Pride Kitchen

講真唔會再過嚟食，服務差食物差 叫咗個黑椒雞扒飯 隻雞乾到喊，啲飯又硬，同朋友嚟食飯啲員工淨係掛住傾偈 放低啲嘢飲就算都唔知邊杯打邊杯叫佢又唔聽淨係掛住用普通話傾偈 叫第二個員工都係咁 最後純靠估，建議避雷 唔好幫襯或者可能呢間垃圾賺夠開咗喺度好多年 以前個老闆都唔見咗然之後就越做越差呢個地方啲街坊侷住喺度食先做得住 其實如果要寫夠200字先可以比差評絕對唔會寫咁多字 唔想幫佢宣傳 但希望各位食客可以考慮吓如果俾錢買難受其實真係好唔抵…Read More

食物就不過不失 叫擺到入口 甘多年呢間叫幫襯得落手 唔知係米呀老細已經賺夠 今日去買外賣話要個下午茶既西式扒餐 我都未講完 呀老細本身掛住同伙記吹緊水 一句就彈埋泥話「唔知你講乜 不如你睇左先」。我重新確認咗佢係同我講之後 我就答佢「其實我睇咗㗎啦 不過呢一刻冇餐牌喺手 我唔識得背你個餐牌」然後我去攞咗個餐牌 重申左一次「要個西式扒餐下午茶B」 其實係你唔熟個餐牌定係我要背熟個餐牌？成個下午茶餐牌的一個西式扒餐咁得閒嘅不如你記吓自己餐廳嘅餐牌 或者你擺定一個餐牌叫外賣嘅時候用拉好嗎。你都只係一間普通嘅茶餐廳 做街坊生意唔該你對街坊唔好好似喝狗甘…Read More

今日影完鴨鴨返左公公屋企，一齊慶祝父親節。其實己經好耐無叫君豪食軒，因為啲餸越黎越貴，我地叫左5個餸加2個白飯，埋單要$444。肉鬆粉絲蒸水蛋$75：入面足料的，但可能耐左啲蛋變左老蛋。梅菜扣肉煲$75：size正常，啲肉吾算好肥好味道。鹽燒烏頭$85：比預期好味道，都吾算細條。辣子雞$88：完全吾辣，仲要得幾件雞，分量少到一個點，吾抵食，仲要貴過條魚。西芹腰果蝦仁$85：味道還可以。總結：價錢越黎越貴，但外賣盒就越黎越細，分量越黎越少，吾會再有下次了。…Read More

份量越嚟越少，早餐一塊雞扒差唔多1開3，米線得3啖 味道又差，越整越淡:(:(茶又冇味成日送錯野，見抬就擺，是但放低就算，凍檸茶叫咗1杯少甜1 杯走甜，唔講係乜野，人哋點樣分…Read More

星期天，去左行九龍水塘一帶，係梨木樹落山。好肚餓，去左商場搵餐廳食個ｔｅａ。結果搵左呢間君豪食軒既茶記。岩岩好２點半可以叫下午茶，同內子一人一份，我叫左星州炒米，內子叫馬來西亞咖哩牛腩麵。星州炒米，就麻麻地啦，首先唔算好熱，即係炒完擺左一陣。其次，Ｄ米粉痴埋一舊舊，即係代表炒得唔夠散，功力唔夠或ｈｅａ炒。第三，唔係條條米炒都變黃色，即係明顯求其炒兩下。至於咖哩牛腩，就牛腩數量多，唔算太肥，咖哩都唔算好辣，但呢種辣係真正馬拉既咖哩辣，呢個係有驚喜。仲有幾件薯仔，都幾得意。下午茶，大約４０蚊，星米就４２蚊，凍飲加２蚊。價錢都抵。食物質素都合格。可以值得黎嘆ｔｅａ…Read More