Ca-Tu-Ya

在京瑞廣場一期的吉豚屋吉列豬扒專門店，我們開始了一場豐富的美食之旅。首先是吉列豬扒便當（$75）。這款豬扒炸得酥脆，每一口都是一種享受。粒粒飽滿的珍珠米，口感相當好。醃製過的蘿蔔伴菜提供了一種清新的口感，解膩之餘，更增添了幾分滋味。湯品豐富，使整個便當更加完整。醬汁方面，我選擇了芝麻醬。芝麻醬的清新香味，與炸豬扒的豐富口感形成了完美的對比，為本已美味的豬扒更添一分魅力。店內的環境寬敞，但在繁忙的時間可能需要拼桌。但是，這並不影響這裡的美食體驗。在這裡，你可以品嚐到最正宗的吉列豬扒，感受到獨特的日式風味。在吉豚屋吉列豬扒專門店，每一份豬扒、每一碗湯，都是對你的味覺的挑戰。在這裡，你不只是在吃飯，更是在享受生活。…查看更多

今日咁岩係石門做完野，經過京瑞廣場，見到 間舖頭又有少少肚餓，就入左去食個下午茶。入到去d位都好多，可能時間關係，自己揀個位座。其實想食鰻魚飯，但既然入得嚟梗係要食下吉列豬扒飯， 就叫咗個吉列豬扒定食加杯烏梅汁。整體上都ok個吉列豬扒都係外脆內軟。 除咗個吉列豬扒有埋椰菜絲添， 吉列豬扒一定要點個豬扒汁！ 而椰菜絲都要加返芝麻醬先好食！咁既價錢就唔會要求太多，野食，湯同野飲都對得起呢個價。 如果冇加一會更好。服務員都好 ，有問會答。有下次～…查看更多

吉列豬扒大家應該都好少係屋企整黎食, 所以出街食炸豬排係最好選擇, 呢間係我嘅吉烈豬扒飯堂! 吉列炸蝦豬柳定食🍤🍱豬柳肉質好鬆軟唔會好鞋, 而且豬扒一啲郁唔薄, 外皮炸得脆但又唔係硬脆果種, 炸皮薄身, 食完唔會覺得好油膩, 加上側邊有啲椰菜絲係度, 配埋芝麻醬食更清爽🫶🏻隨餐仲有湯雞扒牛肉壽喜燒🥘跟餐配湯同飯, 份量好多, 雞扒炸得好香, 無雪味, 煮返落個壽喜燒汁度入晒味😋個壽喜燒仲有隻半熟蛋, 用黎撈飯一流🍚個白飯係用珍珠米, 好彈牙! 仲有個湯一啲都唔hea, 有肉片+菜+蒟蒻🫕…查看更多

想食碗大滿足既吉列豬扒飯，嚟吉豚屋就一定冇錯，豬扒夠厚，肉嫩鬆軟，微微肉汁，加埋帶甜既丼汁！！！好正呀點解個標題係「竹」既滑蛋豬扒飯最抵食呢！？我影出嚟果碗係「松」最大碗既$89，有兩塊80g豬扒（要好大食先食得晒）！！！滑蛋豬扒飯：豬扒分三個份量梅：一塊80g - $52竹：一塊半120g - $65松：兩塊80g - $89列明份量同價錢，就會睇到竹果份只係貴梅$13就有多40g係最抵食喇！吉列蝦$10/隻，係排隊等位既時候睇到炸蝦專員即整！梗係要幫襯下啦，炸得幾鬆脆，好食又抵食如果唔揀定食呢，可以加個set B：大碗雜菜豚肉麵豉湯連$17飲品（多左照補差價），可能落好多紅白蘿蔔片同豚肉片，所以碗湯又濃又甜，好飲又超值！望到好多OL點吉豬定食都食唔哂，因為份量都唔少；題外話，京瑞廣場食肆算好多，但午市時間極之多人，如果避到午市1230-1330會比較舒服同唔洗等位…查看更多

超級大份!!!珍珠米配咖哩飯, 絕配.如果咖哩有辣度選擇的話, 就更好.但吉列蝦的炸粉太多  飲品半價, 記得一定一定要少甜!!!__________________…查看更多

