冇阻止我地 所以我地都冇為意之後就坐低嗌嘢食 等緊嘢食既時候 無啦啦有個鬍鬚佬（唔知係咪老闆）指住我地話我地點解咁冇禮貌係佢餐廳入面拎外來飲品我地自知理虧 即刻道歉話唔好意思同埋話可以即刻掉咗佢點知佢再大聲啲話 「你地有無搞錯 我依家唔做你地生意 即刻走」我地呆咗 但係都即刻起身話走 同埋再講唔好意思之後我地一路走佢再一路鬧我地話我地唔識禮儀 冇禮貌 就算啲嘢食已經煮緊都唔做你生意真係火都黎埋 首先已經即刻道歉同埋即刻起身走 佢仲要追住黎鬧 咩事？香港就係有呢啲人所以搞到飲食業彎晒唔知呢間野啲野有幾好食 但係如果想貼錢買難受既請幫襯…Read More

今日同朋友去了土瓜灣這間特色Cafe，超級復古的裝修！餐廳有多樣懷舊嘅裝飾、用品。店員態度親切，因為客人不多，他叫我們隨便走動，可以去不同地方打卡。但去到當日好多東西都冇賣，當中包括咖啡類飲品，高湯玉子及雜莓窩夫。 同行朋友叫了雞定食、水煎手打漢堡定食及手工雪糕伴麻糬蜜瓜窩夫。雞定食超級好食，雞件十分嫩滑。和朋友都覺得比漢堡好食。蜜瓜窩夫參賣相吸睛，手工雪糕有咬口，香甜，奶味不會過重。覺得這間餐廳的價錢定位較高，如果可以再便宜一點就更好了！…Read More

一直心思思想去呼吸星球食，前幾日終於去。喺度哎咗好多嘢食，唔係冇梅子蕃茄同梨酒雪糕埋單成千蚊都似。我先講配菜甜品啦，高湯玉子係好食嘅，雖然望落有少少鞋，不過食落啱啱好，因為我唔鍾意啲咁生嘅玉子燒。莓果雪糕窩夫有驚喜，擺盤好用心，自製雪糕好食，窩夫入面有薄薄一層果醬，只係窩夫凍咗少少。不過到咗主食嘅火炙三角，除咗瀨尿蕃茄仔既清甜又清新之外，和牛得嗰四五塊，本身啲部位唔靚有一大塊肥膏油脂都算，我等餐等咁耐，佢煮足咁耐都仲要煮唔熟，食到最後嗰兩夠我真係要諗一諗擺唔擺落個口。後尾我見前面枱有人入嚟想喺度返暑期工做樓面，我心諗依家係個廚房煮極都煮唔熟嗰塊牛，你請多幾個樓面都冇用㗎喎，你不如俾我衝入去廚房煮返熟塊肥牛啦。最後我見冇梨酒雪糕就叫咗蜜瓜拌半熟和牛，啲和牛冇之前咁生，不過離我心目中都仲爭少少，蜜瓜 ok 好甜。加一後埋單 800 左右，總言之呢度乜嘢都好食，唯獨和牛唔係咁好食，和牛嘅話都係去日本食算啦，還掂依家啲 yen 咁平係咪？…Read More

石桓牛真係無得彈！係香港食過數一數二嘅牛🐮油脂配埋啲飯真係諗起都好想再食～而且餐廳環境真係幾打卡able，好有特色，有唔同色彩嘅燈光，真係好啱夜晚拍拖約會。唯一缺點就係食物價格真係偏高🫣…Read More

