名坊

Open Now

Now Closed

食得魚柳早餐, 轉轉通粉。簡單一個火腿通粉配以火腿+煎蛋一隻, 加杯熱奶茶。火腿通粉: 都幾大碗, 好有家庭FEEL , 不太多味精, 熱熱哋, 好似係屋企食咁..火腿: 三角型一塊, 不太多油,夠簡..煎蛋: 蛋白多蛋黃香,半熟, 都幾好食..熱奶茶: 少叫, 通常飲凍, 熱奶茶味香, 不遜於凍飲..簡單的一個早餐..

每個星期日是最開心, 朋友聚會時間。今次叫另一個特式早餐, 黑椒雞扒配茄汁焗豆+煎蛋, 凍奶茶另一個叫黑椒牛扒+煎蛋+腸, 凍檸水黑椒雞扒配茄汁焗豆+煎蛋, 凍奶茶: 黑椒雞扒黑椒汁好味, 雞扒大塊、薄、滑不太多脂坊,但焗豆為凍唔識欣賞, 下次轉另一樣, 而煎蛋, 水準一路都好平均, 賣相無變, 嫰。杯奶茶, 同一樣風味, 茶味重, 甜度適中, 好滿足的一個餐 。黑椒牛扒+煎蛋+火腿+ 凍檸水-- 小朋水至愛, 但牛扒不及鐵板餐全部夠軟, 早餐牛扒有根及邊會肥少少, 但整體程度不太差。至於多士, 大件件,脆脆哋,飽!此餐廳的酸辣麵, 每次見到流口水, 因為好多人叫, 但係個份量好大, 足夠兩個人吃,找到伴先至有得叫, 一個人實在頂唔住 。

下午 12:45上去, 不算太多人, 坐得舒舒服服, 小朋友已期待多過星期想剧扒, 今日終於是好日 。午餐有4個餐選擇, 點了一個上海粗炒配凍檸茶; 另一個是黑椒西冷牛扒配可樂。上海粗炒不消5分鐘已送上, 大大碟, 食左一半都忍唔住影返張相, 真係有份量, 味道又正料足, 配檸茶大大杯, 只需 28元, 。至於黑椒西冷牛扒配可樂, 可樂不用額外加錢, 同其他餐廳絶對不是那回事, 反叫凍飲要加2元。剧扒餐, 這間店是以刟扒賣點, 連飲品一過40元, 好難揾 。牛扒大大件, 有三件,汁濃及多, 薯條及配菜份量也不少, 扒件件食得入口, 無筋係最緊要, 真係好吸引 !

今早9:00上到去, 可以好快有位, 早排因為火警, 有點兒影响了生意及中途跳電掣, 搞到一塊厚厚的烘多士變為普通麵包, 捱了兩次, 最近又開始回得 。每個星期, 大家都係叫了例牌早餐, 唔知點解好少肯轉新嘢, 真的太吸引吧 !尤其見見塊午餐肉, 厚得來附近茶餐廳只得他一半的厚度, 真係無得比...一個特式早餐, 吉列魚柳 + 一隻煎雞蛋, 配以一條腸仔加熱奶茶, 真係好配晨的一個早餐, 吉列魚柳永遠都係大大塊, 金黃色, 好難轉其他, 除非吃膩了.. 至於雞蛋, 剛剛好, 一啖過,好有蛋味 。腸仔, 是雞肉腸, 味道更是熟悉的, 不是什牌 。奶茶-- 原來熱奶茶味道好好, 好香茶味, 大大杯欠點了滿潟, $24/個早餐, 不錯 !

到了星期天, 11:00剛好早、午餐交接時間, 要食飽一點可以午餐,想食少一點早餐都不錯 。慣常點了兩個西冷牛扒餐,配汽水, 另三份特式早餐 。我點了魚柳餐配煎蛋加半件餐肉, 加杯抵飲的凍奶茶, 可以捱到下午 4:00。魚柳大大的一件配上沙律醬, 每星期必叫項目, 廚師從未失手, 雞蛋、餐肉都係一個模式, 一種味道, 真係習慣。凍奶茶, 冰不多, 夠大杯, 茶味夠滑,唔錯 !這裡的扒餐真的很抵食, 33元起配汽水已有一個, 三塊牛扒夠大件, 稔滑邊度揾 ?薯條又夠脆, 有點似大胃王比賽, 愛食扒一族不妨到來一試 。

