Yoshinoya (Closed)

前幾日去左吉野家食早餐～見佢出左款特盛洋食朝食都幾豐富就試一試佢～個餐入面有件炸魚柳＋炒蛋＋茄汁豆＋煙火腿，仲有碗日式豬骨濃湯烏冬同埋飲品，全部加埋＄32價錢還可以～炒蛋都唔細份，炒得唔錯幾嫰滑～仲有好耐冇食過既茄汁豆都有一大堆～煙火腿就正常野冇乜特別～而碗烏冬就普普通通，豬骨湯底唔算好鹹，入面烏冬唔算多，粟米粒仲多。。同埋烏冬煮得偏林，唔夠彈牙。而全個套餐最差就係件炸魚柳，外表睇落已經炸得有d過火，稍為深色，咬落去都唔算熱，而且魚肉口感好實，一d都唔鬆脆，炸魚柳黎講都幾差，不過好彩杯熱奶茶都幾岩飲，奶味比較重。總結：除左件炸魚柳之外 整體都ok，下次如果再食呢個套餐應該會食雞扒。…Read More

「當潮流愛新鮮」，很多食肆都推出不少花招吸引食客光顧，例如炸雞店有得打一人邊爐，牛肉飯專門店就賣蘑菇飯，都成功吸引一眾貪新鮮的食客，當然我亦都不例外!經過吉野家就試下新推出的蘑菇系列，叫左蘑菇牛肉飯配日本茶🍵$24蘑菇汁少得可憐，完全吾夠我撈飯😣 而且個汁好稀好淡，稀得黎好似茨汁，蘑菇汁的蘑菇味並不濃郁帶點忌廉味，總之就怪怪地😫，配上有牛肉汁的牛肉一點都不夾，講到底蘑菇飯始終都是肯記做得最出色，我覺得吉野家都是不要挑戰創新，專注做好牛肉飯同日式涮涮鍋仲好😥…Read More

豚肉飯下午茶係非常抵食，只係大約＄20 ,出面食唔到。上面嘅豚肉份量亦都唔少，見到起碼有＄5。每塊都唔算太薄，唔會變得好透明。每塊都有少少甜（因為醃左），送飯好好味。珍珠米分量ok，味道幾好、唔會太稔。檸TEA冇檸檬，擺明假野，不過有個味都ok啦，比較甜！…Read More

第一次食吉野家既打邊爐，怎麼說，我覺得算係偏貴，比較驚喜既有兩條超長蟹柳，其他配料有 4 塊肥牛，2 舊豆腐，4 隻迷你青口仔，2 塊南瓜仔，1 個大冬菇，1 舊金菇菜，一堆娃娃菜，跟飯或 +$ 轉烏冬，揀左日本清湯，味道不過不失，係覺得唔抵食 🌝…Read More

今早、趕得及十一点前買到最後一份早餐、喺冇選擇下、都搅唔清A餐定B餐喇！是但啦……自香港有吉野家以来我都未試過喺度食早餐、係第一次、見圖啲買相幾吸引咁、 等左一陣、個餐同個圖一樣对板嘅、味就……試吓先！B3餐有……什菜、鷄件、炒蛋、牛角包配一碗豬柳漢堡米粉+飲品一杯 $34 什菜比較淋身、鷄肉皮香脆肉質唔“鞋“配上照烧汁、甜甜地個牛角包就唔脆、好似洩左氣嘅氣球咁……😯米粉算爽口、豬栁味道一般無特别、湯底有小小木魚味、好清淡、幾乎冇油、怕油膩嘅我、啱曬！都算係一個满意嘅早養！…Read More

好耐冇食吉嘢家，今次就買外賣返去食叫左個牛肉雞肉雙拼飯。牛肉好似好少，不過味道ok, 淡淡地，雞肉好似燒雞味，不過汁都比較少。我鍾意雞汁多過牛肉汁，味道會濃d，唔知係咪太耐冇食靖魚，有d似罐頭，冇咩特別，味道都係淡淡地…Read More

荃灣出名多美食，講到下午茶好去處就周圍都係但高CP值(又經濟又實惠)就會諗到連所店: 今日趁未返工前就去試咗吉野家最新出既下午茶之值 睇落其實都幾多款配搭今次就簡咗A6 (唐揚手羽配鰹魚昆布米粉) 配百事/7喜個類汽水都得我就簡咗百事，夾埋都係$21。米粉中等份量，無特別配料之中算幾好味~ 雞翼就比其他快餐店出色，總結成個餐算幾高質素，對得住佢價錢又唔失禮。…Read More

吃得太多次牛肉、煎雞飯，今次試試 醬煮豚肉飯～ 要求多汁，但店員說多汁要加錢，所以便放棄了。 豚肉飯上面有少許以以紅紫蘇葉醃製的青瓜片，賣相醒神！ 豚肉薄薄的一片片，跟牛肉飯的肥牛有點似，但較韌，雖然肉質沒有牛肉那麽嫰滑，但伴醬汁同吃味道也不錯。 豚肉飯的醬汁沒有煎雞飯那麼濃，亦沒有牛肉汁那麼香氣撲鼻。淡淡的，有小許甜，混合米飯同吃，蠻好吃。 最近吉野家都推鰻魚飯，有機會要試試！ …Read More

