同仁堂

Open Now

Now Closed

身為附近嘅街坊，一定識呢一間涼茶，因為佢哋真係自己煲㗎，喺鋪面可以見到有佢哋後面嘅製作，今時今日喺香港，呢一種風格呢種風味真係少之又少，好識得珍惜，所以佢哋嘅質素真係好正宗，食好多炸嘢得閒試返幾度涼茶，下下火都唔錯！

#小秘書 呢排硬係覺得成個人 #浮浮腫腫，頸緊膊痛，想飲碗 #祛濕茶 清下啲濕毒，點知原來 #冬天 係唔會咁易搵到有人賣 #祛濕茶 嘅👉🏻👈🏻 呢日受媽咪所托，走到嚟 #葵芳 入貨，估唔到比我誤打誤撞又搵到😬 其實我之前都路過「同仁堂」好幾次，不過冇病冇痛當然唔會無啦啦去飲苦茶🤪 但係佢哋個廣告牌寫到 ‘暗瘡濕疹、祛濕排毒、皮膚痕癢、大便不舒’ 樣樣都醫得好，我就拎$25出嚟搏一搏，睇吓佢有幾神奇😅 #事頭婆 仲話佢哋嘅 #祛濕茶 加咗 #茯苓🧐 #茯苓 其實又有咩功用呢？不過唔知心理作用定點，飲完冇幾耐又好似真係好咗啲😅女人真係易呃嘅啫🤣🤣

最近食得太多有少少熱氣，平時食開嘅龜苓膏多數嘅質感都好似落咗好多魚膠粉嘅果凍咁。不過朋友最近介紹嘅呢間同仁堂就有啲唔同，質感唔會太膠，聞倒有藥材味之餘，食落亦唔只係得苦味，反而帶點甘味。

近排出街食多左野， 非常熱氣， 係公司附近 同仁堂買左支廿四味$24。幾年前都買過杯飲， 味道甘苦， 飲完好舒服，所以今次特登買一支 O, 大不如前， 甘苦味淡左， 感覺功效亦少左

31-1-2013(四)唉。。。感冒已去至第三天，時好時壞，好！再喝涼茶，以舒緩一下喉嚨。與同事在「尚賓樓」吃過午飯後，來到「同仁堂」喝碗野葛菜，才駕車回公司去。價錢是 8 元一碗，溫熱，可一口氣喝下。它用上野葛菜、蜜棗、陳皮及無花果來煲，雖然沒有肉，喝起來也很清甜，見效與否則是未知知數，但喝完後，喉嚨立刻有點涼意、舒服一點。。。口中留下陣陣餘甘，我帶著這種味道，擠出人群，再上征途回公司搏殺。。。

每次經過這間涼茶店都聞到濃濃的涼茶味道,多年來也買了不少廿四味,到最近才發現這裡都有葛菜水!!當然不會錯過。濃黑的葛菜水有著葛菜和羅漢果的甜味,沒有陳仔那麼濃甜,但也沒有灣仔兩間同類型店舖那種咸味,個人比較喜歡這種較清甜的味道,近在迟尺也有這水準的葛菜水,真的非常好。以前買過的廿四味同樣的夠功力,苦味及漆黑程度凌駕於區內其他的涼茶店的廿四味,不過很久沒喝過,不知道是否仍保持水準了。