吉龍糖黑糖茶飲專賣店 (Closed)

又一間黎自台灣既茶飲鋪💛餐牌選擇唔多我都係揀返最大路既黑糖鮮奶～店員都好有禮貌😂 會主動幫人落單果時佢問左我要唔要少甜平時黑糖產品都無得少甜🤔我就覺得奇怪咁當然要啦～ 要左半糖但飲第一啖真係甜到飛起😂忍唔住望下張標籤..真係寫住半糖一度懷疑佢地睇漏左 但我諗佢係溝多左冰 等佢慢慢融 變少甜..咁我唯有等佢融下😂但其實都飲得出個黑糖鮮奶好細滑🤔黑糖都煮得唔錯.. 而啲珍珠都煲得好冧好冧😛😛好有咬口…Read More

假日落旺角，行行下想飲野，剛好來到登打士街，順便睇下有咩飲，見到一間台式飲品店吉龍糖，同屬台灣過江龍，主打黑糖茶飲，招牌貨是日本沖繩黑糖煮珍珠，聽落吸引好奇試下。 選擇不算太多，好快揀到心水。 友人的黑糖珍珠厚奶。 黑糖珍珠炭燒烏龍，$22，要了半糖半冰，烏龍口茶香醇厚，甘潤不苦，黑糖珍珠香甜，口感煙韌，味道不俗呢。 杯上有窩心的提示，飲品為新鮮製作，請儘早飲用確保絕佳，飲品內如含顆粒物，請慎用吸管，小心飲用。下次有機試奶茶。…Read More

登打士街好多間黑糖珍珠鮮奶都試過，諗住試一間冇試過嘅「吉龍糖」，見佢裝修都幾靚，係吸引到我埋去既，賣相都幾好既，價錢都正常既，見佢冇人排隊，都估到唔係太好飲。。。不過會唔會難飲咗啲🤯叫咗少冰少糖，不過仲係好甜，啲糖都未沖好，仲食到一粒粒，好似食海鮮食到有沙咁既感覺。。。奶冇奶味，好淡😑一大杯冰水加糖咁，完全飲唔到奶味同黑糖味，真係伏😪 好在冇叫珍珠，相信珍珠會再扣好多分🤭 不過都係要試過先知伏🙌🏻無下次了…Read More

📍 吉龍糖黑糖茶飲專賣店 黑糖珍珠烏龍拿鐵@ $28主打各款黑糖飲品既「吉龍糖」，這次試左佢既黑糖珍珠烏龍拿鐵-拎上手d珍珠係熱既，珍珠份量都夠多。黑糖甜甜地又帶有少少焦香，微微滲透入拿鐵內，好滑好好飲。佢既黑糖話用左沖繩黑糖黎整，唔會得死甜既味道。烏龍茶香突出，唔會俾鮮奶同黑糖掩蓋曬茶味。成杯用左10分鐘就飲完嚕。唔錯唔錯，可以翻兜。-地址： 旺角登打士街43S鴻輝大廈地下B號舖-推介指數👍🏻👍🏻👍🏻👍🏻抵食指數👍🏻👍🏻👍🏻👍🏻(5個👍🏻為滿分)…Read More

早一排去咗旺角掃下街, 咁食完嘢就要買杯飲品架啦, 登打士街越開越多間嘅台式飲品, 去到都唔知應該試邊一間好, 對我黎講, 其實每間嘅珍珠奶茶味都係咁上下, 既然係咁, 我就當然揀間冇咁多人等嘅去買啦..:)見到"吉龍糖"居然冇人買, 就買咗杯"黑糖珍珠厚奶"試吓... 第一次幫襯, 揀d 比較熱門嘅應該會穩陣d.$30一杯其實都唔平, 又唔大杯,不過好彩味道唔差, 但係點解又冇乜人幫襯呢? 莫非其他嘅台式飲品比佢更好飲? 比佢平? 定係比較大杯d呢? …Read More

旺角登打士街新開咗幸福堂，掀起另一個排隊飲珍奶熱潮。今次試一試同一條街但長期冇客嘅「吉龍糖」.黑糖珍珠鮮奶 ($30) ——佢哋已經放棄咗「掛杯」呢件事，味道亦只可以話普普通通。30蚊一杯唔係好值，可能係租貴，又要俾加盟費。.優點：唔需要排隊....🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢🤢…Read More

