Mei Garden (Closed)

我是曾經的捧場客，叉燒肉諗，爽脆，各有滋味。每次去味苑都會叫一客叉燒。因疫情關係，唔敢堂食，唯有外賣。點知質素仲差過連鎖快餐店，有圖有真相，肉質乾瘦，好似食緊非常入味既肉乾。…Read More

今天嘅食物館做生意真係好難做，又要諗推廣招徠人客，但係疫情底下周圍都辛苦！我好唔明呢間酒家點解可以一路諗推廣希望人客來，但係啲服務態度就差啦，你不如唔好做優惠啦，昨日去幫襯兩點後原來佢有七折，叫咗個燒腩仔，$88.小食，味道唔差，但係皮軔不脆，香煎牛仔骨（點心）肥淋淋一大堆肥膏，蝦餃燒賣鹹水角排骨一般，最得人驚係啲招呼，入座有個男人行埋你乜嘢都冇講就攞支探熱槍指住你個頭，講聲都好呀！問你有咩啤酒你淨係識攞我未寫好嘅點心紙睬都唔睬一句，有冇搞錯啊乜嘢招呼？全程冇招呼不在講，連埋單自己行出尼埋，嗰個收銀小姐都係晚娘口面望都唔望你一眼，而家我幫襯仲要同你不停講唔該，多謝都冇一句！唔講多謝都唔緊要面口好啲啊，其實都係果句唔做得咁辛苦，做黎做乜啊，唔通香港啲服務真係沉倫到咁嘅地步？…Read More

第一次去試但其實經過好幾次。今晚下雨，我們七時到，只有兩枱客，我們便是第三枱，客人不多。坐下看餐牌，也有很多選擇，有套餐，幾百蚊便有兩，三款餸可選。我們因只有兩人，只叫了清抄西蘭花，出名的叉燒(半肥瘦),瘦的肉不是太嫩，炸鮮奶共有六大件不過唔夠熱，和一碗白飯。食完還送兩件馬荳糕，但已太飽所以無要到。這樣食要$260,也可以。地方便好清潔，坐得舒服。可一讚是服務非常好，很有善。可以再試吓看看怎樣。…Read More

通常假日嚟飲茶一定被安排坐樓下，今日有幸被安排坐樓上，房間舒適、枱與枱之間有一定距離。可是樓梯的燈光比較暗而地面有點油膩。當我們離開時，我老公就不慎滑到了，尾龍骨劇痛，手、腳也擦傷。通知職員後只換來一句“使唔使幫你叫白車”。其實我都有電話既，我都可以打:(999。約5分鐘後有一名經理走出來，只說了幾句唔好意思，下次可以搭𨋢㗎！我心想你哋啲食物係好食，但關心客人安全亦都好緊要。雖然可能你哋唔在乎以後少了我這個客人，但我也希望你哋唔會有呢類型意外再次發生。大家記住去幫襯就最好搭𨋢囉點心仍然保持水準; 味菜魚滑湯米，魚滑不夠滑，湯底很咸要自行加熱水沖淡…Read More

味苑 Mei Garden📍灣仔 Wan Chai.灣仔飲茶推介 燒味質素唔錯 特別推薦燒揇仔 燒到卜卜脆 肉質化口 皮亦香脆😍 叉燒都係半肥瘦 非常岀色👌🏻 亦有多款點心都係新鮮蒸 啱哂一家人嚟食😋…Read More

又係我啦，各位讀者，大家都知道我一貫寫食評貴在真實且嚴格，因為希望差的食店盡早執笠，騰出店鋪讓有心做飲食的店鋪取代，讓更多香港人可以品嚐真美食，讓騙財的老闆的數量減少，呢間味苑食物出品非常低素質、差劣，我可以真實的展示給各位食家。以下的圖是脆皮菠蘿包。我同重感冒特徵的侍應要求換過一碟脆皮的，她回應：「我地D菠蘿包就係禁。」我回應：「不如你叫廚師試一下是否脆皮吧！」她樣子生氣地進了廚房，之後行返出黎：「我幫你退掉，我們做不出脆皮的菠蘿包。」 講真，呢件事可以看出幾點。第一，呢間店管理素質差，員工大感冒還到處打噴嚏咳嗽不在話下，還不戴口罩拿著食物到處行。第二，菠蘿包事件看到侍應連基本待客之道都不懂，餐廳經理培訓超級差勁。第三，呢間店點心大部分都不是自己做，是入大陸急凍點心返蒸。我希望係呢間食店結業，不要浪費店鋪的位置，騰出空間讓更有誠意的飲食界人來接手。其他點心絕對沒有亮點，係超級超級差勁貨色。以它的價格設置過高，建議全面把原價減半，甚至關門歇業，否則又要讓香港美食天堂的美譽受到蒙污。…Read More

