君滬鍋貼大王

Open Now

Now Closed

今日去明愛醫院覆診完行回家時,經過這家店, 因上次媽媽和爸爸吃過極力讚賞,所以我也買了一些食品回家吃鍋貼........$2一個, 可以一個一個咁叫, 不錯, 料足, 熱辣辣牛肉包, 豬肉包........一樣價錢, 每個4元, 煎得香口有肉汁, 包皮尚算鬆軟, 中上之作蔥油餅........$4元1件, $10元有3件, 不是傳統上海舖的用大鍋的半煎煮, 而是將餅切成三角形放入油炸, 蔥油味不太濃, 但勁香口有芝麻香担担麵.......$13元, 有肉碎及少量大頭菜粒, 這個價錢算是足料了, 但價錢牌寫是(辣)的, 但只是少辣, 所以如果嗜辣者應該不合心意豆漿..........吃麵加$1元送的, 豆味淡一些, 但相對甜味就剛剛好, 不會過甜總括來講, 在這金融海嘯時期, 這間店的價錢算是便宜了, 而且品質也算不錯, 至少我今天吃的全部也算熱辣辣的另外, 也想幫這店平反一下, 我今天沒看到前一位食評者所稱的老闆娘, 所以她惡不惡我也不知,但因我是住在長沙灣已40年, 所以也知道也描述的那一位殘障人仕是誰, 雖然我也覺老闆娘這樣做真的有點太不近人情,但回心想一下, 這也是難怪她這樣做的

今晚約十時到了該食店用饍, 叫了豬扒菜飯+担担麵+豆漿+鍋貼. 豬扒菜飯--ok, 豬扒香脆, 但菜飯略油. 担担麵--有油"益"味 豆漿--偏甜並沒豆味鍋貼--超~~油! 最慘係唔熱. 環境--有蒼蠅及蚊飛來飛去, 地上有不少的食物殘渣如豬扒骨. 不過價錢平, 唯有將就下啦~ 此時有一位殘障人士進店內用饍, 但被貌似老闆娘的人趕了出去, 說她太多行李, 會阻礙其他客人, 但店內有約十張檯, 連我在內只有三位客人, 那殘障人士其實也只有一個背囊+一個斜"咩"袋+兩支柺杖. 她重申說她不是太多行李, 那貌似老闆娘的人說很快會收工, 叫她買外賣, 但那殘障人士兩手拿柺杖, 如何多一隻手出來拿湯麵? 然後那傷殘人士說她要在此吃, 另一店員最終也賣給她, 但只讓她在門口吃. 那貌似老闆娘的人還大大聲說不可讓她進來! 那殘障人士竟然要一隻手拿柺杖, 另一隻手拿筷子站在外面吃!!我覺得那貌似老闆娘的人完全沒有理據卻這樣做很有問題, 但我朋友說她有生意都不做, 必定有她的原因, 叫我不要多事. 後來又有幾人入來進餐, 完全唔似就快收工. 而最終有一好心店員拿一張圓凳出去給那殘障人士. 我埋單後出去

下午茶餐。$10/$11底！。豆漿+三隻鍋貼：豆漿好味，甜度剛好，而鍋貼則新鮮熱辣，煎得相當和味哦！。豆花+炒面：豆腐花尚算滑，但是糖已落，仲要落左勁多，需自行'不'起d，否則必甜死；炒面大碟，難得有張隔油紙隨碟上，好少見架喇難得感覺風味，講明先，真的只是炒面一大碟，毫無額外配菜(是無芽菜、蔥…)所有餐的豆漿轉豆腐花另加$1

第一次幫襯。紅油抄手$18。抄手只是微讓辣，醬汁並非'紅'油色水，嗜辣者別抱期望，但有些肉鬆在面，不錯！表皮也頗滑，餡料也充足。燒賣$5：過淋！齋腸$5：並非此處出名之品，因此也是郭普通貨色。比左勁爆多醬，成pat野漿住晒，一堆咁既腸粉，好似食醬汁咁…有點無奈

51勞動節外出勞動, 行經長沙灣, 自己同朋友係無咩要求既人, 見君滬無咩人又平平地, 一於食個午餐再去做野...兩個人叫左4隻鍋貼, 2隻白饅頭, 1個餈飯, 1個雞翼麵落單既時候阿姐既服務已經係九流, 不過平野無咩所謂啦...野食黎到...真係食都食唔落....鍋貼 - 好油...夾上黎一滴滴咁滴白饅頭 - 係就係好白...但係上面有D一點點既黑色野...睇見都唔想食雞翼麵 - 呢個係最好...正正常常餈飯 - 真係"痴"架, 睇到樓下食家既相佢既餈飯係白色, 但係果日我食果一個係深啡色架!!!食左啖發覺唔對路想換同阿姐講, 佢話"餈飯係咁架啦你第一次食呀?"...只好無言成舊棄食

口淡淡無乜野好食來左君滬買上海麵佢既鍋貼出名便宜, 但一般好食,因為太多油不過一份早餐先十蚊, 有兩隻鍋貼,一隻包+ 一杯豆漿, 確實非常超值的午餐選的是雪菜肉絲雲吞麵雪菜肉絲份量少少, 雲吞有三粒味道ok啦, 食後唔太口渴而且外賣唔加收一蚊, 唔錯

成日同同學放左學會黎買包包食..因為抵!!菜肉/奶黃包都係$2.5/個而且又係熱騰騰既..但e度d粥就麻麻la..好"希"!!!!

