MIKICHI (Closed)

慕名而至, 叫左一客咖哩豬扒套餐及一客咖哩豬柳+大蝦套餐, 一試之下, 真係好....好....味呀! 好有驚喜!吉列豬扒外皮夠脆, 肉質又嫩又多汁, 又夠熱, 咖哩汁又香, 真係無咩可以挑剔o既地方! 估唔到o係foodcourt入面都有高水準之作! 好食過好多日本餐廳! 下次一定會再去!…Read More

鍾意食日本咖喱，貪佢甜甜地唔太辣，配上日本珍珠米白飯簡直一流。自從某次黎食過之後就愛上了，係美食廣場度有兩間食咖喱既，呢間有套餐，包麵鼓湯同飲品，感覺較抵。日本咖喱飯通常都係配勁熱氣既炸物，今次我地叫左兩個餐share，一個吉列豬扒炸蝦，一個海鮮，海鮮果個仲送一個大薯餅，口味任擇，我地揀左蟹柳粟米味，不過就凍左Ｄ。個人覺得日本咖喱飯同吉列豬扒炸蝦最夾，可能食慣左，呢度既炸物都係即炸既(除左薯餅)，新鮮香脆，同埋D汁一定夠撈飯，唔會乾爭爭。至於海鮮餐，有魚，蝦，蠔，都幾足料，細佬都話好食！其實呢個city super既美食廣場有好多選擇，下次黎可以試埋其他，見到有人食炒麵份量多到成座山咁，真係要多幾個人分先得喇！唯一美中不足係坐得麻麻舒服，同埋要預左人多時要等位/被等！…Read More

(上星期四去左新港Cooked Deli醫肚既第2篇食評)朋友要印度咖哩, 我就要日本咖哩啦~ 記得味吉既評價幾好, 又試過oriental, 雖然最近燥底, 不過都一於少理決定試下佢d熱氣炸野~行埋counter度睇, 有好多combination, 個人唔好蠔, 最後要個吉列豬柳搵海鮮餐, 個餐有味噌湯, 咖哩飯, 2粒豬柳, 1條炸蝦&炸魚同埋一隻烚蛋, 野飲就要豆漿。味噌湯: 正常味道咖哩飯: 咖哩都幾香, 辣度中上啦, 珍珠米亦煮得唔差, 幾好~豬柳: 一粒粒幾得意! 呢度d炸野果然唔錯, 炸得好脆又唔油, d豬柳又鬆化又有豬肉味, 好食!!炸蝦&炸魚: 炸蝦都ok, 急凍味唔重, 不過炸魚就普通d。豆漿: 睇返之前d食評先發覺好似冇人要=.= 不過我試完覺得ok, 唔會太稀, 有豆味, 亦唔甜, 岩晒怕甜一族~食完, 好飽又好味~ $45有咁既分量質素絕對有下次, 下次我會再試埋其他款式~…Read More

感覺上，味吉比以前遜色，但依然比一般港式和食優秀。因為昨晚選了Oriental Curry，所以今晚吃味吉。這一來，易選好多！買了兩份餐（$45 / 份），都是招牌貨「吉利豬柳/ 豬扒/ 蝦」。湯係歴久常新的‘海帶味噌湯’，飲品係穩穩陣陣的橙汁。豆漿唔敢飲，怕拉肚子。女伴的「吉利豬扒咖哩飯」依然美味，那咖哩汁雖然沒有Oriental Curry 的出色，但都比好多地方強！我的「吉利豬柳滑蛋飯」配「吉利炸蝦」，都超美味！豬柳超juicy 和柔軟！…Read More

我最喜歡食吉列豬扒和咖哩，所以在新港food court，一定會選擇這裡的咖哩吉列豬扒飯，吃幾多次都不厭，而且吉列豬扒飯炸得很香，豬扒又不是用肥的那種，咖哩是少少spicy的那種，很適合我吃，正！每一次我都會選吉列豬扒炸蝦咖喱飯套餐，有飲品有湯，好好味。…Read More