Gatten Sushi

今次特登揀咗週末下晝3點，果然唔洗點等位，15 分鐘左右入得~ nice~ 呢度啲壽司師傅好忙，一路即場手作壽司一路仲要叫賣，不過對於我呢的腦波弱嘅人好有效，聽到佢哋嘅是日推介即刻整返碟油甘魚同埋縞鰺（深海池魚）~油甘魚個樣頹頹哋但好有水準，油香十足~（反而縞鰺有啲失望）喺迴轉帶上面見到小肌，亮晶晶幾誘人~醋醃完嘅口味清爽~不過都係肥美嘅鰻魚更加得我心，下次可以挑戰厚條穴子~牡丹蝦唔錯，甜美而且口感細綿。柚香漬甜蝦反而比柚香漬搶曬甜蝦應該有嘅味道，食咗個寂寞磯邊炸竹輪好食！竹輪裹上加入海苔嘅麵衣用油炸起，香酥彈牙充滿海苔味~大人細路都鍾意炸京葱絲魷魚，魷魚滑溜加埋炸京葱絲偏重口味，醬汁有少少搶味但不失有趣嘅組合~ 期望最高嘅本鮪大拖羅有啲失望，雖然夠肥美但個筋真係粗線條到咬唔斷，食得狼狽又失儀。反而唔夠長鰭吞拿魚吸引另外個炙燒鰈魚裙邊好似欠點火候，迫唔到啲魚油香出嚟，食落油膩感比夠重，同埋無咗入口即溶嘅快感湯霜真鯛，首先淋上熱水軟化魚皮，再迅速放入冷水中魚皮緊緻~口感幾特別，但試完覺得還好啦，無乜翻兜嘅慾望...整體幾鍾意佢哋個壽司飯，唔會一舊飯又唔散~即場手作係特別加分嘅~ 有幾樣嘅魚都比手撕狼更加出色，不同同時間個價錢都貴30-40% 左右，所以叫起上嚟無咁隨心所欲（係窮呀...）…Read More

餐廳開咗一段時間，但係每次經過都大排長龍🥲，人龍長到可以直接放棄😮‍💨，完全無機會試。今次喺啲奇怪時間經過，一於去碰下運氣，拎籌之後，發現自己排第五，好似有啲機喎😯😯中間叫咗幾咗幾張都無人，兩、三分鐘後，下一張枱已經係我😍。以為有奇蹟之際，有幾張過號返嚟，一下子fill哂啲吉枱🥲好在等多15分鐘左右就可以入座，分配咗一張四人卡位枱俾我😯😯，我以為我哩啲一人客只會安排吧枱位，有啲surprise 😯同一般壽司店無異，用平板落單。迴轉帶上面都有少量壽司🍣，不過睇落就麻麻哋新鮮😬某幾款壽司可以揀飯量，而全部壽司都可以揀唔要wasabi，落單之前喺自選配料頁面揀好哂，就可以送出訂單🍣蔥花吞拿魚拖羅蓉 ($35)炙燒鰻魚 ($30)三文魚拖羅 ($30)鰈魚鰭邊 ($24)池魚 ($35)蔥鹽炙燒三文魚 ($30)魚生好新鮮，全部厚切，就算係鰻魚都好厚身。壽司飯調味岩岩好，醋份量適中👍🏻，食完唔會覺得口渴。總結都係三文魚最好食🐟，食到滿滿油脂，好滿足😋因為之後仲要去做運動，所以無食到好飽。今次只係叫咗6款，加埋一之後都成$200，但一啲都唔飽🙈比較適合下午茶輕食🥢…Read More

聽聞這間新的壽司店雖然比壽司郎貴，但係食物水準較高，在香港我很樂意付出多一點吃高質素的壽司，所以專程去試一試。我大約七點去到當時需要等40張枱，看情況可能要九點多才可以入座，但由於很多人中間放棄等候，所以我大概8:30已排到我的號碼，但他們的系統真的好有問題，因為離座的人都是二人，我拿着一個人的票雖然號碼到了，但他們也讓其他二人等候的先進入，我的號碼已經超過十多個了也不叫我，這樣的話如果他們不拆枱我便整晚無法進食，這個非常不公平。最後等到所二人都入座了，她才叫我一人！未吃已經不高興了！壽司水準比我預期差很遠，食物不見得比壽司郎高質或大件，絕對平平無奇，焗帶子雖然味道不錯，但帶子肉細得出奇，性價比我覺得壽司郎更加抵食！相信不會再回來了！…Read More