最愛既牛肉飯！有次叫個飯，忘記叫佢俾個牛肉汁，即刻成件事就唔同左喇！個牛肉汁係吉既精華，無佢唔好食，所以必叫，一定要！ 個飯係下午茶黎，但都超足料，飯不少，用上好味珍珠米，伴上肉汁，真係講到我囗水直流呀！ 牛肉份量亦唔少，係切到薄薄一片片咁既肥牛黎，好有牛肉味，食完真係令我大滿足呀！ …Read More

有一日，同fd行行下見到吉野家既廣告，關於火鍋新既湯底，又泡菜又芝士咁，好似幾好食咁，所以個晚就去左食。小弟係抱滿期待，結果叫左之後，覺得有少少伏，其實個青口幾好食，但個湯底比較淡，食唔到泡菜味，而個芝士係分開，就好似個芝麻醬，佢個介紹係當你落個公仔麵，個陣先加芝士落個鍋到，可能係自己問題，好鹽，味道麻麻。價錢同大家樂，大快活差唔多。…Read More

原本諗住去豐盛打邊爐，不過可能近年尾關係無左任食火鍋，咁就行落天橋底搵嘢食，見到吉野家有火鍋就試一試啦，牛肉飯就食得多，火鍋真係未食過!咁睇佢廣告板有個海鮮嘅火鍋，有隻大大嘅帆立貝，原來想叫嘅，不過佢話無嚟嗰餐，嚟緊日子都無，話會轉餐牌，咁唯有叫另一個芝士竹輪鍋，選左芝茄湯底，牛肉同烏冬，2個餐只係一百蚊多啲，真係好抵!等都唔駛等就已經有得食!牛肉都唔錯，配料有獅子卷，蟹柳，粟米，南瓜，湯底好夠味，烏冬已經煮好，一放落去就食得!價錢平，質素高嘅一餐…Read More

吉野家有binno又有飯食，岩曬所有人口味，於是開sem飯我地就去左吉野家。嗌左幾個binno 同蟹籽三文魚飯。 Binno無問題，正正常常，但係個蟹籽三文魚飯就太乾啦，撈勻來食好似凈系食乾白飯咁，一碗未食完一杯杯汽水已經飲曬。可能係我地臨佢收鋪先去所以D飯咁既樣，但係既然仲係營業時間之內，就應該要保持翻一樣既食物質素。…Read More

某星期日要到荃灣購物，原本打算去荳子午膳，但見到長長的人龍，在店外排隊輪候，要在烈日下暴曬，我倆實在不甘，唯有前往附近的吉野家，起碼不用等位，可以舒服地嘆著冷氣來食飯，點了以下兩個餐：一番巨井牛肉份量激多66%，薄切，肉質鮮嫩，肥瘦肉比例適中，伴以爽口洋蔥切條，飯香，夠熱，值得推介！炸蝦咖喱飯兩隻大炸蝦，炸得香脆可口，不太油膩，蝦肉味道新鮮；咖喱汁伴以薯仔粒及紅蘿蔔粒，送飯最佳！走冰一樣夠凍，消暑解渴！…Read More

呢晚同個朋友仔小聚，佢提議食吉野家打邊爐，諗起自己最愛既清湯邊爐，不禁欣然同意。　　原本可以兩個人Share一個鍋，再叫其他小食，不過朋友仔鍾意濃湯，我鍾意清湯，咁就只好分開叫，獨樂樂了。　　至愛清湯湯底，今次個爐夠猛火野食好快熟。個獅子狗內有芝士，大愛，蟹棒亦愛。其他配料不過不失，只是同清湯一齊食，吸哂湯底精華，份外好味。　　主食粉絲，大大碗good！以前最愛烏冬，有次朋友叫粉絲，比我試左小小後就立即愛上。粉絲同清湯更夾，熟左軟淋淋滑溜溜痴埋一齊，加埋個芝麻醬，簡直係極品！　　牛肉無特別，份量愈來愈少，不過這也是大勢所趨吧！　　另外叫左個關東煮，同以前唔同，分左葷食同素食。健康小小簡左素食吧！原來係熟左有埋湯的，以前的關東煮係要打邊爐食，吸下啲湯，依家就咁食也可。不過其實我叫關東煮的目的是想做邊爐配料，所以都係放入鍋滾下再食，似乎有點浪費了。　　一餐豐富又好味既打邊爐，只係需要六十幾蚊，真係抵玩過任飲任食好多！會有下次！:)…Read More

傻仔敏這個孕媽媽，最近一定要來一頓元氣早餐，吉野家成為了一個很好的用餐點。今早見到宣傳牌，決定來一客海苔芝士牛肉飯。賣相不吸引，因為白雪雪的一堆芝士碎，看來沒什麼生氣和味道吧。誰不知用筷子拌勻，飯的熱力把芝士融化，芝士沾上飯粒上，一口...芝士味很重很香，飯粒混合了芝士味，讚，再加上香濃牛肉和肉汁，兩者互相輝映，迷上了...價錢平，質素高，真是芝士控必選的早餐啊。…Read More