Thai Food

🎀深水埗。高性價比惹味大份泰國菜🎀🪄店名* #味力曼谷🔮地址* 深水埗欽州街37K號西九龍中心8樓美食廣場8F27號舖🔮🗾分店地區🗾 沒有分店💰價錢$170 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_深水埗剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵好耐冇去過西九龍中心嘅food court食嘢 今次本身諗住去食最近報道好出名嘅退休夫婦小食店 但係點知去到已經賣晒 於是周圍搵吓有啲咩食 見到呢一間泰國小店食物種類都幾多 同埋賣相都幾正 價錢亦都好平 於是就揀定咗呢一間試吓 叫咗兩個主菜加一個小食 都係$170 性價比真係超高 而且份量都大大份 超級飽🥰🥰👀評分💖💖💖💖💖🪄椒鹽魷魚圈 $78本身冇諗住食啲咁熱氣嘅嘢 但係佢真係好邪惡 擺咗一盤樣板喺點餐區 即刻忍唔住叫 佢哋嘅魷魚圈真係超級大份 用咗新鮮嘅魷魚去炸 外皮薄身 唔會有油膱味 脆卜卜😇👀評分💖💖💖💖💖🪄無骨海南鷄飯 $45呢個價錢真係好抵食 仲包埋一碗湯 同埋一杯茶 佢哋嘅飯入面都有蘿蔔絲及青瓜片 海南雞整得好滑 都幾嫩😋😋佢哋嘅油飯都好香 飯粒偏軟身～👀評分💖💖💖💖💖🪄泰式貴妃豬比飯 $47呢盒真系必食 佢嘅份量都幾多 而且佢哋嘅皮肥而不膩 又夠軟熟 配埋醬汁簡直係一絕 勁快就清晒成盒飯 豬髀完全唔吝嗇 俾咗勁多肉😍(5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌…Read More

今次同朋友行街行到攰，隨便揀咗一間試下，不過老實講⋯⋯成餐食完感覺都係「嗯⋯下次唔洗再嚟😅」1️⃣ 豬頸肉炒粉絲 本身心諗應該穩陣掛～點知一上枱賣相一般都算，食咗兩啖之後⋯竟然咬到疑似麻繩既物體🧵😱！！真係即刻嚇一嚇，雖然唔肯定係咩，但感覺唔太好⋯⋯即刻停咗唔敢再食落去。至於味道方面，豬頸肉唔算多，粉絲炒得有啲油，整體唔太突出，連原本可以加返分既口感都俾嗰條「異物」影響晒😓2️⃣ 打拋飯 叫咗個打拋飯想穩陣D，結果都真係正常發揮，唔伏但亦唔驚喜～ 肉碎炒得尚算香，唔會太乾，辣度唔高（食得辣既人可能會覺得唔夠kick），蛋都煎得OK，算係成餐唯一食得落肚又唔使諗太多既一味🍳🍚…Read More

本來今日遲收工，一個人係西九龍搵野食，搵到間完全唔好食既餐廳，我第一次食評就留左俾佢。個金邊粉完全無味，甜酸苦辣鹹都無，得橙色，個色假到呢。蝦我見到個變橙蝦，一啖都唔想食另外串燒豬肉，炸完再燒，燒到燶燶地食左2啖就食唔落。呢個暫時係我人生中食過最難食既金邊粉。為左俾評分，我要努力作字數，真係連作文都無咁有心機。點解間野仲可以係度。一個字差，兩個字難食，3個字好難食，4個字好撚難食。仲差8個字阿！！…Read More

大蝦炒金邊粉加杯熱菜蜜 $48 價錢非常實惠，但味道非常一般。金邊粉係鮮橙色嗰種，同正宗泰國店暗色啲嗰種唔同。味道唔可以講話係難食，但係唔好食，整體嘅感覺怪怪地，有好強烈嘅酸味，都有少少鹹味，但整體每種味道好似分開左咁。另外放喺碟側邊嘅碎花生有苦味，唔知會唔會係因為放得耐得滯。出餐會跟一碟仔泰式雞醬（唔明點解），但係撈埋落金邊粉就好味喇🤨成個餐最滿意就係熱菜蜜，唔使額外加錢又熱辣辣🤩 結論係就算唔飽都食唔晒，但價錢取勝。…Read More

西九龍中心 8 樓美食廣場有唔少選擇，🍽️ 當日行來行去想食泰菜，最後喺幾間當中揀咗「味力曼谷」，原因係見到幾多人排隊，感覺應該有保證。👀🍛 泰式打拋豬飯上枱第一眼望落去，豬肉碎似乎唔夠火候，少咗打拋豬應有嘅焦香感。🔥 正宗打拋豬講求 鹹、香、辣 三者平衡，豬肉要用高火快炒，帶出魚露、蠔油、蒜蓉同辣椒 🌶️ 嘅濃郁風味，但呢度食落去味道偏淡，好似炒普通豬肉碎咁，唯一有啲泰式風味就係九層塔嘅香氣。🌿🍳 配菜方面，太陽蛋煎得正常，冇太大驚喜，至於附送嘅椰子雞湯 🥥🐔 同菜蜜 🍹，味道尚算 OK，為成個套餐加返啲分數。打拋豬飯係泰國街頭小食之一，最靈魂嘅地方就係 香料、調味要濃郁，而且炒到略帶焦香，醬汁吸收入豬肉入面，配埋粒粒分明嘅泰國香米，先有嗰種 惹味又開胃 嘅感覺。🇹🇭✨ 之前試過其他香港同泰國嘅泰菜館，嗰種 辣勁、鹹香、魚露嘅鮮味 會更突出，相比之下，味力曼谷呢個版本就溫和咗啲，鍾意重口味嘅可能會覺得唔夠過癮。🤔下次如果再去西九美食廣場，應該會試埋其他泰菜餐廳，睇下邊間可以做到更正宗、更有驚喜！🔍🍽️…Read More