依間係連鎖店，專賣吉列豬扒，同埋其他吉列野。- 吉列炸蝦豬扒豬扒同飯分開上，加埋椰菜絲，比一齊上要貴少少。不過個炸皮就一定唔會淋咗。吉列豬扒真係整得幾有水準，炸到鬆脆，肉質唔會話好鞋。炸蝦都正常，炸到鬆脆，冇乜特別。伴碟既椰菜絲，可以淋上麻醬，中和返炸豬扒嘅油膩感。- 野菜豚肉湯材料夠多，飲落夠鮮甜，值得要黎跟餐。以日式吉列餐廳黎比較，佢水準唔錯，而且連鎖店既價格合理，想食炸野可以試下。…查看更多

原本計劃到石門吃串串，意外發現結業了...於是來到旁邊的吉列豬扒專門店，主打平價快餐食物，有點像吉野家，但不需要自行取餐所以有加一服務費，上餐速度十分快；原來這間餐廳大有來頭，全球超過400間分店，單單香港已經有6間分佈在九龍港島  ᐅ  吉列豬扒+吉列雞扒定食 $83 吉列豬扒確實有水準，外層酥脆少油，內層肉質鬆軟有彈性；雞扒十分厚，甚至比豬扒還厚🤣餐廳不會為客人淋上醬汁，每張台設有豬扒醬及芝麻醬，可以自由選擇；豬扒醬汁夠黏稠，可以沾在豬扒上，亦有助解除油膩感，不要忘記為舖底的椰菜淋上芝麻醬！ ᐅ  野菜豚肉湯+巨峰玉露 +$13 終於吃日料不是喝味噌湯了 (雖然湯有使用味噌)😆湯較濃稠，有少許豚肉的豐腴甘香味，值得一試；對巨峰玉露的平價是：超甜 ᐅ  吉列炸蝦豬柳泡菜湯烏東鍋 $79 吉列豬柳較瘦及薄身，再選擇一次我會點吉列豬扒~炸蝦的外皮稍微厚身，泡菜湯濃郁，烏東有勁道，整體偏濃味 ᐅ  話梅熱桔梗咸檸特飲 +$12 | 正常發揮…查看更多

平日下午3點，無咩人。不過星期六日會勁多人，要等位既。3點已有下午茶餐，不過我無叫。叫左雞扒牛肉壽喜燒，配湯同飯。$69 加一份量好多，個湯一啲都唔hea, 有肉片，菜， 蒟蒻。 個白飯係用珍珠米，好咬口！個壽喜燒仲有隻半熟蛋，用黎撈飯，一流呢。雞扒炸得好脆，同埋肉係嫩既，個牛就唔洗太大期待啦。我無叫飲品，侍應主動比左杯水我。 座得舒服，但有啲位置冷氣風比較大…查看更多

在餐廳點了吉列雞扒牛肉壽喜燒餐圖中吉列雞扒下方會浸泡在汁上，上方應能保持招牌脆皮，客人應可同時享受到吉列雞扒的脆皮，亦可以試到壽喜燒牛肉。但出來的結果是把整塊雞扒都淋上壽喜燒汁。（廚師應把壽喜燒汁淋在牛肉上，但反而把壽喜燒汁從上方直接淋在雞扒上，烹調手法有極大問題（令到整塊雞扒都是又濕又軟的粉漿，難食程度嚇人。訊問職員，職員說這是日本標準，但不管餐牌上還是其他餐廳的食評都是有保持到脆皮的出品。職員服務態度差，強辭奪理，成品缺乏監管。廚師缺乏經驗，不能如圖出品。又淋又濕的雞扒別人食評中仍可保持脆皮的雞扒…查看更多

吉列豬扒唔會係屋企整嚟食，因為用得太多油去炸，所以出街食炸豬排係最好選擇。叫咗個吉列豬扒定食69蚊，肉質好鬆軟唔會好鞋，而且豬扒都有一定厚度，外皮炸得脆唔係硬脆果種，炸皮唔會好厚，食完唔會覺得好油膩。…查看更多

環境簡簡單單，乾淨企理，套餐相當經濟抵食。點自家製豬扒醬汁比其他吉列豬扒專門店酸味重一點，炸物的確出色，豬扒同雞扒大大件，十分飽肚，就算係煎炸食物都脆口不油膩。…查看更多

