君滬鍋貼大王 (Closed)

因為住在這店附近, 所以間唔中都有幫襯, 亦主要買外賣, 貪它買外賣亦不需要加$1盒錢 (整體來說, 價錢還算大眾化吧)。但當然, 對這分店的期望不可以太高... 感覺上, 這店賣的食物都偏油。因為本身喜歡"香口"野, 因此會揀它的炸豬扒菜飯 ($25)。菜飯的菜味幾出, 菜味算香; 豬扒雖油, 但算脆口, 不過乾身左D。整個飯都較油, 而且飯粒頗硬, 胃部消化功能一般的人, 都係唔好食咁多 。它主打的鍋貼就比較一般了 -- 油膩得很, 而且皮較厚。試過一次定剛開門的時候幫襯, 店員給的鍋貼應該是隔夜的, 而且沒有翻煮, 因為食落冷冰冰的.... 外賣的話, 兩碗豆花較抵食($13 / 2碗)。豆花有冷熱之分, 亦會分別落配黃糖 / 糖水。它的豆漿有杯裝($5)有樽裝($8)。杯裝好像還有分有糖、無糖兩款 (有糖較易入口, 而且唔算好甜)。不過它服務的阿姐態度都超差, 而且出外賣都出好耐.... 有多餘時間空等的話先好幫襯 ( 多數在門口等外賣, 都會被阿姐的無視 搞到一肚氣! ="= )…Read More

就係屋企附近,一個星期總會食一次一開始d野食ok好食,唔貴,服務ok但愈來愈差!包點既皮愈來愈厚,食左成半個包之後先見到一舊咸得可憐既肉野食唔好提d服務真係急轉直下囉!!我同媽媽2月27日去入到去叫人落單啦叫第一次,比個亞姐怒啤左一眼,心諗:咩料啊...我想落單姐叫第二次,亞姐大吼一句"等等啦!!"叫第三次,亞姐"都叫你等等囉!!得我一個做你都睇到,點做得切呀?!"大姐....我等左你15分鐘啦...落完單仲要煮嫁...我要等到幾時先有得食?眼見個亞姐慢慢行,每次出餐又只係出一樣食物...忙.........你行快兩步就做得切啦.........你企係到鬧我果段時間你都落左單啦!之後已經唔想食,,,,乜都冇食過就走了我以後都唔會再黎呢間其他分店ok,但呢間就免了!…Read More

朝早搭車成日經過見到有人排隊買外賣,一睇招牌見到是"鍋貼大王",覺得好似囂張左d因為住得唔近,所以好少專登過去吃終於有次係網上睇到人評e間野唔錯,走去試試...係門口望入去見得一條走廊以為好細,個店員話"埋便"有位先知別有天地入面比我想像中寬敞,冷氣適中叫了個名好特別的"鎮江骨菜飯"試佢一試...落左單之後都幾快上菜個碟好特別,一塊樹葉的形狀,裝左5-6舊骨...飯是另一個碟裝的,係貝殼形好特別...吃落去,d汁整得唔錯,唔太鹹,好特別~d肉好稔好香好好味菜飯d菜係煮飯時己加左,所以飯有菜味...唔似有d店呃人,d菜飯係飯煮完時再加落去,跟住用個爛鬼鏟鏟兩三野撈佢一撈算數.\ /.…Read More