土瓜灣走復古風既咖啡店 @fullcupcafe_planet 主打由石垣島出產既和牛 標榜只此一家睇怕今年都唔會去到日本架啦😪🙂食左當去左先啦小店保留左前舖白宮冰室既花窗、牆磚、擺設及物品等令小小一間coffee shop變為小型博物館📺處處打卡位 岩晒鍾意影相既朋友仔🤭對於環境裝潢的確無得彈啊～留意返 餐廳只收現金 差啲無錢比呀我地⍥ 牛肩一段 ❙ $308牛肩比豚肉略勝一籌 牛味濃郁🤩又夠油香好好餸飯 我地認為比豚肉好食得多份量迷你🤔呢個價錢黎講都幾進取定食包括麵豉湯 木耳腐皮涼拌必須要讚讚話梅蕃茄仔酸甜清新 的確好開胃爽利👍🏻⍥ 燒汁豚肉 ❙ $156有五六片豚肉🤨偏瘦比較dry燒汁甜甜地 又係好好餸飯😅同樣飯量唔多 輕鬆清碗定食亦包括麵豉湯 木耳腐皮涼拌仲有糖漬栗子 賣相唔差⍥ 高湯玉子 ❙ $128熱焫焫 出晒煙先塗滿面頭偏鹹香既柚子芥末醬 玉子因為用左高湯整😌所以非常濕潤多汁一試無妨既⍥ 陳皮山楂雜莓果·手工雪糕伴麻糬窩夫 ❙ $138呢個甜品我係幾期待 Waffle偏硬脆 係易割損上顎果隻唔係我鍾意嘅口感 ☹️另外～完全食唔出裏面有麻糬🙂‍↕️我都係睇名先知有麻糬 haha大大球雪糕係淡淡開心果味 夾埋窩夫一齊食可以互補不足旁邊係一堆擺盤好靚既水果及雜莓陳皮山楂就唔係好食到 總體令我比較失望🤧⍥ 沖繩青檸蜂蜜梳打 ❙ 跟餐 $48⍥ 雜莓乳酪 ❙ 跟餐 $51⍥ 蘋果蜜桃先打冰茶 ❙ $54…Read More

土瓜灣呢個區，真係舊中帶新，新中帶舊。在當中的13街，餐廳”呼吸星球”像是奇特的新餐廳，偏偏內裡又是懷舊風，裡面太多奇珍異寶，有排影同睇，而且又靜冷氣又舒服。不過，餐廳價格高得誇張，一個100g和牛飯三百起跳，還未算杯杯近百的飲品。據稱這裡以前是做較平的cafe，但後來重建問題轉了手，以和牛店重開。如果飽吃一餐晚膳，建議預600-700一位。…Read More

睇電視介紹土瓜灣以前"白宮冰室"個舖位改成咗懷舊嘅日式餐廳,好想即刻去試。從門口嘅裝修已經覺得好有日本feel,好似置身於日本嘅小巷裏面。打開門嘅感覺就完全唔同,係近年至流行嘅mix and match: 有懷舊玩具、有卡位、有長枱、有五光十色嘅吊燈、星球掛飾、單車、騎木馬、懷舊馬賽克地板、日系裝飾、英式擺設…...林林總總，目不暇給。連家燕媽媽後生嗰陣嘅鐵皮日曆板都畀佢搵到,佩服!打完一輪卡,終於點餐。我哋叫咗日式燒酒青檸梳打,好飲!另外,梗係咗最受歡迎嘅"火炙三角燒肉定食",有麵豉湯、漬物、薯蓉同一碗鋪滿和牛片嘅飯,賣相一流,味道仲一流個和牛全靠嗰個柚子汁,點完嚟食即刻減去和牛嘅油膩感,仲帶出鮮味添! 可惜食到尾你會見到個碗充滿肥油,覺得好邪惡咁。不過和牛唔肥又唔好食喎,噢,我呢一刻嘅心情真係好複雜呀…...雖然心情複雜,都要食甜品㗎。我哋叫咗兩杯雪糕,一個芝麻,另一個係"梨酒牛奶雪糕小杯",其實係用梨酒淋喺雲呢拿雪糕上面囉,賣相幾靚，但價錢比味道高🙄你明啦。總結,小貴但好食👍…Read More

雖說餐廳充滿特色，擺設，飾物樣樣都別出心裁，但食物質素和上菜速度實在有待改善。一個定食等45分鐘或以上，但已不是午餐時段，如休閒地過的話可以耐心等待。抹茶鮮奶的確不錯，抹茶味香濃，但食物質素只屬一般。…Read More