對有關黑糖既飲品都有種情意結，經過古龍糖，單單睇個招牌同名都幾有氣勢，一於試下佢！例牌試下佢黑糖珍珠厚奶，下次會叫少甜會較好，佢既正常甜度都幾甜下，略嫌佢既奶味唔太重，珍珠都夠煙韌有咬口！另外佢黑糖個份量都好多同可能熱度唔夠，一搖雖然好易出到紋路，不過搖多幾下就成杯一條紋都無曬，黑糖沾滿成杯，影相都影唔切黑糖珍珠奶茶而家開到成行成市，而古龍糖都唔差既，只不過太多競爭同比較，不過不失，經開一試無彷，不過搖幾下好停手…Read More

啲人話係同老虎堂打對頭 因為路過旺角又唔想飲普通嘅珍珠奶茶 見到呢間嘅裝修 好似好霸氣咁 忍唔住就試下 我嗌咗兩杯沖繩珍珠厚奶 睇圖都見到 珍珠唔算多 奶就相對比較多 佢用嘅係明治奶 加上沖繩黑糖再配珍珠 珍珠都幾大粒 幾有咬口 唔錯可以食到有好香嘅黑糖味 但係杯奶茶 茶同奶嘅味道唔係好夾 可能加上珍珠都幾濃味 有啲格格不入 同埋奶味太重 好似飲緊好甜嘅黑糖奶咁 不過 亦都唔算難飲因為佢做到好滑味道亦都幾濃郁 只不過飲完又好飽嘅感覺 由於飲品嘅選擇好少下次應該唔會再試…Read More