今天和母親大人在中午時份到了土瓜灣醫肚. 今天輪到我揀選到那間餐廳.今天突然想吃雲吞餃子之類,之後便突然醒起,每當搭巴士到沙田的85A & 85C的巴士站有一間小小鍋貼的食店,今天便來試試吧.當我和母親大人入到餐廳,便揀了一個近門口的位置,我們未落單已感覺到很不舒服了,因門口大大的,沒有門關上,在炎熱的夏天只感覺到外面的熱風吹來,一點冷氣的風也沒有,之後我們便打算轉位,行前多幾步,原來這食店不是只有門口的位置,內有很廣闊的空間,而且空氣流通一點,空調也充足,這是這樣我們便決定轉枱了. 轉了位,所有感覺也不同了,就連揀食物的選擇也不同. 看看Menu,很多食物也不貴,算是平宜的.起初我還打算order担担麵,但後來見到menu上也註明了一個"辣"字,之後問問職員担担麵可否走"辣",他說沒有,之後我問他有多"辣",他只能說每人吃"辣"的定義也不同,聽到他這樣說,我只有揀選其他了,母親大人聽到後,便決定他揀選担担麵,因她能食得"辣",也可以分一點給我試,就是這樣,今天我們便揀選了.1) 担担麵-$14起初職員送上這一碗担担麵的時候,也給我感覺也不錯,只是$14就能給我們很多花生碎,冬姑碎及肉碎,就是誠意,已經可以給滿分,不過一定要親口食才能評分. 吃了幾口,也不算太辣,接受得到,但可惜,湯的味道及花生醬的味道也是淡淡的,加上湯太多,花生碎,冬姑碎及肉碎很快地散開了,吃不出它們味道,不過,,只是$14一碗担担麵-,都不會要求那麼高了.2)菜肉雲吞豬扒麵-$21由於落單時,我也怕担担麵會很"辣",所以便揀選了這一碗菜肉雲吞豬扒麵. 起初職員送上來,我也覺得也算抵食,因只是$21也有幾件大大雲吞及尚算大件的豬扒,也再一次覺得有誠意,抵食,不過也要試試才能評分作準. 吃了一口沒有浸落湯的豬扒,也覺得味道麻麻,不只是否添了漿粉來炸,豬扒和已炸的皮是分開的,不是貼在一起,加上炸皮味道也是麻麻的.另外雲吞雖然是大大件的,但內裏的餡料也算少,由於餡料不足所以變成雲吞的味道也是普普通通的. 講真,這個價錢來說,我也會給一個合格的分數,正所謂一分錢一分貨.這店鋪還有很多小食,如鍋貼,蔥油餅,饅頭等,豆漿也只是$3一杯. 如果我趕時間,完全沒有時間坐下來慢慢食的話,有機會就來買些小食,搭車食吧,這食店原來還有很多分店,岩哂走黎走去,趕頭趕命的我.…Read More

本人於此店進膳期間,不斷地聽到此店店長重覆不斷大聲喝鬧員工,嚴重影響客人,但最過份就是當本人付款時，本人將其中一個五角兩個兩角一個一角,(其餘紙幣)交予他後,竟然將四個小硬幣,拋向收銀機上碟仔上,跟住向我講:(阿生我哋唔收毫子,街市都唔收啦,何況我哋咁大間鋪)。本人對此店長之態度極為不滿,今時今日估唔到仲有咁嘅服務態度,簡直過份。唔收毫子,我唔介意,但就有好多表達方法及處理手法,但佢一定用咗最差嘅其中一種。 希望同類嘅事唔會再發生。…Read More

今日去買個秶飯食 ($8)味道就普通,唔係好食果種食鍋貼就都係普通.太多油我每次去食.d呀姐服務都係勁差就以今日為例我入去同個呀姐講唔該要個秶飯拎走佢啤一啤我,唔理我唔應我,之後佢去幫個人落單我成個人企係度.我再跟住佢講多次,佢都係黑面,唔應人.我唔知佢係唔係鐘意 蝦你後生 唔會嘈佢但係我一定唔會再去食.今次去食都係因為佢近巴士站買完可以上車.但我以後都唔會再食佢…Read More

