名樓酒家 (Closed)

一家三口來吃午餐,以往是要等位或是無位的,慣常要另找地頭.今天郤發現大把位.原因是: 坐下後,侍應阿姐便問要甚麼茶,告訴她後便取點心紙剔,茶郤一直沒有來.剔完點心後,叫阿姐落單,順便催她把茶拿來,她滿口應承.再等五分鐘,茶還未有,再叫一部長阿姐說等了總共十五分鐘也沒有茶,她竟然說"開緊".五分鐘後,點心已開始上枱,茶還未來,再抓著另一女部長,很兇地說入座後二十分鐘也未開茶,怎樣也說不過去.她才指派一名女侍應去開茶.這店的服務差是街坊人所共知的了,所以這裡的生意也漸走下坡.難找枱的程況也開始消失.食物方面,價錢是ok的,品質也可接受,但今天叫的卤水鵝件郤太差了,雖然份量不少,郤不能入口,因為全是背和腩,只有肥膏和骨,可以入口的部份絶無僅有,真是豈有此理.…Read More

沒有幫襯過這裡的火鍋,即管試試.不接受兩個人訂位,要早些到,等了五分鐘,給帶到電視機下,可以看肥姐追思會,但是沒有聲音.因為這是美孚名店.叫了胡椒豬肚湯底,材料要了:珊瑚蚌,山水豆腐,牛頸脊,海中蝦,芋絲,卥水鵝件.用的是電磁爐,火路足夠,湯底很淡,但豬肚件很多,胡椒也很多,其他配料的份量和新鮮度頗佳.最差是最貴的牛頸脊,很瘦,很薄,是雪貨,全無牛味.最好的是蝦,每隻都脚仔郁郁,用竹簽穿好,有中指大.卥水鵝件是髀部,口感和味道都好.服務也無驚喜,是沒有,只有間中加清水,骨碟沒人換,只有倒在吉了的碟才有人收.吃完叫水果要叫三次.叫人關火爐叫了四次.最好笑是吃完後才有阿姐換碟,叫她不用換,她郤堅持要換,只好由她發揮.哈哈.…Read More

仲未使返工,又俾隔離D裝修聲嘈醒左,所以就起左身同埋DAD & MUM落樓下飲個茶啦....其實平時個個SUNDAY都會同埋一大班姨媽姑姐黎呢個飯堂飲茶GA LA...不過就未試過平日黎, 今日一黎到就有位, 唔使等, 真係好...呢到D野食其實整體黎講都唔錯, 係個春卷好難食, 諗住今日俾多個機會佢啦, 點知又凍又淋都係甘衰,不過整返個燒賣補返數,好味~~另外, 我最鍾意就係呢到有野飲叫,除左一般奶荼/咖啡外,仲希好多特別DD既飲品, 好似咸柑桔甘, 而我次次都會整返個凍菊花蜜....真係一樂也....不過點都要講下呢到D荼壺實在太細啦, 斟兩杯就要叫人沖荼....…Read More

星期天, 練完歌開完會已經時候不早了, 但都係返來投票. 說真的, 一個人力量係好有限, 但連自己的那一份也不做的話, 也不知將來會變成點.當然, 回來就不如一家人吃餐飯. 再一次來這裡. 我們早來還有位, 後來的就有排等, 人山人海, 始終美孚人口多, 食店的選擇唔多, 等係必然的事.前前後後共要了四樣菜色.清蒸老虎班$58: 8分, 要了個晚飯區精選, 每臺只限叫一條的清蒸青班仔, 不知是否人客太多, 青班沒有了, 變成老虎班, 仲好, 蒸得火候剛好, 細細條, 魚肉嫩滑, 只要$58, 係相當抵的. 真係自己去買條魚都唔平的.鮮百合雲耳炒藕片$52: 7分, 比例上係偏向了去藕片, 其他材料就比較少. 清清地, 簡簡單單的一味, 少點油會更加好.北京片皮鴨$55: 8分, 要了個片皮鴨二食, 半隻鴨只要$55, 其實都幾抵食. 剛好坐係師傅面前, 只見係片完一隻又一隻的鴨, 看來片皮鴨係度係大受歡迎的. 鴨肉熱辣辣, 皮算幾脆, 肉的部份係比較多, 但也幾嫩滑.薑蔥爆鴨件$30: 1分, 二食的另一部份揀了薑蔥爆鴨件, 不知係漏單定係出唔切菜, 係等了好一大輪都未有得食. 最後, 用絕招: 再唔上就取消而碟, 不消兩分鐘馬上見到而碟用鴨骨炒出來的爆鴨件. 基本上係無乜鴨肉, 仲要全部都唔係靚的部位, 死實實的肉. $30係不算多, 但係只係換了一碟骨, 又係幾難令人接受. 係薑蔥都爆得幾好, 取回一分, 破蛋.飯後有西瓜同哈密瓜食, 幾清甜的.除了那個豈有此理的爆鴨件之外, 其他食物都有一定水準的. 但係服務依舊令人搖頭歎息, 點解?…Read More

