吳師府 (Closed)

附近返工，成日經過見到呢間鋪，見到好多類似訪問嘅報紙貼玻璃上面，都想試好耐。今日決定試一試！店內好細，得好少位，冇所謂啦，叫外賣都ok。叫左狗仔粉，蝦子柚皮，豬紅豬腸，釀豆腐，紅棗糕。佢話懷舊狗仔粉，其實係銀針粉？湯底正常。索價22蚊一細碗。唔值！蝦子柚皮，味道普通。韮菜豬紅豬腸，普通都不得了。釀豆腐，普通但貴。紅棗糕。可能我唔係好識欣賞啦，重紅棗味，但口感其差。食左160蚊。如果真係名乎其實咁好食，貴少少都冇所謂，但好可惜，價位定得高，冇返咁上下質素真係唔值呢個價錢！…Read More

太好了！唔使咁趕了。吳師府星期三至六夜收左，由而家收8點改為11點左右。想夜宵有多個地方選擇。而家有新小食.鹵水豬腳同鹵水豬手.近期仲有蝦子柚皮，過左秋天無柚子又要再等了！…Read More

電視講到咁正，呢間新開小食店响大埔，無理由唔試下，等我去試下先😚主打👉碗仔翅，強調用雞去熬個湯底，20元碗吃落啲料唔算多，但食落唔覺口渴，即無落味精👍，又唔大(傑)，唔會漿糊咁👉蝦子柚皮30元碟，鴨掌6元1隻，呢碟真係一定要食，柚皮超入味，質地適中，鴨掌又係唔會煮到好(淋)，推介👍👍👍👉狗仔粉，強調即叫即煮，賣點又係個湯底，完全唔係咪精湯，食完又係無口渴嘅感覺，湯都飲晒。👉紅棗糕，6元一件仔，嘩，超細件，但超好食，超香紅棗，食落好似食緊紅棗蛋糕咁，呢個我認為必食👍👍👍👍👍…Read More

聽聞大埔舊墟開了一間名為吳師府的小店，一大朝早拿著電話google map, 終於找到了。我們早上十一時到達，見還未開門，便行了一個圏，終於開了門，便坐在bar 枱上。小店很小，大概只有八個座位，坐在bar枱旁，便可以看到㕑房和㕑師準備食物。由於店剛開舖，很多食物都未準備好，但我老遠入來想一試碗仔翅，但店員説要等二十分鐘，叫我吃狗仔粉，我當然堅持等。金牌碗仔翅（$22）碗仔翅與平時街頭吃的很不一樣，湯底清甜，有雞味，有少量魚翅、粉絲、蛋花和雞絲，最重要是獻汁不會很杰，而且用雞絲，不用豬肉絲，入口較幼滑。艇仔粥（$22）看到師傅是很用心做的，因看到師傅叫個啊姐用篩將粥底磨碎。但粥底比較稀，粥料也比較少。炒麵這個炒麵與我們平常在粥麵店吃的很不同，質地比較稔，而且很濕，但味道也可以。…Read More

今日經過大埔吳師府，之前在大埔群組見過有谷友介紹，紅棗糕好美味，就入去諗住買回家，最初見到個樣有啲失望，但一場嚟到就買一盒返去試一試，老闆好細心，喺個盒面會寫上要用微波爐翻熱，果然翻熱後超美味，質感像馬拉糕，仲有超香紅棗味，讚！…Read More