啱啱頭輪午飯時間滿座。店員一早見我一個人攞飛排頭位，等咗三四個字終於有人騰張枱出嚟。到嗌我number嗰時同我講一個人只能夠坐吧檯一定要畀後面嗰幾位入先。你係有咁嘅政策，見我一個人企喺度一早就同我講慳我時間唔使等啦。仲同我講一大輪公司政策係咁，唔知公司政策有冇叫佢哋一定唔好同個客講要個客白等？佢叫後面嗰兩位入去嗰陣時，我好詑異咁問佢：「嚇？咁即係遲嚟唔使等就有得入。咁你見我喺度等咁耐做乜唔同我講。」店員連一句唔好意思都唔識講，只係畀塊poker face你。上次剛開幕無耐，已經食過一次。點乜都話賣曬，味道亦唔見得有幾出色，性價比同五分鐘路程內嘅壽司郎完全冇得畀。加埋咁嘅垃圾服務，真係永久blacklist.…Read More

好多人要等成個鐘，入到去坐低好似壽司郎咁用Tablet落單。好貼心，會提你有邊啲壽司唔使落豉油。嘢食5分鐘內到晒，食完先記得影相，影住幾張俾大家參考。質素好好味道好好。 飯量同埋魚嘅質素，都比壽司郎好，價錢稍稍貴，最好係佢多咗魚嘅種類，有平目、真鯛、石斑，可以試新味道。赤貝、蝦都好新鮮，味道濃郁，可惜係白子賣晒。正常壽司舖咁冇乜熱食，都係茶碗蒸、烏冬同湯，整體覺得好正，算係方便得來貴少少，質素又幾好嘅壽司舖。…Read More

第一次食合點壽司，感覺良好。飯團都係壽司師傅手握，所以都好實淨，唔會一夾就散。壽司上面嘅魚都頗厚切，所以佢個價錢比壽司郎貴少少，但合理。魚肉都比壽司郎更有味。呢度款式同魚類嘅選擇亦比壽司郎多，新開張人龍比較長，遲啲人少啲會再食。…Read More

食評大多用壽司郎跟這間壽司店比較，並不公平，因為這間壽司店較好吃的壽司，都不會在壽司郎找到1. 鮑魚刺身，$60，無乜特別2. 北寄貝，$55，能在香港以這個價錢吃到生北寄貝物超所值，爽，甜，雖然跟日本迴轉壽司morimori，廻転鮨等仍有一大段距離3. 湯霜真鯛，$35，絕對是必點之選，平平無奇的外表，湯霜令魚皮Q彈細緻，加上魚的鮮甜，非常好4. 石狗公，$45，冇乜味，亦冇乜特別，下次不會再點5. 伊佐木魚，$40，厚切，咬口魚味豐富，好食好滿足另外，還有點甜蝦，$30，幾大隻，鮮甜，上次有點過的金目鯛也很好吃。總結如果只是想食三文魚，吞拿魚，赤蝦等等，還是去壽司郎吧，但想吃比較矜貴，多款的鮮魚壽司，絕對值得一試…Read More

假日行過非常多人。今日收工食等得唔耐。可能一心諗住好味。但。真的一般。其中有2件有起膠好似唔新鮮仲緊要食完比我睇到唔衛生。唔知文化係味甘。啲魚生一盒重疊一齊。個員工又左拎右拎再左疊又疊交叉感染風險問員工如何反映意見，只叫我掃code.我填左資料，然後我連電郵都不用留下。即只收意見。哈哈，搞笑哦食完我先留意到唔知好唔好彩。哈哈哈…Read More

平時Weekend經過見到好多人排隊，聽講好似要等個幾鐘。今日閒日下午時段到訪，入座率大概40%，員工服務態度不錯食物： 炸京蔥絲魷魚 （$18）魷魚冇鮮味，不過都有少少膠。配合沙拉醬，味道比較有層次，正常水平牛油果三文魚 （$30）食唔到牛油果味，但三文魚很讚，鮮甜肥美，平均以上水平炙燒長鰭吞拿魚拖羅（$35）肉質難咬，冇魚味，即便加上檸檬調味，仍然好難食，亦冇一星半點炙燒嘅香味，差評鹽醋鯖魚拖羅捧壽司 （$24）全場最佳，做法同壽司郎鯖魚押壽司類似，不過呢個好食好多： 鯖魚入味，唔腥，易咬，味道同飯糰融合得好好，同酸姜亦夾，好抵食！軍艦 （唔記得咩魚）（$18）正常水平，略鹹炸竹輪 （$24）垃圾，雖然好大碟有幾條，但乾而無味，蘸上醬汁如是。唔建議！蟹肉茶碗蒸 （$35）店內人氣商品，蟹肉分量多，用料足，蛋嫩滑冇怪味，微溫食落肚好舒服，推薦！性價比OK總而言之，呢間壽司店唔係樣樣都好食，性價比一般。雖然服務態度良好，但我認為係可以一試但未必會長期光顧。…Read More