主人與奴隸獸前往美孚探望朋友，相約在『名樓』飲茶。雖然是平日，亦過了午飯時間，但酒樓生意仍然暢旺。我們點了：1. 楓葉臘腸卷（HK$10.8）：打破傳統臘腸卷的造型，好特別。所選用的臘腸是半肥瘦（其實是肥多過瘦少少，朋友不敢吃，益了奴隸獸。），食落爽脆，味道OK。2. 濃湯鮮竹卷（HK$8.8）：腐皮不夠鮮滑，味道可接受。3. 鴛鴦燒賣（HK$8.8）：牛肉燒賣有淡淡的陳皮味，而豬肉燒賣有咬口，唔錯。4. 蜜汁叉燒包（HK$7.8）：是一籠正常的叉燒包，不再贅述。5. 名樓水晶魚（HK$6.8）：水晶魚身不夠晶瑩剔透，不夠爽，味道亦沒有什麼特別。6. （HK$48）：D 陳村粉炒到『搭埋一舊』，是一個敗筆。不過味道唔錯，收貨啦！…Read More

開心咗幾日,食完呢餐飯,佢又走咗喇.....栗子雞煲啲雞都幾滑,不過唔夠入味. 但栗子又腍又甜,好好食!石靈菇小唐菜,個石靈菇大過雞脾菇,真係好似鮑片,口感當然爽過鮑魚,不過都幾好食,又夠入味.清蒸青斑有約一斤重,特價只係$58,抵到爛!! 蒸得剛好,肉夠嫩滑!! 個魚頭第一時間俾我消滅!!燒乳鴿係我其中一樣摯愛食物,個乳鴿頭當然又係第一時間去消滅佢啦! 正!…Read More

今日又有生日飯局, 自己媽咪生日, 當然不能馬虎.阿爸發版, 响美孚, 實在只有名樓. 叫了個$1488套餐. 首先來一個白灼蝦, 未食完, 燒味拼盤來到, 未食完, 上翅, 未分碗, 瑤柱浦已經到.....上菜上得好快, 快到...好似趕客咁. 味道清談, 份量剛剛好. 十二人全包宴包紅酒一支, 汽水六罐, 生日有壽包. 石班魚大條新鮮.名樓, 美孚最佳食肆, 受之無愧也! 再倖多個好…Read More

四個人食晚飯,人不太多,似乎沒有以往那麼旺場.叫了: 片皮鴨二吃,第二吃是薑葱炒鴨件,珧柱豆苗,清蒸特價老虎斑,白灼蝦一斤,鹵水鵝件.片皮鴨的份量很大,加上二籠熱騰騰的餅皮有十來廿張,很不錯,敗筆在葱和青瓜的份量太少.薑葱炒鴨件不夠熱,七分.珧柱豆苗的芡汁像漿糊加味精的混合體,可幸豆苗還ok,火候剛好,七分.清蒸特價老虎斑,預了是養斑,沒有失望,可幸火候還好,汁液的味道ok,七分.白灼蝦是養的,鮮味不足是一定的了,還萛新鮮,個子像食指,約有十二兩.ok,肉是剛熟,七分.鹵水鵝件是一件小型鵝脾,頗滑和汁液豊富,八分.侍應不萛太忙,但除了上菜和取走吉碟之外,甚麼也不做,不分菜,不沖水,不供應毛巾和紙巾.碗碟也發現少許汅點,要扣分.埋單時給十多元貼士也無半句多謝.想現今在接受服務之後也不必給貼士了,因多數食店的職員都很吝惜多謝這兩個字,肯說的簡直是十中無一.所以如果遇到差的服務,就萛慳番也不會有歉意.…Read More