旺角著名食街「登打士街」，除了車水馬龍，遊人熙來攘往之外，「登打士街」裡面的食店變動，亦都是來來往往，有始有終地不斷開張結業，一雞死一雞鳴，生意再旺的食店在「登打士街」，隨時間都有面臨結業關門的命運。我都已經忘記了台灣手調飲品店「吉龍糖黑糖紅茶專賣店」（下稱「吉龍糖」）的舖位，究竟舖位上手的東主是什麼食店，賣什麼風格的食品或飲品，我只知道上手的業績應該好極有限。如果「吉龍糖」上手食店生意是好得不得了，大概就不會這麽快就結業收場，令到「吉龍糖」在我也不知道的情況下，迅間進入旺角跟「登打士街」，建立多一間台灣外賣手調飲品店。不過，可能因為台灣很多知名手調飲品店，最近都已經進駐旺角，建立在旺角的第一間分店，結果「吉龍糖」在這一片台灣飲品店的熱潮之下，生意也受到影響，店外幾乎沒有食客排隊輪候。從我個人目測所見，「吉龍糖」即使在最多人購買飲品的期間，最多都只有兩三個人排隊而已。「吉龍糖」食客不多，除了因為旺角到處都有飲品店之外，「吉龍糖」的外界評價一般也是重要原因。所以我很快就在「吉龍糖」，購買到第一杯飲品，第一杯購買的「吉龍糖」手調飲品，是坊間大熱流行的黑糖鮮奶飲品，「黑糖珍珠」鮮奶飲品。「吉龍糖」奇就奇在，分別推出「鮮奶」跟「厚奶」兩個版本黑糖飲品。「吉龍糖」在處理「黑糖珍珠」手調飲品這方面，竟然選擇了推出兩個不同鮮奶濃厚版本，純粹北海道鮮奶撞黑糖的「鮮奶」飲品，還有北海道鮮奶撞其他口味鮮奶，撞出濃厚版本鮮奶的「厚奶」飲品。「吉龍糖」除了推出了「黑糖珍珠鮮奶」，以及「黑糖珍珠厚奶」飲品之外，竟然還推出了價錢比較便宜，沒有包含珍珠在內的純「黑糖鮮奶」飲品。而且「黑糖鮮奶」的售價，竟然比「黑糖珍珠鮮奶」和「黑糖珍珠厚奶」便宜了三元港幣，所以我首先在「吉龍糖」收銀櫃檯面前，付款購買了一杯價錢比較便宜「黑糖珍珠厚奶」。「吉龍糖」的「黑糖珍珠厚奶」，跟很多台灣飲品店裡面製造的台灣手調黑糖珍珠撞奶飲品一樣，都是無法要求調校改變飲品裡面的冰塊，以及飲品裡面的甜度，設定都已經被固定鎖死了。所以很多手調的台灣黑糖珍珠撞奶飲品，飲品裡面的冰塊，往往都會有大量的冰塊，冰塊多得幾乎要食客花上三十塊港幣購買一杯黑糖珍珠撞奶飲品，到最後真正喝到的黑糖鮮奶卻是少之又少。例如我的「吉龍糖」「黑糖珍珠厚奶」飲品都一樣，裡面也有很多質感還是冰凍狀態的冰塊，直到我喝完「黑糖珍珠厚奶」為止，冰塊還未完全融化。至於「吉龍糖」「黑糖珍珠厚奶」裡面的鮮奶味道，我覺得鮮奶奶味都還可以接受，只是飲品裡面的冰塊數量實在太多了，多得叫人無法享用飲品，無法清楚了解「黑糖珍珠厚奶」實際飲品真正甜味。加入「吉龍糖」廚房店員為「黑糖珍珠厚奶」實際飲品，加入了很多的黑糖糖漿，所以黑糖糖漿的濃厚甜味，令到「黑糖珍珠厚奶」最後喝到的黑糖甜味，甜得有點過猶不及，甚至蓋過了北海道牛乳的奶甜味。至於「黑糖珍珠厚奶」裡面的北海道牛乳甜味，亦因為「吉龍糖」廚房店員加入了太多黑糖糖漿，導致飲品底層的黑糖糖漿甜味，完全凌駕了北海道牛乳本身甜味，我幾乎喝不出厚奶裡面的牛奶甜味。至於「黑糖珍珠厚奶」裡面的珍珠，亦稍嫌黑糖珍珠體積偏小和口感偏硬，黑糖珍珠的數量也不算很多，所以我喝多幾啖「黑糖珍珠厚奶」，已經幾乎把所有珍珠都吮光了。歸根究底，「吉龍糖」「黑糖珍珠厚奶」的黑糖糖漿，跟北海道牛乳本身都沒有太大的問題，真正問題可能是在黑糖糖漿，跟北海道牛乳的調校上出了問題，導致飲品實際味道變得太甜。我直到快要飲完「吉龍糖」「黑糖珍珠厚奶」的一刻為止，「黑糖珍珠厚奶」杯底仍然有很多冰塊剩下，黑糖珍珠的數量卻已經所餘無幾了。至於我在試飲完「吉龍糖」的「黑糖珍珠厚奶」之後，再付款購買的另一款飲品「黑糖烏龍拿鐵」，飲品的價錢本來只需要港幣二十四元正，但是「吉龍糖」容許另外加四元追加珍珠。所以我的「黑糖烏龍拿鐵」加珍珠飲品，實際上的價錢只需要港幣二十八元而已。雖然「黑糖烏龍拿鐵」裡面的北海道牛乳味道，沒有其他飲品那麼濃郁，但是卻換來黑糖甜味調校也沒那麼過份。而且烏龍茶本身味道，已經有一股比較清涼的感覺，所以即使「吉龍糖」沒有為「黑糖烏龍拿鐵」飲品加入太多的北海道牛乳，「黑糖烏龍拿鐵」飲品仍然能夠擁有一股來自烏龍茶的清新甜味。至於「吉龍糖」廚房，為所有黑糖飲品表面的花紋圖案的拉花，都比我購買前預計來得比較馬虎，「吉龍糖」廚房店員只是酙了大量黑糖糖漿，而沒有刻意使用技巧控制黑糖糖漿流量，導致黑糖花紋效果比較雜亂。而且「吉龍糖」廚房店員在製作「黑糖珍珠鮮奶」的時候，落黑糖糖漿太過重手，導致「黑糖珍珠厚奶」的實際黑糖甜味變得太強，壓制了北海道牛乳裡面的甜味。相反地「黑糖烏龍拿鐵」黑糖糖漿甜味就不一樣了，「吉龍糖」廚房店員為「黑糖烏龍拿鐵」倒的黑糖糖漿，比「黑糖珍珠鮮奶」的少了很多。結果「黑糖烏龍拿鐵」裡面的黑糖糖漿甜味，沒有「黑糖珍珠厚奶」飲品那麼強烈。「黑糖烏龍拿鐵」的黑糖甜味加上烏龍茶本身的甜味，令到飲品實際味道，變得比較容易令我接受。而且「黑糖烏龍拿鐵」在我完全攪拌之後，飲品裡面的甜味味道，也變得比較平均和一致。當然，如果飲用之前，可以直接飲一啖「黑糖烏龍拿鐵」，飲到的甜味可能會更好。雖然我不敢貿貿然，回應大部分批評「吉龍糖」黑糖珍珠撞奶飲品的食客意見，事實上「黑糖珍珠厚奶」裡面的黑糖甜味，的而且確是造得有少許過火。反而「黑糖珍珠拿鐵」裡面的黑糖糖漿，「吉龍糖」為「黑糖珍珠拿鐵」注入的糖漿份量，的確是比價錢較貴的「黑糖珍珠厚奶」稍為少一點。「吉龍糖」「黑糖珍珠厚奶」飲品在「一分錢一分貨」，價錢稍貴的飲品要用較多黑糖糖漿的立場下，黑糖糖漿的甜味濃度竟然變得比「黑糖烏龍拿鐵」更重手，「黑糖烏龍拿鐵」的甜味反而比較自然得多了。「吉龍糖」既然身處於，大量知名台灣手調黑糖鮮奶飲品店都紛紛進駐的大型「戰場」「旺角」，「吉龍糖」在處理「黑糖珍珠厚奶」飲品的黑糖糖漿與牛乳比例偏重，以及著重糖漿拉花效果，有矯枉過正之嫌。不過，如果下次我再光顧「吉龍糖」，我就寧願購買和試飲「吉龍糖」的「黑糖烏龍拿鐵」飲品好過。起碼「黑糖烏龍拿鐵」還有烏龍茶的清新甜味，黑糖糖漿在「黑糖烏龍拿鐵」裡面的甜度也沒有「黑糖珍珠厚奶」那麼厲害。所以我覺得「吉龍糖」飲品又未至於很差，只是「吉龍糖」廚房在製作「黑糖珍珠鮮奶」，投放黑糖糖漿時的手勢，有需要調整修正的空間而已。…Read More