這日十分忙碌, 先是一早到了中環的聖約翰大樓上課, 之後又要趕去土瓜灣上下午的課, 連食飯時間也差點沒有! 好彩巴士早了到達, 才有些時間吃點東西, 不用餓著肚子上課. 下車後時間緊迫, 於是就近地去了車站路經的這間小店一試.這間店其實前陣子已經想一試, 因為聽了友人的推介, 說抵食云云. 入到店內才發覺原來不是小店而是間大店, 因為實在意想不到的大, 而且人也多, 差不多九成滿! 本來挑了個旁邊位, 但冷氣實在凍得要命, 於是轉了坐中間位置, 方便看看其他食客點的食物! 最後決定一試店子主打的鮮肉鍋貼, 再加一碗担担麵. 先來鮮肉鍋貼. 看起來比較肥膩, 但很大隻! 以三元一隻來說十分抵吃! 底層煎得脆口但卻不焦黑, 味道方面, 肉味十分突出, 也有點肉汁! 雖然之前有食家說肉汁很肥, 但卻正是該肉塊的精華所在! 而且也不算很肥. 說回担担麵, 有點冬菇碎, 肉碎和花生碎, 看起來也不差. 可是一入口便後悔了. 因為丁點麻醬味也沒有! 而且花生一點也不香!米線雖然滑, 取回些少分數, 但整體來說還是不行, 吃了幾口已經有想放棄的念頭! 不過肚子實在餓, 所以還是硬著頭皮繼續吃!店員的態度其實也相當有禮, 不過下次來的時候一定不會再點担担麵!!!!…Read More

因為平時好鐘意食鍋貼，食過其他分店都好好食，但呢間係我感覺最差的分店平同飽呢個優點我唔否認，但每間分店都做倒ka啦，只在乎佢食物的質素姐鍋貼:皮厚，多油，唔香生煎包都ok ge蔥油餅:賣相極差，求其幾個堆落個碟就算:(份去食的氣氛都好差，因為店員永遠都係黑面，三催四請先可以落單一路食，一路聽住d 女店員響度鬧果d 打電話呢的外賣客仲要係用粗口鬧，鬧員先肯繼續做野，收錢去兩次都有呢個情況..所以決定以後都唔去..…Read More

昨日朝打完風，等埋同事返公司接完更收工已經差唔多十二點喇，上左116去到紅隧口又唔知醒落車，咁結果又係去到洋葵樓先至識落車，落左車又見肚餓，咁就入左去呢間君滬食些少嘢喇....呢間君滬都係第一次食，不過土瓜灣道同埋鰂魚涌果兩間就食過，可能啱啱打完風，所以入去果陣只得兩三個人 咸豆漿唔咸，鰂魚涌果間咸D 煎餃兩隻，就肥膩左些少，不過都唔錯 生煎牛肉飽，多汁，最正係佢…Read More

本來約定了去吃Stanley Deli，去的路上還“繪聲繪色、神采飛揚”的和朋友形容這間的餐湯牛尾甜點如何如何引人，結果呢…都到了餐廳冷不丁冒出個程咬金來，斷了我的牛尾大美夢，真掃興…很無奈的，游蕩在土瓜灣地帶，想吃『巧興』或『大漠』，卻很癡呆的一點都想不起來地址，走啊走啊都餓過勁兒了…自己倒是無所謂，但總覺得很對不起連早飯都未食的朋友，見到『君滬』斗膽稱鍋貼大王，我也就斗膽一試吧。兩人心很齊，都要試菜肉雲吞，我又說來這里怎可不試鍋貼呢，朋友繼而很猛的點了十隻鍋貼，嚇死我也！趕快心驚膽顫的和彪悍阿姐講只要五隻。十隻！？唔通想撐死我倆嗎…可別眼闊肚窄呀~鍋貼皮厚而不脆，甚至有點發粘，所幸肉汁不少，但肥膏也不少比較油膩，兩三隻尚可，多食可能會反胃。菜肉雲吞是上海的厚皮，算是正宗但頗為飽肚，菜肉比例算是平分“秋色”（可惜這“秋色”沒啥看頭兒耶…）。最可怕的是湯底，最好不要喝，絕對是味精“沖劑”…果然不出所料，細食朋友根本解決不了一碗面，準確說是剩了大半碗，有點可惜。下次還是學我，要凈雲吞算了~不過…還有下次嗎？…Read More