今日放工同老豆老母阿姨食飯, 近年經濟好, 七點酒樓已經大爆滿. 好彩老豆六點幾坐定定, 唔駛排隊雖然忙, 上小菜時沒有遲, 沒有漏, 條魚沒有蒸過龍, 又肯換茶.服務態度又不錯.食物不作評, 因為已經食過好多次, 惟有個蒸肉餅, 乾身左少少. 名樓做贏哂美孚, 有原因的...…Read More

之前都嚟過食飯同飲茶,無論服務同食物都係一般.但今晚同男朋友嚟食晚飯,感覺好唔同.我哋差唔多十點先入坐,侍應同經理都好有禮貌同我哋開茶點菜.我哋叫咗:1) 半隻燒雞($28) - 好熱好脆,雞味一般,以咁嘅價錢嚟講已經好驚喜.2) 蟹粉千業豆腐($75) - 將百福豆腐薄切,中間有D海鮮,周圍鋪滿橙橙的蟹粉,蟹粉幾鮮,加埋豆腐同海鮮一齊食,味道既清又鮮甜,送飯一流.3) 花雕蛋白蒸蟹($75) - 蒸過了時間,蛋白蒸老了,花蟹雖然唔係好大隻,但幾厚肉,加埋花雕蒸又香又鮮甜.食到好飽好滿足呀!…Read More

連場大戰之後, 小弟落得慘敗的下場, 唯有摘日再賽. 大戰過後, 當然要食晚飯. 是晚入機場緣故, 都係近近地食算.揀了這裡, 都係帶點勇氣. 兩年前一役令人難忘, 五個五都有幾次, 五個一係得而度. 不過見事隔這麼久, 也不介意再試一次, 反正附近的選擇係無乜.要了四個小菜.咖哩牛腩南瓜盅$60: 7分, 要了個廚師好介紹. 一大個南瓜, 入面有咖哩牛腩. 咖哩幾好, 跟南瓜一齊吃係幾入味. 但係牛腩似係牛肉多一點, 肉質只係一般. 雲耳勝瓜炒駝鳥肉$58: 6分, 炒得比較油, 駝鳥肉實實的, 有點化學.醬燒牛仔骨$48: 5分, 個醬燒汁杰杰的, 牛仔骨肉不太好, 部份係難以咬開的.清蒸老虎班$68: 8分, 條魚大約一斤, 蒸得嫩滑, 肉質幾甜美, 火候剛好, 水準之作. 比去飲的大條魚出色好多.整體味道普通, 但係態度係極之差. 尤其係越高級的越差. 上菜的亞姐係態度友善, 埋單時經理係非常不願意, 那種不可一世的態度, 把單拋下來, 眼尾都唔望你, 大聲呼喝, 係令人嘆為觀止. 我們沒有得罪你們的, 你們對公司/工作/現實不滿, 心情差係閣下的事. 我們係完全沒有義務去受氣的.總結一句, 係寫過的三百幾個食評中, 這裡一定係排第一: 最差的服務.真係笑唔出. 繼續喊.…Read More