雖然我不是在土瓜灣區長大，更不喜歡去冰室，但對於美荷樓呼吸冰室的事略知一二。亦得悉轉型了的呼吸星球餐廳也面臨結業的危機。原因是市建局宣布重建土瓜灣五街，餐廳亦難逃重建的命運。對於香港不停有餐廳逐一結業，真的有點感到可惜。今次「山長水遠」來光顧的主要原因除了希望在搬或結業前品嘗一下朋友口中的「美食」。另一原因是上次去沖繩試了當地牛肉一試難忘，亦希望重溫那種味道。然而，當天不知是廚師失準或是我個人口味的關係，我真的感到有點失望。懷舊擺設及物品，如英女皇皇冠紅郵筒、復古轉盤式電話等，真的非常有打卡的價值。整個復古的環境猶如「小型博物館」一樣。當日選了:🌟火炙三角燒肉定食 A4 和牛中的三角肉部位切成薄片，肉質嫩滑經火炙令油脂味，的而且確是十分軟滑的，但略嫌下面的飯被煮得太淋。而全部肉舖在飯面上令飯有一種油膩的感覺。🌟牛肩芯大切燒肉 這個有一個大盛增量版可選擇，不過我哋想嘗試更多種類，所以只點了中份量。極上角位二段，油脂豐富，肉質柔軟綿滑，原塊厚切，加上自家燒汁，口感不俗。不過同樣的問題，是當日的飯真的偏濕，我自己喜歡日本珍珠米煮成恰度好處，粒粒飽滿彈牙的感覺，所以感覺有少少落差。🌟陳皮山楂雜莓果手工雪糕伴麻糬窩夫 時令生果切成薄片配以手工雪糕伴麻糬窩夫其實賣相非常吸引，味道都不錯，只是略嫌窩夫未能做到外脆內軟，有少少硬，但整體而言，都相當特別。🌟荔枝蜜瓜鮮打冰茶蜜瓜味比較重，偏甜的飲品。🌟小星球牛奶咖啡 細細杯好可愛，味道亦不錯。咖啡香濃，比例適中。…Read More

標榜所有定食所用既肉都係和牛，定價閒閒地都2,3百蚊或以上一個仲要唔包飲品，唔係好記得叫左邊隻，但我個款無油香無肉味，完全靠個汁先食得完個飯，我杯mocha仲甜到一個點仲叫自己做特濃!所有嘢都overpriced!而且都幾多限制下，只收現金(如果你賣呢個價位既定食而只收現金我就覺得有點兒那個)/繁忙時間只限食90分鐘/有最低消費每人90蚊!性價比極低，鍾意懷舊景如我都唔建議幫襯!…Read More

土瓜灣呢間星球系特色Cafe一直想試，但見到有關服務及價錢方面都有不少負面聲音，自己都試過打電話去問嘢，接聽電話的男職員態度麻麻，所以一直卻步未去食.今次約朋友食飯，諗起這Cafe，終於決定俾次機會佢試吓. 地點距離地鐵出口都有啲距離，但見到Cafe外觀同內裡裝修也覺得好似另一個世界咁，好似走咗入時光隧道，返回六七十年代. 食物價錢的確唔平，雖然見到部分價格已經調低左. 叫咗石垣手打漢堡定食$198、沖繩海鹽黑糖拿鐵、沖繩海鹽黑糖朱古力及手工雪糕伴麻糬蜜瓜窩夫，跟定食飲品及手工雪糕甜品有九折，漢堡定食漢堡夠淋身，肉質多汁，調味剛好，適合送飯，海鹽黑糖朱古力飲品，三樣嘢味道好夾，天氣凍凍地非常之適合飲用，蜜瓜窩夫🧇賣相吸睛，手工雪糕有咬口，香甜，奶味唔會過重，服務方面好好，消除咗之前嘅憂慮👍🏻.食物賣相、服務、環境各方面都好好，雖然價錢仲有啲貴，但都值得幫襯.…Read More

食物同裝潢都非常用心同特別，去過嘅朋友都知環境好好好啱坐，由香港冰室懷舊風到歐洲古董舖擺設，以至日系/沖繩的感覺全部都有，喜歡打卡的話大推。自己比較在意食物，依度就主打肉類。飲品有好多選擇而且罕見，試過頗多都幾好飲。野食用料非常好，煮法”simple but not easy”. 十分推薦的餐廳。但也有兩大缺點：1.地點不方便，在土瓜灣較近煤氣鼓/翔龍灣的位置，地鐵要行頗遠（15-20分鐘？）大部份巴士也要行兩三個街口才到。附近環境也很多是地盤或貨物運送，與店內完全是兩個對比，有種格格不入的結界感。但如果坐在近窗邊的座位，當巴士或重型貨車經過時會感受到震動。如果晚上光顧，附近感覺非常冷清，也有一點不安全感。2.食物雖然非常好吃，但性價比頗低，價格偏高（特別是午餐的話）份量也偏細，一些燒牛肉飯套餐（本人為正常食量的男士）也需要叫大份才飽（但大份的價錢偏貴）。總括而言還是很喜歡這間餐廳，間中也會帶朋友幫襯，記住不要看價錢就可以。…Read More