中式小菜店館，位處灣仔駱克道，人流廣集，午市很多人幫襯燒味飯。地方很光猛，大概客滿，感覺很熱鬧。小偏廳掛有客似雲來牌扁，一套碗杯茶具皆印有公雞做標記。六人晚膳，點了遼參乾扁四季豆、蜜桃水晶咕嚕肉、例牌燒鵝、兩套特價鮑魚鴨掌、淮山百合炒荷蘭豆、薑蔥生蠔煲。以上每道菜式味道也很好，惟獨咕嚕肉，因說蜜桃之色，故淺淺粉紅，但味道很淡，肉質較靭，有些失望。燒鵝軟滑，比一般燒味入味。鮑魚鴨掌沒有特別驚喜，特價貨式，鮑魚只是半隻手掌般大細。四季豆很青綠惹味，碎段遼參也很爽口。數最好味道要算是薑蔥蠔煲，一煲八隻，每隻肥大，烹調味道馥濃，咬落豐膄肥美，蠔汁滿溢。埋單也只不過是千零蚊，也划算。…Read More

今日我生日，老豆幫我搞大壽，去左呢間味苑道食，估唔到有驚喜。香港人由細到大食開燒味，我亦唔例外，食開再興差燒大，而呢道個叉燒同再興唔同，比較蜜味重，而且軟滑。 燒鵝略覺太肥，但鵝味出色火焰乳豬 - 個皮好鬼脆，肉味正常，連埋類似上海包皮食，好夾。個火冇咩實質作用，最後乳豬都唔係熱辣辣其餘嘅菜式都有咁上下質素，未到世界級，但出面都成日講，唔伏已經好難得。同埋，幾欣賞佢地較個味唔會太重味精，儘管乾蔥蠔咁濃味嘅餸都唔會食到要狂飲水…Read More

♡ 味 苑 ♡ ♡ 味 苑 ♡ ♡ 味 苑 ♡今日星期三喇，覺得悶悶地，約朋友午飯。灣仔站C出口有間「味苑」我時常經過，但就未食過，於是約朋友陪我去食，順便寫個食評呢！因沒有訂位，便攞飛等位，過一陣有位。:)我地3個搭入張8人枱入面，真是好迫呀！中午時段，吃飯人多，需要搭位，在所難免。中湯 是 粉葛湯，非常好味，應該有落味精吧！♡咸魚雞粒炒飯♡ 炒得不油，有很多雞肉和翠玉瓜。反而不見有咸魚，連咸魚味也沒有。但整體味道是不錯的。♡涼瓜斑頭腩飯♡ 味道OK。但魚腩有魚骨，吃時要小心哦！涼瓜配搭很清新。這款流沙包，造型可愛，賣相滿分，味道不錯。這款蝦春卷，嫌味道太濃，所以不推介。♡午市免收加一♡…Read More

講飲茶，由細到大就常常飲大人睇報紙，小人睇人搶點心回憶總美好，食點心，係香港人最愛之一近年興起點心專門店，令大家少了到酒家食飯反倒其行，我反而很喜歡約朋友到酒家那份環境同味道與點心專門店有分別今天約朋友交換手信全天下人都知好難買手信給我但總有幾個有心人，花心機選購送禮帶來一罐手工果醬，果真岩我心談談生活，說說對工作看法突然原來我們已成中年人歲月走得快，永遠追不上 今天到來，灣仔味苑有預先打電話查詢，有下午茶市全部點心８折小點$20,中點$25,大點$31,頂點$45在灣仔區,不算貴,這裡的環境算是優雅環境舒適也算成本之一三人行,先點一輪,計漏左佢下午茶市會慢上菜變左第2輪點心要等好久 仍然保留茶洗杯,碗的做法用上公雞圖案的餐具招牌蝦餃皇,牛肉球,叉燒包叉燒腸粉,燒賣皇,流沙包,蒜排骨,紅棗糕記得要對單,成日有錯漏,午市已經人不多 由於只係朋友飯局,沒有太細緻咁影簡單快拍一張就好了先講蝦餃,皮薄而飽滿,蝦肉爽甜腸粉皮薄而帶光澤,叉燒餡也多,味道也夠味鮑汁叉燒包就食唔出鮑汁味跟一般的叉燒包分別不大但爆口做得幾靚,呢D就係來貨同手工師傅做既差別 牛肉球,牛肉成份比例高,食得出鮮味,保有水份豬仔外型既流沙包巧手精緻,唯餡料不多,但有流沙效果 排骨夠嫩夠多肉,也醃得入味紅棗糕,考功夫,今時今日也難見有得賣先壓紅棗成泥,再拌粉蒸有Q度,夠彈性,紅棗味突出香甜埋單見到門外有燒味,雙拼飯$42包飲品也有其他燒味可以外賣斬料灣仔駱克道128號地下G/F, 128 Lockhart Road, Wan Chai…Read More

