Ca-Tu-Ya (Closed)

之前都經過左幾次，但係今次係第一次食。叫咗吉列豬扒雞蛋定食，朋友就叫咗吉列蝦吉列豬柳定食。話咁快就有得食啦，由落單到見到嘢食前後應該唔使5分鐘啊，真係有效率。咦，有驚喜喎。味道掌握得好好，而且有一大碗湯送，入邊仲有好多紅蘿蔔、白蘿蔔同埋豬肉片添。試一試朋友嘅吉列豬柳，加埋吉列醬汁，酸酸地好開胃，吉列豬柳皮非常酥脆，而吉列炸蝦呢就稍嫌個皮太厚同埋太粉。總括來講，真係非常推介，一定會再嚟食多次。因為實在太抵食，啲味道都真係有返咁上下水準。最鍾意嘅係依度真係好有日式家庭餐廳嘅感覺，唔講仲以為去咗日本呀。…Read More

Lunch time行到黎寶勒巷想搵間餐廳坐低食飯，咁啱望到入面有位，都唔想再諗食咩好，決定幫襯吉豚屋啦一坐低就發覺有一陣餿餿地嘅味......原來係本menu發出黎....隻手揭完之後都有個陣味....我諗餐廳應該留意下衛生問題叫咗吉列雞扒拼炸蝦套餐，叫呢個餐係因為佢連埋特製他他醬，皆因我食炸嘢最鐘意配他他醬套餐份量都算大，吉列雞扒切開都有5-6件，炸蝦就有兩大隻。他他醬落得好重手，其他人可能會覺得太多，但對我黎講係啱啱好跟餐嘅野菜豚肉湯好好飲，幫襯吉豚屋嘅原因之一都係因為鐘意佢個湯個湯清清地不失麵豉味，湯料好豐富，有幾片豚肉同蘿蔔，煲到好淋好入味，我真心覺得佢個湯係好食過佢啲炸物吉列雞扒係連皮炸個種，幸好雞皮唔算厚，係薄身的。雞扒無肥膏連住，食落肉質鬆軟，配合他他醬可以解膩。炸蝦就外層炸粉厚咗少少，蝦身肉唔多。另外希望餐廳留意返，除咗本menu衛生外，枱櫈、筷子同埋放係枱上嘅醬汁樽都有點污糟，餐廳冷氣亦都有點不足，希望能夠改善問題。…Read More

1) 鰻魚蛋飯好腥好難食，主要係個豉油好腥，連埋啲蛋都好腥好難食, 食食吓又食到一啲鹽，totally very bad2）白飯係珍珠米OK，冇咩特別, 冇話好唔好食3). 豚肉湯幾好飲，真係有幾塊豚肉入邊4）前前後後左左右右都係大6人🤬…Read More

CaTuYa 吉列豬扒定食 雖然不是甚麼人氣熱店，個人倒喜歡吉豚屋的食品，話晒都係來自日本的連鎖集團，雖然沒牛丼專門店那麼大規模，全球都有數百間的分店，正值想吃些香口嘢，所以久唔久都會去一次吉列豬扒真係好脆，又大件又脆口咬落去卡嚓一聲，用呢個價錢食到咁好味嘅吉列豬扒真係叫做大件夾抵食，唔單只是豬扒就係個切碎咗啲蔬菜都係咁清新好食，陪襯個軟綿綿嘅白飯，超級正野菜豚肉湯，味道又香又濃又好味，咁好味嘅湯真係好多老火湯都比唔上， 絕對係非飲不可。…Read More

我竟然而家先發現呢間咁好味既豬扒店！🐷🐷同朋友行尖沙咀 唔知食乜嘢好 佢問我想唔想食豬扒飯 就帶咗我去呢一間野～一入間鋪頭已經覺得好有日本嘅味道而且價錢都唔算話好貴 晚餐來講都接受到嘢食嚟到之後 份量都幾多 見到豬扒亦都係新鮮即炸~🤤外層脆卜卜 d肉亦都好紮實 唔會林啤啤反而我最驚喜嘅係 平時食呢啲日本飯半送嘅椰菜 不嬲都係敬而遠之 但朋友幫我淋左啲沙律汁 同我講呢到既椰菜比其他餐廳好食好多🧐🧐食落口真係好新鮮爽脆 最緊要係個汁甜甜酸酸真係幫左好多👻最後我同朋友都係食到一乾二淨先離開～雖然間鋪頭有啲似快餐店嘅格局 但係亦都唔會催人走可以食得好安心下次嚟尖沙咀一定會再嚟食🥳🥳…Read More