2024年8月日本平價迴轉壽司店Gatten Sushi合點壽司進駐香港開分店，選址太古康怡康場。Gatten Sushi為日本人氣壽司品牌，於韓國、台灣、內地等均設分店，更是全日本最受歡迎迴轉壽司之一。主打市場直送食材，更會定期舉辦魚獲解體秀，營造出猶如置身日本魚市場的熱鬧氣氛！食後感🐟魚新鮮好食，多選擇飯粒調味好店內氣氛超級超級好，令到客人感到被受歡迎（感覺超良好）席前做壽司+迴轉壽司 係香港好小見見到有日本人落場管理，亦都有日本人師傅握壽司喜歡佢個裝修，攞迴轉壽司個位置不是太高令人有慾望去攞迴轉壽司這個價錢相比起其他差不多同類型的壽司店，這個是香港首選。會再返嚟食🤤@gatten_sushi.hk#sushi#壽司#迴轉壽司#合點…Read More

我本來不想寫這個食評，但為了讓合點進步，就寫這一個吧。合點壽司我最早在上海K11疫情前幾年就品嚐過，厚切魚片加優質的服務，價格定位合理，真的打倒當時上海一般的壽司店。後來K11的店搬去徐家匯美羅城後，也是門庭若市。前些日子聽說Aeon店開幕，就和老婆過來懷舊一下。也許我已經被壽司郎洗腦了，不單價格是壽司郎的一倍以上外，生魚片味道不夠鮮濃、切工也沒有前者的厚和專業。雖然說壽司裡面已經加有wasabi，以我這種男人基本上我是感覺不出來的。我們要額外叫wasabi ，15分鐘後送來的時候，我們已經吃了3-4碟了。我最不開心的是餐單上的酒定價特貴，以我的3到4小杯啤酒的量，這裡就要收差不多$150。…Read More

唔好次次都話我畀like喇今次畀一畀啦。見佢個團隊都轉咗一水，之前畀串同事：「唔好樣樣都問我啦…」嗰個仔仔都仲係度(其實佢幾好睇)，但之前嗰堆古靈精怪都唔見人，希望唔好只係未返工…今次再叫咗個海膽軍艦，冇再包到咩黎咩稱但有啲潺…帆立貝正正常常但冇一種鮮甜味，鮮帆立貝處理得幾好唔會腥，其他嘢都無乜叫做好驚艷。可能因為我唔係夜晚幫襯，冇乜人，唔似得社交平台講嘅咁好氣氛，見到社交平台介紹佢哋好氣氛都希望佢哋可以保持到。要有後生嘅師傅幫手搞氣氛好困難。而家請人真係好難，有手有腳已經想請，請到個肯做肯學有腦有幹勁可以話mutually exclusive…希望呢間舖頭可以肯定員工能力之餘畀到遠景同路向佢地睇到。講經咩…係度打份工咋㗎咋……有遠景都係自己去追夢。畀著我去咁有心嘅壽司師傅，我做到咁上下跳去日本做學下仲好啦，日文又開返working visa，學完返嚟自己開舖做老細。但香港有咩益處呢？曾經我都想過開私房菜…但香港紙水太高，想要新鮮食材成本又太高…請人又難留人更難幾番思量之下最尾就放棄咗。只希望其他各位有心有力嘅人可以加油為自己夢想而努力……Read More

日本平價迴轉壽司 「Gatten Sushi」 第一間香港店終於開幕啦，選址太古康怡Aeon，一於約埋東區之友過去試下，一放工我就即刻跑去取飛，等左一個半鐘到可以入座七帶石斑魚吞拿魚旨味平目湯箱真鯛生帆立貝汁煮鮑魚蔥花拖羅海鮮腐皮船本鮪中拖羅炸京蔥絲炙燒三文魚炙燒鲽魚鰭邊柚香漬甜蝦魷魚鬚每件壽司既魚生片都大大片又新鮮，壽司入面都已經有芥末，所以你唔會見到有額外芥末呈上，大部份魚壽司都係$30兩件起跳，我覺得價錢合理，除左壽司郎，香港宜家又有多間平價迴轉壽司選擇…Read More