星期三晚男友跟同事在附近的球賽練習之後同事提議黎呢度食我當然無意見啦,因為我係後黎的比起附近的酒樓而言，呢度裝潢的確有睇頭d話晒都係連鎖或酒樓呀嘛扎肉沙津----幾片扎肉加一點菜和辣油。自己食得辣就覺得ok，不過其他人就覺得好辣，無沙津應的清新。酒樓推介係"泰式小食".......扎肉不是越南小食嘛??蒸石斑----做緊特價，48蚊,幾大條炒通菜---簡單既菜色但夠味而且大碟蒸釀豆腐---底有些娃娃菜，不過釀肉加了鹹肉，不是人人合口味雞煲---只係食左一兩塊，無咩特別串燒---無晒牛肉，叫左雞肉同豬頸肉。白咖哩同沙嗲汁，都係酒樓的"泰式小食"推介甜品，分別點了楊枝甘露，芒果黑糯米，蜂蜜糕，芒果布甸。全都是不過不失最後埋單8個人差唔多900大元~~以食物水準而言唔係好抵。另外酒樓方面應做一下東南亞各地區的小食的功課在先。不是有點辣味有點惹味的小食都歸"泰色小食"…Read More

給我不幸言中，服務差差差，中午飲茶，三個人向門口的知客要了票，依她的指示入去找三十號枱，問樓面阿姐，給她帶的圑圑轉，找不到要再問第二位，再找不到，要求第二位知客，給她帶着時，又遇上另一位女士要找五位枱，知客小姐一齊領著，到一四人枱前指示女士坐下，便對我說沒有枱了，紿人遲來先上岸，我當然不肯罷休．當下便想發難，她見勢色不對，便繼續替我找枱，幸好及時發現另一張枱才了事．開茶時，待應七手八脚，但郤無黙契，問完又問開什麼茶．斟完了茶，打開壼盖，良久無人沖水，阿姐經過，示意要水，她一把取了茶壺，郤失了踪，等一位部長經過時告訴他，才叫另一位阿姐再沖過茶來．服務慢，郤正好適合我們不早趕時間慢慢吃，食物郤不令人失望，今次的燒腩仔是近來最好的，皮脆鬆化，比起名店毫不遜色．其他點心也甚佳，件頭與味道很好．但與服務郤兩極化．可惜，可惜．…Read More

經過上一次不快的攞位經歷,對這店的印象很差,但是因為近居所的緣故,今午又去了飲茶,三個人叫了七樣食物.每樣都幾滿意,所以又要寫來讚許一下,以示公道.叫了:鵝掌翼,山竹牛肉,燒乳鴿一隻,燒腩仔,牛肉腸粉,鹵水豆腐，雪菜火鴨絲窝米綫．鵝掌翼夠淋滑入味，十八元的份量算多，抵食．山竹牛肉很新鮮，爽滑，不錯．燒乳鴿夠香，有肉汁．燒腩仔是真材實料，但切得太小，每件只有姆指大，影響口感．稍有不足．牛肉腸粉只是普通貨色，但是粉拉得幾薄，牛肉也新鮮．鹵水豆腐不錯，炸得剛好，很軟滑，吸收飽滿了汁液，點些辣椒油，真是無得頂．雪菜火鴨絲窝米綫份量頗大，料頭亦多，可惜米線太淋．口感不足．今次不只食物不錯，連服務也收貨，因為侍應阿姐也很好，頻頻加水，收碟換碟，派濕紙巾，連埋單也快，只需二分鐘．希望這次好評不是一次過．…Read More

去名樓食晚飯都食過唔少次,不過我發覺D質素越黎越下降...今日叫左以下幾樣:1)清蒸老虎斑:以特價$48黎講算係相當超值,D魚都幾大條且好滑,係D豉油咸左少少~2)西檸煎軟雞:應該係炸唔係煎,D汁太過酸而D雞比較乾身,麻麻...3)酥炸蒜香骨肉都OK入味且幾香口,不過D肉都幾un,好難咬得開~4)沙汁炒鱔球:我覺得好難食,D沙津醬又漏D鱔又油淋淋,唔會再食!5)蟹肉扒雙蔬:都幾多蟹肉而且幾好味,唔錯唔錯~甜品:1)壽包壽包好大個而且新鮮蒸,算幾好味~2)蜂蜜XX糕(哈哈..,唔叫得左個名):個糕係朱古力色,食落似馬拉糕,OK啦~3)楊枝甘露味好假且有藥水味,係我食過最難食既楊枝甘露,非常差!…Read More