這晚要去尖沙咀上查經班，上堂前當然要先食餐好。今次食的是滑蛋吉列豬扒鰻魚丼 $89以快手食個晚飯而言，價錢是我預算略貴，但還是值得的份量十足，香氣撲鼻，而且香氣是混雜蛋、豬扒和鰻魚的，三者誰也沒搶了對方風頭，又恰到好處，真正的三重享受豬扒外脆內軟，鰻魚也很有魚香，蛋就如同兩者的潤滑劑，使味道融和此店都相當有名氣，甚至去到和朋友一想食吉列豬扒飯就想來的地步。除了這店宣傳、門面等出色外，食物也實在是保持到質素。作為連鎖店而言，要維持質素穩定實在不容易，但這店也能克服，實在值得一讚。…Read More

我話你哋知，真係好抵食 🤣🤣 仲好好食 😋😋$59 滑蛋吉列豬扒飯 🐖$59 野菜豚肉湯套餐! 🐖有2大塊豬柳 + 🐓2大件唐揚炸雞 + 🍜超大碗豚肉湯 + 🥦大量椰菜 + 🍹飲品! 係咪抵先 😋🍤炸物炸得香脆，炸粉薄，🐖 豬柳軟滑，一口咬落滿滿肉汁 😋 明顯係醃過處理過，唔韌唔鞋! ..雞球超大件 🐓 醃得好入味，唔肥唔會一口油，好香脆，食完唔口渴 😁 ..🍜豚肉湯超大一碗，好多野菜，好鮮味，其實飲完已經有少少飽 🤣🤣..🍹飲品好多選擇，有乳酸仲有炭燒咖啡同埋好多唔同款嘅特飲☕.🍚 係用珍珠米，軟軟綿綿，有米香有咬口! .加 $5 仲有有吉列大蝦 🍤…Read More

呢到嘅吉列豬扒丼係好平。份量亦唔算少。$49蚊可以食到日式吉列豬扒丼。但飯有一大半碗係爛嘅。豬扒有啲梅梅地又淋哂咁。之前喺九龍灣分店食過。水準唔太差。黎到尖沙咀呢間分店。可以講話唔合格。…Read More

今晚又試新野，吉列豬扒飯大大碗看個樣好吸引，一咬落去，外皮酥脆，內裹完全食緊豬肉糊，食唔到一絲絲豬肉口感好似食緊肥肉，不太喜歡這口感，蛋又唔夠香，米飯都量多這個野菜豚肉湯超大碗，簡直用一鍋來形容抵食60元內可以大大份巨峰乳酸特飲和柑桔檸檬特飲清涼可口下之可以試鰻魚有燒鍋，好想食這間分店人流幾密，走完一檯又來一檯…Read More

吉列豬拼吉列蝦咖喱飯定食 $75 (包麵豉湯) ! 🐷豬及蝦 🍤 外層鬆脆, 炸漿包裹剛剛好! 咬落仍有肉汁.👍 咖喱唔似一般日式咖喱咁甜, 微微辣!包炸漿炸既蝦, 大大隻, 咬落啖啖爽口蝦肉, 無雪味之餘仲食到鮮味! 豬扒鬆軟, 無用鬆肉粉, 有肉味, 咬落有肉汁, 唔會死實實, 炸得乾身, 剛剛好! 🐖🍚 珍珠米白飯! 軟熟配咖哩唔會太濕, 食左大半碟😂😂😂 🌱配有大量椰菜, 又甜又爽脆! .朋友食新出品, 有牛油果嘅, 我偷食左少少! 好味! 下次試真 d …Read More

