吉龍糖黑糖茶飲專賣店 (Closed)

又一間黎自台灣既茶飲鋪💛餐牌選擇唔多我都係揀返最大路既黑糖鮮奶～店員都好有禮貌😂 會主動幫人落單果時佢問左我要唔要少甜平時黑糖產品都無得少甜🤔我就覺得奇怪咁當然要啦～ 要左半糖但飲第一啖真係甜到飛起😂忍唔住望下張標籤..真係寫住半糖一度懷疑佢地睇漏左 但我諗佢係溝多左冰 等佢慢慢融 變少甜..咁我唯有等佢融下😂但其實都飲得出個黑糖鮮奶好細滑🤔黑糖都煮得唔錯.. 而啲珍珠都煲得好冧好冧😛😛好有咬口…查看更多

假日落旺角，行行下想飲野，剛好來到登打士街，順便睇下有咩飲，見到一間台式飲品店吉龍糖，同屬台灣過江龍，主打黑糖茶飲，招牌貨是日本沖繩黑糖煮珍珠，聽落吸引好奇試下。 選擇不算太多，好快揀到心水。 友人的黑糖珍珠厚奶。 黑糖珍珠炭燒烏龍，$22，要了半糖半冰，烏龍口茶香醇厚，甘潤不苦，黑糖珍珠香甜，口感煙韌，味道不俗呢。 杯上有窩心的提示，飲品為新鮮製作，請儘早飲用確保絕佳，飲品內如含顆粒物，請慎用吸管，小心飲用。下次有機試奶茶。…查看更多

登打士街好多間黑糖珍珠鮮奶都試過，諗住試一間冇試過嘅「吉龍糖」，見佢裝修都幾靚，係吸引到我埋去既，賣相都幾好既，價錢都正常既，見佢冇人排隊，都估到唔係太好飲。。。不過會唔會難飲咗啲🤯叫咗少冰少糖，不過仲係好甜，啲糖都未沖好，仲食到一粒粒，好似食海鮮食到有沙咁既感覺。。。奶冇奶味，好淡😑一大杯冰水加糖咁，完全飲唔到奶味同黑糖味，真係伏😪 好在冇叫珍珠，相信珍珠會再扣好多分🤭 不過都係要試過先知伏🙌🏻無下次了…查看更多

📍 吉龍糖黑糖茶飲專賣店 黑糖珍珠烏龍拿鐵@ $28主打各款黑糖飲品既「吉龍糖」，這次試左佢既黑糖珍珠烏龍拿鐵-拎上手d珍珠係熱既，珍珠份量都夠多。黑糖甜甜地又帶有少少焦香，微微滲透入拿鐵內，好滑好好飲。佢既黑糖話用左沖繩黑糖黎整，唔會得死甜既味道。烏龍茶香突出，唔會俾鮮奶同黑糖掩蓋曬茶味。成杯用左10分鐘就飲完嚕。唔錯唔錯，可以翻兜。-地址： 旺角登打士街43S鴻輝大廈地下B號舖-推介指數👍🏻👍🏻👍🏻👍🏻抵食指數👍🏻👍🏻👍🏻👍🏻(5個👍🏻為滿分)…查看更多

早一排去咗旺角掃下街, 咁食完嘢就要買杯飲品架啦, 登打士街越開越多間嘅台式飲品, 去到都唔知應該試邊一間好, 對我黎講, 其實每間嘅珍珠奶茶味都係咁上下, 既然係咁, 我就當然揀間冇咁多人等嘅去買啦..:)見到"吉龍糖"居然冇人買, 就買咗杯"黑糖珍珠厚奶"試吓... 第一次幫襯, 揀d 比較熱門嘅應該會穩陣d.$30一杯其實都唔平, 又唔大杯,不過好彩味道唔差, 但係點解又冇乜人幫襯呢? 莫非其他嘅台式飲品比佢更好飲? 比佢平? 定係比較大杯d呢? …查看更多