呢間野有浸屎味,d阿姐話冇抽氣所以咁臭>< 野食ok既... ok抵同多, 服務就九流, 個老細好惡!!我個次去佢佢同d阿姐對罵!佢目露兇光,見到佢唔係哽親就比佢嚇親!大家不防留意下....

本人就在這附近上班..平均和同事們一星期來光顧一次~~有兩樣東西是必叫的!!1. 豆腐花($6元正) 有凍有熱<=== 又大碗又香滑!!正點!!不吃可吃後悔唷!!2. 鍋貼($2元正/隻) <=== 熱辣辣的..肉汁又豐富!!不吃可惜^^~~~~~之後可佩以下重量的主食...(因為這家店的食物份量多!!)1. 上海粗炒($20元正) <=== 夠鍋氣..又有很多肉片, 椰菜..(份量夠兩個女生吃到飽!!)2. 蒸飯系列($16元正) <=== 不錯不錯..又香又可口~~3. 酸辣湯<=== 不錯..不錯..4. 碗仔翅<=== 不錯..材料夠..就是環境擠了些..人擠人的^^"""

o係長沙灣做左野3年, 都未o係呢間野食過.午膳時間, 學生最多, 人頭湧湧. 無計啦, d野咁平.學生們一個餈飯, 一杯豆漿就一餐.同bf兩個人, 叫左:水餃雞翼面($19): 面質唔太滑, 應選幼面更好. 水餃ok, 但雞翼太細, 有d似營養不良.餈飯($8): size 屬正常大小, 餡料有油炸鬼, 炸菜同dd肉鬆, 如果可以多dd料更好.豆漿($6):餈飯拍擋. 本人不好甜, 所以覺得甜左d. 但豆味都算香.碗仔翅($9):估唔到幾得.濃度控制得剛剛好, 料亦豐富.味道不錯~豆腐花($6): 幾大碗喎. 又幾滑.仲有其他飽點都好抵. $3/牛肉飽.$2.5 饅頭.$25 豬扒粗炒見到人地食都好正.

因為呢間店就係屋企附近,所以由開幕到現在都成日去幫襯。呢度成日都有人排隊買鍋貼,因為新鮮煎好既鍋貼真係好正,皮好脆,一咬落去勁多汁,都只係$2一隻,好多人都一買買一打外賣。而佢地既牛肉包,可能比較少人買,通常佢都會煎好一底後買唔哂放入一個透明箱焗住,唔新鮮,凍凍地,個底已經焗到唔脆,d汁亦浸哂落個包度,變左唔好食。我食過幾次係得一次食到新鮮岩岩煎好,係真係好正,熱辣辣好多牛肉汁,食完有好幸福既感覺...所以好睇運氣,如果見佢唔係新鮮煎好就建議2唔好買了。而佢地粉麵飯就一般,麵好多時都煮得太林;仲有炸雲吞太油!成個碟都係油,好恐怖;痴飯好普通。其他食物都冇咩特別了。推介係鍋貼同新鮮煎好既牛肉包。

雖然環境很差,看似一般麵店的格局,而且清潔程度是不太好;但食物質素全是預料之外;在這裡試了蔥油餅,鮮肉窩貼,紅燒牛肉麵和豆漿;先說蔥油餅:未試過咁好食ga蔥油餅,真係好好味,我相信熱食是最佳入口的;鮮肉窩貼:真係好多油,但真係好好食喎!唔試唔得!都要試啦!紅燒牛肉麵牛肉估唔到咁正呢!d麵質就差差地啦!但個湯汁亦好上等呢!豆漿:跟公和有得揮喎!完完全全無諗過會咁得咯! 從未試過對一間平的食店留下這麼好的印象咯!大家不妨試試!

同意九龍巴士兄既說法，真係好趕！我同朋友都未坐定，佢就問食咩。不過都預左，依類既食肆多數都係咁。我要淨菜肉雲吞加兩隻鍋貼。鍋貼實在太油，唔係咁好；而雲吞皮又厚，餡又有一陣雪過既味道，亳無鮮味可言。老實講，除左價錢之外，今餐冇咩係滿意。不過咁平就算數啦！

鍋貼$2一隻，可以逐隻叫，汁多味道亦不錯。不過上海麵就麻麻，$15一碗排骨上海麵唔係貴，不過我個碗d麵好似唔熟，炸排骨有層炸粉，冇傳統上海舖的鮮炸排骨咁好食。仲有就係落單個阿姐，我坐低唔夠一秒就埋黎渣住支筆想落單，大佬呀，連有咩食都未睇點落單呀，唔使追得咁緊下話？我話等等先，點知唔夠10秒又渣住支筆埋黎，服務扣分！

前幾日，去到長沙灣呢間鍋貼店，當然要食佢的生煎鮮肉鍋貼，每個只是兩蚊，平！但我個人就認為一般，因為太油啦！另外叫了油餅，四蚊一件，佢會幫你剪開，果然細心，因為可以方便食。但我個人就推介生煎牛肉包，每個三蚊，好食，正！最後又叫了個紅油抄手，但要成十六蚊，我個人認為貴左D！食左咁多，好飽，都只是二十多元，抵。另外，見到隔離，食蒸飯，幾大碟，都只係十三蚊。至於炸豬扒菜飯/炸雞翼菜飯，都好大碟，都係二十蚊，下次會試。