越來越多日本迴轉壽司店落戶香港，先有壽司郎，後有はま壽司和鮮選壽司，前者巳搶佔平價壽司半壁江山了，而後兩者無以爲繼，はま壽司到現在開分店都衹聞樓梯響，而鮮選在一輪擴充後亦陸續結業剩下海之戀一間，現今香港經濟低迷，兩餸飯門庭若市，難得仲有日本公司還有雄心壯志進軍香港，實在勇氣可嘉。 正所謂新屎坑三日香，開張之日已經大排長龍，不過太古出名多日本人，喺呢度開店實冇輸嘅，係唔知夠唔夠比舖租啫，到步之日才發現，樓上嘅板長已執笠了，一鷄死一鷄嗚，且看呢度有乜特別先。 先講環境，遠看門面光鮮亮麗，比起日本店或台灣店的日本風格，多了一絲香港味道，少了一些日本味道，而食物方面，今日點了： 間八，味道清爽，帶點魚香，作爲第一碟印象Ok 赤貝：爽脆鮮甜，很難想像呢碟嘢55蚊，扺食得黎新鮮 昆布漬平目魚：好少有迴轉壽司店做呢啲功夫嘢，大概係將平目魚放企昆布上，將昆布的旨昧滲入魚中，通常係高級鮨店才會做，呢樣嘢值得加分，平目的清爽加上昆布的味道，隱約食出魚的旨味。 旨味平目魚：在比目魚上加上木魚花，比起剛才的昆布漬更濃魚味。 金目鯛：又係一款高級食材，到底我係咪食緊迴轉壽司架！味道平均，係一件可以食多幾件嘅壽司，用了湯霜皮造り的造法，將金目鯛的甜味引出來。 生北寄貝：味道鮮甜，比起赤貝冇咁爽，但佢嘅甜味比赤貝有過之而無不及。 醬油漬甜蝦：呢個叫我唔使點豉油，雖然賣成30蚊，但蝦身算大隻，豉油咸甜適中，又係一道旨味之選。 紋甲烏賊柚子：在紋甲魷魚上加了點鹽和柚子，將味蕾清新一番。 醋漬鯖魚箱押：在鯖魚上加上白板昆布，是一道很傳統的江戶前壽司，鯖魚醃漬得宜，沒有過度醃漬，加上昆布調和，食出東京灣魚販前的感覺。 特大熟蝦壽司：呢個純粹見佢寫特大想睇佢有幾大，味道唔錯，冇乜特別調理，和之前那幾道比了下去。 醬漬吞拿魚：又係一道江戶前壽司，醬油的醃漬將吞拿魚的魚味引發出來而又不會太咸是很難的，這裡處理得唔錯而呢道壽司更是本人的喜愛。 海膽：用的是日本馬糞海膽，但唔算特別出色，考慮到佢價錢45蚊就一定收貨啦，呢個雖然唔算最好，但冇臭味所以都欣賞佢嘅(本人很一討厭食臭或苦的海膽)，算係合格。仲有其他食物如：小肌，中吞拿魚腩，魚湯，炸竹輪烏冬，但呢度剩係可以出12張相所以出唔到。 小肌：呢個不過不失啦，喜歡食小肌嘅一試無妨。 中とろ：如果説吞拿魚最喜愛部位，我的答案一定係中とろ，就好似叉燒嘅半肥瘦咁，又有魚味又有魚嘅脂肪。 魚湯：魚味好濃，好似乜魚都喺曬裡面咁。總括黎講呢間係唔錯，從食物的制作可以看出師傅們的心機，聽講日本嗰邊會表演即場劏魚，唔知呢間會唔會呢？…Read More

開業初期手忙腳亂去形容忙到要樓面同店長要壽司吧幫手有位眼鏡娘1.當啲呑拿魚蓉同海膽係泥膠咁初黎初去2.軍艦都可以包到咩黎咩稱有相為證3.每事問問到同事都寸佢一句唔好樣樣嘢都問4.帶住手套摸完支咪就摸返啲食物無啲衞生5.吞拿魚蓉黐住手套就彈手指彈落枱彈落地6.包個腐皮壽司都手震震咁7.成枱面都係飛魚子同吞拿魚蓉但唔抹其他細微嘢係我要求高，呢度唔講。然後見到幕奇景。其實壽司部通道唔係好闊係真，佢地同事搬黎搬去啲壽司都要讓前讓後。咁有位體形較矯健嘅同事踎低拎嘢再起身，點知就撞到後面兩生拎三碟壽司嘅日本師父。點解要講明佢係日本人呢？因為對住日本人咁多年我好少見有日本人係工作期間咁大力又公然地反同事眼……然後日本師父同佢同事道歉。咁事實又真係佢無開口提踎係度嗰個師父嘅…一單還一單其實其他人嘅服務一啲都唔差。食物質素其實都唔錯，不過佢係迴轉壽司所以期望唔太高，但食材方面開業初期暫時嚟講都唔差。有待觀察。補多句，食物質素佢比另一間連鎖經營嘅過江龍迴轉壽司較好。如果係差唔多嘅價錢，畀貴少少我會揀呢間多啲。…Read More