去完旅行回港，首個飲茶地點就是味苑，今次是第2次到味苑食野了。味苑共有2層，是次就被安排到1樓用餐。一場來到，當然要點第一次來食過難忘的小份燒骨。不知道燒骨是不是自家燒（我們估計是，但沒有向職員確認），燒得不太燶且能鎖住肉汁，確實值得推介。另外叫了個XO醬煎堆仔，見咸味煎堆仔不常有。煎堆仔是鮮炸，而且皮不厚身，略軟糯，整體食落不油，好食！豬仔樣的奶皇包、燒賣、薑汁糕都同樣高質，個人認為是用心之作。可是聽同枱的uncle說因業績不好，味苑亦要面臨結業...若真的，灣仔就會少了一間好食肆。:(最後酒樓送了每人一碟甜品：桂花糕及馬荳糕。雖然2款糕不太甜，但覺得偏淡，或許都是好濃一點的甜食。…Read More

平時見到呢間嘢經常排嗮長龍，今日見到少人滴，就打算入去試下。雖然人多，但系滴witers服務態度幾好，唔會因為人多就冷落客人窩。好熱情咁同我地介紹左好多，最後系距地噶熱心推薦下邊，我地點左沙薑豬手、一字骨、蝦子柚皮、鮮百合雲耳鮮淮山。沙薑豬手口感好好，唔會韌，但有嚼頭，滴沙薑噶味好開胃，而且第一道就上。一字骨好脆，但系有點焦。蝦子柚皮噶柚皮比較薄，咬落去就有濃汁。鮮百合雲耳鮮淮山食材新鮮。…Read More

男友有時都會過灣仔同我食lunch 今日就黎食呢間一直想試既中菜😎驚要等位就一早打電話訂左黎到發現原來訂左位就係坐樓上 環境高級過酒樓 但要加一 而且無得叫樓下既午市套餐 🙄叫左幾樣野 之後後發覺都係差不多台台都叫既野蝦網腸粉六大舊 多蝦 腸粉包住脆網 好鬼正😍流沙奶皇三小豬呢個就一般 唔流沙櫻花蝦炒飯炒得乾身又唔油 就算無料都覺得好好食☺️炸魷魚騷好大碟！ 但覺得可以重口味些少少😂質素唔錯份量又夠 下次會再試埋招牌差燒😁…Read More

咁啱路經此地又見到呢間餐廳大排長龍，就八卦吓食乜啦？原來係食粵菜同燒味既 好似幾好食就等咗一陣入去啦 佢坐位大多都係大枱，姐係如果得幾個人好大機會要搭枱啦！咁我最後睇咗一輪就嗌油雞燒腩仔飯！事關其他食物都比較貴油雞一般般啦，唔太鞋又唔太滑燒腩仔反而幾好食 半肥半瘦 個皮又脆口！份量對於我黎講呢就啱啱好既 但男同事們就好似唔太足夠！最後佢地都有嗌幾個點心，蝦餃同燒賣！總結以上如果路過既話可以黎試吓既，但唔需要特別走黎灣仔食啦！…Read More

經過灣仔見到呢間食肆，都幾光猛，咁就求其入去食，坦白說是沒有期望，但是侍應都幾好禮貌，再望到餐牌，都幾醒神，有分類，有圖睇，有必食推介。蜜桃水晶咕嚕肉 酸甜味道整得唔錯，蜜桃好甜，豬肉好爽口，無肥肉，炸粉夠薄又夠脆，好好味。酥炸魷魚鬚個炸得夠鬆脆，如果外面加少少椒鹽就更好味蜜汁欖角牙簽骨好大件既豬仔骨 肉質彈牙 豬肉味香 而佢既㰖角味道香濃 加上 好入味既蜜糖汁 好啱送啤酒这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民…Read More