以前真係成日食吉豚屋 覺得佢平得嚟食物質素又唔錯🤣但今次再食就感覺佢地嘅豬扒飯無以前咁好食🥺滑蛋豬扒飯 ($49)今次再食覺得炸得一般 滑蛋唔算滑 豬扒唔算酥脆 唔知係咪因為啲蛋浸淋咗 炸粉略嫌有啲厚 下次可能嗌定食會好啲😢我仲加咗$8炸蝦🍤覺得真係好抵 必加🥺隻炸蝦雖然係另加 但店員會問你係咪連埋飯一齊上 咁就唔會凍晒🤤上菜個一下真係feel到隻蝦係啱啱炸起熱辣辣 而且真係非常酥脆!!! 蝦亦唔會炸得過熟 係我最近食過最好食嘅炸蝦!!🤤推薦指數：🌟🌟🌟【𝐏𝐫𝐢𝐜𝐞: 3.5/5 𝐅𝐨𝐨𝐝: 2.5/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ …查看更多

石門嘅吉豚屋，永遠都係排曬長龍，今日就算十二點就出發嚟，都要排隊幾乎次次嚟都係食呢個泡菜湯烏冬配炸蝦同炸豬排。分量超大次次都食唔曬可惜今次嘅炸物炸粉好厚，食落去粉多過肉….同埋最唔鍾意就係呢度得沙律醬，無mayonnaise:(…查看更多

加一服務費，但是無服務可言！入到去又叫人隨便坐，坐好了又要人去其他位置，位置不足理解啊，那你又叫人隨便坐？！一句唔好意思都沒聲！之後飯來啦，更加好笑！直接就把個飯丟在我對面，要我自己拉返過來食，拿個飯來正面樣都無！直接就丟我對面！立刻轉頭走人，你比我那個係炸彈啊？明明其他人，2個人，4個人那些就好聲好貌地問這個餐是不是你的，還要小心翼翼地幫人轉返個正面比人！點啊？？歧視一人食啊！到食物啦，炸豬扒！完全唔催！！OK，因為個滑蛋放上去，那你炸到柴到咁都低唔脆喔！你話好食我都沒那麼生氣啊！劣食！服務又無！…查看更多

Hello 大家好👋🏻！今日我嚟到位於沙田石門嘅「吉豚屋」吉列豬扒專門店。今次同大家分享一下我嘅午餐經歷。 佢哋除咗有炸豬扒之外，仲有炸雞、炸蝦、 鰻魚飯等…今日點咗「炸蝦豬柳泡菜鍋定食」。單價@ $75泡菜湯味道ok, 略為偏咸， 豆腐夠滑，仲加咗隻蛋，送飯食不過不失。炸蝦炸豬柳跟椰菜絲。炸豬柳件頭好細😅， 基本上食一啖可以K.O晒成件😅。豬柳炸後偏乾，大致上… 係無豬柳嘅味道，得油炸味😞。炸蝦炸後仍然食到蝦嘅質感， 但… 都係無蝦味，得油炸味😞。佢哋有兩款醬汁任意添加。豬扒醬好重喼汁味，類似喼汁溝燒汁，因個人口味加減。芝麻醬偏甜， 相反加落椰菜上食會好啲。最後講下最先上嘅餐飲， 我點咗「巨蜂玉露」， 唔知因為今日係公眾假期還是新年檔期抑或中午飲品無跟餐價， 服務員只係講收正價並無交代清楚。 反正食煎炸嘢配凍飲好緊要，正價無問題啦。 但杯飲品係失望之作， 無論賣相還是味道😭，好甜… 死甜味。比日本超市賣果隻巨峰乳酪飲品更甜，佢哋加咗藍莓爆珠同椰果亦挽救唔到杯飲品… 我望住杯嘢飲.. . 好後悔！ 食完過隔離買台式嘢飲或者7仔買汽水飲好過😞飲品單價@ $22美食指數：5🌝最高味道：🌝🌝🌚🌚🌚環境：🌝🌝🌝🌚🌚服務：🌝🌝🌝🌚🌚賣相：🌝🌝🌜🌚🌚…查看更多