Happy Together Hotpot

今日想同大家講吓呢間九龍城開嘅打邊爐鋪門面同舖頭都裝修得好靚以舊情懷 舊香港為主有80年代 花樣年華嘅感覺之後就開始睇吓諗住叫咩食我哋叫咗個花雕醉雞鍋湯底湯頭非常之甜 而且雞都好鮮味湯底非常夠味 湯都飲幾碗之後就開始叫火鍋料特級牛肉大 差唔多$400性價比麻麻 質素唔太高而且份量都唔多蝦滑同黑松露墨魚滑一條切到四粒仔份量都係唔多黑柏葉爽口 百頁豆腐吸味水魷都爽口 價錢整體偏貴小食鬼馬炸油炸鬼出色粒粒炸到脆卜卜入面釀咗蝦膠點埋個甜酸汁非常清新開胃最唔掂係個即炸響鈴首先係等咗好耐直頭熄埋爐唔記得點過最後嚟到 炸到碎濕濕完全唔脆食落口霉霖霖唔值得推薦甜品糖不甩非常值得打卡而且味道充滿回憶抵讚啫喱加花奶又係回憶殺以前細個成日食整體職員服務非常好有禮貌之餘亦都好好服務會主動加湯亦都會主動幫你撇油仲要係唔止一次間唔中就過嚟不過打電話嚟book位嘅時候有少少唔好感覺初頭諗住帶酒去其實講真 你收幾多就幾多明買明賣 有時又話100有時又話平俾你收50之後又問你幾多個人？有冇book位？帶幾多支酒？帶咩酒？問完水蛇春咁長之後又話揀啲貴餐可能會豁免到之後又話帶咗過嚟先再睇吓點 非常模糊感覺非常差一就一二就二唔好搞咁多嘢整體嚟講都好難會有回頭客首先價錢都算略貴而且份量好少仲有一嚟到就會好刻意勁Sell 海鮮啲海鮮又貴 又係好少我見到隔籬枱有叫完全係伏 性價比其低嚟到都係for打卡多不過侍應服務真係幾好 抵讚…Read More

今次去咗九龍城懷舊火鍋店，入面有好多懷舊擺設，坐低之後，店員就會即場喺面前清潔餐具，座位環境闊落，店員服務態度好，除咗單點火鍋配料之外，亦有海鮮套餐可供選擇，完場仲有免費甜品（遮仔啫喱/糖不甩）送。.胡椒豬肚少爺雞湯 $258安格斯牛肉（細） $208 👍🏻梅花黑豚肉 $108肥美鵝腸 $98 👍🏻蟹籽蝦滑、手打墨魚滑 $98鱔片 $108水魷 $58灌湯小籠包 $38 👍🏻鵪鶉蛋燒賣 $48唐生菜、娃娃菜、金菇 $38蕃茄 $28老油條 $28稻庭烏冬 $38…Read More

突然間想同屋企人打邊爐，於是就去咗九龍城嘅同撈同煲。去完之後覺得真係幾抵食喎。先講價錢，三個人$1000有找，而且係食得飽嘅。單上面見到嘅折扣係OpenRice訂先有，不過去得部份嘅嘢食有折，湯底牛肉嗰啲都冇。$298嘅安格斯牛肉，而且係大份，好夠食。美人鍋$228已經包咗半隻雞同大量冬瓜，入邊仲有花膠，亦都好抵食。另外比較抵食，同出色嘅有即炸響鈴，$58有好多條，又大條。呢度嘅黑柏葉係成塊咁上，幾特別另外佢嘅瀨尿牛丸同樣顏美人鮫，都係特別又好食嘅嘢，值得叫。最後要剛剛甜品。呢度係會送啫喱，另外再送用糯米糍造成嘅魚，好食又好影，呢間餐廳真係幾有心。…Read More

呢間打邊爐以懷舊香港做主題，好有特色，亦都好多打卡位🤩入邊環境闊落，適合一班人嚟聚會～湯底選擇都幾特別，咩都有咁😗叫咗雞湯湯底，真係半隻雞喺你面前上嘅🫣主打一個真材實料！打邊爐之前可以飲飲個湯都好鮮甜😝懷舊蝦多士～外皮炸得金黃香脆，細細粒，大嚿蝦肉，用嚟做為前菜😆呢度嘅嘢食種類好多有刺身海鮮，有火鍋餡料，又有茶餐廳的小食，飲品，仲有埋甜品添😳呢個醤爆瀨尿牛丸都必點啊😋佢新鮮彈牙，而且入邊肉汁爆汁爆出嚟，真係好正🤪黑松露墨魚滑～新鮮嘅食材果然唔同啲！配上黑松露幾特別😙特级手切牛肉🐮好的手切牛肉通常選用優質部位，牛肉色澤鮮紅，脂肪分布均勻，簡單碌1碌已經食得出肉質鮮嫩多汁又滑嫩🤤呢個豆腐特別在真係好似平時直接自己街市買咁新鮮？豆味十足又滑嗰下 ，真係要拎出嚟讚一下😙芋絲用嚟吸收吓湯汁，又唔會太肥膩～最後仲會送呢懷舊甜品～久違嘅煉奶啫喱😋隔籬嗰個就等你哋嚟到估吓啦🤣🤣都係佢哋嘅招牌甜品😌整體而言真係性價比好高，價錢算係中價，但有得玩有得食而且係有質素嘅新鮮味道，相信會再來🥰…Read More

今晚約咗舊同事出嚟食飯，純粹傾吓偈鬆一鬆，所以今晚叫咗唔算好多嘢。我就燒完烤先去，去到嘅時候已經開緊餐食緊牛頸脊。見到成間餐廳淨係得我哋一台，都驚有啲中伏。但坐低食囉個牛頸脊都幾得，肉味都幾濃。最靚都係個沙嗲湯底，超香濃又有花生粒。不過啱啱食完嘢食，如果唔係嘅話一定留個烏冬落去掛一掛湯。基本上打邊爐啲料都新鮮嘅，尤其是個田雞，劏完出嚟啲腳仲喺度彈吓彈吓。啲水餃都好飽滿大大隻幾足料。食到八點幾全場終於坐咗三份一人。打完邊爐之後仲會有甜品，但係太飽叫佢唔使上，留返下次先再試。事次用餐為自費。…Read More