這家店在旺角開了不久，店的外形等等、印象都很像幸福堂，都是主打黑糖飲料，也是在門外以人手炒黑糖的，所以忍不住想試一下～本來都充滿期待，而這杯黑糖紅茶拿鐵，黑糖就很正路的味道，而拿鐵……質感來說會覺得有點稀，奶味不濃（但是用明治奶），茶味也不用說，也很淡。茶、奶與黑糖好像不太混得來，味道像是分開的，整體來說有點失望～…Read More

行街覺得口渴經過見到吉龍糖冇咩人排隊就一於試下啦叫左杯黑糖紅茶拿鐵+珍珠珍珠入口就已經有少少溶嘅感覺唔煙韌唔彈牙嘅不過就充滿住黑糖嘅味道超級甜其實飲落係解唔到渴嘅😂飲落就係經典嘅黑糖珍珠奶茶感覺不過不失啦唔係好飲得出紅茶拿鐵嘅味感覺就只係奶茶…Read More

黑糖珍珠厚奶($30)被稱為「老虎堂勁敵」 以採用沖繩黑糖、QQ的珍珠而馳名 選用明治牛奶 奶味香濃 口感幼滑 亦唔會死甜 珍珠口感偏稔 唔夠QQ 不過唔洗排隊 又有咁既質素 係值得一試ϵ( 'Θ' )϶…Read More

年三十 都不忘要飲珍球奶茶好多地方都排隊多人經過吉龍龍又無咩人喎，之前又有人推介過咁就試試佢！叫左杯黑糖珍珠厚奶本身諗住可能係普普通通一杯野飲出到黎似xx堂果杯咁既樣店員都不忘提提要搖完先飲冰都幾多，見到差唔多一半係冰！唯有等到啲冰融到咁上下先開黎飲試味！佢飲落去係有珍珠奶茶味，但個名其實都話俾大家知，係無茶既佢個黑糖味好濃，代替左茶 同厚奶加埋 真係好好飲我唔識點樣去形容果個味道但就係好特別，唔係咁易飲到呢個味道唔知點解覺得好飲過xx 堂雖然周圍都係咁上下價錢，但仍然覺得$30杯 好貴…Read More

黑糖熱潮越嚟越勁，見到旺角又開多一間來自台灣嘅黑糖鮮奶鋪。比起老虎堂，呢間算無咁多人排，佢地嘅鮮奶，奶底好濃厚，感覺上好飲過老虎堂，但相對就較甜，整體都好好飲。另外，佢地嘅烏龍茶，茶底好香好濃，女朋友唔想飲奶又想飲黑糖，就揀左呢杯，好飲得嚟又消濟。…Read More

黑糖珍珠厚奶 ($30)上網好似見到依間的飲品反差都幾大～有人話太甜又人話太奶，Anyway一試就知龍與鳳la😎到手發現係偏細杯，而且黑糖紋吾算特別出眾🧐但飲落卻有意外驚喜，至少冇想像中咁伏～而且飲落去至少味道可以同老虎堂的味道比較一番，奶味夠黑糖甜度剛好是我喜歡的甜度😆珍珠又吾會太硬或者太淋👍我本人幾喜歡就是了，不過係真係細杯左D😂Taste: 8/10…Read More