Yoshinoya (Tai On Building)

晚餐求其同朋友去咗吉野家食飯，之後見到有嗰個壽喜燒濃湯底火鍋好有興趣，分別加咗腸仔同埋芝士狗卷，一個點好搞笑，佢將兩個火鍋嘅牛肉放埋一碟，跟住同我講話依間係特別啲要加$13同埋佢張poster嘅價錢係唔同，味道就不過不失，預先已經將配菜放晒入個煲度好容易滾瀉壽喜燒湯汁好濃太多水，分別叫咗雞肉牛肉同埋和牛，和牛油分適中配搭壽喜燒湯係好食，醬料剩係得芝麻醬略嫌有啲乏味，其他配菜都正正常常普通食飯時間冇咩人，如果用80幾蚊性價比中規中矩不過不失，但係要分開返裝…Read More

平時最鍾意去屋企附近吉野家食早餐近期見推出咗鹽燒和牛丼，牛魔王嘅我前兩去食左鹽燒和牛丼同下午茶，真係不錯！✨鹽燒和牛丼套餐$83 包埋溫泉玉子+鮮嫩時菜+麵豉湯/日本茶🍵採用了M8-M9優質和牛，大大塊肉，油花均勻，肉質柔嫩，配上特調鹽汁，味道香濃，能帶出肉質鮮味配上有咬口椰菜絲同惹味芝麻和七味粉飯仲有海苔，豐富口感😋✨小食超扺加配價 (比之前便宜) ，我哋加咗$12就已經有一碟金菇牛肉串，金菇肥牛卷燒到金黃色，脆面肉嫩多肉汁✨ 招牌和風牛肉丼薄切肥牛，入口即化軟嫩肥牛，最鍾意食滲透秘製汁的洋蔥🧅✨牛肉煎雞雙拼丼軟嫩肥牛拼煎香雞肉兩面金黃色，雞肉香甜嫩滑，配上新鮮西蘭花，豆同紅蘿蔔🥕都唔少而家早餐同下午茶餐有輕食之選「和風牛肉、嫩滑炒蛋配迷你飯/米粉」及「腸仔配嫩滑炒蛋米粉」，價錢低至$20起，加$5 可升級套餐，所有餐品都配有飲品 (包括汽水)，好抵食！…Read More

今日係app叫外賣自取，仲有八折，好開心，因為好耐無食吉野家。拎到返屋企，打開發現啲牛同以前唔同曬，而家個啲係好大塊既肥牛，好多筋，好肥⋯超鞋口。個汁以前係啡啡地色，但而家係老抽咁既顏色，同埋勁咸⋯我究竟食左啲乜？食左兩啖掉左⋯好想反胃，勁難食。我好耐無食吉野家，係咪而家啲牛同汁已經變左咁呢？定係呢間分店咁嚇人？我真係無信心再食多次⋯我好少寫食評⋯今次真係忍唔住⋯難食到痴鬼左線🤢🤢🤢🤢🤢 …Read More

今天又想食吉野家，所以去吉野家買外賣，今天買了兩個野菜牛肉飯（大盛）外賣，去到已經有點奇怪，中午一點鍾食飯時間完全冇人，堂食只見一個職員食飯中，只見有一袋外賣，完全冇見過一個客，其實早兩個月前都買過，當時仲好多人買和堂食，到返到屋企打開飯盒便明白，一個大盛牛肉飯的飯竟然咁少，連老婆都話咁少飯，牛肉當然吾多啦！分量明顯比兩個月前細了一個碼，吾怪之得個場咁吉啦！如果繼續落去這間吉野家都應該好快會關門。…Read More

日本邊遇上地道「麻辣」湯底，會係點？會唔會係辣味出啲？定係會辣到噴火 ?!久唔久又開始有火鍋癮，但係有冇朋友陪食，最鍾意打一人邊，簡簡單單去吉野家打一打過下癮。平時就通常叫日本邊配鰹魚湯底，原來近排出咗新湯底，蕃茄湯「麻辣」湯底，酸酸甜甜又開胃! 這個湯底可以freestyle咁調配屬於你嘅辣蕃茄濃湯湯底，本地自家秘製辣醬 可以自己加入湯底，想加幾多就幾多，唔食得辣加少少就夠啦，佢嘅辣醬真係幾麻吓，但配咗蕃茄湯底加返少少甜度，中和返少少，所以麻辣同蕃茄甜都好平衡嘅~配料都好豐富，分別有優質嘅穀飼肥牛，水餃，年糕福袋等等，總括來講性價比都幾高，70幾蚊就有好多嘢食，仲包埋個主食，可以揀烏冬、粉絲、麵或者白飯吉邊定食仲有好多選擇，食平啲其實$48都有交易啦!除咗食物，不妨去新店，呢間响西灣河新裝修，細細間幾有私隱度，一、兩個人食好舒適…Read More

平時日本benno 配鰹魚湯底食得多啦，有個辣癮，淨係鰹魚湯點會滿足到我？今次就試下加辣湯底，吉野家新蕃茄麻辣鍋，入邊有自家特製辣醬，可以根據你自己prefer嘅辣度，自由加去落，調到自己鍾意～食得辣，落晒成兜，辣得過癮！蕃茄湯底湯底酸酸甜甜，配上麻辣另一種風味，一開始食咗蕃茄湯底先，清清地，之後就落佢哋嘅特製辣醬，即刻刺激晒，本身火鍋包嘅材料都好多，水餃，雞肉，蟹柳，娃娃菜，南瓜等等，剩低嘅蕃茄麻辣湯底仲可以煮埋烏冬，索湯好味道，勁飽肚。特別一提，吉野家肥牛好好口感，好似因為佢哋嘅切法唔同一般，點煮都唔會老!另外唔夠食嘅話仲可以額外加配料，有超過10款選擇! 穀飼肥牛，滑嫩雞肉，最鍾意嘅芝士竹輪同埋皇牌年糕福袋等等～！順帶一提依家有做緊優惠，一番吉邊定食 嫩滑雞肉$48，晏晝4點到5點半食嘅話仲有$5優惠喎 ，早食早享受…Read More