雖然大家印象中尖沙咀係好多野食，但每一次到晚飯時間，我就行左成大半個鐘都搵唔到野食。今次都唔例外，又行左半粒鐘，行到突然見到吉豚家，心諗經過左無數次都唔知點解冇入去食，今次終於覺得要去試下。入到去，地方幾日本快餐feel。見到餐牌，價格唔算貴，但見到有個推介套餐太吸引啦。吉列咖哩雞扒飯+吉列炸蝦2隻+野菜豚肉湯+飲品都係$62 咋。會唔會太抵?可能好細份。點知個餐黎到，我心入面嘩左出黎。好大份好大份!即炸嘅炸物炸得好好食，咖哩都好食，汽水係罐裝👍個湯都好好飲呀。一向大食嘅我，都係勉強食得哂。好滿足呀!下次要再黎食炸豬扒!…Read More

又到午飯時間，又唔想貴又想食日式野，所以決定急步去吉䐁屋，吉列豬排專門店。見到廣告話日本no.1 ，全球擁有超過400間店。應該唔會差吧！係門口稍等一下，便有侍應帶我入座。既然講係吉列豬排專門店，當然就試一試佢吉豬拼吉蝦定食（$75），餐牌上說這定食跟一碗白飯及一碗野菜豚肉湯。決定食佢。落餐等一會，竟然有侍應叫我再轉枱同時併枱。好難相信這間是日本餐廳，我想我應該去左FoodCourt吧？轉位再等五分鐘左右。送上定食、湯發白飯，飯應該用珍珠米。湯有豬肉片、大蔥、少量紅蘿蔔🥕及白蘿蔔，湯是麵豉湯，唔咸。主菜有吉列豬排拼兩隻吉列蝦伴椰菜，加沙律醬。見到有椰菜當然搵枱面上有什麼醬料。竟然只有豬排醬同芝麻醬，沒有最愛的柚子汁，失望。豬排及蝦不過不失，沒有雪藏味。炸醬亦不是太厚，肉質不是梅，可以接受，不過當拎起個杯飲水，磨沙杯加水喉水。其實不是磨沙，應該係年代久遠吧。咁既價錢又唔算太貴，同自己講食日式料理，收貨啦。結賬 $75加一，共$83.…Read More

當日大概2點左右嚟到吉豚屋食午餐，人流唔算好多。所以一去到就有位啦。今次點咗吉列蝦、吉列雞扒定食，如果唔想要飯+湯，可以免費轉做烏冬。跟餐無嘢飲，會附上一杯水。如果想叫嘢飲可以優惠頷$5~$8左右嗌嘢飲。我當日無加飲品。我係揀飯所以再配一個湯。湯好足料，唔似出面又咸又唔好飲嘅味精湯，湯料有紅蘿蔔、白蘿蔔、豬肉、洋蔥。吉列蝦嘅蝦好新鮮好鮮嫩，仲配上好多椰菜。吉列雞扒雞肉都嫩，不過無乜點落調味料，所以唔咸。外層嘅吉列超脆，脆卜卜呀!…Read More

This is the biggest deep fired pork chop shop in Japan, with few hundreds chain shop. I ordered the pork chop with egg, the pork chop still crispy, egg tasted good and cooking time was good, not old and smoothly. Miso soup was with pork, normally it was with shell or fish.. miso with pork was delicious, it was thicker texture. …Read More

是日外賣一個吉豚屋，選了三種炸物餐。內容有炸豬柳、炸蝦及炸豬肉薯餅。每件炸物都大大件！就算外賣未有即時進食都keep到脆度。炸蝦最為好食，蝦又大隻又彈牙！吉豚屋脆漿出色，所以炸物都炸得非常鬆脆！什有日本人的水準，連鎖店質素來說其實好不錯豬柳則有d嚡口，可能部位不太討好，相信豬排會好食好多。除選擇飯都可以加錢轉烏冬。烏冬尚算彈牙，配炸物反而減低油膩感跟餐可選巨峰乳酸飲品，酸酸甜甜味道唔錯！…Read More