到了涌美村, 真係好似街坊咁, 度度都撞到熟口熟面的老街坊 。當中還是什麼校長 、老闆.... 大家好識做, 見到我們一行幾人, 個個都自動自覺識讓位, 試問香港有幾多人還識做這些基本動作呢 ? 每次早餐都是a-d範圍內, 部分可以因應要求作修改而不另收費, 俾著第二間都可能鬧左好耐; 一片牛油多士從舊式的烘烤爐出來, 魚柳/牛扒/雪菜米粉無一令人失望, 份量多夠晒飽, 以我一個大胃王來說, 10:00吃可以捱到下午4:00先至再食, 飲品不太甜, 奶茶、鴛鴦都無所謂, 平均都係 $19-$24一個餐, 冷氣夠晒凍, 附近環境近街市,還有短暫停迫的貨van賣不同物品, 好有特色, 不妨逛逛 。

由翠怡上來其實好近所以我都喜上來吃, 反正都是5-10分鐘路程, 這兒便宜一點, 味道可能也好少少咖哩雞扒飯雞扒真的很大, 煎得香香的, 邊位有點脆皮, 真好汁也挺多, 少少hea,可能溝d水多d, 可以多d香料,不過茶餐廳質素都幾好喇, $24加$2 冷飲

今次我行遠少少，發現這裡好多人幫襯，有室外同室內，快餐形式，人頭湧湧，找個位都難，幸好我得一條友，找到個貼牆位坐坐，我其實點了咖哩肉片，送到來變了咖哩牛南，咖哩味香濃，入口辣（中辣），所以我有些頂不住，要灑些糖中和，咁先食到，牛南筋多肉少，仲有青椒和洋蔥，但無薯仔，真可惜。送熱飲。

這是一間位於青衣的餐廳可是，去到這間餐廳覺得，遠離左市區，好似入到梅窩、長州、西貢等的感覺基本上，餐廳門口唔會有車駛過（除左居民出入、運送食物）這裡，昆繁華中的休閒地來到這間餐廳（如果唔趕時間）會追求的，可能是一種遠離繁僥的感覺但是，離開那裡2分鐘後，到街的盡頭，又會回到車輛甚多的大馬路又回到令人熟悉又繁忙的地方那天，我沒有點快餐（因為唔趕時間）點了焗葡汁雞球飯等了約莫十分鐘在這裡，會發現，原本繁僥可以離我們那麼近又可以那麼遠本來平日不會怎樣留意的餐廳座椅的擺設今日卻花了少許時間去研究餐廳內部是快餐店式的擺設，而門外則似大排檔，但有帳布遮頭，不怕雨淋餐廳的一旁有一道巷子（感覺上真係好似去左鄉郊地方食野禁）可惜的是，餐廳門外的座位是吸煙區，意味著在那些座位進食有機會連同二手煙一同吃到肚子裡終於，上菜了。那個焗葡汁雞球飯，賣相真的不行表面像是焗完之後又被弄濕了似的發漲了吃下去，味道還可以不過，雞肉味略咸兼葡汁冇味只有飯那個部分，吃下去是好吃的算吧了，來這裡是吃意境的，味道反是其次況且，又不是難吃得嚥不下去覺得可惜的是，這間餐廳，並沒有特色美食……

座位有室內或室外, 室內的座位頗狹窄, 不過在炎熱的天氣下, 還是坐有冷氣的室內較好.星期日早餐時段很旺場, 多數都要搭枱.當日我點了味菜豬掛米粉配餐飲($23), 特別要求阿姐多加味菜給我, 開胃又惹味, 味道不錯.老公點了豬排配腸仔煎蛋餐, 只是一般行貨, 幸好凍檸茶, 茶味夠濃.

家附近的茶餐廳沒有太多是好的，目前最看得上的就是好拍檔小廚和祥發茶餐廳。某天外出午餐，祥發又座無虛席，便走幾級樓梯到這。這有分室外座位及室內座位。室內座位雖有冷氣，但仍有蒼蠅飛過，而且地下不太乾淨(不代表有蟑螂)，怕骯髒的話，可以坐外面。這最看得上的地方是多選擇，有飯、有粉和還有牛扒。牛扒好比扒x之王及x王里多倍，又平、又大碟，而且只需約三十元。飯及粉十分大碟，如果吃不完的話可以叫他們做小一點，畢竟支持環保嘛！