在土瓜灣的課程由今日開始。上課前，小傻已用心查看土瓜灣美食的所在地.. 但今日第一堂，宜先「摸熟地頭」... 找到巴士站，等車時有點肚餓。好，買個生煎牛肉包食先。 生煎牛肉包: 皮厚，底唔夠脆，淋淋的。幸好，牛肉包的皮非常鬆軟，而牛肉餡的肉汁足夠。此外，牛肉餡中洋蔥的比例適宜，食落好香好濃味。奈何卻多油了，食完後個咀巴肥淋淋的。其實心目中已經有些「必試食店」，留待之後既十一個星期慢慢發掘。…Read More

其實很早之前已經很想到這裏吃一餐，但無奈地點實在太唔就腳，這天去了九龍城，順道行過少少來這裏吃一餐。個人不太喜歡這裏的酸辣湯，有一陣豬什味，總覺得臭臭地。炸豬扒上海麵做得也不太好，豬扒的外皮雖是香脆，但吃上口的感覺是皮還皮，肉還肉，肉也不太入味。而上海麵過於清淡,湯底極為普通。幸好這裏還有些好東西值得一食，就是$2一隻的鍋貼，很大隻，皮很軟熟，煎的那一面尚能保留一點脆的口感，也有肉汁。以$2這個價錢，吃到這隻水準不賴的餃子，我絕對收貨。另外，炸韭菜餃也值得推介，餃子皮炸得很鬆脆，不太油膩。蔥油餅也不錯，餅上盡是芝麻，頗有誠意。內裏的蔥也算多，如果外皮再脆一點就更好!(可能要即煎即吃才會脆)這間鍋貼大王，都是鍋貼做得較出色。價錢也非常街坊價，不愁沒有生意。…Read More

撘車成日經過,上openrice見d人話好食,又平得咁緊要,就同男友try try點知...我地order鍋貼, 炸菜餃, 上海拉面, 碗仔翅, soybean milk, n some other snacks我想講except the soybean milk &碗仔翅 係avg., 強調: 只係勉強可以擠入口....其他係難食到為唔想waste the food, 夾硬吞落去 難食之最: 鍋貼, 上海拉面 !!!!!叫鍋貼大王, 就算others food 再awful, this one should be at least at avg.but....皮勁厚，勁多肥膏, zero 肉汁,係一滴都冇, 難食!!!!!!!!!個拉面, soup is tasteless but super oily, d 面 仲淋過我浸over 2 hrs 出前一丁, 難食到震!!!the only thing is extremely cheap law, 但連填肚level都不如, 難聽得罪d講 ---簡直唔係人食I like to eat so much, 一向都有browse openrice, but never write any comment bcoz lazy of writing, but this rubbish food make me put effort on writing....my first openrice comment我已經忘記了仲有邊間相同難食程度餐廳，實在難以理解有咁多笑面，話好食…Read More

今天去左[君滬鍋貼大王]個度食,一見到D辣醬[鹹夾苦]牙...=.=order個鍋貼同粉...鍋貼好好味但係粉太多啦!!:(不過都OK啦!!~^^…Read More

十一月廿六日, 放學後走咗嚟好耐冇幫襯既《君滬鍋貼大王》,早兩日收工撘巴士, 唔記得土瓜灣好快就到, 瞓著咗遲咗兩個站落車,但就無意中發現原來呢頭都有間《君滬鍋貼大王》架!!好掛住呢度既鍋貼同酸辣湯呀~~呢度既水準同之前食開既差唔多, 一樣好味兼份量大,我哋兩個叫咗一個雞翼上海粗炒、酸辣湯、五隻鍋貼同一碟菜芯已經勁飽啦! 正!!不過呢度既座位就少啲, 但我諗我哋多數都係放學後十點幾先嚟幫襯, 所以對我哋冇乜影響, 最緊要啲嘢衛生、好味同夠份量!!更詳細資料及圖片請看 : http://hk.myblog.yahoo.com/joycewai616/article?mid=11560…Read More